⚖️ Право.Uz ⚖️ | All about law

2022-04-29 11:23:19 #Тезкор

Фирибгарлар етказилган зарарни тўлиқ қопламасдан муддатидан олдин қамоқдан озод қилинмайди — қонунлойиҳа

Адлия вазирлиги қонун лойиҳасини ишлаб чиқди. Унга кўра жазони ўтаётган фуқаролар етказилган зарарни тўлиқ қопламагунча шартли равишда озодликка чиқарилмайди.

Тарқатиб юборамиз, фирибгарлар энди хомтама бўлмасин, тўламагунча "ДО КОНЦА" қамоқда чирийди

@Huquqiy_malumotlar_atamalar Ochish/sharhlash

2022-04-24 22:23:34 ​ Protokol xizmati xodimlari yoki protokol ofitserlari (ba'zi mamlakatlarda shunday ataladi), yirik tadbirlar, xalqaro konferensiyalar, global sammitlarning "pardasi ortida" qoladigan insonlardir. Diplomatik protokolning mohiyatini yaxshi tushunmagan odam ularning ishi katta ahamiyatga ega emas va faqat texnik yondashuvligini aytishi mumkin. Biroq, haqiqat butunlay boshqacha ...

O‘zbekiston diplomatik protokoli juda qat'iy va demokratik bo‘lib, xalqimizning milliy mentaliteti, an’ana va urf-odatlari, mehmondo‘stligini hisobga olgan holda tuzilgan. Mamlakatimizda rasmiy delegatsiyalarni kutib olish va kuzatish, turli tadbirlar (ishonch yorliqlarini topshirish, oliy martabali mehmonni aeroportda kutib olish, rasmiy kutib olish marosimi va boshqalar) o‘tkazishning o‘ziga xos amaliyoti mavjud.

Yil davomida O‘zbekistonga turli darajadagi tashriflar bilan xorijiy davlatlarning o‘nlab yuqori martabali vakillari tashrif buyuradi, xalqaro anjumanlar o‘tkaziladi. Tashrif yuqori saviyada o'tishi uchun protokol xodimi chuqur bilim, ko'nikma va fazilatlarga ega bo'lishi kerak. U ijodiy yondashishni bilishi, zukko bo'lishi, qiyin va kutilmagan vaziyatlardan chiqish yo'llarini topa oladigan, jismonan sog'lom bo'lishi kerak (bu juda muhim, chunki ba'zan bir necha kun hushyor turishga va uxlamaslikka ham to'g'ri keladi). Mamlakatimiz protokolida mehmon davlatining an’analari, urf-odatlari va protokol qoidalariga hurmat ko‘rsatilishi nazarda tutilgan, shuning uchun protokol xodimi xorijiy hamkorlarimizning madaniyatini ham bilishi shart.

Shu sababdan, diplomatik protokol texnik xodimlar tomonidan emas, balki yuqori malakali diplomatlar tomonidan amalga oshiriladi. Bir narsani unutmaslik kerakki, Davlat protokoli faoliyati xorijiy hamkorlar oldida mamlakat imidjini shakllantiradi.

@yadiplomat_official Ochish/sharhlash

2022-04-23 22:14:29 ​​#diplomatdan_maslahat

Yozma nutqingizni rivojlantiring. Diplomatik yozishmalar Tashqi ishlar vazirligi faoliyatining ajralmas qismi hisoblanadi. Diplomat bo'lganingizda turli yozishmalar olib borishingiz kerak bo'ladi: notalar, xatlar, eslatmalar va hokazo. Siz yozgan hujjatlar Vazirlikninig "yuzi" sanaladi. Buning uchun mas'uliyatni his qilish juda muhimdir.

Bir kuni talabalar bilan uchrashuvda S.Saidqosimov har kuni bir-ikki varaq tezis yozishni maslahat berdi. Mavzular har xil bo'lishi mumkin (diplomat uchun xalqaro munosabatlar mavzusida bo'lgani yaxshiroq). Tezisda bir so‘z ikki marta takrorlanmasligi va gaplarda turli grammatik konstruksiyalardan foydalanilishi muhim ahamiyatga ega. Oxirida siz o'zingizning ishingizni tekshirishingiz va uni baholashingiz kerak. Bu sizning yozish uslubingizni yaxshilash uchun ajoyib vosita bo'lib xizmat qiladi.



#совет_от_дипломата

Развивайте свою письменную речь. Неотъемлемой частью работы в МИД являются дипломатические переписки. Вам придётся вести различную корреспонденцию: писать ноты, письма, памятные записки и т. д. Дипломат должен уметь грамотно построить текст, правильно подобрать слова и выражения, ведь написанные вами документы будут показывать "лицо" Министерства. Очень важно чувствовать ответственность за это.

