Zafarbek Solijonov

2023-05-17 12:15:28 ​​ Cobalt va Lacetti narxlari oshishi haqidagi xabarlar yolg‘on

Ijtimoiy tarmoqlarda 1-iyundan boshlab UzAuto Motors Damas, Labo, Cobalt va Lacetti avtomobillarining yangilangan versiyasini taqdim qilishi, Cobalt va Lacetti narxlari esa $20-23 ming dollardan boshlanishi haqida xabarlar tarqaldi.

UzAuto Motors bu bo‘yicha hech qanday ma’lumot taqdim qilmagan. Ushbu ma’lumotlar hech qanday asosga ega emas va yolg‘onligini ta’kidlab o‘tish kerak.

Turli sahifa egalarini odamlar e’tiborini tortish uchun ular qiziqqan yo‘nalishda biror bir faktga asoslanmagan axborotni tarqatmaslikni so‘rab qolamiz.

Kompaniya va mahsulotlar narxi haqida rasmiy sahifalarimiz orqali bilib olishingiz mumkin. Ochish/sharhlash

2023-05-17 07:42:47 "Сўз эркинлигига неча баҳо берасиз?" деган саволнинг ўзи мамлакатда сўз эркинлиги оғир аҳволдалигини кўрсатади. Биргина "журналистга босим учун қонуний жавобгарлик" йўқ ҳудудда неча баҳо қўйиш мумкин?) Яна бир гап, мақташ вақти фойдаланилган рейтинглар қулаётган вақтда ҳам тан олиниши керак.

@Zafarbek_Solijonov Ochish/sharhlash

2023-05-17 05:40:38 Ochish/sharhlash

2023-05-16 17:44:52 Uzum экотизими кафе, ресторан, дўкондан маҳсулот етказиб бериш хизматини ишга туширди. Ҳозирча Миробод ва Мирзо Улуғбек туманларида. Кейинчалик бутун шаҳарни қамраб олишни режалаган.

Янги илова орқали яхши кўрган таомингиз зумда олдингизда бўлади. Экотизим бонусларига ҳам эга чиқасиз. Соҳаям ривожланади. Тезлик ва сифат байроғи. Хизмат ҳар куни ишлайди.

Аввал иловани юклаб олинг. Ҳозироқ буюртма беринг. Рўйхатда Bon!, Wend's, Chef Burger, Oqtepa Lavash ва бошқа кўплаб брендлар маҳсулоти ўрин олган. Рўйхат кенгаяди. Иловада буюртмангизни кузатиб туришингиз мумкин.

Савол бўлса, ўзбек ва рус тилида @tezkorhelp_bot’га йўллашингиз ёки алоқа марказига боғланишингиз мумкин. Курьерлар ҳам ўқиган, аттестациядан ўтган.

Компания хизмат сифати максимал даражада бўлиши учун ҳаракатдан тўхтамаяпти. Ochish/sharhlash

2023-05-15 09:31:42 Ochish/sharhlash

2023-05-15 07:41:44 Ochish/sharhlash

2023-05-15 07:30:13 Бу мафтунлик қачонгача давом этаркин? Ҳудди шундай мақтов сўзларини сал олдинроқ кимдир айтган бўлади. Кейинроқ яна кимдир ишлатади. Булар шу каби такрорий нутқларидан ўзлари ҳам зерикмасмикин? Мақтайсиз. Уларга ёқади. Ўрганиб қолади. Ана-мана дегунча муаммо эшитиш ёқмайдиган даври ҳам келиб қолади. Кейин нима бўлади? "Биз ўшанда эзилгандик" дейдиганлар сафи кўпаяди. Ҳар сафар ҳаммасини бошидан бошлайвермаймизку, дўстлар!

@Zafarbek_Solijonov Ochish/sharhlash

2023-05-15 07:20:29 Бир дона овози муҳимлигини тушунган сайловчи бор имконини ишга солиб бўлмасин сайловга келади.

@Zafarbek_Solijonov Ochish/sharhlash

2023-05-15 06:54:07 Туркияда сайлов жараёнлари курашга бой бўлмоқда. Номзодлар етарли фоиз ололмаганидан энг юқори овоз олган икки номзод курашни давом эттирадиган кўринади. Орада бошқа бир партия (спойлер) ортга чекингани ҳам сайловга қизғин тус берди. Бизнинг жамоатчилик жараённи диққат билан кузатмоқда. Ўзимизда ҳам сайлов яқин. Аммо нима учун бизда сайловни рақобатлироқ ўтказишдан жуда қўрқишади?

