Tafakkur bekati️ ️️️️

2023-06-17 17:56:09 Умар розияллоҳу анҳу Аллоҳдан қўрқиб йиғлаганларида, кўзёшларини қўллари билан артиб, уни юзлари ва бутун жасадларига суртардилар. Ва: "Менга Расулуллоҳ соллаллоҳу алайҳи ва салламдан етиб келган: "Аллоҳдан қўрқиб йиғлаганда чиққан ёш теккан ўринларга, дўзах ўти тегмайди", дердилар.

•MubashshirAhmad Ochish/sharhlash

2023-06-15 08:02:35 Имом Шиблий роҳимаҳуллоҳдан, Аллоҳни ҳақиқий маънода танувчи кишининг аломати ҳақида сўрашди. Шунда у киши: «Кўкси кенг, қалби мажруҳ, жисми ташлаб қўйилган, улоқтирилган кишидир», деб айтдилар.
Орифнинг аломати ва сифатлари нима? дейилганда, у киши: «Ориф - Аллоҳ таолони Қуръон ва суннатда келганидек таниб, Аллоҳнинг буйруқларига амал қилиб, қайтариқларидан қайтган, Аллоҳнинг бандаларини Аллоҳ муҳаббатига ва Унга яқинлашиш, қурбатга чақирган кишидир», дедилар.
Шунда у кишига: «Орифни билдик, сўфий ким?» деб айтилди. У киши: «Сафолик устига жун кийим кийган, Мустафонинг йўлларига тушган, дунё ва унинг шаҳватини орқасига улоқтирган, ҳавои нафсига жафо таъмини тоттирган кишидир», деб жавоб бердилар.
Сўфини билдик, тасаввуф нима? деб айтилди. Шунда у киши: «Аллоҳнинг амрини улуғлаш, Расулуллоҳ соллаллоҳу алайҳи васалламга иқтидо қилиш ва Аллоҳнинг бандаларига раҳм шафқат кўрсатиш», дея жавоб бердилар. Ochish/sharhlash

2023-06-13 09:43:01 ҲАЁТДАН НОЛИМАНГ, НЕГАКИ...

Машаққатли ишингиз ҳар бир ишсизнинг орзуси;

Сизни безор айлаган фарзандингиз ҳар бир бепуштнинг орзуси;

Кичик уйингиз ҳар бир ватангадонинг орзуси;

Озгина пулингиз ҳар бир қарздорнинг орзуси;

Соғлиғингиз ҳар бир беморнинг орзуси;

Табассумингиз ҳар бир тушкунликка тушганнинг орзуси;

Аллоҳ айбингизни тўсгани ҳар бир шарманда бўлган банданинг орзуси;

Шундай экан, Аллоҳга ҳамд айтиб, Унинг тақдирига рози бўлишни ҳаётингизга асос қилинг!

Аллоҳим, Сенга доим (беадад) ҳамду санолар бўлсин!

Доктор Муҳаммад Юсрий Иброҳим Ochish/sharhlash

2023-06-09 06:06:09 Ассалому алайкум!

Аллоҳ дуоларимизни ижобат, Фарзандларимизга салоҳият, Ибодатларимизга гўзаллик, Ризқимизга барака берсин! Аллоҳнинг паноҳида бўлинг!

Аллоҳдан Ўзингиз ва Ота - Онангиз ва сизга азиз бўлган барча яқинларингизни мағфират қилишини сўрайман!

ЖУМА МУБОРАК АЗИЗ ДИНДОШИМ! Ochish/sharhlash

2023-06-06 05:02:52 «Бир соатни ўзинг учун ва бир соатни Роббинг учун ажрат», дейдиган жоҳил, нодон инсонлар сўзларини гапиришдан эҳтиёт бўл, эҳтиёт бўл, эҳтиёт бўл! Бу шайтоний сўздир. Сен доим Аллоҳ учун машғул бўл. Доим У билан (зикри, ибодати ва итоатида) бўлгин.
«Албатта намозим, ибодатларим, (яъни қиладиган қурбонликларим) ҳаёту мамотим бутун оламларнинг Парвардигори бўлмиш Аллоҳ учундир, деб айт» (Анъом сураси, 162-оят).

Доктор Муҳаммад Ротиб Наблусий.

