Mr PsixologTv

2022-09-01 06:33:00 15 yoshida 6 ta tilni biluvchi va Qur’ondan dars beruvchi o'zbek qizi

Juda bekor qolib ketsangiz bir videoni ko'rib qo'ying.

@Mr_PsixologTv Ochish/sharhlash

2022-08-31 18:17:44 Bir kuni Muso Alayhissalom Allohdan soʻrabdi:
– Bir-biriga jonini ham beradigan erkak va ayolni yaratib, keyin ularning jonini olasan. Bunda qanday hikmat bor?

Yaratgan javob qilibdi:
– Ey Muso, yerga urugʻ qada, javobini oʻzing koʻrasan.
Muso paygʻambar Allohning amri bilan yerga urugʻ sepibdi...

@Mr_PsixologTv "Qashqirlar makoni" filmi Ochish/sharhlash

2022-08-31 15:20:59 Bir kattakon amaldor yigʻilishda.
— Mana, oʻrtoqlar, krizisni boshdan oʻtkazayapmiz, bu yil goʻsht mahsulotlarining narxi oshib ketish arafasida, shunga qanday chora koʻrasizlar?

Hamma jim tursa, bir otaxon turib:
— Endi koʻproq ishlashimizga toʻgʻri keladi. Kuniga 8 soat emas 12 soat ishlaymiz.
— Yashang, otaxon. Keyingi yil sut mahsulotlarining ham narxi oshib ketsa, nima qilasizlar?

Yana hamma jim, biroz vaqt oʻtib, oʻsha otaxon turib:
— Unda 12 soat emas 16 soat ishlaymiz.
— Baraka toping, otaxon. Hamma shu otaxondek fikr qilishi kerak. Aytaylik undan keyingi yil non mahsulotlarining ham narxi oshsa, unda nima chora koʻrasizlar?

Otaxon yana turib:
— Agar shunday boʻlsa, noiloj 24 soat ishlashga majburmiz...
— Baraka toping, ota. Kechirasiz, siz oʻzi nima ish qilasiz, otaxon?
— Goʻrkovman, bolam, goʻrkov...

FAQAT ENG YAQINLARGA ULASHING

@Mr_PsixologTv Ochish/sharhlash

2022-08-31 05:33:44 #Bola_tarbiyasi

Bolaga yoshligidan fikrini erkin ifodalash o'rgatib borilgani yaxshi. Afsuski, biz farzandlarimizni ko'pincha cheklab qo'yamiz, “Jim o'tir, gapirma!”, “Ovozing­ni o'chir, kim qo'yibdi senga gapirishni?!”,

“Kattalar oldida odobsizlik qilma!” kabi dashnomlar bilan bolaning og'ziga uramiz. Shu sabab unda gapirish istagi so'nadi, dilidagi fikrlar tashqariga chiqa olmay qoladi.

Biz tarbiyani shunday olib boraylikki, farzandimiz befoyda so'zlardan tilini tiysin, muomala odobiga amal qilsin, kerakli so'zni, ko'nglidagi gaplarni ochiq ifodalay olsin.

Zero, inson kamolotida nutq ravonligi juda muhim. Gapga no'noqlik ko'p hollarda pand berib qo'yadi.

"Dildagi gaplar" kitobidan


@Mr_PsixologTv Ochish/sharhlash

2022-08-30 13:29:33 #INSONNI_ANGLASH

RUHIYAT

• Agar kishi oddiy va ma’nosiz narsalarga ham kulaversa demak u chuqur yolg‘izlik tuyg‘usi ichida;
• Agar kishi ko‘p uxlayotgan bo‘lsa demak u tushkunlikda;
• Agar kishi qisqa va tez gapirayotgan bo‘lsa demak u nimanidir berkityapti;
• Agar kishi yig‘lay olmasa demak u kuchsizdir;
• Agar kishi noodatiy shaklda ovqat yeyayotgan bo‘lsa demak uning asabi taranglashgan;
• Agar kishi arzimas sabab bilan ham yig‘layversa demak uning qalbi pok va o‘ta yumshoq;
• Agar kishi bo‘lmag‘ur va arzimas narsalarga ham jahl qilaversa demak uning muhabbatga ehtiyoji bor.

| Abror Muxtor Aliy

FAQAT ENG YAQINLARGA ULASHING

@Mr_PsixologTv Ochish/sharhlash

2022-08-30 05:58:15 #Baxtiyor_Oila

Nikohlanish

Nikoh so'zi "qo'shilish","jamlanish","yaqinlashish",ma'nolarini anglatadi.

