Yurist maslahati | Rasmiy

2022-06-20 06:45:35 Abituriyentlarni onlayn roʻyxatga olish boshlandi

2022/2023 oʻquv yili uchun oliy taʼlim muassasalarining bakalavriat taʼlim yoʻnalishlariga abituriyentlarni onlayn roʻyxatga olish boshlandi.

Roʻyxatdan oʻtkazish 20-iyundan 20-iyulgacha (20-iyul kuni ham) davom etadi.

Chet tilidan kasbiy (ijodiy) imtihon oʻtkaziladigan bakalavriat taʼlim yoʻnalishlariga onlayn roʻyxatga olish esa 10-iyulgacha (10-iyul kuni ham) amalga oshiriladi.

Roʻyxatga olish DTMning rasmiy veb-sayti – my.dtm.uz hamda Yagona interaktiv davlat xizmatlari portali – my.gov.uz orqali onlayn amalga oshiriladi.

Abituriyentlar fanlar majmuasi hamda ketma-ketligi bir xil boʻlgan 5 tagacha bakalavriat taʼlim yoʻnalishi boʻyicha tanlovda ishtirok etishi mumkin.

Taʼlim yoʻnalishlarini esa 2022/2023 oʻquv yili uchun qabul parametrlarining taʼlim tillari boʻyicha taqsimoti tasdiqlanganidan soʻng tanlash mumkin boʻladi.

2022/2023 oʻquv yili uchun oʻqishga qabul qilishning davlat buyurtmasi parametrlari bilan alohida post qoldiramiz.

Barcha abituriyentlarga omad va muvaffaqiyat tilaymiz!

----※ ------ ※---※---※ ------ ※----
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-19 20:31:59 #Savol #Javob

Ota-ona qanday hollarda ota-onalik huquqidan mahrum qilinadi?

Oila kodeksining 79-moddasiga koʻra, ota-ona (ulardan biri) quyidagi hollarda ota-onalik huquqidan mahrum qilinishi mumkin:

ota-onalik majburiyatlarini bajarishdan bosh tortsa, shu jumladan aliment toʻlashdan boʻyin tovlasa;

uzrsiz sabablarga koʻra oʻz bolasini tugʻuruqxona yoki boshqa davolash muassasasidan, tarbiya, aholini ijtimoiy himoyalash muassasasi va shunga oʻxshash boshqa muassasalardan olishdan bosh tortsa;

ota-onalik huquqini suiisteʼmol qilsa, bolalarga nisbatan shafqatsiz muomalada boʻlsa, jumladan jismoniy kuch ishlatsa yoki ruhiy taʼsir koʻrsatsa;

muttasil ichkilikbozlik yoki giyohvandlikka mubtalo boʻlgan boʻlsa;

oʻz bolalarining hayoti yoki sogʻligʻiga yoxud eri (xotini)ning hayoti yoki sogʻligʻiga qarshi qasddan jinoyat sodir qilgan boʻl


----※ ------ ※---※---※ ------ ※----
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-06 16:49:28 #Shaxsiy_fikrim

Konstitutsion oʻzgarishlarda
hammani faol ishtirok etishga chaqiraman.

Men, hozircha 3 ta taklif berdim.

1-taklifim.
Hudud(viloyat, shahar, tuman)lar rahbar(hokim)larini tayinlash tizimidan voz kechib, ularni saylash tizimiga oʻtish va buni Konstitutsiya bilan mustahkamlash.
Chunki rahbarni kim saylasa, rahbar ham anashu kishilar oldida javobgarroq va hisobdorroq bo'ladi. Shuningdek ular oldida mas'uliyatli bo'lib, ular uchun jon kuydiradi, ular uchun xizmat qiladi.
Ha aytgancha, hokim saylovi uchun xalqimiz har jihatdan tayyor deb o'ylayman. Chunki prezident saylovida faol ishtirok etgan xalqimiz, qanday qilib hokim saylovida ishtirok eta olmasligi mumkin?

2-taklifim.
Prezidentlik muddatini va qayta-qayta saylanmaslikni aniq mezonlar bilan tartibga solish kerak.

