Zebiniso Ahmedova — psixolog blogi

2022-02-04 14:30:00 ​​Бир инсондан сўрашибди: ҳаётингиз давомида бир инсоннинг ўзгариб бошқа инсонга айланганлигини кўрдингизми?
- Йўқ! Кўрмадим!
Иккита қирғий кўрдим ва улар қий-қийлашди!
Иккита бургут кўрдим ва улар овозсиз парвоз қилишди!

Иккита қуён кўрдим ва улар титраб тишлари билан тақ-тақ қилишди!
Бир илон кўрдим вишшиллаб заҳрини сочай деб турувди!
Бир эшак кўрдим йўлнинг ўртасида тўхтаб “ииииии!!! аааааааа!!” деётган эди! Ва бир шерни кўрдим ўкириб ўзини кимлигини билдириб турган экан!

- Вооой! Мен сиздан одамлар ҳақида сўрадимууу! Сизни доно инсон деб юргандим! Одамлар қолиб ҳайвонлар ҳақида ўйлаб юрадиган одам экансиз ва ҳеч қанақа доно эмассиз!

- Мен ростини айтдим:
Иккита қирғий бу менинг икки кўзим. Кўрган-билганини айтиб ақлсиз қий-қийлайверади. Вой кўрдим, вой кўрдим дейди. Аммо кўрганининг тагида қандай сир ётганини билишга қизиқмайди.

Агар ўзгармоқчи бўлсангиз кўриб қолганингизда “вой!вой” ламай кўрганларингизнинг сизга фойдали томонларини билиш унун ақлингизга уланг кўзингизни!

Осмонда учиб юрган бургут уйнинг ичида қандай овқат пиширилаётганлигини билмайди. Шунинг учун осмонларга учавермай уйингиздаги қора қозонда нима борлигига қараб қўйинг! Бу ўзгармоқчи бўлган одам учун иккинчи қадамдир!

Қўрқоқ қуёнларнинг иши титраш ва тишларини “тақ-тақ” қилиш! Сиз қачонки титрашдан тўхтаб, тишларингизни таққиллашини йўқотасизки, ичингизда халоват пайдо бўлади. Муаммодан қочган инсоннинг ичига қалтироқ киради ва тиши таққиллайди. Қўрқманг! Муаммоларни ечишдан қўрқманг!Бу ўзгаришнинг учинчи қадами.

Илон бу сизнинг заҳарли сўзларингиздир! Тилингизнинг тагидаги юганчасига кучингиз етмаса, бошқаларгаям сиёсатингиз таьсир қилмайди. Тилингиз илоннинг заҳрини эслатмасин, ширин гапиришга ўрганинг. Бу ўзгаришнинг тўртинчи қадами!

Йўлнинг ўртасига туриб олиб “ииии! ааааа!” деб хангираётган бу менинг дангаса танамдир! Бирор иш қилишдан олдин “иииии! аааааа” деб мени дангасаликка чорлайди. Саксон кило гўшт ва ўн кило суякка кучингиз етмаса у дангаса бўлиб “иииии! ааааа!” деб ханграйверади.

Ўзгаришнинг бешинчи қадами дангасаликдан чиқинг саксон кило гўшт ва ўн кило суягингиз сизнинг айтганингизни бажарсин!
Ҳаммага бақириш подшо бўлиш дегани эмас! Шерхон бўлиш фақат ўкиришдан иборат эмас!

Шердек бўлинг кучсизлар сизга суяна олишсин! Аёлингизга шавқат қилинг! Фарзандингизга раҳм қилинг! Бу ўзгаришнинг охирги қадамидир!
Шу ўзгаришларни ўзимда қилолмасам бошқалар ўзгаришини аниқлашдан нима фойда!
Сиз ўзгаринг!
Бугуноқ ўзгаринг!

«Оила қуриш сири ёхуд эр-хотин танлаш» китобимдан лавҳа.

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш: » @ZebinisoPsixolog
... ва инфо канал: » @ZebinisoAhmedova Ochish/sharhlash

2022-02-04 10:30:01 ​​Эркак ичяпти! Нима қилиш керак?

“Яна ичиб келдингизми?!”, ”Алкашнинг боласи десинми, ҳамма!”, “Эринг алкаш бўпқолади!” дейишганида сизга тегмас эдим!” деган гапларни эшитгансиз албатта.

