Файзбоғ (ТемурМалик)

2021-12-17 07:31:26 Бизнес-омбудсман ваколатлари кенгайтирилади

Янги тартибга биноан унга айрим маъмурий ҳуқуқбузарликлар тўғрисидаги ишларни кўриб чиқиш ваколати берилиши кўзда тутиляпти. Бу ҳақда Олий Мажлис Сенати матбуот хизмати хабар берди.

Илгарироқ, 2020 йил 29 декабрдаги президентнинг Олий Мажлисга Мурожаатномасида, бизнес-омбудсманга тадбиркорларнинг ҳуқуқларини бузган давлат идораси мансабдорларига нисбатан маъмурий жавобгарликка тортиш бўйича ваколат бериш таклифи билдирилган эди.

@fayzboguz Ochish/sharhlash

2021-12-16 20:40:24 ​​​Мағлубият аламидан мисли кўрилмаган шон-шуҳратгача — бир мем тарихи

Мана бу полвонни кўп кўрган бўлсангиз керак. Ўзбек мемчилари ҳам бу аканинг сиймоларига жуда кўп мурожаат қилишган. Расмда аламзада ҳолатда тасвирланган кишининг исми Муҳаммад Сарим Ахтар (Muhammad Sarim Akhtar) экан.

2019 йилнинг 12 июн кунида Крикет бўйича бўлиб ўтаётган жаҳон чемпионатида Покистон терма жамоаси Австралияга қарши майдонга тушади. Ўйиннинг бир вазиятида покистонлик спортчи Асиф Али қулай вазиятда тўпни қўлидан чиқарворади. Айни шу дақиқаларда камера нигоҳини вазиятга ўта мос тушган кадр покистонлик мухлис Сарим Ахтарга қаратилади. Унинг тасвири аввалига Фейсбук тармоғига мухлислар томонидан жойланади. Ҳеч қанча вақт ўтмай ушбу расмни Халқаро крикет кенгаши ўзининг акуантига ҳам жойлайди. Бу вақтда ҳали ўйин тугамаган эди. Тасвир яшин тезлигида машҳурлашиб кетдики, ҳатто айнан шу ўйин тугаганидан сўнг ўйингоҳнинг ўзида мухбирлар ундан қисқа интервью олишга уринишди.

Расмдаги унинг норози қиёфада намоён бўлиши орқали одамлар турли вазиятларга ўз ҳис-туйғуларини, норозиликларини ифодалашга урина бошладилар. Ахтарга унинг тасвири мисли кўрилмаган шон-шуҳрат олиб келади. Уни рекламаларга, тадбирларга чақира бошлашади, у ҳатто Coca Cola рекламасида ҳам иштирок этишга улгуради. Табиийки, бу тадбирлар унга яхшигина даромад келтиради.

Ҳаёт тасодифлар алгоритмига бой. Покистон мағлубиятга учраган бўлсада, ўша куни Ахтар исмли йигит бошига бахт қуши қўнганди. Сенга омадсизлик, бахтсизликдек туюлаётган қайсидир вазият аслида сенинг омадинг, муваффақиятинг бўлиб қолиши ҳам мумкин. Ҳаётингизда нималар рўй беришидан қатъи назар, ҳаммаси яхшиликка эканлигига ишонинг.

(с) Акбаржон Абдулмажид

@fayzboguz Ochish/sharhlash

2021-12-16 19:34:52 Ўзбекистон делегацияси Сеулда илиқ кутиб олинди
—
Делегации Узбекистана оказано теплое гостеприимство в Сеуле Ochish/sharhlash

2021-12-16 18:53:31 Ўзбекистонда 4 млн. тонна радиоактив чиқинди мавжуд

Бу ҳақда АОКАда Саноат хавфсизлиги давлат қўмитаси мутасаддилари иштирокидаги матбуот анжуманида маълум қилинди: "Ушбу радиоактив чиқиндилар Совет Иттифоқи даврида уран конлари фаолияти натижасида тўпланиб қолган. Бу муаммо Марказий Осиёнинг бошқа давлатларида ҳам мавжуд (масалан, Қозоғистонда — 240 млн. тонна)".

Ушбу чиқиндилар жойлашган ҳудудларни экологик соғломлаштириш ишларини амалга ошириш мақсадида Европа Тикланиш ва тараққиёт банки, Европа Иттифоқи ҳамда қатор давлатларнинг ҳомийлигида 2 млн евро миқдорида биринчи грант ажратилиши бўйича қарор қабул қилинди.

