MA'RIFAT DARSI | МАЪРИФАТ ДАРСИ

2023-12-12 16:39:50 "Криминал авторитетлар" иши бўйича 38 та жиноят иши қўзғатилиб, 103 нафар шахс процессуал тартибда ушланган...

Батафсил видеода кўриш Ochish/sharhlash

2023-12-11 19:42:15 Hozirgi kunda korrupsiyaga qarshi kurashish bo‘yicha faoliyatni amalga oshiruvchi va unda ishtirok etuvchi organlar hamda tashkilotlar faoliyatini muvofiqlash¬tirish uchun O‘zbekiston Respublikasi Korrupsiyaga qarshi kurashish bo‘yicha milliy kengashi hamda Qoraqal¬pog‘iston Respublikasi, viloyatlar va Toshkent shahrida korrupsiyaga qarshi kurashish bo‘yicha hududiy kengashlar faoliyat yuritmoqda. Shu bilan birga, mamlakat parlamenti – Oliy Majlisning ikkala palatasida ham Korrupsiyaga qarshi kurashish qo‘mitalari tashkil etilgan.

Ichki ishlar vazirligi mamlakatimizdagi korrupsiyaga qarshi kurashish bo‘yicha faoliyatni bevosita amalga oshiruvchi davlat organlaridan biridir. Vazirlik o‘z vakolatlari doirasida «Korrupsiyaga qarshi kurashish to‘g‘risida»gi qonunning 11-moddasiga muvofiq:

– korrupsiyaga qarshi kurashish sohasidagi davlat dasturlarini va boshqa dasturlarni ishlab chiqish hamda amalga oshirishda ishtirok etadi;

– korrupsiya bilan bog‘liq jinoyatlar bo‘yicha tezkor-qidiruv faoliyatini, tergovga qadar tekshiruvni, surishtiruvni va dastlabki tergovni amalga oshiradi;

– korrupsiyaning holati va korrupsiyaga qarshi kurashish natijalari to‘g‘risidagi axborotni yig‘adi hamda tahlil qiladi, tegishli davlat organlariga zarur axborotni taqdim etadi;

– jismoniy va yuridik shaxs¬larning korrupsiya faktlariga doir murojaatlarini ko‘rib chiqadi hamda ularning bu¬zilgan huquqlarini tiklash va qonuniy manfaatlarini himoya qilish choralarini ko‘radi;

– aholi o‘rtasida jamiyatda huquqiy ongni, huquqiy madaniyatni yuksaltirishga va qonuniylikni mustahkam¬lashga qaratilgan huquqiy targ‘ibotga doir faoliyatda ishtirok etadi;

– korrupsiyaga oid huquqbuzarliklarning o‘z vaq¬tida oldi olinishini, aniqlanishini va ularga chek qo‘yilishini ta’minlashga, ularning oqibatlarini, shuningdek, ularga imkon beruvchi sabablar va shart-sharoitlarni bartaraf etishga doir tadbirlarni ishlab chiqadi hamda amalga oshiradi va h.k.

Ochiqlik va oshkoralik ichki ishlar organlari faoliyatida korrupsiyaning oldini olishda muhim tamoyil hisoblanadi. Shu bois, boshqa davlat organlarida bo‘lgani kabi, qaror qabul qilish jarayonlarining shaffofligini ta’minlash maqsadida elektron axborot tizimi joriy etilib, kadrlar tanlashning ochiq tizimi yaratilgan. Qolaversa, qonun hujjatlariga muvofiq, jismoniy va yuridik shaxslar ichki ishlar organlari faoliyati to‘g‘risida, shu¬ningdek, jismoniy va yuridik shaxslarning huquqlari, qo¬nuniy manfaatlariga bevosita daxldor bo‘lgan ishonchli axborotni belgilangan tartibda olish imkoniga ega.

Korrupsiyaga qarshi kurashish – mamlakat kelajagi bilan bevosita bog‘liq masala. Shunday ekan, bu illatga qarshi kurashishga barcha davlat organlari, siyosiy partiyalar, jamoat tashkilotlari, ommaviy axborot vositalari, umuman, har bir fuqaro safarbar etil¬mog‘i zarur. Ana shundagina ko‘zlangan maqsadga
erishiladi.

