Bank va Mijoz

2022-01-20 10:02:13 Сўнгги йилларда тўлов тизимлари анча ривожланди.
Натижада банк картасини олиш учун банкка бормайдиган бўлдик (ўзлари етказиб бермоқда), онлайн тўловларни амалга оширишни ва контактсиз (NFC, QR-код) тўлов қилишни ўргандик!

Энди карта пин-кодини айтишни ва уни сўрамасликни ҳамда смс-кодларни бировга бермасликни тўлиқ ўрганиб олсак бўлди!

@bankmijoz Ochish/sharhlash

2022-01-19 18:32:43 2021 йилда банклар орқали нақд пул айланмаси ҳажми 2020 йилга нисбатан 40,8 фоизга ошиб, 507,2 трлн. сўмга етди.

Нақд пул айланмасида банк кассаларига нақд пул тушумлари ҳажми 251,7 трлн. сўмни, банк кассалари ва банкоматлардан чиқим қилинган нақд пуллар 255,5 трлн. сўмни ташкил этди.

Нақд пул тушумларининг ялпи ички маҳсулотга нисбати 2019 йилдаги 26,9 фоиздан 2021 йилда 34,3 фоизгача ошиши кузатилди.

2021 йил давомида муомалага чиқарилган нақд пуллар таркибида уларнинг сўмдаги миқдори бўйича:
100 000 сўмлик банкнотлар улуши – 27,3 фоиздан 34,8 фоизга етган бўлса,
50 000 сўмликнинг улуши – 38,8 фоиздан 34,2 фоизга,
10 000 сўмликнинг улуши – 15,7 фоиздан 14,5 фоизга,
5 000 сўмлик – 16,1 фоиздан 12,7 фоизга,
1 000 сўмгача – 2,1 фоиздан 1,4 фоизга тушди.

Шунингдек, 2 000 сўмлик (0,3 фоиз) ва 20 000 сўмлик (2,1 фоиз) намунадаги банкнотлар муомалага киритилди.

Марказий банк.

@bankmijoz Ochish/sharhlash

2022-01-19 12:52:39 «Истеъмолчиларнинг ҳуқуқларини ҳимоя қилиш тўғрисида»ги Қонунга (221-I-сон 26.04.1996) қўшимча ва ўзгартишлар киритилди.

Унга кўра, Қонуннинг 17-модда (Истеъмолчига нуқсонли товар сотилган тақдирда у билан ҳисоб-китоб қилиш) тўртинчи қисми қуйидагича таҳрирда баён этилган:

"Товарни кредитга сотиш тўғрисидаги шартнома бекор қилинганлиги муносабати билан товар қайтарилган тақдирда, товар қайтарилгунига қадар шартнома бўйича истеъмолчи томонидан тўланган пул суммаси унга қайтариб берилади, шунингдек кредит олиш билан бевосита боғлиқ бўлган барча харажатларнинг ҳамда кредит бўйича ҳисобланган фоизлар суммасининг ўрни қопланади."

@bankmijoz Ochish/sharhlash

2022-01-19 11:53:07 Дунёнинг энг бой одами – Илон Маскдан кун маслаҳати: "Келажакка ишонинг!"

@bankmijoz Ochish/sharhlash

2022-01-19 10:50:57 Тўлов терминаллари орқали тушган тушумлар 111 трлн.сўмдан ошди

Марказий банк 2021 йил якунлари бўйича тўлов тизими кўрсаткичларини эълон қилди.

● Банклар томонидан муомалага чиқарилган жами банк карталари сони – 27,1 млн. тани ташкил этган.

● Савдо, хизмат кўрсатиш ва бошқа субъектларига ўрнатилган терминаллар сони – 433.384 тани ташкил қилди.

● Ўрнатилган банкомат ва инфокиосклар сони – 12.940 тани ташкил этган.

● 2021 йил давомида тўлов терминаллари орқали тушган тушумлар 111,1 трлн. сўмдан ошган.

@bankmijoz Ochish/sharhlash

2022-01-19 10:15:21 Ипотека-банк ва Газпромбанк ҳамкорликда Россиянинг исталган банк картасидан Ўзбекистондаги барча банкларининг Uzcard ва HUMO карталарига бепул онлайн пул ўтказмалар хизматини ишга туширибди.

