Fayzullaxon | Blog

2022-10-03 17:45:49 Universitet kerakmi?

Hozirgi paytda eng aktual mavzu. Universitet kerakmi? Ha, kerak. Kimga kerak? Ma'lum bir sohadagi diplomsiz ishlab bo'lmaydigan kasb egasi bo'lmoqchi bo'lganlar (doktor, o'qituvchi), davlat ishida ishlamoqchi bo'lganlarga, hali hech kim bo'lishi aniq bo'lmagan plani yo'qlar uchun shart. Qolganlar uchunchi? O'qisa foyda, lekin o'qimasa vahimaga tushish, kerak ekan deb o'ylab umuman o'zini sohasi bo'lmagan universitetlarda o'qishni tavsiya qilmiman. Bu pulga usha sohada rivojlanishga yoki soft skillslarni rivojlantirishga yordam beruvchi kurslarda o'qigan afzalroq

Va shuni etib qo'yish kerak, universitetdan juda katta narsani kutish kerak emas. Universitet bilan bir vaqtda qo'shimcha kurslarga borib, ma'lum bir kasbni mukammal o'rgangan va tajriba orttirgan yaxshiroq. Chunki hozir "Частный" korxonalar diplom emas, tajriba so'rayabdi, shuning uchun o'qish vaqtida tekinga bo'lsa ham tajriba orttirish uchun ishlab qo'yaverish kerak

Qanday universitetni tanlash kerak? Yaxshiroq varianti chet el universitetida, yoki O'zbekistonda o'qimoqchi bo'lsangiz, hozirda ochilayotgan nodavlat universitetlarda o'qishni tavsiya qilgan bo'lar edim. Nega bunaqa? Davlat universitetlarida o'qiyotgan insonlar bilan gaplashganimda, deyarli barchasining javobi, davlat sektorlarida asosan faqat nazariy bilimlar beriladi va bilim 2-darajada asosiysi forma, davomat va hokazo...

Lekin bu degani universitetda umuman o'qish kerak degani emas, o'qish kerak. Lekin faqatgina diplom uchun emas, haqiqatdan kuchli ta'lim beruvchi foydali, kuchli tanish-bilish orttirish mumkin bo'lgan, sizga xayotda haqiqatdan ham yordam beruvchi universitetda o'qish kerak

@Fayzullaxon_Muzaffarov Ochish/sharhlash

2022-09-29 17:31:02 Zararli odatlardan qutulishni eng oson yo'llari

1) Atrofingizni bu turdagi insonlar guruhidan tozalash. Masalan cheksangiz va chekmaydigan va bu ishni qoralaydigan odamlar orasiga tushib qolsangiz, ko'p xolatlarda bu sizning chekishingizni tashlashga yordam beradi

2) Ushbu yomon odatni qilganingizga jazo va qilmagan kuningiz uchun rag'bat tashkillashtirish. Masalan ko'p telefon o'ynasangiz kuniga 4 soatlik limit qo'yib ko'proq o'ynasangiz 20.000 yoki 30.000 ehson qilib yuborish va kamroq o'ynasangiz o'zingizga qandaydir narsa sovg'a qilish

3) Bittada bu yomon odatni to'xtatishga harakat qilmasdan, oz-ozdan kam-kamdan kamaytirish. Masalan agar chekishni tashlamoqchi bo'lsangiz kuniga 3 marta cheksangiz, 1 martaga, 1 marta bo'lsa 2 kunda bir chekishga shunga o'xshab oz-ozdan kamaytirish kerak

4) Bu ishni qilish imkoniyatini to'xtatib qo'yish. O'zim bilan oldin bo'lgan xolat, kechqurun telefonimdan ko'p vaqt bekorga foydalanar edim, va kelasi kunlardan odat qildim telefonimni kimgadir berib qo'yishga va ertalab sizdan olaman deb aytishga. Bu ham zo'r yordam beradigan usul

Asosan bu yerdagi usullar Jeyms Klirning Atom odatlari kitobidan olingan, kitobni o'qib ko'rib yana qo'shimcha foydali ma'lumotlar olishingiz mumkin

@Fayzullaxon_Muzaffarov Ochish/sharhlash

2022-09-24 18:27:25 Odamlar nima deydi?

Ochig'i o'zimga eng yoqmidigan gap. Odamlar nima deydi.

Ba'zi bir xolatlarda, xayotimizda ko'p qarorni o'z xohishimiz bilan emas, boshqalar uchun belgilaymiz. Masalan: Man yurist bo'lmoqchiman, yo'q san biznesmen bo'lasan, biznesmenni o'g'lisan, odamlar nima deydi yoki mani ishimga universitetti umuman aloqasi bo'masayam o'qishim kere chunki ziyolilar avlodiman, odamlar nima deydi. Yoki to'yimga oshga hammasiga 500 kishi chaqirishim kere, odamla nima deb o'ylidi. Yo'q

Odamlar nima bo'lsa ham gapiradi. Siz nima qilishingizdan qat'iy nazar odamlar gapiradi, siz 50 kishilik to'y qisez ha kam odam chaqirib to'y qibdi pastlik qilib didi yoki 500 kishi chaqirsa shuncha pul isrof deydigan odam ham topiladi.

