2023-03-28 07:01:38
Yosh oʻqituvchi ishning birinchi yilida qanday qilib “omon qolishi” mumkin?
Oliy oʻquv yurtini bitirgach, siz maktabda ishlashga qaror qildingiz. Qanday qilib ishning birinchi yilida umidsizlikka tushmaslik kerak? Siz kabi yangi ish boshlagan pedagoglar uchun tajribali oʻqituvchilarning tavsiyalarini taqdim etamiz.
1. Murabbiy toping
Ehtimol, siz bu tavsiyani oʻqigach, “Men shuncha yil oʻqidim, pedagogika boʻyicha maʼruzalarni yoddan bilaman, qanday oʻqitishni yaxshi bilaman!”, deb oʻylashingiz mumkin. Ustoz nafaqat kerak, balki juda zarur. U sizga ishning murakkabligi va rejalashtirish qoidalari haqida aytib beradi. Birinchi yilda qoʻllab-quvvatlash va dono maslahat sizga juda muhim.
2. Maktab jamoasidan ajralmang
Bundan buyon siz uning bir qismisiz, shuning uchun alohida boʻlishga urinmang. Biz sizni har bir oʻqituvchining eng yaxshi doʻsti boʻlishga undayotganimiz yoʻq, lekin siz doʻstona munosabatda boʻlishingiz kerak. Aks holda, siz takabburlikda gumon qilinishingiz mumkin, oʻzini boshqalardan ustun deb biladigan odamni kim ham sevardi? Ertami-kechmi siz ham kasblaringizdan yordam soʻrashingizga toʻgʻri keladi.
3. Tabiiy boʻling
Oddiy haqiqat: bolalar yolgʻonni his qilishadi va uni sevishmaydi. Ular sizning ichingizni oson va tez “oʻqishadi”, shuning uchun biron bir rol oʻynash befoyda. Qanday ohangda eshitilmasin, tabiiy boʻlishingiz ancha oson.
4. Muvaffaqiyatsizlik va eʼtirozlarga eʼtibor bermaslikka harakat qiling
Siz juda koʻp tayyorgarlik koʻrasiz, natijada charchaysiz. Vaqti-vaqti bilan maktab maʼmuriyati vakillari darslaringizga tashrif buyurishadi. Ular “maqsadlar notoʻgʻri qoʻyilgan”, “jarayonda hamma bolalar ham ishtirok etmadi” kabi eʼtirozlarni bildirishlari mumkin. Siz bunday eʼtirozlarni tinglashingiz kerak, lekin ularni eshitganingizda tarvuzingiz qoʻltigʻingizdan tushib ketmasin. Tajriba bilan hamma narsa amalga oshadi! Sizni qoʻllab-quvvatlaydigan va xatolarni qanday tuzatishni koʻrsatadigan hamkasb-murabbiyingiz shunday vaqtlarda asqotadi.
5. Kundalikni sotib olib, uni har kuni yuriting
Uchrashuvlar, oʻqituvchilar kengashlari, ekskursiyalar, ota-onalar yigʻilishlari, ota-onalar bilan uchrashuvlar - barcha boʻlajak tadbirlarning vaqti va joyini eslab qolishga urinmang. Bunda sizga Google taqvimi, qogʻozli kundalik – umuman har qanday variant qoʻl keladi. “14-oktyabr kunigacha Karimova insho topshirishga vaʼda berdi” kabi har bir mayda-chuyda narsalarni ham yozib boring.
6. Shaxsiy hayotingiz borligini unutmang
Hissiy charchoq - umuman afsona emas. Bu koʻpincha “Men bugun hech qayerga bormayman, aftarlarni tekshiraman” degan ibora bilan sezilmasdan boshlanadi. “Tajribali” oʻqituvchilar ogohlantiradi: ishingizni uyingizga olib ketmang! Maktabda darslarga tayyorlaning, u yerda daftarlaringizni tekshiring. Uyda dam oling, oilangizga vaqt ajrating, kafe, teatr va restoranlarga boring.
Hurmatli yosh pedagoglar! Sizga pedagogik yoʻlingizni boshlashda muvaffaqiyatlar tilaymiz!
Kanalga obuna bo`lish: Telegram|Facebook|Instagram
7.8K views04:01