JURISPRUDENCE

2023-04-12 19:31:25 #viki_xushxabar

Nihoyat, sizlarni kuttirgan xabar!

“WikiOromgoh”ning III mavsumi uchun saralash natijalari e'lon qilindi! Saralashdan o‘tgan barchani qutlaymiz. Ayni damda mas'ullarimiz ular bilan bog‘lanishmoqda.

O‘ta olmaganlarning ham xafa bo‘lishlariga hojat yo‘q! Oldinda hali bir necha oromgoh hamda yangi loyihalarimiz sizlarni kutmoqda!

Bizdan uzoqlashmang. #Tilimiz_uchun birgalikda harakat qilamiz!
Telegram | Facebook | Instagram | YouTube Ochish/sharhlash

2023-04-09 07:16:05 Chet elda o’qish uchun boyvachcha bo’lish shart emas. Shunchaki arzon yoki umuman bepul bo’lgan, yoki bo’lmasa qimmat bo’lsa ham, grant yutib o’qisa bo’ladigan univerlarni izlanib topishimiz kerak.

Izlanishingiz osonroq bo’lishi uchun sizga saytlarni beraman. Nima ma’lumot kerak bo’lsa, olaverasizlar. Botga yozishingiz shart emas. Sayt orqali olasiz hamma ma'lumotni. Men ham saytdagi ma'lumotdan ortig'ini bilmayman, afsuski

O’zi aslida har-xil usullar bilan universitetda bepul yoki arzon o’qish mumkin:

1. Harajatlaringiz to’liq qoplanadigan grant dasturi yutib olish (masalan, Erasmus);

2. Arzon universitet yoki umuman bepulidan topib, ham ishlab o’qish orqali;

3. Borayotgan davlatingizni tilini o’rganib, ancha arzon narxda o’qish orqali. Hatto Yevropaning top univerlarida ham o’qishingiz mumkin.


Amerika https://us.fulbrightonline.org/ Fullbright granti

Canada http://www.scholarships-bourses.gc.ca/scholarships-bourses/non_can/opportunities-opportunites.aspx?lang=eng

Kanadalik bo’lmaganlar uchun imkoniyatlar bilan tanishasiz. Ketish qiyin bo’lgan davlatlardan biri.

Findlandiya http://studyinfinland.fi/

Ta’lim tizimi bo’yicha eng zo’r davlatlardan hisoblanadi. Google qilib ko’rsangiz, bilasiz.

Ispaniya http://www.becasmae.es/

Sayohat qilish orzum. O’qishi haqida ko’p narsa bilmayman. Google biladi lekin.

Fransiya http://bgfrussie.ru/fr/Home.aspx

Menimcha hamma qizlar orzu qiladi borishni

Buyuk Britaniya https://www.chevening.org/

Chevening stipendiyasi hamma harajatni qoplaydi. Maza.


East chance http://www.eastchance.com/index.asp

The hill foundation
http://www.hillfoundationscholarships.org/

Germaniya - DAAD zo'r scholarship. Topshirishga arziydi. Magistraturani Germaniyada o'qish uchun.
http://www.daad.de

Erasmus Mundus - shuni yutib, Yevropani kezish niyatim bor. Maza. Harajatlarni to'liq qoplaydi. Joint Master qilib, 2 yilda 4 xil davlatda o'qisa bo'ladi.

https://ec.europa.eu/programmes/erasmus-plus/opportunities/individuals/students/erasmus-mundus-joint-master-degrees_en

Avstarliya http://studyinaustralia.gov.au/

Yaponiya. Scholarship yutgandan beri yaxshi ko'rib qolganman shu davlatni. http://www.jasso.go.jp/study_j/scholarships_sfisij_e.html

Xitoy. China scholarship council
http://en.csc.edu.cn/About/

Braziliya. O'zbekistondan Braziliyaga borib o'qiyotganlarni bilmas ekanman. Siz boring.