@bankmijoz Ochish/sharhlash

2022-01-19 09:01:22 Barcha UZCARD kartalari egalariga!

OSON-da kartadan kartaga pul o'tkazish yanada foydali bo'ldi.

Biz o'tkazmalar komissiyasi foizini kamaytirdik!

Endi siz UZCARD dan UZCARD ga 0,5% komissiya evaziga pul o‘tkazishingiz mumkin. Hamyonni to'ldirish va hamyonga o'tkazish hali ham 0%.

OSON orqali pul o'tkazmalar yanada qulay.

OSON - chegarasiz mobil ilova
+998712078080
Yuklab olish http://app.oson.uz/ Ochish/sharhlash

2022-01-18 12:18:36 Фуқаролик кодекси, 790-модда

Фуқароларнинг тадбиркорлик фаолиятини амалга оширишлари билан боғлиқ бўлмаган ҳолда улар ўртасидаги ҳисоб-китоблар ва фуқаролар иштирокидаги ҳисоб-китоблар нақд пуллар билан ёки нақд пулсиз суммаси чекланмаган ҳолда амалга оширилиши мумкин.

Юридик шахслар ўртасидаги ҳисоб-китоблар, шунингдек фуқароларнинг тадбиркорлик фаолиятини амалга ошириши билан боғлиқ ҳолда улар иштирокидаги ҳисоб-китоблар нақд пулсиз тартибда амалга оширилади.

Кўрсатиб ўтилган шахслар ўртасидаги ҳисоб-китоблар, агар қонунда бошқача тартиб белгилаб қўйилган бўлмаса, нақд пулда ҳам амалга оширилиши мумкин.

@bankmijoz Ochish/sharhlash

2022-01-18 10:28:16 Эмишки, УзАвто Моторсдан ҳам дахшатли иқтисодий монополиялар бор — мисол учун банк тизими, кредит ставкалари...!

Собиқ депутат Қобул Дусовга кўра, ноинсофларча қўйилаётган кредит фоиз ставкалари тадбиркорлар, фуқароларнинг кафангадо бўлишига сабаб бўлмоқда экан. Шунингдек, кредитлар нақд пулда берилмай, мажбурий равишда ҳисобрақамларга ўтказиб берилар экан!

Шунчаки, иқтисодиётнинг бошланғич асосларини тушунмайдиган одам банклар, кредитлар ставкалари (пул нархи) ҳақида гапириши жуда ғалати туюлар экан!

Шунчаки маълумот учун, 2021 йилнинг 1 декабрь ҳолатига
омонатлар бўйича ўртача ставка 20,5%ни,
кредитлар бўйича юқори ставкалар эса21,4%ни ташкил қилган.


Шу ўринда, иқтисодчи Беҳзод Ҳошимовнинг фикрларини келтирмоқчимиз:

"Пулнинг нархи қиммат Ўзбекистонда. Шунинг учун қолган ҳамма нарса ҳам қиммат.

Пулнинг нархига имтиёзли кредитлар ва имтиёзлар энг кўп таъсир қилади.

Ўзбекистонликлар ҳаётини фаровонроқ қилиш учун жуда осон йўл - давлат имтиёзларни беришини тўхтатиш".

Тушуниб тушунмай бутун банк тизимини айблаш сизга эмас!

@bankmijoz Ochish/sharhlash

2022-01-18 08:34:20 Энг ёмон банк

Bloomberg томонидан дунёнинг энг ёмон банки маълум қилинди – бу Хитойнинг Minsheng Banking Corp банки. Банкнинг акциялари қиймати сўнгги 12 ой давомида 31% га тушиб кетган. Бу Bloomberg World Banks индексидаги энг салбий кўрсаткичдир.

Бунга банк томонидан юқори риск билан қурилиш компанияларга $20 млрд миқдорида (шундан, $4,5 млрд.и ўша машҳур Evergrande қурилиш компаниясига) ажратилган кредитлар сабаб бўлган.

Эслатма: Bloomberg World Banks индекси дунёнинг 155 та йирик молия институтлари бўйича ҳисобланади.

@bankmijoz Ochish/sharhlash