Как-то на встрече со студентами С. Саидкасымов посоветовал писать каждый день тезисы на одну или две страницы. Темы могут быть различные (для дипломата, желательно, на тему международных отношений). При этом важно, чтобы в тезисе одно слово не повторялось два раза и использовать различные грамматические конструкции в предложениях. В конце нужно проверить свою работу и оценить её. Это послужит отличным инструментом повышения качества вашего письма.

@yadiplomat_official Ochish/sharhlash

2022-04-19 13:48:18 Метро ва автобусларда ҳумо карталари билан тўлов амалга оширишда муаммолар мавжуд. Назаримда, муаммолар сунъий ва атайин яратилган

Метро бекатларига тушишда, айниқса эрталаб ва кечқурун тиғиз пайтларда касса олдида узун, қатор навбатларга кўзингиз тушаетгандир. Кўпчилик ҳайрон бўлмоқдаки, нега йўловчилар, уларнинг орасида ёшлар, талабалар кўпроқ, замонавий тўлов карталаридан фойдаланиш ўрнига, узун навбатларда туриб кассадан чипта сотиб олишмоқда.

Бугун эрталаб мен билан ҳам шундай воқеа содир бўлди. Метрога тушишда ҳумо картаси орқали тўлов ўтмади. Бекат ходимаси картангиз блокланган, бориб чипта олинг деди, Навбатда туриб, кассадан чипта олишга мажбур бўлдим. Метродан чиқибоқ, банкдан аниқлаштирдим, карта банк тарафидан ҳеч қандай блокировка бўлмаган. Ҳумо тизимида ҳам бирон муаммо йўқ. Бошқа терминалларда тўлов ва ўтказмалар амалга ошмоқда.

Туш вақтида яна метрога тушишда муаммо такрорланди. Навбатда турганларнинг айтишича, йўловчиларни АТТО тизими карталарини сотиб олишга ундаш учун шундай қилинмоқда. Масалан, йўловчи ўзи ва шериги учун икки марта тўлов амалга оширмоқчи бўлганда ёки алоқа сифати ёмонлигида ҳумо карталари блокка туширилмоқда. Поезд кутиб турган талабалардан бирининг ёзғиришича, унинг картаси бир неча бор блоклангач, охири АТТО картасини сотиб олишга мажбур бўлган. Кейинги пайтда блоклаш билан боғлиқ муаммолар камайиш ўрнига фақат кўпайган.

Бу версияни йўл-йўлакай ўқишга қатнайдиган талабалар, ишга қатнайдиган ходимлардан ҳам кўп бора эшитдим. Мазкур усул кундан кунга авж олмоқда экан. Метродан синалган усул энди автобусларга ҳам ўтипти (дарвоқе, ўтган ҳафта 13- автобусдан фойдаланганимда ҳам ҳумо картангиз блокланган, дея баҳона қилишганди).

Вазиятга аниқлик киритиш ва жамоат транспортида блокланган картани блокдан ечиш учун учун АТТО тизимининг 78-140-08-08 мурожаат рақамига қўнғироқ қилдим. Афсуски, оператор ҳумо карталарини блоклаш нима учун юз бераётганига аниқ-тиниқ изоҳ бера олмади ва блокдан ечиш учун компания сайти орқали сўров юбориш лозимлигини билдирди.

Компания сайтига кириб, ҳумо картамни блокдан ечдим. Ҳаммадан қизиғи, картани блокдан ечишим билан йўл ҳақи учун тўлов яна бир марта ушлаб қолинди.

Албатта Раматовдан тортиб Артикходжаевгача бўлган ўзбек чиновниклари ва қарор қабул қилувчилар на метрода, на автобусда юришади, шунинг учун кенг йўловчилар қатламининг кундалик муаммоси уларга бегона бўлиши табиий. Лекин аҳоли энди нақдсиз тўловларга кўникаётган бир шароитда йўқ жойдан сунъий муаммолар яратилиши, ҳа майли, атайин қилинмаган деб ҳисобласак ҳам бу муаммоларнинг шу пайтгача тизимли тарзда бартараф этилмаётгани, танлов қолдирмасдан АТТОга ўтишга ундалаётгани барибир ғалати. Жудаям ғалати.

@the_bakiroo Ochish/sharhlash

2022-04-19 11:15:06 Ўзбекистонда Миллий гвардияга жамоат жойларида спиртли ичимликлар истеъмол қилганлик учун жарима солиш ҳуқуқи берилди

Энди Миллий гвардия қуйидаги моддалар бўйича жазо чораларини кўриши мумкин:

187-моддасининг биринчи қисми (Жамоат жойларида алкоголь махсулотини истеъмол қилиш);

188-модда (Вояга етмаган шахсни ғайриижтимоий хатти-ҳаракатларга жалб қилиш);

188-2-модда (Вояга етмаган шахснинг кўнгил очиш (дам олиш) жойларида тунги вақтда бўлишига йўл қўйиш);

192-модда (Маиший шовқинга қарши кураш талабларини бузиш) бўйича.


