Tafakkur bekati️ ️️️️

2023-04-27 21:56:36 #Тасбеҳ

Ибн Таймия роҳимаҳуллоҳ айтади:
“Баъзилар, тасбеҳни елкасига кийиб, қўлларида тасбиҳ ушлаб, уни дин ва ибодатнинг рамзига айлантирмоқдалар.
Аниқ бўлган хабарлардан маълум бўладики, на пайғамбар алайҳиссалом ва на унинг асхоблари тасбеҳни рамз сифатида ишлатганлар. Улар ҳадисда айтилганидек бармоқларида тасбеҳ санаганлар.
«Бармоқларингизда сананг, чунки улар сўралади ва гапиришга мажбур қилинадилар». Ochish/sharhlash

2023-04-26 06:08:44 Қуръони каримни тиловат қилиш, ёки ёдлаш, ёки кунлик Қуръон вазифасини ўқиш, ёки ёд олган сураларни қайтариш учун вақт ажратиш қийин. У Аллоҳнинг тавфиқи бўлиб, Ўзи муваффақият берганларга насиб қилади. У Каломини Ўзи хоҳлаган кишиларга ихтиёр қилади.

“Сўнгра Биз бу Китобга бандаларимиздан Ўзимиз танлаган зотларни ворис қилдик” (Фотир сураси, 32-оят).
Аллоҳ Каломида “Ўзимиз танлаганларга”, деб айтмоқда. Бу сўзга эътибор қаратинг, уни ёд олишга ошиқинг!

Дўстларингизга ҳам улашинг!!! Ochish/sharhlash

2023-04-25 03:25:27 Ko’zbo’yamachimiz!

- Mahallamizni ko’chasi qachonki prezident kelsa, o’shanda asfalt bo’ladi.
- O’quvchilar, qachonki jazolansa yoki qattiq gapirilsa, o’shanda uyga vazifalarini to’liq bajarib kelishadi.
- Xavfsizlik kamari faqat militsiya bor payti taqiladi. Yo’l qoidalariga amal qilish ham xuddi shunday.
- Ota-onani yonida aqlli, odobli bola, o’rtoqlarini yonida ichadigan, chekadigan, qizlaga gap otadigan hayvonga aylanadi.
- Ota-onani yonidan sochini yig’ib chiqib ketadi, ko’chaga chiqib esa yoyvoladi.
- Yonida odamlar bor payti Taqvodor, bitta o’zi qolganda qaysi namozni qachon o’qish kerakligini bilmaydi yoki bilmaslikka oladi.

• Ha, biz shunaqa ko’zbo’yamachilarmiz. Vaqtida tuzatmasak, savol-javobi og’ir bo’ladi.

#thoughts Ochish/sharhlash

2023-04-20 08:00:22 РАСМАН: РАМАЗОН ҲАЙИТИ 2023 ЙИЛ 21 АПРЕЛЬ КУНИ НИШОНЛАНАДИ

Ўзбекистон мусулмонлари идорасида Рамазон ойи ва ҳайитини аниқлаш учун тузилган Ишчи гуруҳи хориждаги нуфузли астрономия марказлари ва Ўзбекистон Республикаси Фанлар академияси қошидаги Астрономия институтидан олган маълумотларга кўра, 1444 ҳижрий йил Шаввол ойининг янги ой фазаси (ҳилоли) шу йил 20 апрель, пайшанба куни Тошкент вақти билан соат 09:12 да содир бўлган (туғилган).

Ўзбекистон мусулмонлари идораси Уламолар Кенгаши ислом дини таълимотлари ва мазкур астрономик маълумотларга асосланган ҳолда диёримизда жорий йилда Рамазон ҳайити 2023 йил 21 апрель жума кунига тўғри келиши ҳақида қарор қабул қилди.

Ўзбекистон мусулмонлари идораси Матбуот хизмати Ochish/sharhlash

2023-04-19 18:43:16 #эслатма

ҚАДР КЕЧАСИНИ ЎТКАЗИБ ЮБОРМАНГ!

Бугун 19 апрел чоршанба куни шом намозидан кейин Рамазон ойининг 29-кечаси бошланади.

Оиша разияллоҳу анҳодан ривоят қилинган ҳадисда Расулуллоҳ саллаллоҳу алайҳи васаллам: "Қадр кечасини Рамазоннинг охирги ўн кечасининг тоқ (кеча)ларидан изланглар" деганлар (Имом Бухорий ва Имом Муслим ривоятлари).

Ушбу муборак кечалар Лайлатул қадрни топиш учун қулай фурсатдир. Шундай экан, минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.

Қадр кечасининг қандай фазилатлари бор? Унда қандай амалларни бажариш керак?

Ўзбекистон мусулмонлари идораси
Фатво ҳайъати.

@fitratuz Ochish/sharhlash

2023-04-19 16:26:26 Taroveh tasbehi:

Alvido Ya shahri Ramazon

Bahodir qori Ochish/sharhlash

2023-04-19 15:25:58 РАМАЗОН ҲАЛИ ТУГАГАНИ ЙЎҚ!

