Юрист Хизмати | Расмий канал

2022-01-15 20:16:45 #Диққат
Қишки таътил 1 мартга қадар узайтирилганлиги бўйича фейк хабар тарқалмоқда

Айни вақтда ижтимоий тармоқларда тарқалаётган қишки таътил 1 мартга қадар узайтирилганлиги ҳақидаги хабар ёлғон эканлигини халқ таълими вазирлиги маълум қилади

Халқ таълими вазирлигига доир барча хабарларни фақат вазирликнинг расмий саҳифасида эълон қилинганига эътибор қаратишингизни сўраймиз. Ҳар қандай фейк хабарларга ишонаверманг, мустақил расмий ахборотни фарқлашни ўрганинг

Барча халқ таълимига оид группаларга тарқатинглар
@Yurist_Xizmati Ochish/sharhlash

2022-01-15 18:42:43 Дунёнинг энг кучли паспортлари рўйхати эълон қилинди! Унга кўра, Япония ва Сингапур биринчи ўринда! Энг охирги ўринни Афғонистон эгаллади. Биз, Ўзбекистон 86-ўринда!

«Кучли паспорт» — бу 199 мамлакатдан нечтасига визасиз кира олишингиздир!

@Yurist_Xizmati Ochish/sharhlash

2022-01-14 08:59:18 УЗАЙТИРИЛГАН ҚИШКИ ТАЪТИЛ МУНОСАБАТИ БИЛАН ЎРИНДОШЛАРГА ҲАМ ИШ ҲАҚИ ВА ТАЪТИЛ ПУЛИ ТЎЛАНАДИМИ?

@Yurist_Xizmati 3202-савол:

Ассалому алейкум! Ман 2 та мактабда укитувчи булиб ишлайман. Асосий иш жойимда 20 соат, ,,соатбай,, дарсим эса 12 соатни ташкил килар эди. Декабрь ойида асосий иш жойимдан 4 соат дарсимни кесиб ташлашди. Асосий ишлайдиган мактабимда дарс соати ман утадиган фандан ортиб колган. Агар ман ,,Соатбай ,, иш жойимдан бушасам ,январь ойида асосий иш жойимдан кайта тарификация дан утиб1,5 ставка дарс олсам буладими? Директоримизга мурожат килганимда, энди булмайди солярийда хужжатлар тасдикланиб кетган дейишди. Шу тугрими? ,,Соатбай,, иш жойимдан 80% иш хаки тулашади. Агар 80% иш хаки олсам ,,отпускной,, тулашадими? Укувчилар учун кишки таътил узайтирилгани муносабати билан ,,соатбай ,, иш жойимдаги иш хаки сакланадими ёки йук? Шу саволларимга тулик жавоб беришларизни сурайман, илтимос.

ЮРИСТ ЖАВОБИ:

Асосий иш жойингиздан 1.5 ставка олсангиз бўлади. Агар шу фандан ўтадиган кадр бўлмаса.

“Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами № 3271)га мувофиқ ўқитувчиларининг тарификация рўйхати ўзгартирилиши ва қайта кўриб чиқилиши мумкин.

Бунда ўқитувчилар ўртасида жами дарс соатлари режаси доирасида киритиладиган ўзгартиришлар умумтаълим муассасаси томонидан амалга оширилади. Шу қоидага кўра қайта тариф қилиш мумкин.

Ўриндошликдаги иш жойингиздан болалар таътилда бўлган вақт иш ҳақи олмайсиз. Чунки сиз фақат ўтган дарсингизгагина ҳақ оласиз.

Ўқув машғулотларини ўтказганлик учун меҳнатга соатбай ҳақ тўлаш миқдорларини тасдиқлаш тўғрисида қарорга (рўйхат рақами 3157) мувофиқ умумтаълим мактабларининг бошланғич ва юқори синфлари ўқитувчилари, ўқитувчи-логопеди, логопедия шохобчаси мудири меҳнатга соатбай ҳақ тўлаш миқдори базавий лавозим маошларига нисбатан 1.20 фоизда ҳақ тўланади.