Xususan, Konstitutsiyaning 90-moddasiga qoʻshimchalar kiritgan holda, bir shaxs qatorasiga ham, oralab ham faqat 2 muddat Prezident boʻla olishini, undan keyin, masalan ketma ket 2 muddat boʻlsa, yoki avval 1 muddat, maʼlum vaqtdan keyin yana bir muddat Prezident sifatida saylangach, umrbod boshqa nomzodi qoʻyilmaslik bandini kiritish;
Sababi bir shaxsni ketma-ket Prezident boʻlaverishi avtokratiyaga, diktaturaga yoʻl ochadi, bu demokratik davlat boshqaruv tamoyillariga ziddir.
Axir yurtimiz amaldagi konstitutsiyamizning birinchi moddasi bo'yicha: "O'zbekiston suveren demokratik respublika" emasmi?

Bu bandni aniq, hech qanday “olib qochar” yoki "ikki xil ma'no beruvchi" (ya'ni og'ma) bo'luvchi so'zlar qoldirmasdan mustahkamlab qoʻyish kerak.
Har qanday holatlarda, hattoki masalan Konstitutsiya almashsa ham, (xudo ko'rsatmasin, o'zi saqlasin)davlat toʻntaruvi amalga oshsa ham, davlat boshqaruvi oʻzgarsa ham, bir shaxsni 2 muddatdan ortiq Prezident boʻlmaslik bandi mustahkamlab qoʻyilishi shart.

3-taklifim:
78-moddaning 20-bandidagi "Xalqaro shartnomalarni ratifikatsiya va denonsatsiya qilish" deb yozilgan. Iltimos, ''ratifikatsiya" so'zi mayli tushunarli, lekin "denonsatsiya" so'zi oddiy odamlar tushunishi qiyin bo'lgan yuridik so'zlar sirasiga kiradi. Iltimos, iloji bo'lsa shu va shu kabi so'zlarni o'zbekcha tarjimasini yozilsa, barchaga tushunarli bo'lsa, maqsadga muvofiq bo'lardi.

Menda hozircha shular.

Siz qanday taklif berdingiz?
Taklif/lar bergan bo'lsangiz izohlarda qoldirishingiz mumkin.

Eslatib o'taman taklif berishning eng oson yoʻli Telegramda @meningkonstitutsiyam_bot boti orqali taklif yuborishdir. Oson, qulay.

Mamlakat taqdiriga befarq boʻlmang.

----※ ------ ※---※---※ ------ ※----
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-05 08:33:33 Ochish/sharhlash

2022-06-04 16:15:03 #Fuqarodan_real_murojaat
#savol #javob

Savol
Яхшимисиз мехнат кодексининг 100 моддаси 2 Кисми 4 Бандига Асосан Бир тамонлама иш берувчи томонидан ишдан олиш ваколати борми ходимни расман огохлантирмасдан?

Javob:

Hurmatli fuqaro, agarda mehnat shartnomasi xodimning aybli xatti-harakatlar sodir etganligi bilan bekor qilingan bo'lsa ya'ni 100-modda 4-bandiga bandlari, ish beruvchi xodimni mehnatga oid munosabatlarining bekor qilinishi to'g'risida kamida 3 kun oldin xabardor qilinishi yoki unga mutanosib kompensatsiya to'lanishi kerak.

Adliya vazirligi tomonidan 1999 yil 14-iyunda 746-son bilan ro'yxatga olingan "Mulkchilik shaklidan qat'i nazar, tashkilot ichki mehnat tartibining namunaviy qoidalari" belgilangan bo'lib, uning 2.38 bandida mehnat vazifalarini bir marta qo'pol buzish hollarining namunaviy ro'yxati keltirilgan.

Qolaversa, Oliy Sud Plenumining 1998-yil 17-apreldagi "Sudlar tomonidan mehnat shartnomasini bekor qilishni tartibga soluvchi qonunlarning qo'llanishi haqida''gi 12-sonli qarorda, MKning 100-moddasi 2 qismi 4 bandi ko'ra xodim o'z vazifalarini 1 marta qo'pol ravishda buzganligi uchun mehnat shartnomasining bekor qilinishi uchun inobatga olinadigan nojo'ya hatti harakatlar batafsil keltirib o'tilgan.

Ish beruvchining ruxsatisiz o'zboshimchalik bilan ta'tilga ketish yoki o'zboshimchalik bilan dam olish kinlari (otgul)dan foydalanish ham MShni mehnat kodeksining yuqoridagi moddasi bo'yicha ish beruvchining tashabbusi bilan bekor qilinishiga sabab bo'ladi.