Нега эркак ичади?
• Дам олиш учун
• Кайфиятини кўтариш учун
• Ўзига бўлган ишончсизликни унутиш учун
• Ишдаги, уйдаги, умуман ҳаётдаги муаммолардан қочиш учун
• Дўстлари орасида “ҳамма қатори” бўлиш учун

Аёл бу ҳолни қандай тушунади?
• Дам олиш учун – нимадан сиқилиб кетган экан!
• Кайфиятини кўтариш учун - Оиласида кўтаролмас эканми кайфиятини?
• Ўзига бўлган ишончсизликни унутиш учун – Эркакга ишониб бўларканми? Ароқ билан унутолса!
• Муаммодан қочиш – ким унга туғдирсин деганди, бошқалар бола боқмаяптимикан, ўғлини ўқишга киритмаяптимикан?!
• Дўстлар орасида – “Йўқ! Ичмайман деса оғзидан кўярмиди?

Аёл нега бундай деб ўйлайди-ю, эркак нега ичаверади?

Қўрқув: Ўзининг ва фарзандларининг тақдирига масъулиятини кўтара олмаган пайт ичади ва бу масъулиятни эслатаверган хотинни уради.

Қўрқув: Сизни ва сиз қурган оилангизни бошқалар билан солиштираверилса эркак ичади ва хотини ўрнига бошқа “севги” топади.

Қўрқув: Ўқишгаям киролмадингиз, бирор нарсагаям эриша олмадингиз ва бунга аввало муаммоларга кўмиб ташлаган хотинингизни айблаб ичиш осонроқ ва кайфда унинг қанчалик омадсиз аёллигини айтиб йиғлатиш сизни тинчлантирар балки.

Қўрқув: Ҳамма сизга ҳиёнат қилди, пулингизни олиб беришмади, ишонган ўғлингиз сиз айтган йўлдан бормади ва сиз ёлғизлигингиздан ичиб йиғлайсиз, ҳамда кўшиқ ҳиргойи ҳам қиласиз.

Қўрқув: Уйингиздаги оҳирги нарсангизни ҳам сотиб ичиш пайти ўз ориятингизни ичаётган бўласиз ва хатто фарзандларингизнинг нафратиям сизни қўрқитмай қўяди, улардан ҳам воз кечдингиз.

Қўрқув: Энг қиммат вискини кўз-кўз қилиб хотинингизни сиз билан бирга ичишга кўндирганингизда, аслида, аёлингиз талаб қиладиган нарсалардан воз кечдирдингиз.

ЎЗИ ШУ АРОҚ НИМА ЭКАН-А?

Ароқ қилиш учун узумнинг шарбатига ҳамиртуруш дрожжи қўшилади. Дрож бу тирик жонзот бўлиб, узум шарбатидаги шакарни еб кўпаяди ва еган шаркарини ахлати сифатида алкоголь моддасини ташқарига чиқаради. Агар дрожж шакар моддасини ютиб уни тез хазм қилса ва хавоси билан орқа тешигидан чиқарса, унда кўпикли алкоголь шампанское пайдо бўлади. Дрож бу шакарнинг қанчалик кўп фоизини еб хазм қилишига қараб алкоголь моддасининг кўп ёки камлиги алкоголь градуси ўлчамида бахоланади. Сиз ичаётган алкоголь моддаси аслида дрожнинг ахлатидир. Пиводаги кўпик дрож моддаси ҳазм қилиш жараёнида орқа тешигидан чиқарган ичакнинг хавосидир.

Нимангдан кам қилдим хотин?
“Менга ўхшаб ишласанг сен ҳам ичардинг!”, “Қўшнининг эри ичмайди-ю!”, “Қўшнининг эрига тегиб ол бўлмаса”, - каби гаплар кетма-кетлиги. Кимга ичувчи ёқмаса шу ичгич билан курашади. Баъзан бу хотин, баъзан бу она, баъзан бу ўғил, баъзан бу қиз ва сингил, албатта тирик бўлса ва у хам ичмаса, ота ҳам ичувчи билан курашиши мумкин. Биринчи қадамни қўяйлик бўлмаса.

Қадам 1: Реал ҳаётдаги муаммолар ечимидан лаззатлана олмаслик нореал ҳаётга – алкоголизм хаётига киришга сабаб бўлади.

