Irina Kh., Economic Court Judge

2022-06-26 15:31:16 #Тадбиркорлик_рейтинги

Тадбиркорлар иштирокидаги низолар 2 баравар ортган

Батафсил ҳаволада: https://b-indicator.uz/rating

Каналга уланиш
https://t.me/huquqiyaxborot Ochish/sharhlash

2022-06-26 15:31:16 #Тадбиркорлик_рейтинги

Тадбиркорлик фаолиятини тўхтатиш камайди

Батафсил ҳаволада: https://b-indicator.uz/rating

Каналга уланиш
https://t.me/huquqiyaxborot Ochish/sharhlash

2022-06-26 15:31:16 #Тадбиркорлик_рейтинги

Тадбиркорлар сони ортмоқда

Батафсил ҳаволада: https://b-indicator.uz/rating

Каналга уланиш
https://t.me/huquqiyaxborot Ochish/sharhlash

2022-06-26 09:11:20 Кассация инстанцияси судида кўрилган жами 1140 та ишларнинг туркумлар бўйича кўриниши қуйидагича:
- олди-сотди шартномаси юзасидан келиб чиққан низолар бўйича – 64 та (5,6 %);
- маҳсулот етказиб бериш шартномаси юзасидан келиб чиққан низолар бўйича – 100 та (8,8 %);
- контрактация шартномаси юзасидан келиб чиққан низолар бўйича – 15 та (1,3 %);
- ижара шартномаси юзасидан келиб чиққан низолар бўйича – 52 та (4,6 %);
- пудрат шартномаси юзасидан келиб чиққан низолар бўйича – 85 та  (7,5 %);
- ҳақ эвазига хизмат кўрсатиш шартномаси юзасидан келиб чиққан низолар бўйича – 53 та (4,6 %);
- юк ташиш шартномаси юзасидан келиб чиққан низолар бўйича – 6 та (0,5 %);
- қарз шартномаси юзасидан келиб чиққан низолар бўйича – 5 та (0,4 %);
-  кредит шартномаси юзасидан келиб чиққан низолар бўйича – 95 та (8,3 %);
-  лизинг шартномаси юзасидан келиб чиққан низолар бўйича – 18 та (1,6 %);
-  омонатни сақлаш шартномаси юзасидан келиб чиққан низолар бўйича – 6 та (0,5 %);
-  суғурта шартномаси юзасидан келиб чиққан низолар бўйича – 55 та (4,8 %);
- коммунал хизмат кўрсатиш шартномаси юзасидан келиб чиққан низолар бўйича – 30 та (2,6 %);
-  алоқа хизмати шартномаси юзасидан келиб чиққан низолар бўйича– 3 та (0,3 %);
-  воситачилик шартномаси юзасидан келиб чиққан низолар бўйича– 3 та (0,3 %);
-  ер ижараси шартномаси юзасидан келиб чиққан низолар бўйича– 39 та (3,4 %);
- бошқа шартномалар юзасидан келиб чиққан низолар бўйича – 41 та (3,6 %);
- мулк ҳуқуқини тан олиш тўғрисидаги низолар бўйича – 4 та (0,35 %);
- банкрот деб эътироф этиш бўйича – 33 та (2,9 %);
- давлат органлари ва фуқаролар ўзини-ўзи бошқариш органларининг ҳужжатларини ҳақиқий эмас деб топиш юзасидан келиб чиққан низолар бўйича – 2 та  (0,17 %);
- назорат ваколатига эга бўлган органлар томонидан низосиз тартибда ундирилган маблағни бюджетдан қайтариб олиб бериш юзасидан – 4 та (0,35 %);
- инвестицион низолар бўйича – 3 та (0,26 %);
- солиқ қарзи бўйича ундирувни солиқ тўловчининг мол-мулкига қаратиш юзасидан келиб чиққан низолар бўйича – 14 та (1,2 %);
- атроф муҳитни муҳофаза этиш ҳақидаги қонунларни бузиш юзасидан – 3 та (0,26 %);
- ҳакамлик судининг ҳал қилув қарорини бекор қилиш юзасидан –
5 та (0,44 %);
- ҳакамлик судининг ҳал қилув қарорини мажбурий ижро этиш учун ижро варақа бериш юзасидан – 3 та (0,26 %);
- ундириш сўзсиз (акцептсиз) тартибда амалга ошириладиган ижро ҳужжатини ёки бошқа ҳужжатни ижро этилиши мумкин эмас деб топиш юзасидан – 5 та (0,44 %);
- чет давлат суди ёки ҳакамлик суди қарорини тан олиш ва ижрога қаратиш юзасидан – 4 та (0,35 %);
- корпоратив низолар бўйича – 70 та (6,1 %);
- молиявий жарима қўллаш юзасидан – 53 та ( 4,6 %);
- чет эллик инвесторлар ва чет эл инвестициялари иштирокидаги корхоналар иштирокида шартномавий муносабатлардан келиб чиққан низолар бўйича  – 97 та (8,5 %).
- бошқа асослар бўйича – 260 та (22,8 %).

