Toshkent amaliy fanlar universiteti

"Haftaning muhim voqealari" yana sizlar bilan

So‘nggi bir necha kun ichida sodir bo‘lgan qiziqarli yangiliklarni ulashamiz:

13-may kuni “Pedagogika” va “Iqtisodiyot” fakultetlari talabalari voleybol bo‘yicha “Hokim kubogi” uchun universitetlararo musobaqada 4-o‘rinni egalladi.

14-may kuni “Intellektual haftalik” doirasida oliy o‘quv yurtlari talabalari o‘rtasida “Zakovat” o‘yinining hududiy saralash bosqichi bo‘lib o‘tdi.

Universitet talabalari o‘rtasida o‘tkazilgan kurash musobaqalarida universitetimizning 14 nafar talabasi faxrli o‘rinlarni egalladi. 66 kg vazn toifasida Abdullayev Humoyun 3-o‘rinni, 80 kg vazn toifasida Abdullayev Sardor 3-o‘rinni egalladi.

16-may kuni Toshkent amaliy fanlar universitetining “Axborot texnologiyalari” va “Iqtisodiyot” fakultetlarida “Talabalar xavfsizligi kuni” doirasida profilaktik suhbatlar o‘tkazildi.

Universitetimiz rektori, shoiralar Umida Abduazimova va Adiba Umirova bilan birgalikda “MA’RIFAT ULASHIB” loyihasi doirasida Toshkent viloyatining chekka tumanidagi 20-maktabga tashrif buyurdi.

Universitetimizdagi soʻnggi yangiliklar

Oʻtgan hafta davomida koʻplab qiziqarli voqealar boʻlib oʻtdi va ularning eng muhimlari haqida sizlarni xabardor qilmoqchimiz.

1-may kuni Adiblar shohkoʻchasida universitetimizning buyuk sanʼat arboblari xotirasiga bagʻishlangan "Hisobot konserti" va muvaffaqiyatli talabalarni mukofotlash marosimi boʻlib oʻtdi.

6-may kuni "Zakovat" intellektual oʻyini oʻtkazildi va unda sirtqi shaklida tahsil olayotgan turli fakultet hamda talabalar jamoalari bahslashdi.

Xotira va qadrlash kuni munosabati bilan Oʻzbekiston bayrogʻi ranglari tushirilgan faxriy tasmalar tarqatildi hamda talaba va ustozlarning faxriylar bilan uchrashuvi boʻlib oʻtdi.

9-may kuni Toshkent amaliy fanlar universiteti talabalariga "Qo’rqma" romani asosida Yoshlar ishlari agentligi tomonidan suratga olingan film namoyish etildi.

Ayni damda professorlarimiz Baxtiyor Mengliyev va Gʻofur Hamroyev Finlyandiyada amaliyot oʻtamoqda. Ularni tabriklaymiz va taʼlim sohasida yangi tajribalar orttirishda muvaffaqiyatlar tilaymiz.