«АЛКОГОЛИЗМДА ПСИХОЛОГ МАСЛАҲАТИ» китобимни ёзишни бошладим

Зебинисо Аҳмедова

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш: » @ZebinisoPsixolog
... ва инфо канал: » @ZebinisoAhmedova Ochish/sharhlash

2022-02-04 07:30:00 ​​Туйғуларнинг ҳам бугунгиси, кечагиси ва эртангиси бўлар экан.

Бугунги кун туйғулари: хурсандчилик, завқ, хотиржамлик, ғайрат, журъат, меҳр, шукр.

Кечаги кун туйғулари: айбдорлик, ёмон ҳаёллар, кутиш, қарғаш, кечирмаслик, “нега?!” деб савол беравериш, ўзини айблаш, бахтсиз сезиш.

Ертанги кун туйғулари: кутиш, умид, раҳм, режалаштиравериш, хавотир, қўрқув.

Қайси дунёда яшаяпсиз? Кечаги кунда қолиб кетибсизми? Ўлган дақиқаларни таҳлил қилиб ёмон ҳаёл ва сўнгсиз “нега?!” деган савол билан бахтсиз бўлмоқдамисиз?

Хали туғилмаган эртанги кунга бахтли бўлиш дақиқаларини қолдириб, бахтли онларни кечиктираяпсизми? Қандай қайтасиз бу кечаги азадан, келажакда учиб юришингиздан мен билолмадим. Аммо битта тўғри йўлни биламан, борингиз билан бугуноқ бахтли бўлинг.

Қизингизнинг ним табассумига қараб, қаердан пул топиб уни турмушга бераман деган қайғуга чўкманг. Ўша нима табассумга ошиқ инсонлар топилишига юз фоиз ишонинг. Яхши инсон сиз қайғурган мол-дунёга эмас, меҳрли қизингизга ошиқ бўлади. Буни унутманг. Муносабат тилингиз қайғу тили эмас, лотин тили эмас, меҳр тилига айланади. Муносабати қайғу тили билан бошланиб, мол дунё тилига айланиб, қайғу билан тугалланадиган муносабатлар ҳам бор. Танлов сизда.

“Бахт нима?” деган саволга ҳамма ҳар хил жавоб беради. Аммо унинг таркибий қисми битта, яшашни исташ, келажакка катта ниятлар қилиш, қувнаш, завқ олиш ва албатта, шукронлик билан дунёга боқиш.

“Бахтсизлик нима?” деган саволга ҳам ҳамма ҳар-хил жавоб беради. Аммо бахтсизликнинг ҳам таркибий қисми бир хил: ҳаётдан қониқмаслик, ёмон фикрлар чулғаши оқибатида яхши ният қила олмаслик, хавотир, қўрқув билан яшаш, борига кўнмаслик, хўрланиш, ўзини эзилган ва жафо кўргандек хис қилиш, тухмат балосидаман деб ундан қутула олмаслик, ёлғон қурбонига айланиш, ёлғон билан яшаш, айблов, кучсизлик, бахллик, қисқаси, бир сўз билан айтганда ношкурлик.

Зебинисо Аҳмедова

«Ўзлигингизни ўзингиздан изланг» китобини харид қилинг.

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш: » @ZebinisoPsixolog
... ва инфо канал: » @ZebinisoAhmedova Ochish/sharhlash

2022-02-03 16:00:29 ​​ Болалардаги агрессивлик

Болалардаги агрессия учта йўл билан намоён бўлади

1. Оиладаги агрессивлик, яъни оила аъзолардаги хатти ҳаракатлар. Бу хатти-ҳаракатлар агрессияси икки хил кўринишда бўлади.
— Актив ва пассив!

— Актив агрессия, бу оилада оила аъзолари орасидаги жисмоний тажовузкорлик ва ҳақоратлар сабабли бола ҳам атрофга ўзидан кичик ва катталарга ҳам жисмоний ҳам руҳий яъни куч кўрсатиб, қўл кўтариб, ниманидир синдириб ёки ҳақоратлаш билан ўзидаги агрессияни намойишқилади.

Пассив агрессияда болани устидан кулиш, ортидан ноўрин гапириш, ерга уриш каби ҳолатларда кузатилади. Бунда болада одамовилик, ҳўмрайиш, ҳеч кимга қўшилмаслик, тез ҳафа бўлиш каби кўринишда пайдо бўлади.

