2023-04-28 16:14:38
Taloq tushadimi?#Savol: Er ayoliga "3 oygacha uyingga bormaysan, borsang, qaytib kelma" degan boʻlsa, ayoli shu oy ichida uyiga borsa, taloq tushib qoladimi?
Javob: Avvalo er bunday shart qo'yishi noto'g'ri ekanini aytib o'tish kerak. Olimlar er ruxsat bersa ham, bermasa ham ayol kishi bir haftada bir marta ota-onasining ziyoratiga borishga haqli deganlar. Albatta, bunda oradagi masofaga ham e'tibor qilinadi, lekin er imkon qadar sharoit qilib berishi, bu kabi taqiq qo'ymasligi kerak. Bu silayi rahmga rahna solyapti.
Shu bilan birga, ikkinchi tomonni ham eshitmaganimizni e'tirof etamiz. Balki shunday jazoga sabab bo'ladigan itoatsizlik, xiyonat kabi narsalar sodir bo'lgan bo'lishi ham mumkin.
Savolga kelsak, bu vaziyatda er "qaytib kelma" deganda taloqni, ajrashishni niyat qilib aytgan bo'lsa, taloq tushadi. Tahdid qilish uchun aytgan bo'lsa, taloq tushmaydi. Vallohu a'lam.
@Hubbuna — oila qurish, oilaviy muhabbat, baxt va farzand tarbiyasi haqida
5.7K views13:14