@fayzboguz Ochish/sharhlash

2021-12-16 17:51:40 Жорий йилнинг 7 декабр куни "Қўйлиқ" деҳқон бозори ва унга туташ улгуржи савдо майдони бошқа жойга кўчирилиши ҳақида хабарлар тарқалди. Тошкент шаҳар ҳокимлиги матбуот хизмати хабарига кўра, пойтахт йўл инфратузилмасини яхшилаш, коммуникация тармоқларини такомиллаштириш ва тирбандликларнинг олдини олиш мақсадида, "Қўйлиқ" деҳқон бозори ва унга туташ бўлган улгуржи савдо майдони жойлашган манзилда йўл кенгайиши ва кўприк қурилиши ишлари режалаштирилган. "Шу муносабат билан "Қўйлиқ" деҳқон бозори ва унга туташ улгуржи савдо майдони бошқа манзилга кўчирилади", дейилади хабарда.

Бу қарор "Қўйлиқ" бозорида фаолият юритаётган тадбиркорларнинг кенг миқёсдаги норозилигига сабаб бўлди. Натижада, «Қўйлиқ» деҳқон бозори ва улгуржи савдо бозори бузилишига норозилик билдириб йўлни тўсиб қўйган тадбиркорларнинг 5 нафари маъмурий қамоққа олинди. 12-декабр куни мазкур иш Бектемир туман маъмурий судида кўрилиб, уларга 5−7 кун қамоқ жазоси тайинланган.

«Қўйлиқ бузилади(ми?) Сўзлар ва амаллар бошқа-бошқа ҳолатларни кўрсатганда» — мазкур ҳодиса тўғрисида батафсил ушбу видеода сўз юритамиз

@fayzboguz Ochish/sharhlash

2021-12-16 16:50:39 Бу йил пойтахтда бўлиб ўтаётган «Тошкент ёшларни севади» шиори остидаги ёшлар ойлиги аввалги йиллардан кўра, барча ёшлар тоифаси учун алоҳида адастурлар, лойиҳа ва тадбирлар тайёрлангани билан ажралиб турса керак, назаримда. Ҳеч бир ёшлар тоифаси назардан четда қолмаганининг гувоҳи бўляпмиз.

Ойлик доирасида Давлат хавфсизлик хизмати Тошкент шаҳар бошқармаси, Тошкент шаҳар ИИББ, Тошкент шаҳар прокуратураси ҳамда ҳамкор ташкилотлар 13-16 декабрь кунлари Тошкент вилоятида ёшлар учун спорт, соғломлаштириш ва ватанпарварлик лойиҳасини амалга оширган.

Лойиҳанинг якуний ёпилиш маросими Бўстонлиқ туманидаги «Ёшлар оромгоҳи»да ўтказилган. Унда анъанавий учрашувлардан воз кечилиб, гулхан атрофида ёшлар томонидан берилган таклиф ва ташаббуслар муҳокама қилинган, мурожаат ва муаммолар ўрганилиб, ҳал этиш чоралари кўрилган.

@fayzboguz Ochish/sharhlash

2021-12-16 15:39:32 «Йил қовуни»: Россия суди Донецк ва Луганск ҳудудидаги Россия ҳарбий қисмлари ҳақида маълумот берди

Ростов-Дон шаҳридаги Кировский туман судида қизиқарли воқеа юз берди. Маълумотларга кўра, судья Леонард Шолохов "пора"га воситачилик қилиш" иши бўйича ўз ҳукмида "Ўзини-ўзи мустақил деб эълон қилган Донецк ва Луганск халқ республикалари ҳудудидаги Россия Федерацияси Қуролли Кучларининг ҳарбий қисмларига" озиқ-овқат етказиб берилишига ишора қилган. Касални яширсанг, иситмаси ошкор қилади, дегани шу бўлса керак. Айни дамда бу кейс рус платформасида кенг муҳокамаларга сабаб бўлмоқда.

Суд ҳужжатида келтирилишича, "ДХР ва ЛХР ҳудудидаги Россия Федерацияси Қуролли Кучларининг ҳарбий қисмларига озиқ-овқат етказиб бериш омбордан икки ҳафтада бир марта амалга оширилган". Колонна тахминан 40 тонна юк кўтариш қуввати ва умумий ҳажми 1300 тоннадан ортиқ бўлган 70 дан ортиқ транспорт воситаларидан ташкил топган.

Ҳукм матнидан келиб чиқадики, маҳсулот етказиб бериш 2018-2019 йилларда амалга оширилган. "Озодлик" радиосининг қайд этишича, тахминий ҳисоб-китобларга кўра, ҳар икки ҳафтада 1300 тонна озиқ-овқат етказиб бериш 26 мингга яқин одамни таъминлаш учун етарли бўларди.

