Bek Olimjon

2021-01-29 14:10:39 Savollarga video orqali javob berishga qaror qildim

Ohirgi postda Liderlar kanali tomonidan webinar tashkil etilishi haqida post yozgan edim. Kecha ana shu webinar bo’lib o’tdi. Aytishlaricha 400 ta odam live ko’ripti. Vaqt ajratib ko’rganlarga minnatdorchilik bildiraman. Balki kimgadir foydasi tekkandir.

Bugun onam bilan gaplashgan edim. Webinarni onam ham to’liq ko’ripti. Onamning aytishicha juda ko’plab savollar berishipti, lekin savollarni barchasi o’qilmaganini aytdi. Buning sababi vaqt cheklanganligi edi degan edim, ozgina afsuslangandek bo’lib ”Bolam, juda ko’pchilik qiziqib savollar berishdiyu, lekin javob olisha olmadi.” dedi. Shu sabab bu tanqidga e’tibor qaratishga qaror qildim. Maqsad shuki menga berilgan savollarni to’plab, ularga video/audio formatda javob berish va YouTubega yuklash.

Agarda sizda men uchun savol bo’lsa va unga meni javob bera oladi deb hisoblasangiz, mana shu post ostida izohlar bo’limida savolingizni yozishingiz mumkin. Agar siz bergan savolni boshqalar ko’rishini hohlamasangiz, menga shaxsiyga yozishingiz mumkin (t.me/bekolimjon). Berilgan har bir savolga shaxsiy orqali javob bera olmasligim mumkin, lekin savollarni to’plab, ularga video/audio formatda javob beraman. Ochish/sharhlash