Assoodiq

2023-03-10 07:13:04 Тўрт кунда бир дунё фойдали илмга эга бўлинг:

- валюта айирбошлаш илмини биламизми?
- саррофликда нималар мумкин, нималар мумкин эмас?
- нима учун низоли ҳолатлар келиб чиқади? Уларнинг олдини олиш мумкинми?
- заргарлар нимага эътибор бериши керак?

«Саррофлик, қарз ва заргарлик масалалари» номли тўрт кунлик курсда шу ва бошқа саволларга жавоб топамиз.

Билишимиз керак бўлган масалалар жуда кўп экан.
Курсимизга қатнашинг, рўйхатдан ўтинг, Худо хоҳласа, кетган вақтингизга ачинмайсиз.

Эртага дарсда сизни кутиб қоламиз.

Жойларимиз чекланмаган, лекин умримиз чекланган... Ochish/sharhlash

2023-03-09 16:54:59 «Савдогарлар устози» китобидан баъзи тавсиялар (1-қисм)

- Бировнинг муҳтожлигидан фойдаланиб, сотаётган нарсасини паст баҳода сотиб олманг. Асл баҳосида сотиб олишда барака бор.

- Ишни деб зикрни ҳам унутманг, зикр ҳам ишларга халақит бермасин.

- Ҳалол савдо қилишнинг ҳам илми бор. Уни яхшилаб ўрганиб, ўзлаштириш керак.

Бу тавсияларга амал қилинг, ишларингиз баракали бўлади.

Яқинларга ҳам улашамиз.
@assoodiq – обуна бўлинг Ochish/sharhlash

2023-03-06 19:36:04 Кўп заргарлар шундай хато қилишади

Абдулманнон Абдуллоҳ

Яқинларга ҳам улашамиз.
@assoodiq – обуна бўлинг Ochish/sharhlash

2023-03-06 12:52:57 Музорабада кафолат пули

Музораба битимида роббул-мол (сармоя тиккан томон) ўзининг сармоясига мутаносиб равишда музорибдан кафолат пули олишга ҳақлидир.
Бундай кафолат пулини қуйидаги ҳоллардагина олиш мумкин:
музориб ўз ишига ишга бепарволик қилган бўлса;
музориб ваколатларини суиистеъмол қилган бўлса;
музориб музораба битимининг шартларини бузган бўлса;
музориб шу ишнинг устасиман деган бўлса, лекин мутахассислар томонидан бундай эмаслиги исботланса.

«Нима учун роббул-мол музорибдан кафолат пулини олиши мумкин?» деган саволга қуйида жавоб берамиз.

Яқинларга ҳам улашамиз.
@assoodiq – обуна бўлинг Ochish/sharhlash

2023-03-06 06:35:16 @AssoodiqBot янгиланди!

Дастёр ботимиз сиз учун янада қулай бўлди. Энди:
- аудиодарсликларни юклаб оласиз;
- саволлар юборасиз;
- бўладиган тренинглардан хабардор бўлиб турасиз.

@AssoodiqBot Ochish/sharhlash

2023-03-04 16:06:04 Ассалому алайкум! Бир биродаримиз айтиб берган воқеани сизларга ҳам илиндик.

«Холажон, бу совға бизга ҳалол бўладими?»