Kamol OLLOYOROV tayyorladi.

Телеграмда ўқинг / Telegramda o'qing

Ворд шаклида ўқинг / Word shaklida o'qing

ПДФ шаклида ўқинг / PDF shaklida o'qingh

Кирилл алифбосида ўқинг / Kirill alifbosida  o'qing

Рус тилида ўқинг / Читать по русски

2023 йил барча мавзулар /  2023 yil barcha mavzular Ochish/sharhlash

2023-12-11 19:42:15 50-mavzu

KORRUPSIYA – TARAQQIYOTGA JIDDIY TO‘SIQ

Korrupsiya har qanday jamiyatning iqtisodiy, ijtimoiy, ma’naviy hayotiga xavf soladigan, mamlakat taraqqiyotiga to‘siq bo‘ladigan illatdir. U demokratiya va qonun ustuvorligiga putur yetkazadi, inson huquqlari¬ning buzilishiga olib keladi, jinoyatchilikning ko‘payishiga sharoit yara¬tib beradi. Korrupsiya oqibatida milliy iqtisodiyot izdan chiqadi, ijtimoiy tengsizlik chuqurlashadi, hokimiyatga ishonch yo‘qoladi, aholi o‘rtasida noroziliklar kelib chiqadi.

Bunday jinoyatlarning ko‘plab sodir etilishi iqtisodiyotni zaiflashtirib, siyosiy boshqaruvni izdan chiqarishi hamda fuqarolarning davlat tizimi va siyosiy tizimlarga nisbatan ishonchsizligini kel¬tirib chiqarishi mumkin. Shu ma’noda, korrupsiyani davlatga, jamiyatga va xalqqa qarshi jinoyat sifatida ta’riflash maqsadga muvofiqdir.

Yuqorida qayd etilganidek, korrupsiya taraqqiyot uchun jiddiy g‘ov va afsuski, bu illat tobora kuchayib bormoqda. Agar korrupsiya 2005-yilda dunyo iqtisodiyotiga 80 milliard AQSH dollari miqdorida zarar yetkazgan bo‘lsa, bu ko‘rsatkich 2019-yilda
2,6 trillion AQSH dollariga yetgan. Albatta, mazkur holat korrupsiyaning har qanday ko‘rinishiga qarshi kura¬shishda yanada izchil va sobitqadam bo‘lishni taqozo etadi.

Mamlakatimizda ushbu illatga qarshi kurashish masalasiga jiddiy e’tibor qaratil¬moqda. Xususan, O‘zbekiston BMTning Korrupsiyaga qarshi konvensiyasini ratifikatsiya qilgan. Shuningdek, Iqtisodiy hamkorlik va taraqqiyot tashkiloti doirasida qabul qilingan Korrupsiyaga qarshi kurash bo‘yicha Istanbul Harakat rejasiga qo‘shilgan.

2017-yil 3-yanvarda «Korrupsiyaga qarshi kurashish to‘g‘risida»gi O‘zbekiston Res¬publikasi qonunining qabul qilinishi mazkur yo‘na¬lishdagi ishlarning mantiqiy davomi bo‘ldi, deyish mumkin. Korrupsiyaga qarshi kurashishning asosiy prinsiplari, bu boradagi davlat siyosati¬ning muhim yo‘nalishlari mustahkamlangan ushbu qonun bugungi kunda davlat organlari faoliyatining ochiqligi va hisobdorligini ta’minlash, davlat organlari, mansabdor shaxslarning o‘z zimmasiga yuklatilgan vazifalarni bajarishi yuzasidan mas’uliyatini kuchaytirishga, korrupsiyaga qarshi kurashish sohasida parlament va jamoatchilik nazoratini amalga oshirish maqsadlariga xizmat qilmoqda.

