Фарғона вилояти ҳокимлиги

2022-01-11 09:32:06 Ижтимоий тармоқлар ва Telegram-каналларда янги қонун кучга кириши натижасида эндиликда барча телефон қўнғироқлари ёзиб олиниши ва барча ижтимоий тармоқ саҳифалари кузатув остида бўлиши тўғрисида хабарлар тарқалмоқда. Мазкур хабарлар ёлғон ва хақиқатга мос келмайди.

Эслатиб ўтамиз, аҳоли ўртасида ёлғон ахборот тарқатганлик учун жавобгарлик мавжуд.

https://t.me/hudud_inform Ochish/sharhlash

2022-01-11 09:22:26 Вилоятимиздаги 1055 та маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари расман лавозимга тайинланди

Фарғона вилояти шаҳар ва туманларида Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳокими ёрдамчиларини тайинлаш тўғрисида вилоят ҳокимининг фармойиши қабул қилинди.

Фармойишга мувофиқ, шаҳар ва туманлар ҳокимларига 1 кун муддатда лавозимга тайинланган ҳоким ёрдамчилари билан меҳнат муносабатларига киришиш бўйича тегишли ҳужжатларни расмийлаштириш вазифаси топширилди.

Ҳоким ёрдамчиларининг ойлик иш ҳақи миқдорлари ва шарт-шароитлар Ўзбекистон Республикаси Президентининг “Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида”ги 2021 йил 3 декабрдаги ПҚ-31-сон қарорида кўрсатиб ўтилган тартибда белгиланди.

Ҳоким ёрдамчилари:

маҳалладаги ишсиз аҳолини иш билан таъминлаш, уларга доимий даромад манбаини яратишга кўмаклашиш учун устувор равишда маҳалладаги муваффақиятга эришган тадбиркорлик субъектлари билан ҳамкорликда фаолиятини олиб бориши;

республика вакиллари билан биргаликда ўзига бириктирилган маҳаллани ривожлантириш бўйича 2022 йилга мўлжалланган “Йўл харитаси”ни ишлаб чиқиб, ижросини таъминлаши;

ажратилаётган ресурслардан самарали фойдаланиш юзасидан доимий мониторингни амалга ошириши белгилаб қўйилди. Ochish/sharhlash

2022-01-11 09:22:23 Ochish/sharhlash

2022-01-11 07:54:02 “Фарғона ҳақиқати” газетасининг 2022 йил 11 январь сони

https://online.anyflip.com/eovem/fwpn/mobile/index.html?1641820760890 Ochish/sharhlash

2022-01-10 18:30:36 Фарғона туманида маҳаллаларда янги ташкил этилаётган ёшлар етакчилари лавозимига номзодлар учун намунавий семинар, ёшлар ўртасида спорт мусобақалари ўтказилди

Фарғона туманидаги “Улуғбек” МФЙ мисолида маҳаллаларда янги ташкил этилаётган ёшлар етакчилари лавозимига номзодлар учун намунавий семинар, ёшлар ўртасида спорт мусобақалари ташкил этилди. Тадбирда Ёшлар ишлари агентлигининг маҳаллалардаги етакчилари, “Улуғбек”, “Баҳор”, “Чимён” МФЙларда истиқомат қилаётган аҳоли вакиллари қатнашдилар.

Семинарда вилоят ҳокимининг ўринбосари Файзулло Қосимов иштирок этди ва ёшлар етакчиларининг асосий вазифалари ҳақида иштирокчиларга батафсил тушунча берди.

Тадбирларга маҳаллалардаги кекса-ю ёш жалб қилиниб, улар ўртасида спортнинг футбол, шахмат, шашка, стол тенниси каби турлари бўйича мусобақалар, шунингдек, китобхонлик, маданият ва санъат, компьютер саводхонлиги бўйича тренинглар ташкил этилди.

Фарғона тумани болалар ва ўсмирлар спорт мактаби ҳамда тумандаги 12-ўрта таълим мактабида ҳарбий қурол-аслаҳалар кўргазмалари, ҳарбийларнинг чиқишлари, “Менинг маҳаллам – менинг фахрим” мавзусида фольклор-этнографик жамоаларининг концерт дастури намойиш этилди. Ёш оилалар ўртасида ош танлови, шунингдек қатнашчилар учун тиббий кўрик ҳам ташкил этилди. Ochish/sharhlash

2022-01-10 18:30:36 Ochish/sharhlash

2022-01-10 16:01:20 Яна бир “Меҳрибонлик уйи” тарбияланувчисига янги уй-жой калити топширилди: 2021 йилда Фарғонада етим ва ота-она қарамоғидан маҳрум бўлган 29 нафар болага квартиралар ажратилди

Ўзбекистон Республикаси Президентининг 2021 йил 9 августда қабул қилинган “Етим болалар ва ота-она қарамоғидан маҳрум бўлган болаларни давлат томонидан қўллаб-қувватлашнинг янги тизимини жорий этиш чора-тадбирлари тўғрисида”ги қарори ижросини таъминлаш мақсадида вилоятимизда ҳам тизимли ишлар амалга оширилмоқда.