http://www.ciee.org/study-abroad/financial-aid/gain/

Ha aytgancha, hech qachon kimdir kelib, kel shu tayyor grantni yut, yoki arzon univer bor o'qib ket, demaydi. Izlanib topishingiz kerak. Bitta shuni ham eplay olmasangiz, nima qilib yuribsiz oliy ma'lumotga da'vo qilib? Joyni bo'shating, arzirlilar o'qisin. Erkoshaga rahmat

Yours, Marvarid @thoughts_different

#grant_yutish

@Tsul_resources Ochish/sharhlash

2023-04-08 13:55:08 CV/Rezyumeda hobbi va qiziqishlarning ahamiyati haqida

Biror xorijiy dastur yoki ish/amaliyotga topshirishda CV/Rezyume ham soʻraladi. CV nomzod haqida umumiy tasavvurga ega boʻlish, tarixi va yutuqlari (agar boʻlsa) tanishish uchun kerak.

Bugun CV/Rezyumega hobbi va qiziqishlarni qoʻshishning ahamiyati haqida maʼlumot beramiz.

CVʼga hobbi va qiziqishlarni qoʻshish quyidagi afzalliklarga ega boʻlishi mumkin:

1. Dastur/lavozim uchun aloqador koʻnikmalaringizni namoyish qiladi. Aytaylik, biror amaliyot dasturiga topshiryapsiz. Amaliyot shartlaridan biri – jamoada ishlay olish.

Hali yosh boʻlganingiz uchun ish tajribasiga ega emassiz. Volontyorlik yoki boshqa amaliyot dasturlarida ham qatnashmagansiz (yoki qatnashgan boʻlsangiz ham, jamoa bilan ishlamagansiz).

Aynan shu vaziyatda hobbi va qiziqishlarni yozish sizda jamoa bilan ishlash koʻnikmasi borligini koʻrsata oladi. Masalan, hobbi sifatida basketbol yoki qoʻl toʻpi bilan shugʻullanishingizni yozsangiz, sizda jamoa bilan ishlash tajribasi borligi namoyish etiladi yuqoridagi sport turlari jamoaviy sport turi boʻlgani uchun).

Xuddi shuningdek, boshqa hobbi va qiziqishlar ham sizdagi xislatlarni ochib beradi. Shaxmat – sabrli va mulohaza bilan ish qilishingizni; stol tennisi – tezkorlik bilan qaror qabul qila olishingizni; sayohat qilish – mustaqil harakatlana olishingizni bildiradi va h.k.

2. Ommadan ajralib turishingizga yordam beradi. Agar noyob/kam uchraydigan hobbi yoki qiziqishingiz boʻlsa, uni CVʼga kiritsangiz, uni oʻqigan odamning sizni eslab qolish ehtimoli oshadi.

Masalan, yoga bilan shugʻullansangiz va buni hobbi sifatida CVʼga kiritsangiz, uni oʻqigan odam sizni biror yoga pozasida tasavvur qilishi va shu orqali boshqalardan koʻproq eslab qolishi mumkin.

3. CV/Rezyumengizni individualroq (aynan sizga xos) qiladi. Hammaning qiziqishlari va hobbilari turlicha boʻladi odatda. Oʻzingizning qiziqish va hobbilarni yozish sizning shaxsingizni koʻproq, yaxshiroq ochib berishi mumkin.

4. Agar saralashda suhbat bosqichi boʻlsa, suhbatda gaplashish uchun qoʻshimcha qiziqarli mavzu boʻlishi mumkin. Aytaylik, Yaponiya eʼlon qilgan biror dasturga topshirdingiz. CVʼda hobbi sifatida kalligrafiya (yapon kanjilarini yozish) yoki bonsai (idishda daraxt va butalarning kichraytirilgan shaklini oʻstirish) mashgʻulotini hobbi sifatida yozdingiz.

