Montagne et Neige Développement компанияси Шоҳимардонда арқон | Фарғона вилояти ҳокимлиги
Montagne et Neige Développement компанияси Шоҳимардонда арқон йўл ва осма кўприкларни ўз ичига олган оммавий туризм маскани барпо этиш бўйича лойиҳа концепциясини тақдим этди
Вилоят ҳокими Хайрулло Бозоров Франциянинг Montagne et Neige Développement (MND) компанияси ҳудудий директори Орхан Ширинни ҳамда компаниянинг маҳаллий ҳамкорларини қабул қилди.
Жорий йил 6 июнда ушбу компания вакиллари билан ўтказилган дастлабки учрашувда вилоятимиз ҳудудида арқон йўл ва осма кўприкларни ўз ичига олган оммавий туризм маскани барпо этиш лойиҳаси муҳокама қилиниб, ушбу лойиҳани Шоҳимардонда амалга ошириш бўйича лойиҳа концепцияси ишлаб чиқишга келишиб олинганди. Бугунги учрашувда Montagne et Neige Développement (MND) компанияси вакиллари вилоят ҳокимига ўзлари томонидан Шоҳимардонда олиб борилган ўрганишлар натижасида ишлаб чиқилган ҳудудни туристик ривожлантириш концепциясини тақдим этди.