2. Оилада болани тарбиясида ота-оналарнинг нотўғри мотивациясидир. Яъни фарзандига катталар томонидан, сен кучли бўлишинг керак, сени ҳафа қилишга йўл қўйма. Қарши зарба бер, қарши ҳимояга чиқ. Кучли эканлигингни кўрсат, бўлмаса сендан фойдаланишади, кучлилар кўп сан улардан зўр бўл қабилидаги тарбиядаги нотўғри тушунча болада ўз тенгқурлари орасида ўзини куч билан тили билан мақсадига ҳар қандай агрессив йўл билан бўлса ҳам етишишига ҳаракат қилишига сабабчи бўлади. Болаларда бунда, гуруҳбозлик билан жанжаллар чиқариш, буйруқбозлик, тенгқурлари устидан мазах қилиш каби агрессияга олиб келади.

3. Ташқи муҳитдан ўзлаштирилган агрессия.
Бунда,бола савиясига тўғри келмайдиган кино ва сериаллар ва ундаги қаҳрамонлар агрессияси ёки интернет оламидаги тик ток, ютуб ва бошқа сайтдаги тарбияга зид бўлган қаҳрамонлардаги агрессив чиқишларга тақлид қилиш ҳам боладаги агрессияни шаклланишига сабаб бўлади.

Ота оналар баъзида фарзандларида намоён бўлган бу агрессияларни йўқотиш учун ўзлари билмаган ҳолда агрессив тарбия билан курашишни бошлашади. Яъни болага пул бермай қўйиш, уйдан чиқармаслик, ёқтирган машғулотидан маҳрум қилиш, олиб қўйиш ва бошқалар.

Энди нима қилиш керак?, - деган савол туғилади

Биринчи ўринда боладаги бу агрессияни қаердан кириб келаётгани ҳақида агрессия бўйича мутахассис психолог қабулида тўғри ташхис қўйиб олиш керак.

Шундан сўнг оилада болага ота оналар ва бошқа катталар томонидан олам яхшилиги,одамларга ишониш мумкинлиги ҳамда ҳечким уни ҳафа қилмаслиги ҳақида ҳам мазмундор ҳам ҳотиржамлик руҳидаги тарбия ишлари олиб борилиши керак.

Зебинисо Аҳмедованинг «Кичик боладаги катта қўрқувлар» китобидан лавҳа.

Бунинг учун ўз мутахассисига яъни психолог қабулига ёзилинг, Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш: » @ZebinisoPsixolog
... ва инфо канал: » @ZebinisoAhmedova Ochish/sharhlash

2022-02-03 13:00:42 ​​Севишнинг сири ва севилишнинг формуласи!

Унутишнинг сири ҳамда керак эмас инсонга айланишнинг формуласи.

Буюк Шекспир айтган эди: “У мени қийналганимда яхши кўрди, мен эса унинг раҳмини севдим!” деб Шекспир айтган бу одамлар невротиклар бўлиб, уларнинг муносабатлари қийналганни қутқариш учун ўзини қурбон қилиш ҳолатидир! Касал муносабатнинг охири бир бировини ёмон кўриб қолиш ҳамда “Менинг пулим, имкониятимни яхши кўрган экансан!” дея тана қилиш билан якунланади.

Соғлом севгини касал севгидан қандай ажратиш мумкин?
Эркаклар аёлларнинг чиройлилиги, латофати, ақллилиги ва юмшоқлиги учун яхши кўради.

Аёллар эса эркакларнинг мардлиги, кучлилиги, стрессларга чидамлилиги, қийин вазиятлардан ечим топа олиш, оғир вазиятга тушиб қолганида қўллаб қувватлаш ва ёрдам бериш сифатларини яхши кўради.

Ушбу сифатлар орқали аёлдаям эркакдаям бир-бирига нисбатан ҳиссиёт пайдо бўлади. Ушбу ҳиссиётнинг номи севгидир: бу тинчланиш, бу ўзини ҳимояланган ва хотиржам сезиш, бу бир-бировига ишониш, бирга эканлигидан завқланиш. Мана шу санаб ўтилган ҳиссиётларнинг жамланмасини севги ҳиси деб атаймиз.

Севган инсон севгилисини соғинади, аслида бу ҳиссиёт ўзини унинг олдида кучли сезишга бўлган эҳтиёж - бир сўз билан соғиниб кетишдир. Соғинган одам ҳаётидаги мураккабликдан қочиб унинг ёнига, бағрига, қўйнига интилади. Буни ҳижрон ва висол деймиз.

