Assoodiq

2023-03-22 17:56:26 Рамазон муборак бўлсин!

Assoodiq жамоаси барча юртдошларимизни орзиқиб, интизор кутилган ушбу муборак айёмга эсон-омон етишганимиз муносабати билан самимий муборакбод этамиз. Яхшиликлар, савоблар кўпайтирилиб бериладиган ушбу ойда барча ибодатларни, солиҳ амалларни Пайғамбаримиз алайҳиссаломнинг суннатларига мувофиқ адо этишни насиб қилишини сўраб, Аллоҳ таолога илтижолар қиламиз.

Аллоҳ таоло Рамазон ойини солиҳ амал, манфаатли илм ва холис ибодат билан ўтказишни барчамизга насиб қилсин!

Яқинларга ҳам улашамиз!
@assoodiq - обуна бўлинг! Ochish/sharhlash

2023-03-21 06:35:18 Musulmon tadbirkorda 4 holat bo’ladi:

1. Boylik yo'q, baraka yo’q;
2. Boylik bor, baraka yo’q;
3. Boylik yo’q, baraka bor;
4. Boylik bor, baraka bor.

4-chi darajaga erishish uchun musulmon tadbirkor nima qilishi kerak?

26-mart kuni “Tadbirkorlik axloqi” mavzusidagi treningda bu savolga to’liqroq yechim topishga harakat qilamiz.

Spiker: Abdulmannon Abdulloh — “ASSOODIQ” ilmiy markazi ilmiy tadqiqot guruhi rahbari

Ro’yxatdan o’tish uchun shuni ustiga bosing.

+998712022288

@MFaktorUz Ochish/sharhlash

2023-03-18 19:02:42 ВАКОЛАТ ҲАҚИДА

Бир ишни бажаришни бошқага топшириш ёки ўша ишни бажариш учун ўзининг ўрнига бировни тайинлаш «вакил қилиш» дейилади. Ишни топширган киши «муваккил» (вакил қилувчи), иш топширилган киши эса «вакил» дейилади.
Вакил қилиш ҳам ижоб ва қабул билан амалга ошади. Вакил қилишда «ваколат» ёки «вакил қилмоқ» сўзларини ишлатмай, «Мен фалон ишни қилишга сизга ижозат бераман» ёки шунга ўхшаш лафзларни ишлатса ҳам бўлади.
(«Тижорат ва ишлаб чиқариш ҳақида тасаввур» китобидан)

Кейинги сафар ваколатнинг турлари ҳақида гаплашамиз, иншааллоҳ.
#Ваколат_илми

Яқинларга ҳам улашамиз!
@assoodiq - обуна бўлинг! Ochish/sharhlash

2023-03-17 07:09:32 Ижарачи қуйидаги уч ҳолатнинг бирида ижара ҳаққига ҳақдор бўлади:

Ижара битими тузилаётганда ижара ҳаққини олдиндан олиш шарти қўйилганда.

Ижара ҳаққи ҳеч қандай шартсиз олдиндан берилганда.

Ушбу икки ҳолатда келишилган ижара муддати тугашидан олдин ижара битими бирор сабаб билан бекор қилинса, мулкни ижарага берган одам қолган кунларнинг тўловини мулкни ижарага олган кишига қайтариб бериши керак.

Ижарага олинган нарсадан фойда ҳосил бўлганда ёки ижарада келишилган иш тўлиқ тугатилганда.

Ижара ҳақидаги ҳақиқий илмни «Баракали молия» курсида ўрганинг!
#Ижара_илми

Яқинларга ҳам улашамиз.
@assoodiq – обуна бўлинг Ochish/sharhlash

2023-03-16 07:31:51 Ишингизда ҳаловат, пулингизда барака бўлмаяптими?

Ҳар бир инсон қалбида ҳаловат бўлишини истайди. Қилаётган ишим тўғрими, йўқми деб иккиланяпсизми? Сизга «Баракали молия» курси ёрдам беради.

Курсда ўқиб саволларингизга жавоб оласиз, бизнесдаги муаммоларингизга ечим топасиз.

Курсда нималарни ўрганамиз?
Ахлоқий иқтисод: маркетинг, савдо, ижара ва бошқа молиявий муносабатлар.

Ўзимизнинг ва ўзгаларнинг (раҳбар ва ишчи, харидор ва сотувчи, ҳамкор ва шерик, етказиб берувчилар кабиларнинг) ҳақларини билиш ва адо этиш.

Дастур ҳақида батафсил малумот

Ҳаловатга нима етсин?

Рўйхатдан ўтинг: http://bit.ly/427KaaH
Худо хоҳласа, кетган вақтингизга ачинмайсиз.

