Davlat test markazi

2022-05-06 16:13:29 2022-yilgi testlar 2021-yilgisidan nimasi bilan farq qiladi?

2022-2023 yilgi qabul uchun tasdiqlagan o'zgarishlariga ko'ra, abituriyentlar eʼtibor berishi kerak boʻlgan ayrim jihatlar bor:

Mutaxassislik blokida savollar soni oshirildi. Oʻtgan yili "spetsblok"da 20 tadan jami 40 ta savol berilgandi. Joriy yilda 30 tadan jami 60 ta savol beriladi;

Mutaxassislik blokida birinchi va ikkinchi fanga beriladigan ball miqdori farq qiladigan boʻldi. Oʻtgan yili ikkala fanga ham bir xil 3,15 balldan berilgandi. Joriy yilda birinchi oʻrindagi muhim fanga 3,1 ball, ikkinchi fanga 2,1 ball beriladigan boʻldi. Demak, bir-biriga mos 5 ta yoʻnalish tanlashda ham bu yil oʻzgarishlar boʻladi. Oʻtgan yili ikkalasiga bir xil ball berilgani uchun birinchi va ikkinchi fanga ajratilmagandi. Endi bu yil shunchaki 2 ta fan toʻgʻri kelishi kifoya emas, ularning muhimlik oʻrni ham ahamiyat kasb etadi;

Yoʻnalishidan qatʼi nazar barcha uchun tushadigan majburiy blokdagi 3 ta fanga beriladigan ball miqdori kamaytirildi. Oʻtgan yili 2,1 balldan berilgandi, joriy yilda 1,1 balldan beriladigan boʻldi. Bu degani majburiy blokdan koʻp ball toʻplab boʻlmaydi. Oʻtgan yili majburiy blok 63 ball berardi, bu yil 33 ball toʻplash mumkin. Demak, joriy yilda asosiy ballarni mutaxassislik fanlaridan toʻplash mumkin, 2 ta fanga jami 156 ball (82,5%) berilmoqda.

http://t.me/dtm_yangiliklari_testlari Ochish/sharhlash

2022-05-04 13:03:09 Ijodiy imtihonlar endi qat'iy nazoratga olinadi

Oliy ta’lim muassasalariga o‘qishga kirish uchun ijodiy imtihonlarni (jismoniy tarbiya, rassomchilik va.h.k.) hamda yakuniy imtihonarni topshirishda shaffoflikni ta’minlash va korrupsiyaviy xavf-xatarlarni bartaraf etish ko'zda tutilmoqda.

http://t.me/dtm_yangiliklari_testlari Ochish/sharhlash

2022-05-02 08:25:40 ДТМ вакили абитуриентлар учун тест синовлари қай даражада қийин бўлишини айтди.

Қайд этилишича, тест топшириқлари амалдаги умумтаълим давлат таълим стандартлари, ўқув дастурлари доирасида шакллантирилмоқда. Тест вариантидаги саволлар сони 100 фоиз деб олинса, 15 фоизи осон даражада, 70 фоизи ўрта қийинлик даражада, қолган 15 фоизи эса мураккаб даражада бўлади. Мутахассислик фанлар блокидаги 1- ва 2-фанлардан тузилган тестлар қийинлик даражасига кўра бир-биридан фарқ қилмайди. Лекин мажбурий фанлар блокидаги: она тили, математика ва Ўзбекистон тарихи фанларидан бериладиган тест саволлари мутахассислик фанларига қараганда соддароқ бўлади.

http://t.me/dtm_yangiliklari_testlari Ochish/sharhlash

2022-05-01 06:25:41 Rasman: Ramazon hayiti 2-mayga to‘g‘ri keladi

Ramazon hayitining birinchi kuni 2-may – dushanba kuniga to‘g‘ri kelishi to‘g‘risida O‘zbekiston musulmonlari idorasi Ulamolar kengashi tomonidan qabul qilingan qarorni inobatga olib, mamlakatimizda 2022-yil 2-may kuni Ramazon hayiti bayrami sifatida keng nishonlanadi — Prezident qarori.

Shuningdek, 3-4-may kunlari qo‘shimcha dam olish kunlari sifatida belgilandi.
http://t.me/dtm_yangiliklari_testlari Ochish/sharhlash

2022-04-30 08:48:08 Akademik litseylar bitiruvchilari uchun chet tili imtihonlari

28-29-aprel kunlari akademik litseylar bitiruvchi bosqich o‘quvchilarining chet tilini bilish darajasini aniqlash uchun malaka imtihoni bo‘lib o‘tdi.

O‘zbekiston Respublikasi Prezidentining 2020-yil 3-dekabrdagi PQ-4910 qaroriga asosan bepul tarzda tashkil etilgan malaka imtihonining tinglab tushunish, o‘qish, yozma ish qismi yakunlandi.

Qoraqalpog‘iston Respublikasi, viloyatlar va Toshkent shahrida bo‘lib o‘tgan test sinovida jami 4 604 nafar talabgordan 4 049 nafari (87,9%) ishtirok etdi, 555 nafari (12,1%) test sinovlarida qatnashmadi. Shuningdek, amaldagi tartibni buzganligi uchun 9 nafar test topshiruvchi jarayondan chetlashtirildi.

Mazkur jarayonnning gapirish ko‘nikmasini baholash imtihonlari esa 17-20- va 23-25-may kunlari o‘tkazilishi belgilangan.