Oʻzi yapon boʻlgan suhbat oluvchi uchun bu qiziqarli boʻlishi va siz bilan boʻladigan suhbat ancha jonli hamda esda qolarli boʻlishi mumkin.

Albatta, dastur talab qiladigan koʻnikmalarni amaliy tajriba (amaliyot, ijtimoiy ishlar, ish tajribasi va h.k.) orqali oʻzlashtirgan boʻlsangiz va ularni CVʼda koʻrsatsangiz, hobbi va qiziqishlarga urgʻu berish u qadar shart boʻlmaydi.

MUHIM QOIDA: Hobbi va qiziqishlaringiz topshirayotgan dasturingizga bevosita aloqador koʻnikmalar bilan bogʻliq boʻlsagina kiriting.

Shuningdek, aslida shugʻullanmaydigan mashgʻulotingizni hobbi/qiziqish sifatida yozmang.

Aloqador boʻlmagan yoki oʻzingiz chindan shugʻullanmaydigan hobbi/qiziqishlarni kiritish sizga umuman foyda bermasligi, hatto ayrim hollarda zararingizga ishlashi mumkin.

Masalan, mening hobbiyim bonsai deb yozsangiz-u, aslida u bilan shugʻullanmasangiz va suhbatda bonsai haqida soʻrashgani normal javob qila olmasangiz, bu sizning zararingizga ishlashi mumkin. Ochish/sharhlash

2023-04-04 14:42:17 Jinoyat uchun jazo tayinlash.

Jinoyat sodir etishda qonunda belgilangan protsessual tartibda aybli deb topilgan shaxsgina jazoga tortiladi.

Sud Jinoyat kodeksi Maxsus qismining jinoyat sodir etganlik uchun javobgarlik nazarda tutilgan moddasining sanktsiyasida belgilangan doirada Umumiy qismning qoidalariga muvofiq jazo tayinlaydi.

Sud jazo tayinlashda sodir etilgan jinoyatning xususiyati va ijtimoiy xavflilik darajasini, qilmishning sababini, yetkazilgan zararning xususiyati va miqdorini, aybdorning shaxsini xamda jazoni yengillashtiruvchi va ogʼirlashtiruvchi xolatlarni xisobga oladi. Ochish/sharhlash

2023-04-04 09:51:18 Pensiya va nafaqa bir tushunchami?

Juda koʼpchilik pensiya va nafaqa bir tushuncha, yaʼni pensiya nafaqa soʼzining ruschasi deb xato oʼylashadi (nafaqa rus tiliga “posobie” deb tarjima qilinadi).

I. Pensiya

Yetarlicha ish stajiga ega boʼlgan fuqarolar va ularning oilalari pensiya olish huquqiga ega boʼlib, davlat pensiyalarining quyidagi turlari mavjud:

yoshga doir pensiya;
nogironlik pensiyasi;
boquvchisini yoʼqotganlik pensiyasi.

1. Yoshga doir pensiya:

erkaklar — 60 yoshga toʼlganda va ish stajlari kamida 25 yil boʼlgan taqdirda;
ayollar — 55 yoshga toʼlganda va ish stajlari kamida 20 yil boʼlgan taqdirda tayinlanadi.

2. Nogironlik pensiyasi

Qonun hujjatlarida belgilangan tartibda I va II guruh nogironligi boʼlgan shaxs deb topilganlarga tayinlanadi.

3. Boquvchisini yoʼqotganlik pensiyasi

Vafot etgan boquvchining qaramogʼida boʼlgan mehnatga qobiliyatsiz oila aʼzolari olish huquqiga ega.

II. Nafaqa

Ish stajiga ega boʼlmagan fuqarolar va ularning oilalariga nafaqa tayinlanib, nafaqaning quyidagi turlari mavjud:

yoshga doir nafaqa;
nogironlik nafaqasi (bolalikdan nogironligi boʼlgan shaxslardan tashqari);
boquvchisini yoʼqotganlik nafaqasi.