Shariatda esa: " Nikoh bahralanish egaligini hosil qiluvchi bog'lanishdir".

Shayx Muhammad Abu Zahra quyidagi ta'rifni ixtiyor qilgan:

"Nikoh erkak va ayol orasidagi yaqinlikni,ikkisining o'zaro hamkorligini ifoda qiluvchi hamda ikkisining huquq va majburiyatlarini chegaralovchi aqddir".

Nikohni shariatga kiritilish hikmatlari:

1.Nilohdagi shaxs va uning juft halolining haromdan saqlanishi.
2.Inson sulolasini inqirozga uchrab yo'q bo'lib ketishdan himoya qilish.
3.Nasl-u nasabning boqiy qolishi va muhofaza qilinishi.
4.Jamiyat qurishning asosi bo'lgan oila qurish.
5.Oila va jamiyat a'zolari orasida o'zaro aloqalarni o'rnatish va ularni rivojlantirish.

Yuqoridagi ma'lumotlarni bilib olsak zarar qilmaydi!

@Kamolbek_Zarpullayev - Psixologiya va hayot falsafasi haqidagi kanal Ochish/sharhlash

2022-08-29 08:48:02 Feysbukda taomimiz suratini qo‘ymasligimiz bizning ovqatlanmasligimizni bildirmaydi.
Ayollarimizning suratini qo‘ymasligimiz bizning bo‘ydoqligimizni bildirmaydi.
Sajda qilib turganimiz suratini qo‘ymasligimiz namoz o‘qimasligimizni bildirmaydi.
Shifoxonada muolaja olayotganimizni qo‘ymasligimiz kasal bo‘lmasligimizni bildirmaydi.

Tog‘u-toshlar va xorijga sayohatimizni qo‘ymasligimiz uyimizga qamalib olib, kalitni yutib yuborganimizni bildirmaydi.
Onalarimiz qo‘llarini o‘pib tushgan suratlarimizni qo‘ymasligimiz ularga oq bo‘lganimizni bildirmaydi.
Mutolaa holatidagi suratlarimizni qo‘ymasligimiz kitobyoqmas johilligimizni bildirmaydi.

Bizning bunday yo‘l tutishimizning bor-yo‘g‘ sababi, hayotimizning go‘zal lahzalarini hujjatlashtirishdan ko‘ra ulardan jonli bahra olishni yaxshi ko‘rganimizdir. Zero o‘zimizning hayotimiz o‘zimiz uchundir, siz uchun emas!

FAQAT ENG YAQINLARGA ULASHING

@Mr_PsixologTv Ochish/sharhlash

2022-08-28 18:57:57 Ibrat vaqti

Bir xristian popi shahrimizga mehmon boʻlib kelib, yoshgina boladan cherkovning yoʻlini soʻrabdi. Bola popni cherkovga kuzatib qoʻyibdi... Minnatdor pop debdi:
— Barakalla, oʻgʻlim! Ertaga ham shu yerga kelsang, senga jannatning yoʻlini koʻrsataman.
Bola javob beribdi:
— Cherkovning yoʻlini bilmagan odam, jannatning yoʻlini qayerdan bilardingiz?!

Ibratli dunyoda yashaymiz faqat biz e'tiborsizmiz holos!

FAQAT ENG YAQINLARGA ULASHING

@Mr_PsixologTv Ochish/sharhlash

2022-08-27 18:49:57 ​​Odam farzandi tong ottirsa, unga Alloh 10 narsani farz qiladi:

1. Uyg‘ongan vaqtida Allohni zikr qilish.

“...(Tongda uyqudan) turgan paytingizda, Rabbingizga hamd bilan tasbeh ayting!” (Tur, 48).