Қизиғи, устав, дастурларига кўра консерватив қарашга эга, миллий қадрият, миллий маданиятни сақлашни ўзига олд мақсад қилиб қўйган, "оммавий маданият"га қарши курашадиган Миллий тикланиш партияси дастурларидан ўзига энг асосий рақиб бўлган, адашмасам, режаси энди эълон қилинадиган ЛиДеп номзодини қўллашини айтиб чиқди. Тўғри, "номзоднинг таълим бўйича қилган ислоҳотлари бизникига мос, шунга танладик" дейиши мумкин. Бироқ таълим ислоҳотини давом эттириш ҳар қандай бошқа номзод, партиялар дастурида ҳам бўлади. Бу баҳона ўтмайди, ўртоқлар.

Иккинчидан, сайлов партия ўтган йиллар давомида нима қилди, нимага тайёрланди, мустақилми, кураша оладими, халқнинг чўнтагидан ажратилган шунча пулни оқладими, дастурига содиқми, халққа нима бермоқчи деган саволларга жавоб бериш учун энг, қайтараман, энг яхши имкон. Сайлов кунлари партияга ўзини намойиш этиши учун узоқ кутган кунлари бўлиши керак, аслида. Яна қандай тушунтирсамикин? Йиллар давомида тайёрланиб, ош бўйича жаҳон чемпионати финалига чиқиб, ўзбек оши энг зўри эканини кўрсатиши керак бўлган ошпазга берилган узоқ кутилган имкондек гап.

Бу ҳаракат билан Ўзбекистонда партиялар фойдасиз, барчаси бир хил ҳаракатланади, уларни ёпиб ташласак ҳам ҳеч нарса ютқазмаслигимизни кўрсатишмоқда. Ундан ҳам қизиғи, Миллий тикланиш партиясининг ҳужжатларида сиёсий партиялар тўғрисидаги қонундан олинган мухолиф партияга айланиш ҳуқуқигача кўрсатилган. Қодиров ҳам "мухолифат бўламиз, бир нималар" деганди. Аммо биз сайловчиларни бундай сиёсий "лаззат"дан мосуво қилишдан ҳам қайтмаяпсиз. Биз президентни танлашга, сайлашга тайёрмасмизми шунда? Биз ҳам сал жонлироқ курашлар кўрайлик энди)

@Zafarbek_Solijonov Ochish/sharhlash

2023-05-12 18:36:36 Номзодини қўйган судья опа ҳақида Олий суд муносабат берди. Ҳаммаси жойида, ҳаммаси қонунчиликка мувофиқ дейишмоқда. Яна гендер сиёсат ҳақида унутишмаганини эслатмоқчиман:

"Ўзбекистон Республикаси Конституциясининг 19, 128-моддаларига асосан Ўзбекистон Республикасининг барча фуқаролари жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқеидан қатъи назар, тенг ҳуқуқлидирлар. Фуқаролар давлат ҳокимияти органларига сайлаш ва сайланиш ҳуқуқига эгадирлар.

2023 йил 12 май куни Ўзбекистон Республикаси Адолат социал-демократик партияси Пленумида мазкур партиядан Ўзбекистон Республикаси Президентлигига бўлажак номзод сифатида Робахон Анваровна Маҳмудова номзоди илгари сурилди.

Қонунчиликка кўра судья сиёсий фаолият билан шуғулланишга ҳақли эмас. Сайлов кодексига асосан сиёсий партия Ўзбекистон Республикаси Президентлигига ўз партияси аъзолари орасидан ёки партиясизни номзод этиб кўрсатишга ваколатлидир.

Шу муносабат билан бугун Судьялар олий малака ҳайъати Р. А. Маҳмудованинг аризаси ва суд қонунчилигига мувофиқ Ўзбекистон Республикаси Олий суди раисининг биринчи ўринбосари – маъмурий судлов ҳайъатининг раиси Р. А. Маҳмудованинг судьялик ваколатларини тўхтатиб туриш ҳақида қарор қабул қилди".

@Zafarbek_Solijonov Ochish/sharhlash