Dildora Yuldosheva

2022-11-03 07:26:23 Jur’at

Biz “hayot” deb nomlaydigan bu voqeiyliklarni kimlar o’ylab topgan? Bizga o’xshagan odamlar. Biz boshqalar yurgan yo’ldan yurishga majbur emasmiz va hech kim majburlamaydi ham. Shunchaki taqlid qilish osonroq. Ruhimiz, tanamiz xohlayotgan ishlarni qilishga jur’atimiz yetmagani sabab ham biz o’zimziga to’g’ri kelmagan yo’ldan bo’lsada yuraveramiz. Biror ishni qilolmayotganligimizda tashqi omillarni sabab qilib ko’rsatamiz, aslida o’zimizdan boshqa hech kim sabab bo’la olmaydi. Tashqi ta’sirlarga qarshi kurasha olmayotgan - biz! Jur’atsiz qo’rqoq - biz!

O’zimiz qilmoqchi bo’lgan ish mas’uliyatini ko’tara olmaymiz, tashqaridagi fikrlarning ahamiyatini ziyodalashtirib, ruhimizning xohishlarini eshitmay qo’yganmiz.

Xato qilishdan yoxud muammolarga duch kelishdan qo’rqqanmizdanmi, qarorlar qabul qila olmaydigan bo’lib qolganmiz. Aslida, to’g’ri yoki mukammal qarorni o’zi yo’q. Vaziyatga qarab o’rinliroq va ahamiyatliroq qarorlar bor xolos. Biriga to’g’ri kelgan qaror, boshqasiga ham to’g’ri keladi degani emas.

Muammolarchi? Ular hayotni bir bo’lagi, bunga ko’nikish kerak. Muammoni tabiiy holat deb qabul qila olishimiz kerak. Har qanday sohada. Ochish/sharhlash

2022-10-29 19:36:00 Qaysi ishni birinchi qilish kerak?

Ishlarni muhimligi va zarurligi (qanchalik tez amalga oshirish kerakligi) bo’yicha bo’lib chiqing:

1. Muhim va zarur ishlar - ularni hozir qiling.
2. Muhim emas, lekin zarur ishlar - ularni sizdan boshqalar ham uddalay oladi, kimgadir topshirishing.
3. Muhim, lekin zarur emas ishlar - ularni keyinga qoldiring va bajarish uchun vaqt belgilang.
4. Muhim ham emas, zarur ham emas ishlar - ularni ro’yhatingizdan chiqarib yuboring.

P.S Ikki daqiqiqadan kam vaqt oladigan har qanday ishni joyida qilib ketgan yaxshi. Ochish/sharhlash

2022-10-19 19:27:00 Мысли в слух

O'glim bilan bugun klinikada bo'ldik.
Har bir eshik oldida katta navbat. Kimnidir bolasi yig'lagan, boshqasiniki yo'talgan. Tabiiyki, farzandi kasal va uyida yana bir dunyo ishi bo’lgan har qanday odam bunday vaziyatda hotirjam bo'lishi qiyin masala.

Navbat poylardik. Bir ayol kelib qolib, 1 soat avval navbat olib ketganini uqtirdi va bizdan oldin kirib ketdi. Yonimdagilar mendan haqqimni talab qilishimni so'rashdi. Kim bilandir talashish meni ruhan charchatib qo’yadi.

Yugoridagi kabi vaziyatlarda hotirjamlikni saqlash uchun shunday o’ylayman va u doim ish beradi: Demak, biz uyga kechroq borishimiz hayrli. Vahliroq bu yerdan chiqib ketganimizda, ko’chada ko'ngilsizlik (avtohalokat) bo’larmidi. Alloh bizni shu yo'l bilan asragan. Yoki u ayol kechroq bu yerdan chiqqanida unga biror nima bo'lishi mumkin edi. Balki Alloh meni sababchi qilib, u ayolni bir balodan saqlayotgandir.

Muddao: agar sizda ham ko'ngilsizlik/asab buzarliklar bo'lsa, unga eng qimmat vaqt va energiyangizni sarflab o'tirmang. Hayr qidiring, topasiz biiznillah. Ochish/sharhlash

2022-10-07 17:01:43 Manba kerak

Fikrimcha, maktablarda o’quvchilarga o’rgatilishi kerak bo’lgan elementar ko’nikmalardan biri - o’z maqola/ insho / referatlarida iqtibos, boshqa birovga tegishli har qanday gapning manbasini keltirish.

Oliy ta’lim muassasalarida ham iqtibos keltirish yoki ilmiy ishda bibliografiya bo’lishiga qattiq e’tibor berilmaydi. Vaholanki, manbalar va bibliografiya:

• bizning argument, fikr yoki g’oyalarmizni qo’llab-quvvatlovchi dalil bo’lib xizmat qiladi;

• boshqaning g’oya, fikrini o’g’irlashlik (plagiat)dan yoki bo’lmasa o’quvchilar uchun ko’chirmachi sifatida gavdalanib qolishdan himoya qiladi;

• yoritilayotgan mavzu o’quvchi uchun qiziq bo’lsa, ko’proq va chuqurroq ma’lumot beruvchi resurs bo’ladi;

• standardlarga javob beradigan har qanday maqola / ilmiy ish / shaxsiy yozuvning bo’lagi hisoblanadi.