@Huquqiy_malumotlar_atamalar Ochish/sharhlash

2022-04-08 17:05:44 Артель сервис маркази хизматидан қаерга шикоят қилиш мумкин?

Савол: Тасвири кўрсатмай қолгани сабабли Артель сервис марказига телевизорни таъмирлашга топширдим. Тузатиб беришди (470 минг сўм тўланди). Бир ҳафта ўтмай олдинги муаммо яна такрорланди, яъни, тасвир яна кўринмай қолди. Кафолат қоғози билан ўша марказга телевизорни қайта олиб бордим. Аммо бу сафар 670 минг сўм тўлаш кераклигини маълум қилишди. Шу масала бўйича маслаҳат берсангиз, бағоят мамнун бўлардим. Олдиндан раҳмат.

Жавоб: 1996 йил 26 апрелдаги «Истеъмолчиларнинг ҳуқуқларини ҳимоя қилиш тўғрисида»ги Қонунининг 14-моддасига кўра истеъмолчи товарнинг ишлаб чиқарилишига, тузилишига, таркибига доир камчиликларни ёки бошқа нуқсонларни аниқлаган тақдирда сотувчи (ишлаб чиқарувчи) уни айни шундай маркали (моделли, артикулли) товарга етти кунлик муддатда, товар сифатини сотувчи (ишлаб чиқарувчи) томонидан қўшимча равишда текшириш зарур бўлганида эса, истеъмолчи талаб қўйган пайтдан эътиборан йигирма кун ичида алмаштириб бериши шарт.

Айни шундай маркали (моделли, артикулли) товар бўлмаган тақдирда, истеъмолчининг алмаштириб бериш хусусидаги талаби даъво қилинган пайтдан эътиборан бир ой ичида қондирилиши керак.

Ушбу қонунинг 15-моддасига мувофиқ, товарда кафолат муддатида топилган нуқсонларни сотувчи истеъмолчи тегишли талаб қўйган пайтдан эътиборан йигирма кун ичида, ишлаб чиқарувчи эса, ўн кун ичида бепул бартараф этиши лозим. 

Демак, хизмат маркази сизга нуқсони бор товарни бошқа сифатли товарга алмаштириб бериши ёҳуд ўн кун ичида ишлаб чиқарувчи бепул тузатиб бериш керак эди. Мазкур вазиятда сиз қонуний манфаатларингизни суд ёки истеъмолчиларни ҳимоя қилиш маркази ёрдамида ҳимоя қилишингиз мумкин.

@Huquqiy_malumotlar_atamalar Ochish/sharhlash

2022-04-07 10:30:15 Маъмурий назоратда турган шахс бошқа вилоят ёки шаҳарга кўчиб кетса бўладими?

Савол: Маъмурий назоратда турган шахс бошқа вилоят ёки шаҳарга кўчиб кетса бўладими?

Жавоб: Маъмурий назорат тўғрисидаги қонуннинг 14-моддасида, назорат остидаги шахснинг ҳуқуқлари санаб ўтилган. Моддага кўра, яшаш жойидан ташқарида бўлиш ва (ёки) суд томонидан белгиланган ҳудуд доирасидан қисқа муддатга чиқиш учун рухсатномалар олиш тўғрисидаги аризалар билан ички ишлар органларига мурожаат этиш мумкин. Қонунга кўра, назоратдаги шахс қисқа муддатда руҳсатнома олиш орқали ўз яшаш жойини тарк этиши мумкин. Доимий яшаш учун кўчиб ўтишга йўл қўйилмайди.

@Huquqiy_malumotlar_atamalar Ochish/sharhlash

2022-04-05 09:27:51 Хориж давлати университетининг дипломи Ўзбекистонда тан олинадими?

Савол: Москва университети дипломини Ўзбекистонда тан олиниши учун қаерга мурожаат қилишим керак? Қай тартибда бўлади бу жараёнлар, мендан давлат божи ундириладими?

Жавоб: Вазирлар Маҳкамасининг 620-сонли қарорига мувофиқ, хорижий давлатларда таълим олганлик тўғрисидаги ҳужжатларни тан олиш учун талабгорлар томонидан бевосита давлат хизматлари марказлари орқали ёки ягона интерактив давлат хизматлари порталида рўйхатдан ўтган ҳолда мурожаат қилишингиз керак бўлади.