2021 йилда кассация инстанцияси суди томонидан қуйи инстанция судлари қабул қилган суд қарорларининг 78 таси ўзгартирилган ва 397 таси бекор қилинган. Республика иқтисодий судлари томонидан 2021 йилда жами кўрилган 175445 та ишга нисбатан бу кўрсаткич мос равишда 0,04 ва 0,23 % ташкил этган.

Давоми
@irinakhakimovajudge Ochish/sharhlash

2022-06-26 08:51:57 Ўзбекистон Республикаси Олий суди Иқтисодий ишлар бўйича судлов ҳайъати томонидан 2021 йил давомида кассация тартибида кўрилган ишлар бўйича суд амалиётини  умумлаштириш натижалари ҳақида

М А Ъ Л У М О Т Н О М А

Ўзбекистон Республикаси Олий судининг 2022 йилнинг биринчи ярмига мўлжалланган иш режасининг 3.4-бандига асосан Олий суд Иқтисодий ишлар бўйича судлов ҳайъати томонидан 2021 йил давомида кассация тартибида кўрилган ишлар бўйича суд амалиёти таҳлил қилиниб, қуйидагилар аниқланди.

Статистик маълумотларга кўра, ҳисобот даврининг бошига 64 та шикоят (протест) қолдиқда бўлиб, 2021 йилда кассация инстанциясига 2137 та кассация шикояти (протести) келиб тушган. Шундан 651 таси қайтарилган, 193 тасини қабул қилиш рад этилган ва 5 тасини кўриб чиқиш учун судлов ҳайъатига ўтказиш рад этилган (2021 йил 13 январга қадар амалда бўлган ИПКнинг 315-моддасига асосан).

Жами 1140 та (шундан 27 таси протест) кассация шикояти (протест) кўриб чиқилиб, 212 та (шундан 11 таси бўйича иш юритиш тўхтатилган) кассация шикояти (протести) кейинги йилга қолдиқ бўлиб ўтган.

Судлов ҳайъати томонидан 2021 йилда келиб тушган кассация шикоятларининг 651 таси (30,5 фоиз) Ўзбекистон Республикаси Иқтисодий процессуал кодексининг (бундан буён матнда ИПК деб юритилади) 292-моддасига асосан қайтарилган.

Жумладан, кассация шикоятларининг 47 таси кассация шикояти имзоланмаган ёки уни имзолашга ҳуқуқи бўлмаган шахс ёхуд мансаб мавқеи кўрсатилмаган шахс томонидан имзоланганлиги, 85 таси кассация шикоятининг шакли ва мазмуни бўйича процессуал қонун талабларига риоя этилмаганлиги, 278 таси кассация шикоятининг кўчирма нусхалари ишда иштирок этувчи шахсларга юборилганлиги ёки топширилганлигини тасдиқловчи далиллар илова қилинмаганлиги, 205 таси белгиланган тартибда ва миқдорда давлат божи тўланганлигини тасдиқловчи ҳужжатлар илова қилинмаганлиги, 35 таси белгиланган муддат ўтганидан кейин берилганлиги ва узрли сабаблари кўрсатилган ҳолда ўтказиб юборилган муддатни тиклаш тўғрисида илтимоснома илова қилинмаганлиги, 1 таси кассация шикояти иш юритишга қабул қилинганлиги тўғрисида суд ажрими чиқарилгунига қадар шикоятни берган шахсдан уни қайтариб олиш (чақириб олиш) тўғрисида ариза тушганлиги учун қайтарилган.