“Ey, imon keltirganlar, Allohni ko‘p zikr qilingiz” (Ahzob, 41).

2. Avratni berkitish.

“Ey, Odam avlodi! Har bir masjid (namoz) oldidan ziynatlaringiz (kiyimlaringiz)ni (kiyib) olingiz!..” (A’rof, 31). Ziynatning eng kam darajasi avratni berkitishdir.

3. Tahoratni vaqtida, mukammal qilish.

“Ey, imon keltirganlar! Namoz (o‘qish)ga turar ekansiz, albatta, yuzlaringizni, qo‘llaringizni tirsaklarigacha yuvingizlar, boshlaringizga mash tortingizlar va oyoqlaringizni to‘piqlarigacha (yuvingizlar)!..” (Moida, 6).

4. Namozlarni vaqtida mukammal ado etish.

“...Zero, namoz mo‘minlarga vaqti tayin etilgan va (farz etib) bitilgandir” (Niso, 103).

5. Rizq haqida Alloh bergan va’daga ishonish.

“Yerda o‘rmalovchi biror narsa (jonzot) yo‘qki, uning rizqi (ta’minoti) Allohning zimmasida bo‘lmasa!..” (Hud, 6).

6. Allohning taqsimotiga qanoat qilish.

“...Ularning dunyo hayotidagi tirikchiliklarini ham ularning o‘rtalarida Biz taqsimlaganmiz...” (Zuhruf, 32).

7. Alloh taologa tavakkul qilish.

“O‘lmaydigan Tirik zotga tavakkul qiling...” (Furqon, 58).

“...Agar mo‘min bo‘lsangiz, Allohga tavakkul qilingiz!” (Moida, 23).

8. Allohning amriga va taqdiriga sabr qilish.

“Bas, (ey, Muhammad,) Rabbingizning hukmiga sabr qiling...” (Qalam, 48).

“Ey, imon keltirganlar! Sabr qilingiz, bag‘rikeng bo‘lingiz va (Alloh yo‘liga) taxt bo‘lib turingiz va Allohdan qo‘rqingiz, zora (shunda) tole topsangizlar!” (Oli-Imron, 200).

9. Allohning ne’matiga shukr qilish.

“...agar Allohga ibodat etuvchi bo‘lsangizlar, Uning ne’matlariga shukr qilinglar!” (Nahl, 114). Allohning ne’matlari ko‘p: salomatlik, farzand, boylik... eng ulug‘i Islom ne’matidir.

10. Halol yeyish.

“...Sizlarga rizq sifatida berilgan pok narsalarni yenglar...” (Baqara, 57). Ya’ni, halol yenglar.

FAQAT ENG YAQINLARGA ULASHING

@Mr_PsixologTv Ochish/sharhlash

2022-08-27 05:53:39 Daraxt bir joyda ko'karadi

Maktabda o'qituvchim mening joyimni ko'p o'zgartirar edilar. Onamga esa bu narsa yoqmas edi.

"Joyingni o'zgartirma. Daraxt bir joyda ko'karadi" der edilar onam. Men bu so'zlarni hayot shiori qilib olgan edim. Ya'ni bir soha yoki ishni boshladingizmi? Undan ketmaslik kerak. Oxirigacha shu yerda qolish kerak.

Lekin keyin bir post o'qib qoldim. Unda " agar senga ishing yoqmasa, undan ket. Sen daraxt emassan" deyilgan edi.

Zamonaviy hayotda, o'zgarish - bu davr talabi. Dunyo jadal ravishda rivojlanmoqda. Unga moslashish kerak. O'zgarish rivojlanishga olib keladi.

Bundan tashqari, hayot yoqmaydigan ish bilan o'tkazishingiz uchun qisqalik qiladi.

FAQAT ENG YAQINLARGA ULASHING

@Mr_PsixologTv Ochish/sharhlash