Демак, севгининг функцияси ҳаёт мураккаблигини бирга ечиш учун бирлашиш истаги десак ҳам бўлади.
Инсон ҳаётидан қониқмаган пайти севги топади. Ҳаёти ҳар томонлама тўкис инсон ўзига ишонади, ўзини севади, ўзини қўллаб-қувватлай олишига тўлиқ ишонади ва ҳеч кимни севмайди!

Севинг ва севилинг!
Фақат севгилингиз сизнинг барча муаммоларингизни ечими бўлиши мумкинлиги фантазиясидан воз кечинг! У ўз муаммосини сиз орқали ечмоқчи, сиз эса у орқали ечмоқчимисиз? Бирга суҳбат орзулар ҳақида эканлигини биламан.

Ўша суҳбатлар орзуларнинг осмон-осмон ишонтиришларидан воз кечиб, бугун қайси муаммони биргалашиб ечсангиз қайси маррага боришингиз ҳақида гаплашиб олинг.

Агар, ушбу ечим топишда “менинг айтганим тўғри, сенинг айтганинг бўлмайди!” деган гаплар бошланса, демак, ҳақиқий севги учун қадам қўйибсиз! Келишинг! Эркалаш кутманг!
Севинг дедим-ку!
Севииинггг…

Зебинисо Аҳмедова

«Оила қуриш сири ёхуд эр-хотин танлови» китобимдан лавҳа

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш: » @ZebinisoPsixolog
... ва инфо канал: » @ZebinisoAhmedova Ochish/sharhlash

2022-02-03 10:30:01 ​​ОЛТИ ХИЛ РАХБАР

2. Рахбар – дўст.

Ходимини ўз дўсти сифатида қабул қилиш (дўстона ёндошув). Ҳамма ўзини дўст деб билади. Катта ходим, кичкина ходим йўқ! Ҳамма бир-бирига дўст. Ҳатто рахбарнинг хам энг биринчи вазифаси дўст бўлишдир деган ёндошув. На чегара, на обрў-эътибор, на сир деган нарса бор бу ишхонада. Рахбар дўст ўзининг бошлиқ эканлигини имзо чекаётганида, қарор чиқариш ва охирги тўхтамга келиш пайтида эсига келиб қолади. Хатто йўлакда ҳам йўл-йўлакай дўсти учун имзо чекиб кетилаверади. Бир-бирининг елкасига дўстона уриб қўйишга хақли дўст-да ахир. Рахбар-дўст кўп хазил қилади, ходимларини дўстона тилда отини (ёки лақабини) айтиб чақиради. Ишчи-ходимлар дўстлардек уришиб қолишлари мумкин. Аммо Рахбар – дўст уларни яна дўстлик ришталарини бойлашга ундайди. Мултфильмда “Болалар, келинглар дўстона яшайлик!” деган мушук гапи бу корхонадаги Рахбар-дўстга хос. Дам олиш кунлари бу “дўстлар” яна бирга бўлиб “гап”га бориб ўша ердаям “дўстлигини” давом эттиришади. Хамма бир-бирини сенлайди. Ўз Рахбар-дўстини бу “дўстона ходимлар” мақташади ва баъзан, мен бу дўстим(рахбарим)га “Кўзингни оч ўртоқ!” дедим каби гапира олишади. Рахбар-дўст ўз ходимини ишдан бўшатиши дўстига ёмонлик қилиш, уни сотиш, унга хиёнат қилиш каби бўлиб кўринади. Лидер сифатида ўз ишчи ходимларини бир йўлга солиш керак бўлганида, хамма бир киши учун, бир киши хамма учун деб қаралади ва хеч ким хатто Рахбар дўст хам ёриб чиқиб кета олмайди. Бу каби коллективда ўша лидернинг ўзи бўлмайди, чунки хамма дўстлар йиғилиб, бир хил одамлар тўпланган бўлади. Ишга олинганлар хам дўстларнинг дўстлари сафидан келиб қолади.
Хатоси: Ягона бошнинг йўқлиги. Хаммани йиғиб дўстликни йиғиштириб қўйиб битта йўлга солиш малакасининг шакллантирилмаганлиги.

.... ДАВОМИ БОР

РАҲБАР” китобидан лавҳа.