Шунингдек, ҳисобот даврида судлов ҳайъати томонидан келиб тушган кассация шикоятларининг 193 тасини (30,5 фоизи) ИПКнинг 291-моддасига асосан иш юритишга қабул қилиш рад этилган.

Жумладан, кассация шикоятларининг 15 таси кассация шикояти ҳал қилув қарори устидан шикоят қилиш ҳуқуқига эга бўлмаган шахс томонидан берилганлиги, 132 таси кассация шикояти қонуний кучга кирмаган ёки қонунчиликка мувофиқ кассация тартибида шикоят қилиниши мумкин бўлмаган ёхуд апелляция тартибида кўрилмаган суд ҳужжати устидан берилганлиги, 3 таси кассация шикояти кассация тартибида кўрилган суд ҳужжати устидан берилганлиги, 39 таси кассация шикоятини беришнинг ўтказиб юборилган муддатини тиклаш рад этилганлиги, 4 таси кассация шикоятидан уни берган шахс воз кечганлиги (уни чақириб олганлиги) сабабли кассация шикояти бўйича иш юритишни тугатиш ҳақида суд ажрими чиқарилганлиги учун иш юритишга қабул қилиш рад этилган.

Кассация инстанцияси судида жами кўрилган ишлар сони ўтган йилга (512 та) нисбатан 628 та (ёки 122,65 фоиз)га ортган.

@irinakhakimovajudge Ochish/sharhlash

2022-06-26 08:05:31 Ҳакамлик суди томонидан ҳал қилув қарори қабул қилинган ва мазкур ҳал қилув қарорига кўра, “R” масъулияти чекланган жамияти вакили О.С. иштирок этиб, ўз кўрсатмасида даъвогарнинг даъво талабларини қисман қувватлаб, даъво аризасидаги даъво предметини (суммасини) ўзгартириш тўғрисида ариза берганлигини қайд этиб, даъво талабидаги 291 641 530 сўм асосий қарз ундириш қисмини тўлиқ тан олиб, пеня қисмини рад этишини сўраган.

ИПК 225-моддасининг бешинчи қисмига мувофиқ иқтисодий суд ишни суд мажлисида кўриб чиқаётганда ҳакамлик суди аниқлаган ҳолатларни текширишга ёхуд ҳакамлик судининг ҳал қилув қарорини мазмунан қайта кўриб чиқишга ҳақли эмас.

Ушбу ҳолда гувоҳ Каримов Н.нинг ишга қандай алоқаси борлиги аниқлаштирилмаганлиги тўғрисидаги важи асоссиз.

Ўзбекистон Республикаси Олий хўжалик суди Пленумининг “Иқтисодий судлар томониданҳакамлик муҳокамаси билан боғлиқ ишларни кўришда қонун ҳужжатларини қўллашнинг айрим масалалари тўғрисида” 2012 йил 15 июндаги 238-сонли қарорининг 15-бандида ҳакамлик судининг ҳал қилув қарори ИПК 226-моддасининг биринчи қисмида кўрсатилган асослар мавжуд бўлса, бекор қилиниши, бунда исботлаш мажбурияти ҳал қилув қароридан норози бўлиб ариза берган тарафнинг зиммасига юклатилиши ҳақида тушунтириш берилган

“R” масъулияти чекланган жамияти томонидан ҳакамлик суди ҳал қилув қарорини ИПК 226-моддаси биринчи қисмининг айнан қайси банди билан бекор қилиш лозимлиги асослантириб берилмаган.

@irinakhakimovajudge Ochish/sharhlash

2022-06-26 08:05:22 Суд амалиёти
( 4-1001- 2206/4706-сонли иш)

Аризанинг мазмуни

Ҳакамлик судининг ҳал қилув қарорини бекор қилиш

Биринчи инстанция судининг ажрими билан ариза қаноатлантириш рад этилган

Апелляция инстанцияси судининг қарори билан ажрим ўзгаришсиз қолдирилган

Кассация инстанцияси судининг қарори билан суд қарорлари ўзгаришсиз қолдирилган

Судларнинг асослари

Аризачининг ариза ва шикоятларда ҳакамлик суди томонидан тарафларни келиштириш чоралари кўрилмаганлиги, даъво аризасининг нусхаси берилмаганлиги, судьянинг суд таркибини шакллантириш ҳақидаги қарори қонунга зид қабул қилинганлиги, гарчанд, ёпиқ суд мажлиси ўтказилган бўлса-да, суд мажлисида гувоҳ иштирок этганлиги ҳақида важлар келтирилган.