Davlat test markazining rasmiy sahifasi
http://t.me/dtm_yangiliklari_testlari Ochish/sharhlash

2022-04-28 10:03:49 DIQQAT! MUHIM

Texnikum bitiruvchilari oliy ta’lim muassasalarining 2-bosqichidan o‘qishni davom ettirishi mumkin bo‘lgan o‘z sohasiga mos bakalavriat ta’lim yo‘nalishlari ro‘yxati tasdiqlandi.

Ushbu ro‘yxat orqali texnikum bitiruvchilari oliy ta’lim muassasalarining qaysi bakalavriat ta’lim yo‘nalishlarida o‘qishni davom ettirishlari mumkinligini bilish mumkin.

Ma’lumot uchun, 2022/2023 o‘quv yili qabulidan boshlab texnikumlarda o‘rta maxsus professional ta’lim dasturlarini muvaffaqiyatli tamomlagan bitiruvchilar mos bakalavriat ta’lim yo‘nalishlari bo‘yicha kirish imtihonlarisiz yakka tartibdagi suhbat orqali oliy ta’lim muassasalarida 2-bosqichdan o‘qishini davom ettirish huquqiga ega.

http://t.me/dtm_yangiliklari_testlari Ochish/sharhlash

2022-04-28 10:03:24 2022-2023 ўқув йилидан янги Халқаро қишлоқ хўжалиги университети ўз фаолиятини бошлайди.

Биринчи ўқув йилида университетда 7 та мутахассислик бўйича 200 нафар талаба ўқитилади.

Бу ҳақида Президент Шавкат Мирзиёев аграр соҳада таълимни янада ривожлантириш масалалари ҳамда қишлоқ хўжалиги йўналишидаги лойиҳаларнинг бориши юзасидан амалга оширилаётган ислоҳотлар натижадорлигига бағишланган йиғилишда айтиб ўтди.

http://t.me/dtm_yangiliklari_testlari Ochish/sharhlash

2022-04-27 15:37:09 Akademik litseylar bitiruvchilari uchun chet tili imtihonlari

Oliy ta’lim muassasalari huzuridagi akademik litseylar bitiruvchi bosqich o‘quvchilarining chet tilini bilish darajasini aniqlash uchun o‘tkaziladigan test sinovi sanalari belgilandi.

Unga ko‘ra, test sinovining yozma (tinglab tushunish, o‘qish, yozma ish) qismi 28-29-aprel kunlari, gapirish ko‘nikmasini baholash imtihonlari esa 17-20- va 23-25-may kunlari o‘tkaziladi.

Test sinovi barcha hududlarda (Qoraqalpog‘iston Respublikasi, viloyatlar va Toshkent shahri) 2 smenada tashkil etilib, 1-smena 09:00 da, 2-smena esa 14:00 da boshlanadi.

Talabgorlar test sinovi o‘tkaziladigan joyga test sinovi boshlanishidan kamida yarim soat oldin shaxsini tasdiqlovchi hujjat – pasport (ID-karta) bilan kelishlari lozim.

Talabgorlar qaysi sanada test sinovida ishtirok etishi va test sinovi bilan bog‘liq barcha ma’lumotlarni o‘zlari tahsil olayotgan akademik litseydan olishlari mumkin.

Test sinovi O‘zbekiston Respublikasi Prezidentining “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari to‘g‘risida” 2020-yil 3-dekabrdagi PQ-4910 qaroriga asosan bepul tarzda tashkil etiladi.

Davlat test markazining rasmiy sahifasi
http://t.me/dtm_yangiliklari_testlari Ochish/sharhlash

2022-04-27 15:36:06 Milliy sertifikat bo‘yicha malaka oshirish kursi

“Milliy sertifikat uchun test topshiriqlarini shakllantirish” bo‘yicha Qoraqalpog‘iston Respublikasida tashkil etiladigan malaka oshirish kursi sanalari belgilandi.

Unga ko‘ra, malaka oshirish kursi 36 soatga mo‘ljallangan bo‘lib, 29-30-aprel va 1-may kunlari Nukus shahrida bo‘lib o‘tadi.

Unda tinglovchilarga “o‘zbek tili va adabiyot” hamda “qoraqalpoq tili va adabiyot” fanlaridan milliy sertifikat uchun test topshiriqlarini shakllantirish bo‘yicha nazariy va amaliy mashg‘ulotlar o‘tkaziladi.

Malaka oshirish kursi Davlat test markazi va Davlat test markazi huzuridagi Ilmiy-o‘quv amaliy markazining malakali mutaxassislari tomonidan o‘zbek va qoraqalpoq tillarida olib boriladi.

Malaka oshirish kursida ishtirok etish istagini bildirgan talabgorlar 27-aprel kuniga qadar my.dtm.uz sayti orqali onlayn ro‘yxatdan o‘tib, to‘lovni (405 000 so‘m) amalga oshirgan holda kursda ishtirok etishlari mumkin.

Murojaat uchun telefon: (95) 507-70-72.

Ilmiy markazning telegram kanali:
@dtmilmiymarkaz Ochish/sharhlash

2022-04-26 09:31:18 2022/2023 o'quv yili qabulida kirish test sinovlarida abituriyentning bilimini baholash uchun javoblar varaqasi na'munasi.

http://t.me/dtm_yangiliklari_testlari Ochish/sharhlash