Misol:

1. Xakerlar WhatsApp foydalanuvchilarining telefonlaridagi hamma narsaga to‘liq kirishga ega bo‘lishlari mumkin (P. Durev, 2022). [1]

2. Durov (2022) o’zining telegram kanalida xakerlar WhatsApp foydalanuvchilarining telefonlaridagi hamma narsaga to‘liq kirishga ega bo‘lishlari mumkinligini ta’kidlagan. [1]

3. WhatsAppdan foydalanishni maslahat bermayman, sababi «Xakerlar WhatsApp foydalanuvchilarining telefonlaridagi hamma narsaga to‘liq kirishga ega bo‘lishlari mumkin», deydi Durov (2022). [1]

1. Pavel Durov, 2022. https://t.me/durov/196 [7 Oktabr 2022]

P.S. Iqtibos keltirish haqida ko’proq ma’lumot olish uchun havola. Ochish/sharhlash

2022-09-25 14:02:44 Biz hammamiz keragidan ortiq jiddiymiz. Balki shuning uchun baxtli bo'la olmayapmiz.

Rasim Özdenören Ochish/sharhlash

2022-09-09 08:24:27 Ajib bir holat. Odatiy kunlarda maktab darslari 11-12da tugaydi. Lekin bugun darslar 13:00gacha cho’zilgan.

Qaniydi, Jumaga talpingan qalblarni ko’nglini cho’ktirishmasa.

Juma Muborak. Ochish/sharhlash

2022-09-07 08:54:59 Biz dunyoni o'zidek emas, balki o'zimiz kabi ko'ramiz. Shuning uchun biz o'zimizni o'zgartirsak, dunyomiz ham o'zgaradi.

Yasin Ramazan Ochish/sharhlash

2022-09-06 19:13:27 Asling kabi ko’rin, yo ko’ringaning kabi bo’l

«Qalbimda bo’lsa bo’ldi», «Ichimdagini qaydanam bilardi» degan balandparvoz gaplar Z avlodning eng ommabop gaplaridan bo’lsa kerak.

Haqiqatdan ham, birovning ichidagini biz qayerdan bilamiz? Yoki ijtimoiy tarmoqda minglab obunachisi borlar har bir obunachisiga ichidagilarni doston qilib o’tirmaydi-ku?!

Gapirayotganlari va qilayotganlari mutanosib insonlar odatda “qalbimda bo’lsa bo’ldi”, “Alloh bilsa bo’ldi” deydi, ammo unga qarshi negativlarni ko’tara olmaydi.

Insonlar ko’rganlariga qarab baho beradilar. “Ichida shunaqa bo’lsa kerak” deb taxmin qilib o’tirishmaydi-ku. Ichingizda qanaqa bo’lsangiz, shuni ko’rsating, ichingizdagilar amalaringizga mos bo’lsin. Yoki sizni ko’ringaningiz kabi baholashlariga ko’ning. Ochish/sharhlash

2022-08-30 18:36:19 Ertaga yomg’ir yog’adi

Kichikligimda dadamdan «Ertaga yomg’ir yog’adi» deganim uchun tanbeh eshitganman.

«Yomg’ir yog’adi emas, yog’ishi mumkin, Alloh xohlasa» deb gapimni to’g’irlaganlar.

Shundan keyin OAV larda ob-havo ma’lumotlari efirga uzatilsa, gapning yakuniga qulog’imni ding qilib turardim. Ba’zilar «Havo harorati 25 darajaga isishi kutilmoqda» desa, boshqalari «Havo harorati 25 darajagacha ko’tariladi» derdi. Gapning oxiriga qarab mutaxassisni baholaydigan tadqiqotchi edim

Shu odatim hali ham qolib ketgan. Ijtimoiy tarmoqlarda «Shuncha daromadga chiqasiz», «Bir oyda biznesingiz foydaga chiqadi», «Hayotingiz o’zgarib ketadi», «Boyib ketasiz» degan ma’nodagi reklamalar - men uchun anti reklama. Balki yaxshi tashkilot, foydali kurs yoki sifatli trening bo’lishi mumkin, lekin menda ijobiy taassurot uyg’otmaydi.

Soniyalar ichida nima bo’lishini bilmaymiz, ular kelajagimizni qanday ko’ra bilishadi, hayronsan kishi.

P.S Abdukarim Mirzayevning ham har bir efirlarida shu jihatga qattiq e’tibor qilishlarini sezgandim. Ochish/sharhlash

2022-08-27 10:00:43 Tengqurlarimning aksari oilali emas. Va, mendan erta turmush qurush yaxshimi deb so’rashganda javob berishga qiynalaman. Tangani ikki tarafi bor, lekin yaxshi tomonlari ziyoda.

Bugun esa turmushga chiqib, topgan sururim haqida yozmoqchiman.

Inson voyaga yetgan sari sevgi-muhabbatga ehtiyoj sezaveradi. Kishilar ichidan u uchun sevimli bo’la oladigan birini o’zi anglamagan holda qidiradi.

Va bu holat insonni ko’p qiynaydi. Bir tarafdan gunohkor bo’lishdan qo’rqish hissi bo’lsa, yana boshqasi - ruhning ehtiyojga qarshi kurashishdan charchashi.

Hozir meni o’qiyotgan muslima opa-singlimga shuni ayta olamanki, turmush qurish orqali beg’ubor bu hislarga harom aralashtirib qo’yishdan tiyilish mumkin. Endi his-tuyg’ularga qarshi kurashish, ularni berkitish shart emas. Mana shu - surur.

Har qanday sog’lom insonda ehtiros va nafs bo’lar ekan, uni halollik bilan qondirish - eng go’zal yechim. Ochish/sharhlash