2022-05-01 18:27:00
Луканинг фатвоси Мирзиёевнинг ваъдасига асосланган!
Салом Туз оға!
Сизга ватанпарвар ўзбек дипломатлари номидан ёзяпмиз. Янги раҳбаримиз Владимир Норов вазирликни демократик қарашдаги кишилардан, Россия агрессиясини қораловчи ватанпарвар ходимлардан тозалашни бошлагани рост. Шу ҳақида бугун чиқарган хабарингиздан илҳомланиб, Сизга Мирзиёев олиб бораётган ташқи сиёсатга оид бошқа деталларни ҳам етказишни ният қилдик.
В. Норов Ўзбекистон Ташқи ишлар вазирлигидаги тозалаш ишларини ўз ташаббуси билан бошламади. У бу чисткани Владимир Путин хизматида бўлган президент Шавкат Мирзиёевнинг топшириғи билан бошлади. Мақсад – Кремльга: “Мана, Ташқи ишлар вазирлигини ғарбпараст элементлардан тозалашни бошладик. Хотиржам бўлинг!”, дейиш, Путиннинг кўнглини олиш, уни ғазабдан тушириш эди.
Куни-кеча Белорус президенти Александр Лукашенко: “Ўзбекистон Иттифоққа қўшилади”, деб бизнинг давлат учун сиёсий фатво чиқарди. Биздаги мухолифатчилар (Жаҳонгир Отажонов, Жаҳонгир Маматов ва бошқалар): “Нега Ўзбекистон учун Белорус президенти баёнот беради? Нега президент Мирзияев бу баёнотга қарши чиқмаяпти?”, деб хуноб бўлишмоқда.
Бу фатвога асос бўладиган ваъдани Лукашенкога президент Мирзиёевнинг ўзи етказганидан кейин, қандай қилиб Лукашенконинг баёнотини рад қилади? Рад қилиши биланоқ, Лука: “Ҳа, Ўзбекистонни ҳам ЕОИИ ва Иттифоқ давлатига қўшилишини ўзинг Бош вазиримиз орқали айтиб юборган эдинг-ку!”, дейиши аниқ. Ўзбекистон президенти шу сабабдан сукут сақламоқда.
Белорус Бош вазири Роман Головченко 23-25 апрель кунлари юртимизга сафар уюштирганидан хабарингиз бор. Белорус премьери билан учрашувда Ш. Мирзиёев: “Ўзбекистон Иттифоқ давлатига ҳам, ЕОИИга ҳам албатта қўшилади”, деб ваъда берган. Головченко Минскка етиб бориши биланоқ, бу муждани Лукашенкога етказган.
Лукашенко шу хабарга асосланиб: “Ўзбекистон ЕОИИга ҳам, Иттифоқ давлатига ҳам қўшилади”, деб баёнот берган. Демоқчи бўлганимиз, Лука бу фатвони осмондан олиб айтгани йўқ. Ҳаммасига ўзимизнинг Шавкат Миромоновичнинг ваъдаси сабаб.
Умри давомида ҳаммага ёқишга, икки кеманинг бошини тутишга одатланган Шавкат Мирзиёев собиқ вазиримиз Абдуллазиз Комиловни ўзи сувдан қуруқ чиқиши учун подставка қилди. Ўзининг, яқинларининг ва ҳукуматдаги ишончи одамларининг хориждаги пул ва мулклари Ғарб санкцияларига учраши мумкинлигидан хавотирга тушган Мирзиёев Комиловга Украинани қўллаб баёнот беришга топшириқ берди. Олдинги вазиримиз президентнинг топшириғини бажаргач, Мирзиёев Путинга телефон орқали: “Абдуллазиз Комилов бу баёнотни мендан сўрамасдан, ўзбошимчалик билан қилди. Уни ишдан олишга ваъда бераман”, деган. Исбот тариқасида Мирзияев Комиловдан аввал отпускага, кейин эса пенсияга чиқиш ҳақида ариза олган. Абдуллазиз Комилов ёзган аризанинг фотонусхасини Шавкат Мирзиёев ҳисобот тариқасида Путин маъмуриятга юборган.
9.0K views15:27