Туркия.
Тоғ этагидаги узоқ бир қишлоққа бордик. У ерларда зилзила бўлмаган, у ерда ҳалокатли вайроналар, қурбонлар, жароҳатланганлар йўқ, лекин зилзиладан азият чеккан ўнлаб оилалар кўчиб келган экан.
Ёнилги тақчиллигини эшитиб, бир оз олдин у ерга кўмир юборган эдик.
Кейин болалар учун совга-саломлар олиб, ўзимиз ҳам бордик.
Жабрдийдалар яшаётган ҳовлилар олдига тўхтаб, бир қанча кичкинтойларни хурсанд қиламиз, кўнглимиз қишлоқ теграсидаги тоғлардай кўтарилиб кетади деб чоғландик.
Қишлоқдан чиқаверишда машинамизга бошқача бир энтикиш билан термулиб турган, ниманидир айта олмаётган, мовий этикча кийиб олган икки болакайни кўриб, тўхтадик. Ўйинчоқ тарқатаётганимизни кўришган шекилли. Улар зилзиладан жабрланган шаҳарлик эмас эди, шунинг учун яқинлаша олмай, йўлимизга чиқиб туришган экан.
Улар билан саломлашишга улгурмасимиздан, кичкинтойлардан бири орқасидаги харобгина ҳовлига ишора қилиб, шундай деди:
- Буёқда яна битта уй бор!
Аввалига тушунмадим. Кейин эса кўзларимга ёш қалқди. Болакайлар биздан очиқчасига ўйинчоқ сўрашга уялиб, истагини мана шундай билдиришган экан.
- Шу уйда яшайсанми?
- Ҳа.
Иккаласига битта копток совға қилдик. Уларнинг хурсандчилигини кўрсангиз эди...
Иккиси худди дунёнинг энг зўр ҳадясини олгандай бахтиёр эди.
Лекин негадир уларнинг қувончи узоққа чўзилмади. Бироздан кейин бир коптокка, бир бизга қараб, хўрсиниб қўйишди, кейин иккови ниманидир пичирлашди. Кейин бир менга яқинлашди, айтмаса бўлмайдиган гапи борлигини, буни эшитишим, билишим шартлигини айтиб, секин қулоғимга шивирлашди;
- Холажон, бизнинг уйимиз бут-бутун. Биз камбағалмиз, лекин уйимиз зилзилада бузилмадим. Бу совға бизга ҳалол бўладими?

Оҳ… оҳ… болам-а!

Ўкириб йиғлаб юбормаслик учун лабимни тишладим. Уларнинг патаккина сочларини силаб, бағримга босдим. Юзларидан, коптокни омонат тутиб турган қўлчаларидан ўпдим, бўғзимдаги йиғини аранг босиб, кўзчаларига мўлтирадим:

- Албатта ҳалол, болажоним! Мазза қилиб ўйнагин!
- Ростданми?
- Ҳа.
- Уйсиз қолган болаларга етмай қолмайдими?

Бошимни чайқаб, йўқ деб ишора қиляпману, бўғзимга нимадир тиқилаверди, ютсам ютилмай, тақалиб тураверди...

Бир дона коптокча-я?!
Сизларга ким бундай гўзал тарбия берди?
Авлиёларми?
Вужудингизга бундай покиза қалбни жойлаган ким? Фаришталарми?
Бутун мавжудотни яратган Зот битта бўлса, нега биз ҳам сизлар каби эмасмиз?

Бўғзимга тиқилиб турган нималигини энди билдим.
Топдим...
Тушундим!
Бўғзимдаги тиқин – қачонлардир билиб-билмай ютилган, эсимдан ҳам чиқиб кетган, хаёлимга хам келмаган ҳаром луқмачалар эди...

Қайсидир бемор узатган қўл ҳаққи, кимдир берган совға, шохидан узиб, сўроқсиз ейилган мевалар, мен ўқиб бўлиб, қайтара олмаган китоб, мазасини билиш учун олиб чақилган пистаю қурутлар, довонда узатилган кулчалар, кеча бошим оғриганда ёрдам учун жўнатилган дорилар орасидан олинган биттагина ҳапдори…

Демак, томоғимга тиқилиб қолган ана шулар эди…

Қишлоқдан қайтяпмиз ҳамки, кўз ёшларимни тия олмасдим.

Бугун биз кимни учратдик? Инсон болаларигами?
Балки улар бизга асл инсоний фазилатларни эслатиш учун юборилган малаклардир?

Шартакилик қилиб, истагини шартта айтмай, уйини кўрсатган, тақдим этилган ҳадяни ҳалоллаб олган болалар… Биз ҳам фитратимизни яна шу аҳволга келтириб, тозалай оламизми?

Эҳ… Қанийди дунёдаги одамларнинг ҳеч бўлмаса тўртдан бири шу икки кичкинтойдек ҳалол бўлса...

Қанийди ҳаммамизда мана шу фақир гўдакларнинг ярим виждони, ярим иймони, яримтагина пок қалби бўлса…

Пост @islommoliyasi каналидан олинди.

Яқинларга ҳам улашамиз.
@assoodiq – обуна бўлинг Ochish/sharhlash

2023-03-03 13:07:42 ТАЪЗИЯ

الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ

«Мусибат етганда «Барчамиз Аллоҳникимиз, барчамиз Унга қайтамиз», дейдиган сабрлиларга хушхабар беринг».