Маррага яқин қолган одам тезликни пасайтирса, ютқазади.

Кўпчиликда 27-кечадан кейин сустлашиш пайдо бўлади. Аслида, бу кечада Қадр эҳтимоли катта бўлса ҳам, уни юз фоиз топдик дегани эмас.

Ҳали яна бир тоқ кеча – 29-кеча бор. Қадрни топдик деганимизда ҳам Рамазондан яна уч кеча-кундуз бор, унинг фазилатларини бой бермайлик.

Намоз, зикр ва дуодан тўхтамайлик. Хатм тугаган бўлса, яна бошлайлик, Рамазон ичида қанча хатмга улгурсак, ўқиб қолайлик. Аввало, ният билан хатмнинг ажрини оламиз, қолаверса, Рамазондан кейин ҳам Қуръон ўқишда давом этаверамиз.

«Рамазон соғинчи» китобидан Ochish/sharhlash

2023-04-19 14:43:23 Видолашувни гўзал қил

Рамазонни чиройли кутиб олмаган бўлсанг ҳам, видолашувни гўзал тарзда адо эт. Охири мукаммал бўлганидан ибрат олинади, аввали нуқсонли бўлганидан эмас.
Ҳасан Басрий: «Сен рўзанинг қолганини чиройли адо қил, ўтганидаги камчиликларини Аллоҳ кечиради», деганлар. Сен қолганини ғанимат бил! Қачон Аллоҳнинг раҳматига эришишингни билмайсан. Эҳтимол, у Рамазоннинг охирги соатидададир! Ochish/sharhlash

2023-04-15 17:07:21 #Ғафлатда_қолманг
Бугун Рамазон ойининг тоқ кечаси:
15 апрельдан — 16 апрельга ўтар кечаси
Шом намозидан кейин Рамазон ойининг 25-кечаси бошланади.

Қадр кечаси Аллоҳ таолонинг Муҳаммад алайҳиссалом умматига туҳфасидир. Бу софларни танлаб олиш кечаси, ютуққа эришиш кечаси, мағфират кечаси, жаннатга кириш кечасидир. Бу ана шундай буюк кечадир. Бу кеча Аллоҳ таоло даъватчиларга, жидду-жаҳд қилувчиларга, намозхонларга, рўзадорларга, суннат байроғини кўтарганларга ва тавба қилувчиларга салом йўллайди.

Қадр кечасининг фазилатларидан:
1. Шарофатга эришиш кечаси. Аллоҳ таоло уни Қадр сураси билан шарафлаган.

2. У кеча 83 йил ва 4 ойдан яхшидир. Анас розияллоҳу анҳудан ривоят қилинади: «Рамазон кирса, Набий соллаллоҳу алайҳи васаллам: «Шундай ой кириб келдики, унда минг ойдан афзал бир кеча бор. Ким ундан маҳрум бўлса, барча яхшиликлардан маҳрум бўлибди. Фақат маҳрум кишигина унинг яхшилигидан бебаҳра қолади», деганлар (Ибн Можа ривояти).

3. Мағфират кечаси. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Ким Қадр кечасида иймон билан, савоб умидида қоим бўлса, ўтган гуноҳлари кечирилади», деганлар (Муттафақун алайҳ).

4. Ер куррасига азиз меҳмонлар ташриф буюради. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Қадр кечаси Рамазоннинг 27 ёки 29-кечасидир, бу кечада ер юзидаги фаришталар майда тошдан ҳам кўп бўлишади», деганлар (Имом Аҳмад ва Ибн Ҳузайма ривояти).

5. Жаброил алайҳиссалом янгидан тушадилар. Жаброил алайҳиссаломнинг тушишлари Аллоҳнинг қуйидаги оятига биноандир: «Унда фаришталар ва Руҳ (Жаброил алайҳиссалом) Роббининг изни ила (йил давомида қилинадиган) барча ишлар билан (осмондан заминга) тушурлар» (Қадр сураси, 4-оят).
Абу Бакр Сиддиқ ва Умар ибн Хаттоб розияллоҳу анҳумо Набий алайҳиссаломнинг вафотларидан кейин Умму Айманнинг ҳузурига бориб, Расулуллоҳни эслаб, Жаброил алайҳиссалом келмай қўйганлари учун йиғлашар эди.

6. Келгуси йилги ризқлар ва ажаллар нозил бўлади. «Унда (Қадр кечасида) ҳар бир ҳикматли иш ажратилиб, ҳал қилинур» (Духон сураси, 4-оят). Фаришталар Аллоҳ таоло Ўзининг махлуқотлари учун Лавҳул Маҳфузда битиб қўйган ризқ ва ажаллар мажмуасини дунё осмонига олиб тушадилар.

7. Муборак кечадир. Аллоҳ таоло шундай деган: «Биз уни (Қуръонни) муборак кечада нозил қилдик» (Духон сураси, 3-оят).

@mehrob_uz Ochish/sharhlash

2023-04-14 02:57:38 Рамазон ойининг тўртинчи жумаси муборак бўлсин!

https://t.me/tafakkur_bekati Ochish/sharhlash