Диққат қилинг! Юқоридаги қарорга мувофиқ соатбай ҳақ тўлаш миқдори таркибига меҳнат таътили ҳақи киритилган.

Хулоса қиладиган бўлсак, соатбай ҳақ тўлаш миқдори таркибига меҳнат таътили ҳақи киритилганлиги туфайли ўриндошлик асосида ишловчи ходимларга таътил пули тўланмайди.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-14 06:54:41 Одамлар бор бир ҳафтада бир марта бўладиган жума намозига келмайди. 3 жума кетма кет келмаса Аллоҳ таоло уни қалбини муҳрлаб қўяди

Жума аёми муборак бўлсин яқинларим

@Yurist_Xizmati Ochish/sharhlash

2022-01-13 15:46:12 "ЗАВУЧ" ДАРС ОЛИШГА ҲАҚЛИМИ?

@Yurist_Xizmati 3201-савол:

Завучимиз менга бириктирмокчи булган синфни 7 соат дарсини олиб куймокчи. Завучимиз хам мутахассислиги бошлангич синф укитувчиси. Завучнинг гапига кура менга бермокчи булган синф хозирда вакантда эканлиги ва бу холатда у хам беммалол ярим ставка дарс олиш хукукига эгалигини айтмокда.завучнинг гаплари тугрими. Шу саволларимга хукукий асосга эга жавоб беришингизни илтимос киламан.

ЮРИСТ ЖАВОБИ:

Бундай дейиши мумкин эмас. Завуч фақат мактабдаги барча ўқитувчилар дарс билан таъминлангандан сўнггина дарс олиши мумкин.

Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомига кўра сиз 10 соатгача дарс олиши мумкин.

Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами № 3271) 15-бандида олий маълумотли ўқитувчилар билан таъминлангунига қадар умумтаълим муассасасининг тегишли мутахассислиги бўйича раҳбар ходимлари дарс бериши мумкинлиги келтирилган. Шуни ҳам айтиш керакки, 15-банддаги кўрсаткичлар орасида раҳбар ходимлар энг қуйида белгиланган.

Шунингдек, қоиданинг мазмунига кўра раҳбар ходимлар шу фан бўйича олий маълумотли ходим келгунга қадаргина дарс беришга ҳақли бўлади.

Энди қаранг! юқоридаги низомнинг 16-бандида кўрсаткичлар кетма-кетлик асосида устунликка эга бўлган ўқитувчиларга дарс соатларининг максимал миқдорлари белгиланиши тавсия этилиши айтилмоқда. Бу кўрсаткичлари юқори ўқитувчига максимал дарс бериш шарт дегани эмас.

Дарс соатлари мактабда шу фан бўйича мавжуд дарс соатларига, шу фандан дарс берувчи ўқитувчилар сонига, уларнинг кўрсаткичларига қараш лозим.

Шунга кўра завуч бошланғич синф ўқитувчилари тўлиқ дарс билан таъминланган бўлсагина дарс олишга ҳақли.

Ундан ташқари Халқ таълими вазирининг 44-сон буйруғига кўра директор ўринбосарлари синф раҳбарлик қилишга ҳақли эмас.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-13 13:30:45 #Кун_мақоли

14 январь ҳазили...

Кимга юборишни биласиз
@Yurist_Xizmati Ochish/sharhlash

2022-01-13 07:07:46 2ТА ТАШҚИ РЕКЛАМА ЎРТАСИДА 200 МЕТР МАСОФА БЎЛИШИ КЕРАКМИ?