ИПК 226- моддасига мувофиқ ҳакамлик судининг ҳал қилув қарори, агар ҳакамлик судининг ҳал қилув қарорини бекор қилиш тўғрисида ариза берган ҳакамлик муҳокамаси тарафи қуйидагиларни исботловчи далилларни тақдим этса, иқтисодий суд томонидан бекор қилиниши керак:
1) ҳакамлик битими қонунда назарда тутилган асосларга кўра ҳақиқий эмаслигини;
2) ҳакамлик судининг ҳал қилув қарори ҳакамлик битимида назарда тутилмаган ёки унинг шартларига тўғри келмайдиган низо бўйича чиқарилганлигини ёхуд унда ҳакамлик битими доирасидан четга чиқувчи масалалар бўйича хулосалар мавжудлигини. Агар ҳакамлик судининг ҳакамлик битими билан қамраб олинадиган масалалар бўйича хулосаларини бундай битим билан қамраб олинмайдиган масалалар бўйича хулосаларидан ажратиб олиш мумкин бўлса, ҳакамлик суди ҳал қилув қарорининг фақат ҳакамлик битими билан қамраб олинмайдиган масалалар бўйича хулосалари бўлган қисми бекор қилиниши мумкин;
3) ҳакамлик суди таркиби ёки ҳакамлик муҳокамаси "Ҳакамлик судлари тўғрисида"ги Ўзбекистон Республикаси Қонунининг 14, 15, 16 ва 25-моддалари қоидаларига мувофиқ эмаслигини;
4) ҳакамлик судининг ҳал қилув қарори "Ҳакамлик судлари тўғрисида"ги Ўзбекистон Республикаси Қонуни 10- моддасининг биринчи ва учинчи қисмлари талаблари бузилган ҳолда чиқарилганлигини;
5) ҳакамлик судининг ҳал қилув қарори ҳакамлик муҳокамаси тарафларидан қайси бирига қарши қабул қилинган бўлса, ўша тараф ҳакамлик судьяларини сайлаш (тайинлаш) тўғрисида ёки ҳакамлик суди мажлисининг вақти ва жойи ҳақида тегишли тарзда хабардор қилинмаганлигини ҳамда шу сабабли у ҳакамлик судига ўз тушунтиришларини тақдим эта олмаганлигини.

Агар ҳакамлик суди томонидан кўриб чиқилган низо қонунга мувофиқ ҳакамлик муҳокамасининг предмети бўлмаса ёки низо ҳакамлик суди томонидан "Ҳакамлик судлари тўғрисида"ги Ўзбекистон Республикаси Қонунининг 5-моддаси талабларини бузган ҳолда кўриб чиқилган бўлса ёхуд ҳакамлик суди ишда иштирок этишга жалб қилинмаган шахсларнинг ҳуқуқ ва мажбуриятлари тўғрисидаги ҳал қилув қарорини қабул қилган бўлса, ҳакамлик судининг ҳал қилув қарори иқтисодий суд томонидан бекор қилиниши керак.

"Ҳакамлик судлари тўғрисида"ги Ўзбекистон Республикаси Қонуни (бундан буён матнда Қонун деб юритилади) 15-моддасининг биринчи қисмига мувофиқ ҳакамлик судининг таркибини шакллантириш ҳакамлик судьяларини (ҳакамлик судьясини) сайлаш (тайинлаш) орқали амалга оширилади.

Мазкур ҳолатда Ҳакамлик судининг 2021 йил 17 ноябрдаги суд таркибини шакллантириш тўғрисидаги қарорига асосан низо якка тартибда мазмунан кўриб чиқиш учун тайинланган ва низони кўриб чиқиш учун ҳакамлик судьяси А.С. тайинланган.

Қонун 37-1-моддасининг биринчи қисмига мувофиқ ҳакамлик муҳокамасида медиация низони кўриб чиқиш жараёнида ҳакамлик судининг қарори қабул қилингунига қадар қўлланилиши мумкин.
Ҳакамлик муҳокамасида низони кўриб чиқиш жараёнида низони ўзаро келишув йўли билан ҳал этилганлиги ҳақида мурожаат қилинмаган.