Odamlarni gapiga umuman e'tibor berish yoki ular uchun nimadir qilish umuman kerak emas, ular har doim gapiradi. Odamlar gapirmasligi uchun 4 yil umrni instutta xazon qilish yoki mashinani sotib to'y qilish nimaga kerak?

Gapirayotgan odam to'yingizzi pulini yoki ketqazgan vaqtingizni qaytarib bermaydi, shu sababli birovlarning gapi uchun yashashshi to'xtatish kerak

Umr oz, bundan foydalanib zavqlanib, ibodatti qib, maza qilib yashash kerak

Subyektiv fikr. Postga munosabatingizzi izohda kutaman )

@Fayzullaxon_Muzaffarov Ochish/sharhlash

2022-09-21 19:40:17 Biz ...

Biz- XiaoMe ham, Iphone ham bir xil funksiya bajarishini bilamiz lekin Iphone olishga harakar qilaveramiz (Chunki bizga status kerak)

Biz- futbol kabi o'yinlarni ko'rish, instagram, facebookda soatlab o'tirish, telefon o'yinlarini o'ynash aslida bizga hech qanday foyda bermasligini ham bilamiz, lekin bu ishlarni takrorlayveramiz

Biz- vaqt eng buyuk ne'mat, undan unumli foydalanish kerakligini bilamiz, lekin bu vaqtni umuman foydasiz narsalarga sarflaymiz

Biz- juddda ko'p narsani bilamiz, lekin hech qaysinisiga amal qilmaymiz

Biz- 5 mahal namoz o'qish farz, Allohning buyrug'i ekanini bilamiz, lekin o'qimaymiz

Biz- faqat og'izda gaplarimiz zo'r, dindor, taqvodormiz, aslida ...

Biz- Allohdan qo'rqamiz deymiz, lekin uning buyruqlarini bajarmaymiz

Biz- bu dunyo o'tkinchi, oxirat abadiyligini bilamiz, lekin vaqtimizni faqat bu dunyo ishlari uchun sarflaymiz

Biz- faqat baxona izlaymiz

So'ngi so'zim- biz faqat bilamiz ...

@Fayzullaxon_Muzaffarov_Life Ochish/sharhlash

2022-09-18 19:20:44 Bu post biron- bir ishni maqsad qilib, boshlay olmayotganlarga bag'ishlanadi

Ko'pchilik qilmoqchi ishlarini boshlay olmayotganini asosiy sababi, bu ish ularni ko'ziga katta ko'rinib, uni keyinroqqa qoldirishlaridir. Buni yengishni eng oddiy yo'li bu katta maqsadlarni kichik maqsadchalarga bo'lib chiqish kerak!

Masalan o'quv markaz ochmoqchisiz, endi shu maqsadni kichik maqsadchalarga bo'lamiz, buning uchun bizga nima kerak bo'ladi: O'quv markazni ro'yxatdan o'tkazish, ofis topish, o'qituvchi topish, reklamani yo'lga qo'yish va hokazo. (Bularni hammasini yozib chiqish kerak!)

So'ng orasidan birinchi qilishingiz kerak bo'lgan bitta maqsadchani tanlab olib, hozir shu maqsadcha uchun nima qila olasiz aniqlab olasiz

Masalan o'quv markaz uchun birinchi nima qilish kerak, ofis topish kerak (masalan)

Endi shu qadamni bajarish uchun nimalar qilish kerakligini, stiker olib ketma-ket qilib yozib chiqamiz:

Ofis topish uchun nima qilaman:
1. Ertaga ertalab 10 da Jasurdan ofis topishga qarashishini so'rayman. U hozir bekorchi voqti ko'p manga ofis topishga yordamlasha oladi

2. Ertaga soat 11 da Drujbadan arendaga berilayotgan joy qidiraman

3. Ertaga soat 12 da ofis arendaga beradigan sayt va kanallardan ofislar qidiraman

Shunga o'xshash harakatlar ketma-ketligi qilib chiqsa o'sha kichik maqsadchaga erishish va har birini shunday yozib belgilab bajarib borsa maqsadlarni amalga oshirish osonlashadi

Bir narsani yodda tutish kerak harakatlarni yozganda aniq-aniq qilib olish kerak: Nechida kim bilan qayerda hammasini yozish kerak, unda keyin qilmoqchi bo'lgan voqtingizda nimadir xato ketib, ishingiz keyinga surilishi mumkin...