Жойларимиз чекланмаган, лекин умримиз чекланган... Ochish/sharhlash

2023-03-14 09:11:27 Шерикчиликдаги хатолар: фойдани тақсимлашдаги муаммолар

Шерикчилик битимида фойдани аниқлаш тартибини, фойдани тақсимлаш муддатини аниқ белгилаб олиш – шерикчиликнинг энг муҳим шартларидан биридир. Исломий молия тамойилларига кўра, фақатгина тикилган сармояга мутаносиб мол-мулк бор бўлсагина, ундан ортган маблағ фойда ҳисобланади.

Масалан, савдода шерикчилик қилиш учун икки шерик бир миллион сўмдан жами икки миллион сўм пул тикишди. Бу пул қуйидагича сарфланди:
- ижарага 200 минг сўм;
- таъмирлашга 500 минг сўм;
- айланма («оборот») учун товар сотиб олишга 500 минг сўм.
Бир ойдан кейин ҳисоб-китоб қилинди. Айланмадан солиқ ва бошқа жорий харажатлар чиқариб ташланса, 200 минг сўм фойда кўрилибди. Демак, айланма ҳажми 700 минг сўм бўлибди (500 минг тикилган сармоя + 200 минг сўм фойда). Бу ҳолатда шериклар шу 200 минг сўмни фойда сифатида тақсимлаб олиши нотўғри бўлади.

Сабабини ушбу мақоладан ўқийсиз. Ochish/sharhlash

2023-03-13 19:02:55 Ochish/sharhlash

2023-03-12 19:05:06 Маҳсулот намунада кўрсатилгандек бўлиб чиқмаса…

Сиз дўкон пештахтасида бир товарни кўриб, уни сотиб олмоқчи бўлдингиз. Табиийки, сотувчи сизга пештахтадаги ўша товарни олиб бермайди, балки уни ичкаридан (омбордан) олиб чиқиб беради. Аммо уйга келиб қарасангиз, товар пештахтада кўрганингиздан бошқача экан. Хўш, бу ҳолатда сизнинг қандай ҳуқуқларингиз бор?

Аввало шуни айтиш лозимки, сотувчи харидорга савдо жараёнида кўрсатилган намунадаги маҳсулотдан бошқа маҳсулотни бериши тўғри эмас. Агар шундай ҳолат юзага келса, харидорда шу маҳсулотни борича қабул қилиш ёки савдо битимини бекор қилиш ҳуқуқи пайдо бўлади.
Харидор маҳсулотни борича қабул қилса, савдо тўғри бўлади. Лекин харидор битимни бекор қилса, сотувчи олган пулини қайтариб бериши шарт бўлади. Агар сотувчи пулни қайтариб бермаса, олган пули унга ҳалол бўлмайди.

Assoodiq жамоасининг «Баракали молия» курсида шу каби фойдали билимларни олишингиз мумкин.

Яқинларга ҳам улашамиз.
@assoodiqacademy – обуна бўлинг Ochish/sharhlash

2023-03-11 19:06:14 Айбли мол билан боғлиқ танлов ихтиёри

Бундай ҳолат сотувчи ўзига маълум ва молнинг нархини туширадиган айб/нуқсонини яширган пайтда юзага келади.

Молнинг айбидан бехабар ҳолда уни сотиб олган харидорнинг танлов ҳуқуқи қуйидагилардан иборат:

-Молни сотувчига қайтиб бериб, пулини қайтариб олиш;

-Молни ўзида қолдириш, аммо айби эвазига товон/бадал ундириш

Сотувчи молининг айбини билган тақдирда, уни ошкор қилиши, харидорни огоҳлантириши вожиб/ мажбурийдир, нуқсонни беркитиш тақиқланади.

Пайғамбаримиз соллаллоҳу алайҳи ва саллам марҳамат қиладилар:
“Сотувчи ва харидор то (келишув жойидан) тарқалгунларига қадар уларнинг (савдони бузиш) ихтиёри ўзларидадир. Агар рост сўзласалар ва молнинг айбини айтсалар, уларнинг бу савдоларига барака берилади. Агар молнинг айбини яширсалар ва ёлғон сўзласалар, бу савдоларининг баракаси бўлмайди” (Бухорий ва Муслим ривояти).

Баракадан маҳрум бўлиш жазодир. Жазо бор экан, демак бу иш ман этилган, ҳаром ҳисобланади.

Мақола islommoliyasi.uz сайтидан олинди(Сулаймон Ар-Руҳайлийнинг “Савдога оид фиқҳий қоидалар” китоби асосида)
#Савдо_илми

Яқинларга ҳам улашамиз.
@assoodiq – обуна бўлинг Ochish/sharhlash

2023-03-10 13:04:07 Тиллани тиллага бартер қилганда сифатнинг аҳамияти борми?

Абдулманнон Абдуллоҳ
#Саррофлик

Яқинларга ҳам улашамиз.
@assoodiq – обуна бўлинг Ochish/sharhlash