------ ※ ------ ※---※---※ ------ ※ ------
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-02 12:11:52 #muhimRaqamlar

Hozirgi kunda yurtimizda:

Mehnatga haq toʻlashning eng kam miqdori – 920 000 soʻm;

Bazaviy hisoblash miqdori – 300 000 soʻm;

Pensiyani hisoblashning bazaviy miqdori – 324 000 soʻm;

Yoshga doir eng kam pensiyalar – 633 000 soʻm;

Bolalikdan nogironligi boʻlgan shaxslarga beriladigan nafaqa – 698 000 soʻm;

Zarur ish stajiga ega boʻlmagan keksa yoshdagi va mehnatga layoqatsiz fuqarolarga beriladigan nafaqa – 500 000 soʻm;

Ish staji toʻliq boʻlmagan chogʻdagi pensiyalarning eng kam miqdori qoʻshimcha toʻlovni hisobga olgan holda - 500 000 soʻm;

Belgilangan yoshga doir eng kam pensiya miqdoridan 698 000 soʻmgacha pensiya oluvchilarning yoshga doir va nogironlik boʻyicha pensiyalari miqdori – 698 000 soʻmdan iborat.


------ ※ ------ ※---※---※ ------ ※ ------
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-01 18:17:21 #Bilasizmi?

1-iyundan qonunchilikda quyidagicha yangiliklar bilan tanishishingiz mumkin.

Xususan:
Ayrim yoshlar OTMga oʻqishga qabul qilishda test sinovlarida ishtirok etish uchun undiriladigan toʻlovlardan ozod etiladi. BATAFSIL

Ish haqi miqdori oshiriladi. BATAFSIL

38 turdagi davlat xizmatlarini YAIDXPda elektron raqamli imzo bilan tasdiqlash talab etilmaydi. BATAFSIL

Yosh vatandoshlarga uy-joy uchun ipoteka kreditining dastlabki badalini qoplashga subsidiya beriladi. BATAFSIL

Ayrim nogironligi boʻlgan shaxslarga nafaqa bilan birga stipendiya ham beriladi. BATAFSIL

Davlat tibbiyot muassasalari xodimlarining ish haqi oshiriladi. BATAFSIL

Xodimlarga Oʻzbekiston boʻylab sayohat xarajatlarining bir qismi qoplab beriladi. BATAFSIL

Oilaviy poliklinika xodimlarining kunduzgi ish vaqti uzaytirilib, ularga qoʻshimcha ustama haqi toʻlanadi. BATAFSIL

Ayrim xorijiy davlatlarda Tashqi mehnat migratsiyasi agentligining vakili ish boshlaydi. BATAFSIL


------ ※ ------ ※---※---※ ------ ※ ------
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-06-01 06:00:51 #еслатма

2022 ЙИЛ 1-ИЮНЬ ОЙИДАН БЕЛГИЛАНГАН ЖАРИМАЛАР БИЛАН ТАНИШИНГ

Хавфсизлик камарини тақмаслик, 150 000 сўм (125-модда)

Телефондан фойдаланиш,
900 000 сўм (128-1-модда)

Телевизордан фойдаланиш, 300 000 сўм (128-2-модда)

Тезликни ошириш:
1.500 000 сўмдан 5.850 000 сўмдан 10.300 000 сўмгача
16.960 000 сўмдан
28.770 000 сўмгача
(128-3-модда)

Қизил чироқда тўхташ чизиғини босиш 150.000
сўмдан 1.500 000 сўмгача (128-4-модда)

Тўхтаб туриш қоидасини бузиш: 600.000 сўм
(128-6-модда)

Транспортни ҳужжатсиз бошкариш: 300.000 сўм (135-модда)

Суғуртасиз машинани бошқариш: 150.000 сўм (135-1-модда)

Носоз транспортдан фойдаланиш, 900.000 сўмдан
1.500 000 сўмгача (139-модда)

Маст хайдовчига транспортни бериш, 25 баравар
(7 500 000 сўм) - (131-модда
Ҳалқ тилида "01")

Мастликни текширишдан R
бош тортиш: 15 баравар
(4 500 000 сўм) (136-модда)

Маст холатда машина хайдаш, 25 баравар ( 7 500 000 сўм) - (131-модда Ҳалқ тилида "01")

Авариядан кейин қочиб кетиш: 30 баравар
(9 000 000 сўм)