Dovron Turdiyev "Anti-Dangasalik" kursidan olingan xulosalar

@Fayzullaxon_Muzaffarov Ochish/sharhlash

2022-09-17 08:05:12 "Halqa" kitobidan haqida

Kecha kechqurun Halqa kitobini o'qib tugatdim. Juda mohirona yozilgan. Agar qiziqib ketsangiz 1 kun ichida ham o'qib tugatishingiz mumkin

Asarda asosan turli xil davlatlardagi turli voqealar aytib berilgan:

- Xitoydagi Uyg'ur insonning og'ir xikoyasi;

- Hindistonda musulmonlarga bo'lgan zulm;

- Buxoro qanday parchalanib, O'zbekistonga SSSR qanday kirib kelishi;

- Musulmonlarni zamondan orqada qolgan deb o'sgan muslima xikoyasi

- Afg'on urushi va musulmonlar orasidagi urushlar ...

Umuman ushbu mavzular haqida ma'lumotlar berilgan. Bunda barcha vaziyatlarni ichkaridan, o'sha yurtda yashovchi odam nomidan ko'rishingiz mumkin

Kitob juda zo'r, kitobdan olingan foydalar haqida etib berish niyatim yo'q, o'qib ko'rib xulosa chiqarsangiz manimcha foydaliroq bo'ladi ...

@Fayzullaxon_Muzaffarov Ochish/sharhlash

2022-09-16 18:23:19 Miyani chiniqtiruvchi, muntazam ishlashiga yordam beruvchi mashqlar: (O'zim qo'llayotgan)

1. So'z yodlash

2. Matematik amallarni bajarish

3. Ilmiy, ma'lum sohaga oid kitob o'qish

4. Mnemonik mashqlarni bajarish

5. Qiziqqan sohasiga oid yangi bilimlarni o'rganish

@Fayzullaxon_Muzaffarov Ochish/sharhlash

2022-09-13 17:00:26 Gapirishdan qo'rqmaslik kerak!

Hozirda ko'pchilik omma oldida gapirishdan yoki o'z fikrini bildirishdan qo'rqib, xadiksiraydi. Ammo bu narsa bizga xayotda juda ko'p pand beradi

Masalan kurs o'qiyabsiz bir narsani tushunmay qoldingiz, lekin so'rashga uyalyabsiz, bu narsa faqat sizga minusga ishlaydi. Shunchaki so'rash kerak, o'ylab qarasak so'ragandan foydasi bo'lsa bor, lekin hech qanday zarari yo'q

Yoki qayerdadir ishlaysiz va gaplashib, aktiv faol bo'lishga uyalasiz yoki gapirishdan qo'rqasiz. Buni ham foydasi yo'q. Bu holatda bizda o'sish qiyin bo'ladi. Shunchaki "Just Do It". Gaplashib ko'rish kerak, siz gapirayotganlar ham odam, ular ham sizning gaplaringizni tushunishadi.

Bu qo'rquv yoki his-hayajonni yengishshi oson yo'li: shunchaki nima bo'sa bo'ldi deb, gapirib ko'raverish kerak, shunaqa qilib gaplashish, odamlar bilan muloqotga kirishish osonlashadi

Shaxsiy fikrlar)

@Fayzullaxon_Muzaffarov Ochish/sharhlash

2022-09-12 18:31:51 Challenge:

7 kun xufton namozini masjidda o’qish

7/7 Vazifa bajarildi

Ertagadan 7 kun 50 betdan kitob o'qish har kuni Challenge

Shu profilda kitobdan olingan hamma foydalarimmi maksimal yoritib boraman:

@Fayzullaxon_muzaffarov_life Ochish/sharhlash

2022-09-11 19:16:37 Nega?

Aqliy rivojlanishga yordam beruvchi o'zim bilgan kuchli qurol bu "Nega?" savoli

Instutda o'qishing kerak, nega? Sen bunaqa ish qilishing kerak, nega? Sen bunaqa ish qilishing kerak emas edi, nega? Majburiy forma va soqol mumkin emas, nega? To'ying bo'lsa 500 kishi chaqirishing kerak, nega? Va boshqa gaplar

Agar biz har bir narsada o'zimizga nega deb savol bersak, shunchaki ma'lum bir ishni bajarib emas, nega unday qilish kerak, yoki qilish shart emasmi bilib olsak, tanqidiy fikrlash rivojlanadi va xayotimizni yaxshi tomonga o'zgartirish imkoni oshadi

Bu savolni har doim berib ko'raylik o'zimizga, har bitta vaziyatda. Va ko'pincha nega savoli qiyin holatlarda va tushkunliklarda ham yordam beradi

Omadim yurishmayabdi, nega? Yashashimga pul yetmayabdi, nega? Yomon odatlardan qutila olmayabman, nega?

Har bir holatda o'zingizga nega bu holatga tushganingizni aniqlab, va QANDAY QILIB bu vaziyatni to'g'irlash mumkin savolini bersak, xayot aniq biz uchun osonlashadi ...

@Fayzullaxon_Muzaffarov Ochish/sharhlash