Assoodiq жамоаси ҳамда барча мухлислар номидан жамоамиз аъзоси Муҳаммаджон Ҳакимовга акаларининг вафотлари муносабати билан чуқур таъзия изҳор этиб, марҳумнинг барча оила аъзолари ва яқинларига самимий ҳамдарлик билдирамиз.

Аллоҳ таоло марҳумнинг барча солиҳ амалларини ўзларига ҳамроҳ қилсин, хато-камчиликларини мағфират қилсин, ортларида қолган барча оила аъзолари ва яқинларига гўзал сабр берсин, марҳумнинг ҳақларига қилинадиган хайрли дуоларни ижобат айласин.

أم سلمة أم المؤمنين ما مِن مُسْلِمٍ تُصِيبُهُ مُصِيبَةٌ، فيَقولُ ما أمَرَهُ اللَّهُ: {إِنَّا لِلَّهِ وَإِنَّا إِلَيْهِ رَاجِعُونَ}اللَّهُمَّ أْجُرْنِي في مُصِيبَتِي، وأَخْلِفْ لي خَيْرًا مِنْها، إلَّا أخْلَفَ اللَّهُ له خَيْرًا مِنْها

Умму Салама розияллоҳу анҳо айтадилар:
Мусулмонга мусибат етса, Аллоҳ таоло буюрганидек, «Барчамиз Аллоҳникимиз, барчамиз Унга қайтамиз. Аллоҳим, бу мусибат туфайли менга ажр бергин, яхши эваз ато қилгин» деса, Аллоҳ таоло унга яхши эвазлар ато қилади».
(Имом Муслим ривояти) Ochish/sharhlash

2023-03-03 07:08:06 Саррофлик – валюта айирбошлаш қачон тўғри бўлади?

Валюта айирбошлаш – бир пулни шу турдаги ёки бошқа турдаги пулга (валютага) сотиш дегани.

Бир турдаги валюта айирбошланаётган бўлса, масалан, сўмга сўм, тиллога тилло, кумушга кумуш ёки долларга доллар алмаштирилаётган бўлса, иккисининг қиймати бир хил, тенг бўлиши шарт бўлади. Валюта бошқа-бошқа турда бўлса, масалан, сўмга доллар, долларга рубль алмаштирилса, иккисининг қиймати турлича (кўпроқ ёки камроқ) бўлиши мумкин. Лекин алмашаётган валютанинг ҳар бири нақдма-нақд, қўлдан қўлга берилиши ва олиниши шарт. Масалан, ҳозир доллар бериб, кейинроқ ёки бошқа куни сўм олиш мумкин эмас.

Саррофликнинг ана шундай нозик жиҳатларини Assoodiq томонидан ишлаб чиқилган «Саррофлик, қарз ва заргарлик масалалари» курсимизда ўрганишингиз мумкин

Яқинларга ҳам улашамиз.
@assoodiq – обуна бўлинг Ochish/sharhlash

2023-03-02 08:14:51 Assoodiq pinned a photo Ochish/sharhlash

2023-03-02 08:12:37 Бу гапни аниқ эшитгансиз!

Бу каби гап-сўзлар, оғзаки шартномаларнинг аксарияти жанжал билан тугаяпти.

Ўзи шерикчилик ҳақида нималарни билиб олишимиз керак:

фойда ва зарар қандай тақсимланиши;

шартнома қандай тузилиши;

шерикчиликдаги бизнес қачон баракали бўлиши;

низоларнинг сабаби нимаданлиги.

Шу ва шерикчиликдаги бошқа билимларни, навбатдаги Қарши шаҳрида бўлиб ўтадиган «Баракали шерикчилик асослари» тренингимизда билиб олинг.
Қаршиликлар йўқми?

Воҳа аҳли, имкониятни қўлдан бой берманг!

Тренинг 4-март куни бўлади.
Нархи: 950 000 сўм

Мана шу ерда рўйхатдан ўтиб қўясиз. Келаверинг, Худо хоҳласа, кетган вақтингизга ачинмайсиз.

Жойларимиз чекланмаган, лекин умримиз чекланган! Ochish/sharhlash