Isroil Tillaboyev blogi

2023-06-10 10:19:47 Ochish/sharhlash

2023-06-10 07:13:20 Qalam mo‘jizasi

t.me/domlajon
@domlajon Ochish/sharhlash

2023-06-09 14:28:22 Расман: Энди абитуриентларга мандатдан кейин йўналиш танлаш имкони берилади

Аммо бу йилги абитуриентларга алоқаси йўқ!

Кейинги ўқув йилларидан абитуриентларга ҳужжат топшираётганда эмас, имтиҳонга кириб, тест натижалари чиққандан кейин йўналиш танлаш имконияти берилиши мумкин. Олий таълим, фан ва инновациялар вазири мазкур тартиб устида иш бошланганини айтди.

Зўрку-а? Тўпланган баллга қараб йўналиш танлаш имконияти берилмоқда. Бунақаси бўлмаган!

Сафимизга қўшилинг:
@domlajon
t.me/domlajon Ochish/sharhlash

2023-06-09 11:31:35 Рус тилида "медвежья услуга" деган ибора бор.

Баъзи этимологларнинг фикрича, иборанинг келиб чиқиши Лафонтеннинг "Боғбон ва айиқ" масалига бориб тақалади.

Ушбу масалдан ҳисса сифатида, ўзбеклардаги "Дўсти нодондан кўра душмани доно афзал" мақолини келтирса бўлади.

Масалда айиқ билан дўстлашган боғбон тасвирланган бўлиб(баъзи манбаларда маймун келтирилган), уйқуга кетган боғбон ёнида ўтирган айиқ унинг юзига қўнган пашшани ўлдириб, дўсти боғбонга яхшилик қилмоқчи бўлади. Лекин, пашша ўлиши учун тош билан туширилган зарба боғбоннинг ўлимига сабаб бўлади.

Баъзи дўстларнинг ёрдами ҳам худди шундай: аслида яхши ниятда қилинган ёрдам, ёрдам олувчининг зарарига хизмат қилади.

Худди мана шундай ёрдам "медвежья услуга" дейилади.

Энди бу иборани реал ҳаётимиздан қидириб кўрсак, бу каби "ёрдам"лар том маънода атрофимизни қуршаб олганини кўришимиз мумкин.

Бу, айниқса, таълим соҳасида жуда ҳам кенг тарқалган. Масалан, ўқувчилар назорат иши топширяпти. Яхши тайёрланмаган ўқувчига ё дўсти масалани ишлаб беради, ё кўчиришга беради. Тайёрланмаган ўқувчи учун бу жуда яхши мадад бўлиб туюлади. Лекин аслида-чи?

Кейинроқ бошқа вазиятда худди шундай масалага дуч келса, энди у нима қиларини билмай қолади. Чунки, дўстининг "ёрдам"и туфайли, миясининг шу масалага доир маълумотлар йиғилиши керак бўлган қисми бўш қолган.

Сессия пайтида талабалараро бўладиган муносабатлар ҳам худди шундай.

"Дўстим, қўллаб юбор", "мендаям қолиб кетмас", "илтимос, жуда банд эдим-да" каби сўровлар натижасида қилинган "медвежья услуга"лар нафақат ўша талабага, балки жамиятга ҳам улкан зарар келтираётганини сезяпсизми?

Бугун атрофимизда худди шундай "ёрдам"лар билан ўқишни тугатган кадрлар тўлиб ётибди.

Бундай "ёрдам"лар туфайли етишиб чиққан ўқитувчилар болаларни ўқитяпти. Худди шундай шифокорлар беморларни даволаяпти. Шу каби муҳандислар, архитекторлар кўприклар, йўллар, уйлар қуряпти...

Ҳаммамиз қайсидир "айиқ"дан ёрдам олиб, ким учундир "айиқ-дўст" бўлиб умр кечиряпмиз.

Ўзимизга ўзимиз "дўсти нодон" вазифасини ўтаб яшаяпмиз. Оддийгина пашшани деб бошларимиз мажақланиб кетяпти...

Gavhar Nasrulloh

@domlajon
t.me/domlajon Ochish/sharhlash

2023-06-09 11:31:15 Ochish/sharhlash

2023-06-09 09:33:23 Brussel shahridagi muzey. Bahouddin Naqshband to'qigan mato.

@domlajon
t.me/domlajon Ochish/sharhlash

2023-06-09 08:58:56 Umida Omonova — rapid yo‘nalishida jahon chempioni!

