2023-04-07 12:23:59
Саломатлик билан референдумда қатнашамиз
Айни вақтда кун мавзусига айланган Конституциявий ислоҳотлар кенг қамровли бўлиб, улардан энг эътиборлиси сифатли ва малакали тиббий хизматни ташкил этиш масаласини конституциявий даражада мустаҳкамлаб қўйилаётгани. Ҳар бир фуқаронинг малакали тиббий хизматдан фойдаланиши унинг эртанги кунга бўлган ишончини янада оширади. Шунга кўра, Конституциямизда мамлакатда инсон ҳуқуқлари ва қонуний манфаатларини таъминлаш, қадр-қимматини улуғлашда соғлиқни сақлаш тизими устувор аҳамият касб этиши қайд этилмоқда.
Янги таҳрирдаги Конституциянинг 48-моддасида қайд этилганидек, “Ўзбекистон Республикаси фуқаролари тиббий ёрдамнинг кафолатланган ҳажмини қонунда белгиланган тартибда давлат ҳисобидан олишга ҳақли”. Бу аҳоли саломатлиги учун муҳим ижтимоий кўмак ҳисобланади.
Юқоридагилардан келиб чиқиб, 30 апрелъ куни ўтказиладиган референдум олдидан андижонлик тиббиётчи-“адолатчилар” аҳолини соғломлаштириш ишларини янада кучайтирдилар. Шу мақсадда жойларда ташкил этилган чуқурлаштирилган тиббий кўрик тадбирлари фуқароларни сиёсий тадбирда соғлом ҳолда қатнашишларига имкон беради.
Андижон давлат тиббиёт институтидаги “Адолат” СДП фаоллари томонидан ўтказилган ана шундай тадбир саломатлик байрамига айланди. 400 нафардан ортиқ Андижон шаҳри ва вилоятдаги туманларда яшовчиларга шу куни тиббий маслахатлар берилди, соғломлаштиришга йўналтирилди. Бош қонунимиз асосида инсон саломатлигига бўлган бундай эътибордан аҳоли мамнун.
“Адолат” СДП Андижон вилоят кенгаши
Матбуот хизмати.
8 viewsНазаров Акбаржон, 09:23
А