* ИНФО
*Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog Ochish/sharhlash

2022-02-03 07:00:26 ​​ОЛТИ ХИЛ РАХБАР

Рахбарнинг сояси бу у бошқараётган корхонадир. Рахбарни яхши деб аташ учун унинг корхонаси, ишчи-ходимлари ва мухити хақида, моддий имконияти ва ривожланиши хақида бахо берамиз. Хар бир рахбар ўзига бахо бера олсагина ўз хато ва камчиликларини тўғрилай олади. Қуйида қандай рахбарлар борлиги хақида маълумот бераман.

Бошлиқнинг ўз ходимларига муносабатига қараб бир неча турга ажратишимиз мумкин.

1. Рахбар – ота (она).
Рахбар ўз ходимларини худди фарзандларига муносабат қилгандек бошқаради. (патерналистик ёндошув).

Шундай рахбарлар борки, улар ўз ходимларини боладек кўришади. Бир томондан уларни тарбиялаб ўргатишади, юмшоқ муносабатда бўлишади. Иккинчи томондан болани эркалагандек хамма керакли эҳтиёж билан таъминлаб қўйишади. Бундай рахбар хар бир ходимининг оиласи билан, муаммолари билан қизиқиб, ота-она сифатида ўзини масъул деб хисоблайди. Ходимларини ўз фарзандларидек кўрадиган рахбардан ўз ишчилари хақида сўрасангиз, шунчалик завқланиб болаларидан қувнаган отага ёки онага айланиб фахр туйғуси билан гапиришади. Ишчи ходимлари хақида: “Улар шундай яхшики! Энг кучли ходимларим бор! Эплашди-я!” деб болани эркалагандек ютуқларидан фахрланиб қўйишади. Баъзи негатив фикрловчи бошлиқ эса ўз ходимларини худди болани уришавергандек гапиради: “Дангаса! Ахмоқ! Хеч нарсани эплашолмайди-я! Қачон одам бўлади булар?!”

Ўз ходимларининг шахсий ҳаётига аралашиб, уйлантириш, узатиш, уй қурдириш, пулини сарфлашга тавсия бериш каби “Рахбар – ота (она)” ролини ўйнашади. Баъзан ўз ходимларидан хафа бўлиб кетиши мумкин. Ўз фарзандини бошқага алиштира олмаганидек, “Рахбар ота” хам ходимини хайдаб ўрнига бошқасини олишга “қийналади”. Бирор ходими бошқа корхонани танласа буни “Ота-она”га ҳиёнат каби кўради. Ўз ходимларини рухлантириш, эркалаш, “уришиб қўйиш”ни жойига қўйиб қўйишади. Оилада ўз ака-укаларини, опа-сингилларини тарбиялашда қатнашган инсон “Рахбар-ота” га айланиши мумкин. Ўзидан кучсизларга химоячи, ақли ва тажрибаси кам ходимларга тарбиячи, маслакдош сифатида ўзини тутишади.

Хатоси: ўз ходимига фақат “ишчи-ходим” муносабатини шакллантира олмаганида.

.... ДАВОМИ БОР

“НИЗОСИЗ РАҲБАР” китобидан лавҳа.

* ИНФО
*Консультация олиш учун мурожаат қилинг:
Тел: +998908055580
Тел: +998909444612

Каналга уланиш: @zebinisopsixolog Ochish/sharhlash

2022-02-02 14:30:00 ​​Ички конфликт. Онг билан онгсизлик ўртасидаги келишмовчилик. Масалан, кўп овкат ейишда организмда иккита фронт пайдо бўлиб, бири нохуш ҳиссиётлар ва муаммолардан қочиш учун, овқат тановвул қилиб, ўз ўзини аллалайди. Иккинчи қисм эса “овқат ема, қара кимга айланиб қолдинг” деб, ички тўқнашув эълон қилади. Тарозининг иккита палласидек, дам у тараф, дам бу тараф ғолиб чиқади.

Психотерапевт муаммони ечмас экан, касаллик тузалмайди.Иккинчи сабаб мотивация дейилади. Пайдо бўлган айни касаллик, унинг комфорт холатида яшаши учун қўл келади. Масалан мигреньдаги бош оғриғи кўп муаммолардан қочишнинг яхши йўлидир. Бош оғриғини рўкач қилиб, муаммога кўз юмади.

Учинчи сабаб, бошқа одамлар томонидан уқтирилишидир. Масалан болага сен касалсан, қизғанчиқсан, иккичисан, омадсизсан ва хокозо деб айтилаверса, у охир оқибат шу инсонга айланади.

Айтилаётган сўзга эътибор берилмасдан, гапириб юбораверишни ...............