Пиёдалар йўлакчасидан
юриш 150 000 сўм (128-модда)

Сигнал ва фара қоидасини бузиш: 300 000 сўм (127-модда)

Ойналарни қорайтириш (рухсатномасиз тонировка )
7 500 000 сўм (126-модда)

Темир йўлдан ўтиш қоидаси бузиш 900 000 сўмдан
1 500 000 сўмгача (130-модда)

Гурух бўлиб харакат қилиш
900 000 сўмдан 1 500 000 сўмгача (129-модда)

Авария холати келтириб чиқариш:
3 000 000 сўм (128-5-модда)

ДАН ходими талабини бажармаслик, 300 000
сўмдан – 3 600 000 сўмгача (194-модда)

Пиёдалар йўл қоидасини бузиши, 100 000 сўм (138-модда)

Асос: Маъмурий жавобгарлик тўғрисидаги кодекс

------ ※ ------ ※---※---※ ------ ※ ------
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash

2022-05-29 15:20:10 Ochish/sharhlash

2022-05-29 15:17:30 Oʻzbekistonda oʻlim jazosini tiklash taklif qilinmoqda. Bu haqda Oʻzbekiston Respublikasi Konstitutsiyasiga kiritiladigan oʻzgartish va qoʻshimchalar boʻyicha fuqarolardan yoʻllangan takliflardan birida soʻz boradi.

Anonim murojaatchi yoʻllagan taklifda ayolni oʻldirgan har qanday shaxsni oʻlim jazosiga hukm qilish taklif qilingan.

Shuningdek, qurbon boʻlgan ayolning voyaga yetmagan bolalari oʻn sakkiz yoshga yetguniga qadar taʼminoti jinoyatni sodir etgan shaxs tomonidan amalga oshirilishi ham nazarda tutilgan.

Bildirilgan takliflar orasida korrupsion jinoyatlar uchun ham oʻlim jazosini joriy etish masalasi ham oʻrtaga tashlangan.

Oʻzbekistonda 2008-yilgacha oʻlim jazosi boʻlgan. Prezident Islom Karimov tomonidan 2005-yil 1-avgust kuni imzolangan “Oʻzbekiston Respublikasida oʻlim jazosini bekor qilish toʻgʻrisida”gi farmoni bilan 2008-yilning 1-yanvardan jinoiy jazo turi sifatida oʻlim jazosi bekor qilinib, uning oʻrniga umrbod yoki uzoq muddatga ozodlikdan mahrum etish jazosi joriy etilgan.

Umrbod yoki uzoq muddatga ozodlikdan mahrum etish jazosi Oʻzbekiston Respublikasi Oliy sudi, jinoyat ishlari boʻyicha Qoraqalpogʻiston Respublikasi Oliy sudi, viloyatlar, Toshkent shahar sudlari, Oʻzbekiston Respublikasi Harbiy sudi tomonidan tayinlanishi mumkin.

Jinoyat sodir etganlik uchun umrbod yoki uzoq muddatga ozodlikdan mahrum etishga hukm qilingan shaxslar jazoni maxsus tartibli jazo ijro etiladigan ixtisoslashtirilgan muassasalarda oʻtaydilar.

Eslatib oʻtamiz, Oʻzbekiston mustaqillikka erishgan paytda jinoyat toʻgʻrisidagi qonun hujjatlari oʻlim jazosini nazarda tutuvchi 30 dan ortiq moddalardan iborat edi. Oʻzbekiston Respublikasining 1994-yilgi Jinoyat kodeksida bunday moddalar soni 13, 1998-yilda 8, 2001-yilda esa 4 tagacha kamaytirildi. 2003-yilda jinoyat qonunchiligini liberallashtirish boʻyicha kompleks chora-tadbirlar amalga oshirilgandan soʻng, faqat ikki turdagi jinoyat javobgarlikni ogʻirlashtiradigan holatlarda qasddan odam oʻldirish va terrorizm jinoyatlarini sodir etganlik uchun oʻlim jazosi nazarda tutiladi.

------ ※ ------ ※---※---※ ------ ※ ------
Foydali ma'lumotni yaqinlar bilan ulashing

Yangiliklarni kuzatib borish
@Yurist_maslahati_rasmiy

Yuristga savol yuborish
@Yuristga_murojaat_rasmiy

Spam bo'lganlar uchun
@Yurist_Qoriyev_bot Ochish/sharhlash