1. Yoshga doir nafaqa

erkaklarga — 65 yoshga yetganlarida;
ayollarga — 60 yoshga yetganlarida; bolalikdan nogironligi boʼlgan farzandi bor onalarga — 55 yoshga yetganlarida tayinlanadi.

2. Nogironlik nafaqasi

Nogironlik sodir boʼlgan hollarda, yoshidan qatʼi nazar, ish stajiga ega boʼlmagan I va II guruh nogironligi boʼlgan shaxslarga tayinlanadi.

3. Boquvchisini yoʼqotganlik nafaqasi

Davlat pensiyasi olish huquqiga ega boʼlmagan shaxsning qaramogʼida boʼlgan oilaning mehnatga layoqatli boʼlmagan aʼzolari olish huquqiga egadirlar. Ochish/sharhlash

2023-04-02 08:09:25 Yangilanayotgan Konstitutsiyada gumon qilinuvchi, ayblanuvchi yoki sudlanuvchining huquqlariga oid 9 ta eng muhim huquqni bilasizmi?

• Har bir shaxs jinoyat protsessining har qanday bosqichida oʼz tanloviga koʼra advokat yordamidan foydalanish huquqiga ega.

• Gumon qilinuvchi, ayblanuvchi yoki sudlanuvchi ayblovning mohiyati va asoslari toʼgʼrisida xabardor qilinish huquqiga ega.

• Gumon qilinuvchi, ayblanuvchi yoki sudlanuvchi unga qarshi yoki uning foydasiga guvohlik berayotgan shaxslarning soʼroq qilinishini talab etish huquqiga ega.

• Gumon qilinuvchi, ayblanuvchi yoki sudlanuvchi tarjimon yordamidan foydalanish huquqiga ega.

• Qonunni buzgan holda olingan dalillardan odil sudlovni amalga oshirish chogʼida foydalanishga yoʼl qoʼyilmaydi.

• Jinoyat uchun hukm qilingan har kim qonunda belgilangan tartibda hukmning yuqori turuvchi sud tomonidan qayta koʼrib chiqilishi huquqiga ega.

• Jinoyat uchun hukm qilingan har kim afv etish yoki jazoni yengillashtirish toʼgʼrisida iltimos qilish huquqiga ega.

• Huquqbuzarliklardan jabrlanganlarning huquqlari qonun bilan muhofaza qilinadi. Davlat jabrlanganlarga yetkazilgan zararning oʼrni qoplanishi uchun shart-sharoitlar yaratadi.

• Hech kim ayni bir jinoyat uchun takroran hukm qilinishi mumkin emas. Ochish/sharhlash

2023-04-02 08:01:22 Yangi tahrirdagi Konstitutsiyaning 27-moddasiga asosan, “Shaxsni ushlash chogʻida unga tushunarli tilda uning huquqlari va ushlab turish asoslari tushuntirilishi shart”.
Gollivud filmlarida koʻp koʻrganmiz, biror jinoyatchini ushlashsa, uning nega hibsga olingani va qanaqa huquqlarga egaligi tushuntiriladi. Kamida “Siz sukut saqlash huquqiga egasiz, har bir aytgan soʻzingiz sudda sizga qarshi ishlatilishi mumkin”, degan ibora yodimizda qolgan.
Aynan protsessual ushlash vaqtida inson ogʻir ruhiy holatga tushadi va huquqiy yordamga ayniqsa muhtojdir, chunki u bunday murakkab vaziyatda jinoyatda aybdor yoki aybsizligini isbotlash majburiyati unga emas, aksincha, toʻliq tergov organlariga yuklatilganligini anglay olmaydi. Xalqimiz koʻp bora tergov organlari tomonidan kimdir qoʻlga olinganida, u nima uchun ushlanganini aytilmasligidan shikoyat qiladi.
Natijada, fuqarolarning huquqlari qoʻlga olingan vaqtning oʻzidayoq xavf ostida qoladi. Ming afsuski, fuqarolar oʻz huquqlarini yaxshi bilmagani va hech kim ularga buni aniq va batafsil tushuntirmagani uchun tergov jarayonida qonunga zid holatlar kuzatiladi. Ushbu salbiy holatlarning oldini olish maqsadida rivojlangan davlatlarning Konstitutsiya va qonunlarida aks etgan “Miranda qoidasi” Oʻzbekiston Asosiy qonuniga kiritilmoqda. Yaʼni, shaxsni ushlash chogʻida uning huquqlari va nima sababdan ushlangani sodda tilda tushuntirilishi shart.
“Miranda qoidasi”ga binoan ushlangan shaxs sukut saqlash, soʻroq jarayonida advokati ishtirokini talab qilish va boshqa huquqlarga egaligisodda tilda shaxsga ilk soniyalardayoq tushuntiriladi. Yaʼni, Konstitutsiyada jinoiy taʼqibga olingan shaxslarni davlat organlari hamda mansabdor shaxslarning oʻzboshimchaligidan himoyalashning deyarli barcha usullari aks etmoqda. Ochish/sharhlash