Мақолани тўлиқ ўқиш:
https://uzpsixolog.uz/45rre/

«Бола тарбиясида психолог маслаҳати» китобини харид қилинг!

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш:
» @ZebinisoPsixolog

... ва инфо канал:
» @ZebinisoAhmedova Ochish/sharhlash

2022-02-02 10:30:00 ​​Семизлик ҳақида гапирган хой психолог нега энди камбағаллик ва пул ҳақида гапиришга ўтиб кетдинг, дейишингиз тайин. Гапни обқочма, дейсизда. Келинг яна ўша пул психологиясининг семизликдаги ўрни ҳақида тушунчаларимизни янгилайлик.

Камбағал одамнинг бойдан, семиз одамнинг танаси расо одамдан битта ягона фарқи бор — ......

Тўлиқ ва Батафсил ўқинг:
https://uzpsixolog.uz/243334-2/

«Психологик пархез» китобини харид қилинг!

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш:
» @ZebinisoPsixolog

... ва инфо канал:
» @ZebinisoAhmedova Ochish/sharhlash

2022-02-02 07:00:17 ​​“ЯРМАРКАДА” психологик тест

Меҳмон кутиб олишни билганингиздек, дастурҳон тузашни эплай олганингиздек, ўзингизни тақдим қилишни ҳам билишингиз лозим. Инсон ўзини ўзи таниши орқали бошқаларнинг таниши учун тақдим эта олади. Ўзи ҳақида ҳеч нарса билмаган одам ёки ёлғон маълумот орқали ўзини таништиради ва бошқаларни алдайди. Ёки ўзи ҳақида ҳеч нарса билмаганлиги учун индамай қўя қолади. Айтмасангиз, сизда қандай иқтидор борлигини ҳеч ким билмайди-ку! Жудаям уятчанлик яхшими? Уятчанлик ўзини билмаганликдан келиб чиқадими? Уялиш замирида ўзига ишончсизлик ётадими? Кийимсиз юришдан уялиш керак. Аммо, ўзи ҳақида айтиб беришдан уялишни ўзига ишончсизлик деб номланади. Нима бўлганида ҳам ўзингизга ишонч пайдо қилиш орқали кимлигингизни таниш ва бошқаларга танита олишдек кучли илмга эга бўлаяпсиз.

Тасаввур қилинг...

Сиз ҳунармандлар гузарида пайдо бўлиб қолибсиз. Ҳунармандлар ҳам ўз ишларини бажаришмоқда, бир вақтнинг ўзида тайёр бўлган маҳсулотларини чиқариб сотишмоқда.

Ўша қўлда ясалган буюмлар, жиҳозлар ва матоҳларни ҳайрат билан томоша қилаяпсиз. Нозик бу санъат асарлари ичида қутичалар, болаларнинг ўйинчоқлари ҳам мавжуд. Сизни ўзига тортган қимматбаҳо заргарлик буюмлари ҳам бор.

Вазифа: Сиз ўзингизни сотувчи ўрнида тасаввур қилиб кўринг. Нималар сотаётганингизни ва маҳсулотларингиз қанчалик кўплигини ҳам тасаввурингизга сиғдириб кўринг.

1. Сиз сотаётган буюмлар кўпми ва қанчалик қимматбаҳо?
2. Бир инсон сизнинг олдингизга келди, буюмларингизни томоша қилиб бўлгач ҳеч нарса ҳарид қилмади. Сиз у ҳақида нима деб ўйладингиз?
3. Яна бир инсон сиз сотаётган буюмларнинг ичидаги энг қимматбаҳосини танлади ва уни томоша қила бошлади. Бу одамга ушбу маҳсулот ҳақида нима деган бўлар эдингиз?
4. Кеч кирди ва сотувчилар ўз маҳсулотларини йиғиштириб, дўконларини ёпишни боошлашди. Нима деб ўйладингиз: сиз кўп фойда олдингизми? Сиз кўп маҳсулот сотдингизми?

Тестнинг жавоби:
https://uzpsixolog.uz/3535333-2/

«Ўзлигингизни ўзингиздан изланг» китобидан лавҳа.

Психологдан Консультация олиш учун қуйидаги тел. рақамларга мурожаат қилинг:
Тел: +998908055580
Тел: +998909444612

Каналга уланиш:
» @ZebinisoPsixolog

... ва инфо канал:
» @ZebinisoAhmedova Ochish/sharhlash