Korrupsiyaga qarshi kurashishga qaratilgan davlat siyosati samaradorligini oshi¬rish maqsadida 2020-yil 29-iyunda «O‘zbekiston Respublikasida korrupsiyaga qarshi kurashish tizimini takomillashtirish bo‘yicha qo‘shimcha chora-tadbirlar to‘g‘risida»gi Prezident farmoni qabul qilindi. Mazkur farmonga asosan, Korrupsiyaga qarshi kurashish agentligi tashkil etildi. Agent¬lik ayni paytda o‘z vakolatlari doirasida korrupsiyaning oldini olish va unga qarshi kurashish sohasidagi davlat siyosatini shakllantirish va amalga oshirish bilan shug‘ullanib kelmoqda.

Joriy yil 27-noyabrda davlatimiz rahbarining «Korrupsiya¬ga qarshi kurashish tizimini yanada takomillashtirish hamda davlat organlari va tashkilotlari faoliyati ustidan jamoatchilik nazorati tizimi samaradorligini oshirish chora-tadbirlari to‘g‘risida»gi farmoni qabul qilindi. Mazkur farmon bilan 9 ta ustuvor yo‘nalish, 30 ta muhim chora-tadbirlardan iborat Korrupsiyaga qarshi kurashish bo‘yicha 2023–2024-yillarga mo‘ljallangan davlat dasturi tasdiqlandi. Unda korrupsiyaga qarshi kurashishning qo¬nuniy asoslarini yanada takomillashtirish, korrupsiyaga oid xabarlar bilan ishlash tizimini takomillashtirish, davlat xaridlarida tovar (ish va xizmatlar)ning narxlarini nazorat qilish mexanizmlarini yaratish, Maktabgacha va maktab ta’limi sohasida «Korrupsiyasiz soha» lo¬yihasini amalga oshirish, soha bo‘yicha milliy ekspertlar jamoasini bosqichma-bosqich shakllantirish, Korrupsiyaga qarshi kurashish bo‘yicha 2030-yilgacha mo‘ljallangan milliy strategiyani ishlab chiqish kabi bir qator muhim maqsadlar belgilangan. Ochish/sharhlash

2023-12-11 08:31:54 Ички ишлар вазирлиги тарихни жамлаган музей Ochish/sharhlash

2023-12-09 10:31:10 Ички ишлар органларида хизматга номзодларни танлаб олиш тадбирларини ташкил этиш ва ўтказиш тартиби тўғрисидаги йўриқнома тасдиқланди. Ochish/sharhlash

2023-12-09 08:33:16 Ўзбекистоннинг нуфузли шахслари тасвирлари сунъий интеллектда сохталаштирилган

Президент Шавкат Мирзиёев ва Бош вазир Абдулла Ариповнинг видеосига сунъий интеллектга асосланган дастурда ишлов берилиб, аудиоёзувлар сохталаштирилиши орқали ёлғон хабар тарқатилган. Унда интернет фойдаланувчиларига тез фурсатда мўмай даромад олиши ваъда қилинган. Шунингдек, келиб чиқиши ўзбекистонлик миллиардер Алишер Усмановнинг фотосидан ҳам фирибгарлик йўлида фойдаланилган.

ИИВ Киберхавфсизлик маркази бундай хабарлар ёлғон эканини маълум қилди.

@manaviyat_va_marifat_darsi Ochish/sharhlash

2023-12-08 06:01:35 Конституциявий билимингиз етарли бўлса, сизга барча эшиклар очилаверади?

Янги таҳрирдаги Ўзбекистон Республикасининг конституцияни телеграмда ўқишни ҳохлайсизми, бунинг учун шу кўк ёзувни устига бир марта босинг Ochish/sharhlash

2023-12-02 15:29:46 Ochish/sharhlash

2023-12-01 17:15:05 Киберхавфсизлик хизмати огоҳлантиради:

Интернет фрибгарларидан огоҳ бўлинг ушбу видеони танишларга юбориб қўйинг Ochish/sharhlash