Россия президенти матбуот котиби Дмитрий Песков ушбу воқеани қуйидагича изоҳлади:

"Эҳтимол, бу ушбу матнни ёзганларнинг хатосидир. Чунки бу мумкин эмас. Ўзини-ўзи мустақил деб эълон қилган республикалар ҳудудида ҳеч қачон Россия Федерациясининг қуролли кучлари бўлмаган. Россия Федерациясининг қуролли кучлари Россия Федерацияси ҳудудида. Инсонпарварлик ёрдами тинимсиз етказилади, бундан хабарингиз бор. Шунингдек, бу республикаларга ҳам етказиб турилади. Бу республикалар гуманитар ёрдамга жуда муҳтож. Лекин сиз келтирган материаллар ҳақида гап бўлиши мумкин эмас. Бу ҳужжатни тузганларнинг хатоси”, - деди Кремль вакили.

Маълумот учун, 2014 йил март ойида Ғарб давлатлари Қримнинг аннекция қилиниши ва Донбассдаги вазиятнинг кескинлашуви ортидан “Украинанинг ҳудудий яхлитлигига путур етказиш” айблови билан Россия Федерациясига қарши қатор санкциялар жорий қила бошлади. Биринчилардан бўлиб Канада 5 март куни Россия билан ҳарбий ҳамкорликни тўхтатди. 17 март куни Россия расмийларига нисбатан кейинчалик бир неча бор кенгайтирилган санкциялар пакети АҚШ, Европа Иттифоқи ва Канада томонидан жорий қилинган. Россия расмийлари Донецк ва Луганск ҳудудидаги воқеаларда рус ҳарбий аралашуви мавжудлиги борасидаги барча айбловларни рад этиб келади.

@fayzboguz Ochish/sharhlash

2021-12-16 14:05:03 Бир шаҳар ҳокимлигига машина, бошқасига савдо дўкони

Фуқаро Х.Рашидова Когон шаҳар ҳокимига ариза орқали мурожаат қилиб, ўзининг шахсий мулки бўлган, майдони 60 метр²ли савдо дўконини беғараз топширишини маълум қилгани ҳақида хабарлар тарқалди. Шаҳар ҳокими Ҳаёт Давлатов 15 декабрь куни савдо дўкони биносини ҳокимлик балансига қабул қилиш тўғрисида қарор чиқарди. Қарорда мулкни қабул қилиб олиш учун Уй-жой кодексининг 12-моддаси асос сифатида келтирилган.

Олдинроқ фуқаро Зиёда Латипова ўзининг Mercedes-Benz S500 Hybrid русумли автомобилни Тошкент шаҳар ҳокимлигига тақдим этганди.

Антикорупция агентлиги директори Акмал Бурҳонов охирги пайтларда маҳаллий давлат ҳокимияти идоралари томонидан қайсидир ҳомийлар орқали ёхуд ҳомийлик ниқоби остида қанақадир қурилишларни амалга ошириш, хизматларни кўрсатиш ҳолатлари кузатилаётганини айтганди. Шунингдек, у “Давлат фуқаролик хизмати тўғрисида"ги қонунга совға сиёсати деб номланган алоҳида боб киритилаётганини маълум қилган эди.

@fayzboguz Ochish/sharhlash

2021-12-16 13:01:29 Халқаро миграция ташкилотига кўра, АҚШ-Мексика чегараси - Ер юзидаги энг хавфли чегара. Бу йилнинг ўзида уни кесиб ўтишга уринган 650 одам ҳалок бўлган. Бу - Халқаро миграция ташкилоти талафотларни санай бошлаганидан бери энг юқори кўрсаткич.

Аммо, бу хавф-хатарга қарамай, Мексикадан АҚШга ўтиш илинжида чегарага йўл олаётганлар сони 2021 йилда мисли кўрилмаган даражада ошиб кетди. Улар энди нафақат қашшоқ Марказий Америка ва Кариб ороллари давлатлари фуқаролари, балки бутун дунёдан келган муҳожирлардир. Ва улар орасида ўзбекистонликлар ҳам бор.

АҚШ-Мексика чегарасидаги даҳшатли йўл: ўзбекистонликлар «америка орзуси»га эришиш учун нималарга тайёр? — батафсил видеода

@fayzboguz Ochish/sharhlash

2021-12-16 11:32:18 Ўзбекистон ОТБдан 162 млн доллар қарз олади

Осиё тараққиёт банки (ОТБ) Ўзбекистон ғарбидаги йирик шаҳар марказларини боғловчи 465 километрлик темир йўл линиясини электрлаштириш, темир йўл хизматларини яхшилаш ҳамда минтақада савдо ва туризмни ривожлантириш учун 162 миллион долларлик кредит ажратишни маъқуллади.

Лойиҳа доирасида Бухоро, Мискин, Урганч ва Хоразм вилоятидаги ЮНЕСКОнинг Жаҳон мероси рўйхатига киритилган Хива шаҳарларини боғловчи йўлни электрлаштирилади.

Ҳукумат Осиё инфратузилма инвестициялари банкидан ҳам 108 млн доллар миқдорида кредит сўраган.

@fayzboguz Ochish/sharhlash