Қонун 38-моддасининг биринчи қисмига мувофиқ ҳакамлик суди низо ҳолатлари текширилганидан сўнг ҳакамлик суди таркибига кирувчи ҳакамлик судьяларининг кўпчилик овози билан ҳал қилув қарори қабул қилади.

Давоми Ochish/sharhlash

2022-06-25 11:02:14 Ochish/sharhlash

2022-06-25 11:01:46 Юртимизда “Аёллар дафтари”га киритилган хотин-қизларга ижтимоий, ҳуқуқий, иқтисодий ва психологик ёрдам кўрсатиш ва бу борадаги ишларни янада жадаллаштиришга давлат миқёсида алоҳида эътибор қаратилмоқда. Аёллар билан ишлаш тизими самарадорлигини ошириш бўйича белгиланган чора-тадбирларга кўра “Аёллар дафтари”ни юритиш орқали хотин-қизлар муаммоларини тизимли равишда ҳал этиш ва уларни ижтимоий жиҳатдан қўллаб-қувватлашнинг алоҳида тартиби ишлаб чиқилган. Шу муносабат билан ёрдамга муҳтож хотин-қизларнинг муаммоларини тизимли ҳал этиш ҳамда уларга ҳуқуқий маслаҳатлар бериш, сайёр қабуллар ташил этишга судьялар ҳам алоҳида масъулият билан ёндашмоқдалар.

Бугун 25 июнь куни Тошкент шаҳар суди иқтисодий ишлар буйича судьяси И.Хакимова ва Тошкент туманлараро иқтисодий судининг раиси ўринбосари М.Султонов томонидан Чилонзор тумани «Катортол» МФЙда «Аёллар дафтари”га
киритилган хотин-қизлар билан давра суҳбати ўтказилди. Хотин-қизлар, маҳалла фаоллари иштирок этган мазкур учрашувлар “Аёллар дафтари”да рўйхатда турган хотин-қизларнинг мурожаатлари ва мавжуд муаммолари ўрганиб чиқилди.
Судьялар хотин-қизларнинг турли масалалар юзасидан келиб чиққан саволларига жавоб бериб, уларга ҳуқуқий маслаҳатлар бердилар. Давлатимиз томонидан аёлларга берилаётган имтиёзлар, улардан фойдаланиш борасида тушунтириш ишлари олиб борилди. Ochish/sharhlash

2022-06-22 18:45:54 Извлечения из законодательства

Согласно Статье 8 ГК


Гражданские права и обязанности возникают из оснований, предусмотренных законодательством, а также из действий граждан и юридических лиц, которые хотя и не предусмотрены им, но в силу общих начал и смысла гражданского законодательства порождают гражданские права и обязанности.

Гражданские права и обязанности возникают:

1) из договоров и иных сделок, предусмотренных законом, а также из договоров и иных сделок, хотя и не предусмотренных законом, но не противоречащих ему;

2) из актов государственных органов или органов самоуправления граждан, которые предусмотрены законом в качестве основания возникновения гражданских прав и обязанностей;

3) из судебного решения, установившего гражданские права и обязанности;

4) в результате приобретения имущества по основаниям, допускаемым законом;

5) в результате создания произведений науки, литературы, искусства, изобретений и иных результатов интеллектуальной деятельности;

6) вследствие причинения вреда другому лицу;

7) вследствие неосновательного обогащения;

8) вследствие иных действий граждан и юридических лиц;

9) вследствие событий, с которыми законодательство связывает наступление гражданско-правовых последствий.

Права на имущество, подлежащие государственной регистрации, возникают с момента регистрации соответствующих прав на него, если иное не установлено законом.

В силу Статьи 11 ГК РУЗ

Защита гражданских прав осуществляется путем:

признания права
восстановления положения, существовавшего до нарушения права, и пресечения действий, нарушающих право или создающих угрозу его нарушения
признания сделки недействительной и применения последствий ее недействительности
признания недействительным акта государственного органа или органа самоуправления граждан;
самозащиты права;
присуждения к исполнению обязанности в натуре;
возмещения убытков;
взыскания неустойки;
компенсации морального вреда;
прекращения или изменения правоотношения;
неприменения судом акта государственного органа или органа самоуправления граждан, противоречащего закону.
Защита гражданских прав может также осуществляться иными способами, предусмотренными законом. Ochish/sharhlash