2023-11-30 16:46:26 Ushbu rejalar va loyihalarni amalga oshirish uchun alohida kompleks chora-tadbirlardan iborat «Yo‘l xaritasi» tasdiqlandi. Shuningdek, Ma’naviy-ma’rifiy ishlar va kadrlar bilan ta’minlash departamenti faoliyatini yanada takomillashtirish maqsadida 6 ta ustuvor yo‘nalish belgilandi. Qolaversa, Departament nizomi ham qabul qilindi. Ichki ishlar organlari tarixida ilk bor «Ichki ishlar organlari xodimlarining kasbiy madaniyat va xizmat intizomi kodeksi» qabul qilindi. Yangi qabul qilingan kodeks xodimlarni ma’naviyatli, sadoqatli, xalqparvar etib tarbiyalash, ularda halollik, yuqori mas’uliyat hamda odob-axloq normalariga so‘zsiz rioya etish hissini shakllantirish, nojo‘ya harakatlar va korrupsion holatlarning oldini olishga moslashtirildi. Shuningdek, kodeks – kasbiy madaniyat qoidalari, unga amal qilish majburiyati, xodimlarning xizmatdan tashqari vaqtdagi odobi, xizmat intizomi talablari, rahbar va xodimning o‘zaro munosabati, boshliqning majburiyati hamda rag‘batlantirish va intizomiy choralarni qo‘llash tartiblarini o‘z ichiga olgan.

Albatta, kodeksni tasdiqlash va tartiblarni belgilash bilan muammo hal bo‘lib qolmaydi. Shu nuqtayi nazardan kelib chiqib, unga amal qilishning qat’iy talablari va shartlari ham belgilandi. Masalan, har bir xodim, u rahbar bo‘ladimi yoki oddiy xodim, barchasi kodeksga so‘zsiz rioya etishi, uning talablarini o‘zlashtirishi va bo‘ysunishi shart. Bundan buyon xodimning faoliyatini baholashda kodeks talablarini bilishi va unga amal qilishi asosiy mezonlardan biri sifatida qaraladi. Kodeks talablariga bo‘ysunmaslik esa xizmatdan bo‘shatishgacha bo‘lgan qat’iy choralarni qo‘llashga asos bo‘ladi. Barcha darajadagi rahbarlar kodeks talablarining bajarilishiga qaratilgan ma’naviy-ma’rifiy va tarbiyaviy ishlarni amalga oshirish bo‘yicha shaxsan javobgar ekanligi ko‘rsatib o‘tildi.

Muhim yangiliklardan yana biri ichki ishlar organlari faoliyati ustidan jamoatchilik nazorati tizimini yaratishdir. Shu maqsadda IIV va uning hududiy bo‘linmalarida jamoatchilik asosida faoliyat yurituvchi soha olimlari, faxriylar va jurnalistlardan iborat maslahat-kengash organi, ya’ni jamoatchilik kengashlari tuzildi. Jamoatchilik kengashlarini tuzish masalasi, birinchi navbatda, demokratik jamiyatning muhim sharti va xususiyatlaridan biri hisoblanadi. Ikkinchidan, ushbu institut zamon talabi hamda islohotlarning mazmun-mohiyatidan kelib chiqib joriy etilmoqda.

Ushbu tizimning yo‘lga qo‘yilishi endi bizdan ikki hissa mas’uliyatni talab etadi va faoliyatimiz qonuniy asoslar bilan doimiy tarzda jamoatchilik nazoratida bo‘ladi. Chunki qaror bilan ushbu jamoatchilik kengashlariga bir qancha aniq vazifalar yuklanadi.

Bir so‘z bilan aytganda, qaror yaqin istiqbolda amalga oshirilishi lozim bo‘lgan muhim tadbirlar uchun huquqiy poydevor bo‘ladi, desak, xato bo‘lmaydi.

Navro‘z NABIYEV,
mayor.

Телеграмда ўқинг / Telegramda o'qing

Ворд шаклида ўқинг / Word shaklida o'qing

ПДФ шаклида ўқинг / PDF shaklida o'qingh

Кирилл алифбосида ўқинг / Kirill alifbosida  o'qing

Рус тилида ўқинг / Читать по русски

2023 йил барча мавзулар /  2023 yil barcha mavzular Ochish/sharhlash