2022-06-11 23:06:06
Рассом Туз: Ўзбекча гоп стоп
Самарқандда немис тадбиркорни ўлдирган гоп стопчилар узоқ муддатга қамалди
Самарқанд вилояти Жомбой туманида тадбиркорлик билан шуғулланиб келган Германия ватандошини ўлдирган 5 кишига суд ҳукми бўйича 19 йилгача бўлган муддатга қамоқ жазолари тайинланди.
Маълум бўлишича, 2021 йил декабрь ойида 47 ёшли Германия ватандоши Абдулваҳҳоб Қаюмий Жомбойдаги ўзи яшаб турган уйга электр тармоқларини созлаш учун уста чақиради. Хорижлик тадбиркорнинг уйида кўп миқдордаги пулни кўриб устанинг фикри бузилади. Шундан сўнг тўрт шеригини ёнига олиб, Германия ватандоши уйига босқин уюштириб, уй эгасидан пул талаб қилишади. А. Қаюмий хонадонида пул йўқлигини айтгач, уни дўппослаб қийнашади ва қўл-оёғини синдириб қочиб кетишади.
Шифокорларнинг муолажаларига қарамай, А. Қаюмий шифохонада ўлди.
Уйдаги кузатув камерасида босқин кадрлари сақланиб қолгани сабабли ИИБ ходимлари жиноий гуруҳни қисқа муддатда қўлга олади.
Суд ҳукмига кўра, жиноят ташкилотчиси бўлган электр устасига 19 йил, унинг уч жиноий шеригига 16 йилдан 18 йилгача қамоқ жазоси берилган. Босқиндан хабардор бўлгани ҳолда уларни тадбиркорнинг уйига олиб бориб қўйган таксичи 13 йилга озодликдан маҳрум этилган.
Ўзбекча гоп стопчилар қамағда.
6.1K views20:06