2023-04-01 18:34:16 Kimyoviy kastratsiyani - oddiy qilib kimyoviy dorilar yordamida inson jinsiy aʼzosini ishdan chiqarish, deb aytish mumkin. Аgar pedofillarda jinsiy aʼzo yaroqsizga aylantirilsa, keyinchalik ular boshqa bolalarga jinsiy zoʼravonlik qila olmaydigan boʼlishadi. Ochish/sharhlash

2023-04-01 18:14:43 Evtanaziya (grekcha: ευ- „yaxshi“ + θάνατος „o‘lim“ baxtli, azobsiz o‘lim) — turli harakatlar yoki qurollar bilan bemorning hayotini sunʼiy yoʻl bilan ushlab turgan qurilmalar ishini to‘xtatish orqali bemorning o‘z o‘limini tezlatish haqidagi iltimosini qanoatlantirish. Ko‘p hollarda evtanaziya bemorning iltimosiga ko‘ra amalga oshiriladi. Agar bemor og‘ir ahvolda bo‘lsa uning yaqin qarindoshlari qaror chiqarishi mumkin. Evtanaziyaga ko‘p davlatlarda ruxsat bor. O‘zbekistonda evtanaziya qo‘llash taqiqlangan va bu mavzu haqida bahslar davom etyapti. Evtanaziya atamasini birinchi bo‘lib XXI asrda faylasuf Frensis Bekon fanga olib kirgan. Uning taʼrifi bo‘yicha „evtanaziya“ — o‘limni osonlik bilan shakllantirish. Ochish/sharhlash

2023-04-01 17:58:36 Pedofiliya — kattalar yoki oʻsmirlar balogʻatga yetmagan bolalarga nisbatan asosiy yoki eksklyuziv jinsiy moyillikni boshdan kechiruvchi psixiatrik kasallikdir. Qiz bolalarda balogʻatga yetish jarayonini odatda 10 yoki 11 yoshda, oʻgʻil bolalarda esa 11 yoki 12 yoshda boshlansa-da, pedofiliya mezonlari balogʻatga yetishning chegaralanish nuqtasini 13 yoshgacha uzaytiradi. „Pedofiliyaga moyil“ (pedofil) deya nomlanish uchun shaxs, kamida, 16 yoshda va balogʻatga yetmagan boladan kamida besh yosh katta boʻlishi kerak.Ruhiy kasalliklar diagnostikasi va statistik qoʻllanmasida (DSM-5) pedofiliya psixologik buzilish deb ataladi va qoʻllanma uni balogʻatga yetmagan bolalarga nisbatan kuchli va takrorlanuvchi jinsiy istaklar va ularga nisbatan harakat qilingan yoki ularga sabab boʻlgan xayollarni oʻz ichiga olgan parafiliya sifatida belgilaydi. Ochish/sharhlash