Жорий йилнинг 7 январь куни Марғилон шаҳар 1-сонли “Меҳрибонлик уйи” тарбияланувчиси Мўминжон Шерматовга Фарғона шаҳри ҳудудидан тақдим этилган 1 хонали квартира калити топширилди. Ушбу квартира вилоят ҳокимлиги томонидан ажратилган 134 миллион 700 минг сўм маблағ эвазига харид қилинди.

Тадбирда Марғилон шаҳар ҳокимлиги, Миллий гвардиянинг вилоят бўйича бошқармаси масъуллари ҳамда жамоатчилик фаоллари иштирок этдилар.

Ҳозирда Қуролли Кучлар Академияси 4-босқич талабаси бўлган Мўминжон Шерматов эътибор ва ғамхўрлик учун ўз миннатдорчилигини изҳор қилди.

Юқоридаги қарор ижроси доирасида 2021 йилда вилоятимиз бўйича жами 29 нафар етим ва ота-она қарамоғидан маҳрум бўлган болага уй-жойлар ажратилди. Ochish/sharhlash

2022-01-10 16:01:20 Ochish/sharhlash

2022-01-10 13:24:25 Вилоят Уй-жой коммунал хизмат кўрсатиш бошқармаси томонидан Кўп квартирали уй-жойларда куз-қиш мавсумини беталофат ўтказиш, бошқарув компаниялари фаолиятини самарали ташкил этиш ҳамда аҳолини иссиқлик энергияси билан таъминлаш, кўп квартирали уй-жойларда яшовчи фуқароларга кўрсатиладиган хизматларни тубдан яхшилаш борасида 2021 йил мобайнида салмоқли ишлар амалга оширилди

Sayt | Facebook | Telegram | YouTube | Facebook | Instagram Ochish/sharhlash

2022-01-10 13:07:18 Фарғонада тадбиркорлар қабули ўтказилди: тадбиркорликни ҳар томонлама қўллаб-қувватлаш 2022 йилда ҳам устувор вазифа бўлади

Бугун Фарғона шаҳридаги вилоят “Тадбиркорлар уйи”да вилоят ҳокимининг биринчи ўринбосари Аваз Ўринбоев ҳамда вилоят ҳокими ўринбосари - вилоят инвестициялар ва ташқи савдо бошқармаси бошлиғи Иқболжон Эргашев иштирокида тадбиркорлар қабули бўлиб ўтди. Унда 60 нафардан зиёд фуқаролар тадбиркорлик ишларида юзага келаётган муаммолар, янги лойиҳалар ва таклифлари билан қатнашдилар.

Хусусан, бўш турган бинолардан самарали фойдаланиш, чорвачиликни ривожлантириш, компенсация тўловини ундириш, хусусий мактаб, хизмат кўрсатиш шахобчаси, компьютер хизматлари ҳамда кутубхона, енгил типдаги савдо дўкони ташкил этиш, қурилиш, дебитор қарздорликни ундириш, тадбиркорлик учун кичик саноат зонасидан ер майдони ажратиш, қишлоқ хўжалигида фойдаланиш мақсадида ўзлаштирилаётган ер учун сув қудуғи кавлашга ҳамда ўқув маркази фаолиятини жонлантириш учун субсидия олиш, эко бозор ташкил этиш каби турли йўналишларда мурожаатлар келиб тушди.

Тадбиркор Иброҳимжон Каримов Қува туманида давлат-хусусий шериклик асосида 400 ўринли мактаб ташкил этиш нияти борлигини айтиб банк кредитини олишда кўмак сўради. Унинг мурожаати ўрганиб чиқилиб, тижорат банкидан кредит маблағи ажратилиши юзасидан масъулларга топшириқ берилди.

Данғара туманидан келган Бахтиёр Мамажонов A-373 Тошкент-Ўш автомобил йўли ёқасида бўш ер майдонида инновацион “Автокемпинг” қуриш масаласини илгари сурди. Юк машиналарига мўлжалланган жой, автомобилларга ёқилғи қуйиш станцияси, юкларни сақлаш омборлари ҳамда туристлар учун кўплаб қулайликлар яратилишини айтди. Тадбиркорга бу йўналишда вилоятда дастур ишлаб чиқилганлиги маълум қилиниб, лойиҳа тегишли тартибда қўллаб-қувватланиши билдирилди.

Қабулда ҳар бир мурожаат вилоятдаги тегишли бошқарма ва ташкилотлар раҳбарлари, масъул шахслар иштирокида кўриб чиқилиб, ҳал этилиши мумкин бўлганларига амалий ечимлар белгиланди. Қонуний жиҳатдан қаноатлантириш имконияти мавжуд бўлмаган мурожаатлар бўйича ҳам тадбиркорларга тегишли тушунтиришлар берилди. Шунингдек, ҳеч бир мурожаат эътибордан четда қолмаслиги, тадбиркорлар қабули вилоятимиз шаҳар-туманларида ҳам амалга оширилиб, тадбиркорликни ҳар томонлама қўллаб-қувватлаш 2022 йилда ҳам Фарғонада устувор масала бўлиши таъкидланди. Ochish/sharhlash