@Yurist_Xizmati 3200-савол:

Assalamu alekum. Men restaran sohasida faoliyat yuritaman, hozirda yangi filyalimizni ko'p qavatlik binoninig 1 qavatidan ochishni rejalashtirryapmiz va o'z brendimiz tushurilgan Logitipni binoning yuqori qismi devoriga o'rnatishni rejalashtiryotgan edik. Lekin binoni tomida boshqa bir tadbirkor tomonidan o'rnatilgan LED ekranli tashqi reklama moslamasi bor, qonun bo'yicha 1 ta reklamadan 2-reklama orasidagi masofa kamida 200 metrni tashkil qilishi kerak degan vaj bilan, agar o'z Logotipingizni bino devor qismiga o'rnatsangiz sizni sudga beraman divotti, aytingchi huquqiy jihatdan bu qanchalik to'g'ri? Biz binoning yuqori qismi devoriga o'z Logotipimizni o'rnatish uchun qanday tartibda harakat qilsak huquqiy jihatdan to'g'ri bo'ladi?.

ЮРИСТ ЖАВОБИ:

Жуда қизиқ савол бердингиз. Тўғрисини айтганда сизнинг логотипингиз (фирма номингиз ёки товар белгингиз)ни бинога ташқарисига ўрнатиш ташқи реклама саналмайди.

Очиғини айтганда, 2 ташқи рекламанинг бир биридан 200 метр масофада бўлиши ҳақида қоида мавжуд.

Қаранг! Вазирлар Маҳкамасининг 2020 йил 20 февралдаги 104-сонли Ташқи реклама бозорини тартибга солиш тўғрисидаги қарори 90-бандида ҳаддан ташқари катта форматдаги ташқи реклама обектларини бир қаторда ва бир йўналишда ўрнатишга бир-биридан 200 метрдан кам бўлмаган масофада йўл қўйилиши белгиланган.

Бунда битта чизиқ бўйлаб ўрнатилган катта форматли ташқи реклама обектлари (конструксиялар) кўчалар ёки номларни олган майдонларни ажратиб турса, уларнинг орасидаги масофа камида 200 метр бўлиши керак, агар иккинчисида ташқи реклама обекти (тузилиши) ўрнатилган бўлса, ўз навбатида, бу асосан транспорт йўналиши бўйича ўрнатилган обектни (конструксияни) ўрганишга тўсқинлик қилмайди.

Бироқ бу қоидаларни сиздаги ҳолатга нисбатан татбиқ этилмайди.

Сабабини қуйидагича тушунтирамиз.
Реклама тўғрисидаги қонуннинг 20-моддаси учинчи қисмида муайян шахс эгаллаб турган бинонинг ташқи томонида, бинога кириш жойида шу шахс тўғрисида жойлаштирилган ёки мазкур шахснинг маҳсулоти ҳақида шу бино витринасидаги ахборот (пешлавҳа) реклама деб ҳисобланмаслиги қайд этилган.

Ушбу нормани шарҳлайдиган бўлсак, сизнинг фирмангизга тегишли бўлган логотип (фирма номи ёки товар белгиси туширилган тасвир) бу шу фирма тўғрисидаги маълумотни ифода этгани сабабли рекама (ташқи реклама ҳам) саналмайди.

Хулоса қиладиган бўлсак, сиз бемалол бино ташқарисига логотип ўрнатишингиз мумкин.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-12 14:45:38 ​ Техникумларни муваффақиятли тамомлаган битирувчилар ОТМларга суҳбат асосида 2-курсдан қабул қилинади

Ҳукумат қарори (17-сон, 11.01.2022) билан техникумларни муваффақиятли тамомлаган битирувчиларни олий таълим муассасаларининг бакалавриат таълим йўналишларига суҳбат асосида ўқишга қабул қилиш тартиби тўғрисидаги низом тасдиқланди.

Мазкур Низом билан техникумларни муваффақиятли тамомлаган битирувчиларни ўз соҳасига мос бакалавриат таълим йўналишларига кириш имтиҳонларисиз, якка тартибдаги суҳбат орқали олий таълим муассасаларининг 2-босқичидан ўқишини давом эттириш учун қабул қилиш тартиби белгиланди.

Техникумни муваффақиятли тамомлаганлар тоифасига техникумдаги бутун ўқиш даврида ўқув семестрлари якунига кўра ўзлаштириш баҳолари "5 (аъло)" ва "4 (яхши)", бироқ ўзлаштириш баҳоларининг камида 50 фоизи (тиббиёт олий таълим муассасалари учун камида 85 фоизи) "5 (аъло)" бўлган битирувчилар киради.