6-8-iyun kunlari Gruziyaning Batumi shahrida bo‘lib o‘tgan 18 yoshgacha bo‘lgan qizlar o‘rtasidagi jahon chempionatining rapid yo‘nalishida 10 imkoniyatdan 9 ochko to‘plagan hamyurtimiz Umida Omonova jahon chempioni bo‘ldi.

@domlajon Ochish/sharhlash

2023-05-15 18:06:11 OTMlarga kirish test sinovlari yopiq binolarda oʻtkaziladi

Oliy taʼlim, fan va innovatsiyalar vazirligi xabariga koʻra, 2023/2024-oʻquv yili uchun respublika OTMlariga oʻqishga qabul qilish boʻyicha aksariyat test sinovlari taʼlim muassasalari oʻquv binolarida taʼlim jarayoniga xalaqit qilmaslik uchun haftaning dam olish (shanba va yakshanba) kunlarida oʻtkaziladi.

Bugungi kunda 2023/2024 oʻquv yili uchun test sinovlari oʻtkaziladigan 92 ta yopiq inshoot tanlab olingan hamda ularning reja chizmalari tayyorlanib, mahalliy hokimlik va idoralar bilan kelishilgan holda tasdiqlangan. 

Shuningdek, test sinovlari oʻtkaziladigan 15 ta umumtaʼlim fanidan 26 ming 520 ta va qardosh (qozoq, qirgʻiz, tojik, turkman) tillardan 2 ming 400 ta test topshirigʻi shakllantirilgan va ekspertizadan oʻtkazilgan. 

Keng jamoatchilik orasidan test sinovlarida guruh nazoratchiligiga nomzod sifatida roʻyxatdan oʻtgan 8 ming 956 nafar talabgordan 4 000 nafarga yaqini saralab olingan va ular bilan shartnomalar rasmiylashtirilmoqda.

Yoshlarga oid eng yaxshi xabarlarni kanalimizda kuzatib boring
t.me/domlajon
@domlajon Ochish/sharhlash

2023-05-15 15:06:23 2-mavsum ham yakunlandi.

Yoshlar ishlari agentligining "Ibrat camp" loyihasining bu yilgi 2-mavsumi ham o‘tgan hafta yakunlandi.
Bu safargi mavsumida Bakalavrda tahsil olayotgan yoshlarni dunyoning TOP100 o‘qishlariga magistratura bosqichlariga grantlar yutish yo‘l-yo‘riqlari o‘rgatildi.
Mentorlarning naqadar kuchli ekanligini birgina lavhadan tasavvur qilsa bo‘ladi.

Yoshlarga kerakli eng yaxshi yangiliklarni bizda kuzatib boring
t.me/domlajon
@domlajon Ochish/sharhlash

2023-05-15 14:20:30 Эрталаб она уйғотади.
-Тур эшшак, хўкиз, ётвурасанми. Ўқишинга кеч қолиб, манга гап эшиттирсен, уйга киргизмиман, билиб қўй!
Дастурхон устида отаси:
-Кўзингга қара, довдир, чойингни тўкий дединг. Жахлимни чиқармагин эрталабдан лаллайиб, фалончини боласини қарагин, қанақа "шустрий". Ўргансен бўмидими.
Мактаб остонасида директор кутиб олади:
-Форма қани. Санлаям одаммисанла. Неччи мартта гапириш кере, сочини ол, калта кийма, кеч қома. Энди участковый чақиртириб гаплашамиз шекилли.
Синфда устоз:
-Жим ўтирларинг, моллар. Ўзинг алипни калте билмисан, биттенг уй ишини қимагансанла, яна бетта гаплашиб ўтирипсанла. Хаммен калласи ишламайдиган молсан. Дарсга кирмай қочиб юрасанла.....
Телефонни олади. Ижтимоий тармоққа киради. У ерда у хўкиз хам, мол хам, довдир хам эмас. У ерда у юлдуз....

Шундай қилиб, миллионлаб, гаджетларга қарам бўлган, иродасиз, ўзини чорва молларига тенг кўрадиган авлодни тарбия қиляпмиз.
Хисоб-китоб куни биз, ота-оналардан тортиб, барча твълим тизими ходимлари бунга қўшган хиссамиз учун жавоб беришимиз муқаррар.

Инсонни #тил айлади, жудо хайвондин
Билки, гухари шарифроқ йўқ ондин.
-Навоий

Сайёра Азларова

t.me/domlajon
@domlajon Ochish/sharhlash