Изоҳ: Яъни, фақат айрим соатларда, маълум амаллардагина эмас балки бутунлай Аллоҳга ажралиб чиқиш ҳақиқий бандаликдир. Мусулмон одам намозни фақат Аллоҳ учун ўқийди. Бошқа зот учун ёки бадантарбия, ахлоқий машқ, ота-онасини хурсанд қилиш, жамоатчиликка маъқул келиш учун эмас. У ибодатларини фақат Аллоҳ учун адо этади. Мусулмон киши тириклигининг ҳамма соҳаси, барча тарафлари фақат Аллоҳ учун бўлади. Ochish/sharhlash

2023-06-05 04:50:53 Намоз ҳаётдир. Кимки уни тарк қилса, умр бўйи худди ўликдек ўтади.

Доктор Муҳаммад Ротиб Наблусий.

Изоҳ: “Ўлик каби” деганда, бу ерда маънавий ўликлик назарда тутилмоқда. “Тафсири Ҳилол” да баён қилинишича, руҳ киши жасадини жонлантиргани каби ваҳий (илоҳий таълимот) ҳам инсон қалбини, дилини жонлантиради. Илоҳий таълимот етмаган қалб ўлик ҳисобланади. Ваҳий инсоннинг қалбига, виждонига, ақлига, тафаккурига жон бўлиб келади. Инсоният ваҳий ила маънавий тирик бўлади. Маънавий ўликлик эса ҳамма балонинг бошидир. Жисмоний, моддий ҳалокатга ҳам, асосан, ушбу маънавий ўликлик олиб боради.

Дўстларингизга ҳам улашинг!!! Ochish/sharhlash

2023-06-02 03:14:40 Ассалому алайкум!

Аллоҳ дуоларимизни ижобат, Фарзандларимизга салоҳият, Ибодатларимизга гўзаллик, Ризқимизга барака берсин! Аллоҳнинг паноҳида бўлинг!

Аллоҳдан Ўзингиз ва Ота - Онангиз ва сизга азиз бўлган барча яқинларингизни мағфират қилишини сўрайман!

ЖУМА МУБОРАК АЗИЗ ДИНДОШИМ! Ochish/sharhlash

2023-05-23 18:19:38 17 НАРСА ҚАБР АЗОБИДАН НАЖОТ БЕРАДИ:
1. Ота-онага яхшилик қилиш.
2. Намоз.
3. Рамазон рўзаси.
4. Ҳаж ва умра.
5. Яхшиликка буюриб, ёмонликдан қайтариш.
6. Аллоҳ таолодан қўрқиш.
7. Аллоҳдан умидвор бўлиш.
8. Аллоҳ ҳақида яхши гумонда бўлиш.
9. Доимо таҳоратли юриш.
10. Доимо Аллоҳнинг зикрида юриш.
11. Жунубликдан дарҳол ғусл қилиш.
12. Қариндош-уруғчилик алоқаларини тиклаш (силаи раҳм).
13. Ҳусни хулқ.
14. Гўдаклигида вафот этган фарзанд.
15. Аллоҳдан қўрқиб йиғлаш.
16. "Лаа илааҳа иллаллоҳ"ни кўп айтиш.
17. Расулуллоҳ соллаллоҳу алайҳи васалламга салавот айтиш.

"Ва эслатгин. Албатта, эслатиш мўминларга манфаат берур" ("Зориёт" сураси, 55-оят). Ochish/sharhlash

2023-05-14 04:37:39 Шон шуҳратга интилманг. Кўплаб расул ва набийлар борки, улар ҳақида билмаймиз, уларни танимаймиз ҳам. Аллоҳ таоло бу ҳақда: "Айрим пайғамбарлар ҳақида Сизга илгари ҳикоя қилдик. Айрим пайғамбарларни эса Сизга ҳикоя қилганимиз йўқ" (Нисо сураси, 164 оят), деб айтган.
Шуҳрат Аллоҳ наздида ўлчов, миқёс эмас. Киши учун тақво ва амал ҳақиқий нажотдир.  Субҳаналлоҳи ва биҳамдиҳи, субҳаналлоҳил ъазийм.

Дўстларингизга ҳам улашинг!!! Ochish/sharhlash

2023-05-12 03:52:22 #Juma_Muborak

Abu Hurayra roziyallohu anhudan rivoyat qilingan hadisda Payg'ambarimiz sallollohu alayhi vasallam aytadilar:
"Quyosh chiqqan kunlarning eng yaxshisi juma kunidir".
(Imom Muslim, 854)

Shayx Alijon qori rasmiy
sahifalari
Telegram | Facebook | Youtube | Instagram Ochish/sharhlash