Мазкур тартиб 2021/2022 ўқув йилидан бошлаб, битирувчи техникумни тамомлаган йилдан бошлаб икки йил мобайнида татбиқ этилади.

Ўқишга қабул қилиш тўлов-контракт асосида амалга оширилади.

Ушбу Низом:

олий ҳарбий, олий ҳарбийлаштирилган таълим муассасаларига; Тошкент давлат юридик университетига; Ўзбекистонда фаолият олиб бораётган хорижий ва нодавлат олий таълим ташкилотлари ҳамда уларнинг филиалларига нисбатан татбиқ этилмайди.

Каналимизга уланинг
@Yurist_Xizmati Ochish/sharhlash

2022-01-12 08:53:07 "GREEN CARD" ЮТДИНГИЗ ДЕБ 22млн 300минг.сўмга УХЛАТГАН ФИРМА ХОДИМЛАРИГА ҚАНДАЙ ЧОРА КЎРСА БЎЛАДИ

@Yurist_Xizmati 3199-савол:

Assalomu alaykum Xurmatli yurist Janoblari! Avvalombor sizning ishingizga omad tilagan xolda, óz murojaatimni bayon qilmoqchiman! ‌Menga 2019-yil bir firma xodimidan sizga GREEN CARD chiqdi, agar green card orqali Amerikaga ketmoqchi bólsangiz bizning firmaga borishingiz kerak dedi. Shundan sóng men va yaqinlarim bilan birgalikda aytilgan firmaga bordik. Keyin biz GREEN CARDni qolgan bosqichini ózimiz davom ettirishimizni va óyin kódimni berishlarini sóradim. Ular buning uchun firma xisobiga eng kam ish xaqining 120 baravarini tólov qilishingiz kerak yoki biz ózimiz xamma ishlarni amalga oshiramiz buning uchun 140 baravarida tólov qilasizlar deyishdi. Soddaligimiz va ushbu vaqtlardagi Amerikaga borish xayollari ustunlik qilib firma bilan ózaro shartnoma tuzdik. Shartnomaga kóra boshlanishiga 22 mln 300 ming sóm naqd tólov qildik. Shundan sóng barcha kerakli xujjatlar róyxatining nusxalarini oborib berdik va kuta boshladik. Keyinchalik karantin sababli GREEN CARD ishlari xam muzlatildi vaqtincha. Green card nizomiga kóra mening viza olish vaqtim 2020-yil 30 -sentyabrgacha edi. Lekin bu vaqtda GREEN CARD ishlari kórilmadi. Shundan sóng Firma rahbari va xodimlari bilan gaplashilgandan sóng pullaringizni qaytaramiz yana biroz kutib turinglar deyishdi. Shundan sóng yana shu gaplar davom etaverdi. Men (aslida menga óxshagan aldanganlar kóp ekan) va 4 nafar tanishlarim bilan birgalikda shundan sóng ushbu firma joylashgan hududagi Ichki Ishlar bólimiga murojaat qildik. Ular bu ishni tergovga oshirishdi. Tergov natijasida bu firma rahbari va naqd pullarni qabul qilib olgan firma hodimi chet elga chiqib ketganligini aytishdi va kutinglar, surishtiruv ishlari davom etmoqda deyishdi. Ulardan telefon orqali xar xar zamonda ish natijasini sórab turdik. Lekin bu ish ijobiy tamonga siljimadi. Men va 4 nafar tanishim bilan Respublika Xalq Qabulxonasiga xam murojaat qildik. Bizni ushbu firma joylashgan shahardagi boshqa Ichki ishlar bólimiga chaqirishdi va kerakli hunjjatlarni tayyorlashdi va xabarlashib turamiz ,ketaveringlar deyishdi. Ulardan xam natija bólmadi. Sizga savolim shuki ushbu tóliq jarayonda men qanday yól tutishim va nimalar qila olishim mumkin edi va xozir xam qila olishim mumkin qonuniy tarzda?