Хорижий давлатларда таълим олганлик тўғрисидаги ҳужжатларни тан олиш учун сўровномага қуйидаги ҳужжатлар илова қилинади:

Хорижий давлатларда таълим олганлик тўғрисидаги ҳужжат ва унга илованинг нусхаси;

Хорижий давлатларда таълим олганлик тўғрисидаги ҳужжат ва унга илованинг Ўзбекистон Республикаси давлат тилига таржима қилинган нотариал тасдиқланган нусхаси.

Давлат хизматини кўрсатганлик учун энг кам ойлик иш ҳақининг уч баравари (2019 йил 1 сентябрдан бошлаб базавий ҳисоблаш миқдорининг уч баравари) миқдорида йиғим ундирилади.

@Huquqiy_malumotlar_atamalar Ochish/sharhlash

2022-04-04 10:46:52 Талаба контрактига имтиёз борми?

Савол: Бир оилада икки талаба контрактда ўқиса солиқдан бирон бир имтиёз борми

Жавоб: Янги таҳрирдаги Солиқ кодексининг 378-моддасида жисмоний шахслардан олинадиган даромад солиғи бўйича солиққа тортилмайдиган даромадлар тоифаси келтирилган.

Жумладан, Ўзбекистон Республикасининг олий ўқув юртларида таълим олиш (ўзининг, йигирма олти ёшга тўлмаган фарзандларининг ёки эрининг (хотинининг) таълим олиши) учун йўналтирилган иш ҳақи ва бошқа даромадлари ҳам киритилган.

Юқоридаги нормага мувофиқ, контракт учун ўтказилган иш ҳақидан даромад солиғи олинмайди.

@Huquqiy_malumotlar_atamalar Ochish/sharhlash

2022-04-03 21:01:46 Ёзишмалар дахлсизлиги ҳақида

Американинг оталари бундан 250 йил аввал янги бир давлатнинг тамал тошини қўяётганида ойлар, йиллар давомида баҳслашганлар, лекин учта масалада улар истиносиз келиша олишган.

Булар ҳокимиятнинг бўлиниши, сўз эркинлиги ва албатта ёзишмалар дахлсизлиги.

Чунки американинг буюк оталари тушунишганки, бу уч тамал тошсиз ҳеч бир давлат тараққий топмайди, жамият тинчлиги кафолатланмайди, фуқаролари эркин ва хавфсиз бўлмайди.

Ҳокимият бўлиниши ва сўз эркинлиги тўғрисида жуда кўп ёзилган, унинг аҳамиятини тушунмайдиган ва қабул қилмайдиган замонавий одамнинг ўзи йўқ.

Лекин ёзишмалар дахлсизлиги борасида, гарчи бу инсон ҳуқуқларининг энг асосий ва ажралмас қисми бўлсада, анъаналар амал қиладиган давлатларда ҳалигача ўзгача қарашлар сақланиб қолган.

Кимдир турмуш ўртоғининг телефон ва тармоқлардаги ёзишмаларини ўқишни мумкин деб ҳисоблайди. Кимдир ота-онаси ёки вояга етган фарзандининг ҳаёти билан ортиқ даражада қизиқади ва суҳбатларда нималар ёзаётгани, нималар айтаётганини билгиси келади, кимгадир эса ҳамкасбининг, кимларгадир дўстларининг ёзувлари қизиқ. Бир қарашда ҳаммаси яхшилик учундек, яхши ниятдаги ҳаракатдек.

Лекин қабул қилиш лозимки, бу ҳаракатлар ҳеч бири яхшилик, яратувчилик ва мувозанат келтирмайди.

Қайсики оилада эр хотиннинг, хотин эрнинг ёзувларини берухсат ўқиётган бўлса, у оила пароканда бўлади.

Қайсики жамиятда жамият аъзоларининг бир қисми жамиятнинг бошқа аъзолари ёзишмалари ва мулоқотларини берухсат ёзиб олаётган бўлса, бу жамият таназзулга маҳкум.

Қайсики давлатда фуқароларнинг ёзишмалари ва телефонда сўзлашувлари томонларнинг розилигисиз эшитилса ва ошкор этилса, бу давлатда тараққиёт ҳам, фаровонлик ҳам бўлмайди.

Чунки инсоният табиати ва зеҳнияти "ҳеч ким фаришта эмас" қоидаси устига қурилган. Ёзишмалар дахлсизлигига ўта бефарқлик ёки уни ёқлаш токи бу иш бевосита сизга нисбатан ишлатилгунча холос. Чунки, яна қайтарамиз "ҳеч ким фаришта эмас".

Ҳа дарвоқе, ёзишмалар ва сўзлашувларни унда иштирок этганларнинг розилигисиз ёзиб олиниши ва ошкор қилиниши нормал давлатларда жиноят ҳисобланади. Ўзбекистонда ҳам.

Манба: the bankiroff

@Huquqiy_malumotlar_atamalar Ochish/sharhlash