ЮРИСТ ЖАВОБИ:

Бизнингча сиздаги вазиятда фирибгарлик жиноятининг аломатли мавжуд.

Жиноят кодекси 168-моддасида фирибгарлик, яъни алдаш ёки ишончни суиистеъмол қилиш йўли билан ўзганинг мулкини ёки ўзганинг мулкига бўлган ҳуқуқни қўлга киритиш жинояти учун жавобгарлик ва жазо белгиланган.

Ўзбекистон Республикаси Олий суди Пленумининг 2017 йил 11 октябрдаги 35-сонли «Фирибгарликка оид ишлар бўйича суд амалиёти тўғрисида»ги қарорига кўра фирибгарликда алдаш деганда, айбдор томонидан, била туриб, ҳақиқатга тўғри келмайдиган ёлғон маълумотлар хабар қилиниши ёки иш ҳолати бўйича мулкдор, мулкнинг бошқа эгасига маълум қилиниши лозим бўлган ҳақиқий фактларни яшириш ёхуд бундай шахсларни янглиштиришга қаратилган қасддан содир этилган ҳаракатлар тушунилади.

Ушбу қарорнинг 6-бандига кўра Судларга тушунтирилсинки, фирибгарликда алдаш ёки ишончни суиистеъмол қилиш мулкни ёки унга бўлган ҳуқуқни айбдор мулкдорлиги ёки эгалигига ихтиёрий равишда берадиган ақли расо шахсга нисбатан содир этилган бўлиши шарт.

Шунингдек, мулкни эгаллашга қаратилган фирибгарлик, мазкур мулк айбдор ёки бошқа шахсларнинг ғайриқонуний эгалигига ўтган ва улар ундан хоҳлаган тарзда фойдаланиш ёки тасарруф этиш реал имкониятига эга бўлган пайтдан тугалланган деб топилади.

Бу вазиятда сиз туман ИИБнинг ҳаракатсизлиги устидан туман прокуратурасига мурожаат қилишингиз керак.

Негаки Жиноят протсессуал кодекси қоидаларига кўра ариза келиб тушган сўнг 10 кун муддат ичида ушбу масала юзасидан терговга қадар текширув ўтказилиб, жиноят иши очилиши ёки рад этилиши лозим.

Юристга савол юбориш

Қўнғироқ орқали юрист билан ҳозироқ онлайн боғланиш

Барча турдаги ҳужжатларга буюртма бериш

@Yurist_Xizmati Ochish/sharhlash

2022-01-11 18:20:49 ​​​​ ҲОКИМ ЁРДАМЧИЛАРИ ҚАНЧА ОЙЛИК МАОШ ОЛАДИ?

Айни вақтда барча вилоятларда ҳоким ёрдамчилари 2022 йилнинг 1 январидан маҳаллаларда иш бошлашди.

Маълум қилинишича, ҳоким ёрдамчиларининг ойлик иш ҳақи миқдори улар бириктирилган маҳалладаги хонадонлар сонига мутаносиб равишда белгиланади:

хонадонлар сони 500 тагача бўлган маҳаллада – 4 млн 932 минг сўм;

хонадонлар сони 501 тадан 1 000 тагача бўлган маҳаллада – 5 млн 343 минг сўм;

хонадонлар сони 1 000 тадан ортиқ бўлган маҳаллада – 5 млн 754 минг сўм.

Ҳоким ёрдамчиларига тўланадиган ўртача ойлик иш ҳақи миқдори номзоднинг ушбу лавозимга ишга қабул қилингунга қадар аввалги иш жойи бўйича ўртача ойлик иш ҳақи миқдоридан кам бўлган тақдирда етишмаган қисми Ҳоким ёрдамчилари фаолиятини қўллаб-қувватлаш жамғармаси ҳисобидан компенсация қилиб борилади.

Каналимизга уланинг
@Yurist_Xizmati Ochish/sharhlash