Yevropa sarguzashtlari

2023-04-12 19:58:03 #mood

Qiziq holat. Qancha ko'p kod yozish bilan shug'ullansang, shuncha ko'p ishingni kod bilan hal qilishga moyillik osharkan.

Masalan, csv.gz faylni kompresslanmagan csv faylga aylantirish zarur bo'lib qoldi. Googledan qidirsam, gz ni csv ga aylantirib beruvchi saytlar bor ekan. Lekin fayl hajmi cheklangan. U yerga yuklab, keyin qayta saqlab olishga erindim.

Shartta Jupyter Notebookni ochib, 6 qator kod bilan hech narsani hech qayerga yuklamasdan csv faylga aylantirib oldim So cool! Mindset o'zgarishi shunday yuz bersa kerak. Ochish/sharhlash

2023-04-12 15:16:59 #mindset

Yaqinda bir nechta intervyularni ko'rdim, o'qidim. Ish izlash/topshirish jarayoni haqida. Ko'pchiligida hozirgi ishiga joylashgunicha 100-400 talab vakansiyalarga topshirgani va bityasi 400 tadan 10 ta intervyuga chaqirilgani, boshqasi esa 100 tadan 2 ta intervyuga o'tganini aytgan. Hammasi topshirishda kuchli portfolio tayyorlagan, cover letter yozgan, skills assessment imtihonlarga tayyorlangan va hkz.

Chala yarim yozilgan CV'imni hech qanday cover lettersiz 10 ta vakansiyaga yuborib, bittasiga intervyuga chaqirilib, faqat work permit rasmiylashtirish jarayoni uzoq cho'zilishi sababligina rad etilgan men va depressiya tomon yugurib ketayotgan ruhiyatim: 400 ta joyga ham topshiradimi odam?!

Xullas, hozir portfolio yaratish, boshlagan kurslarimni tugatib qo'yish va nemis tilini bir pasda o'rganib olish kabi masalalar bilan bandman. Yozlarda yana kanalni faollashtirsam kerak. Ish, yashash joyi borasida bir qarorga kelgach. Ungacha ulashiladigan pozitiv ko'pmas.

Mach's gut, dear leute Ochish/sharhlash

2023-04-11 15:16:36 #baby_language

Bog'chadan chiqyapmiz. Boshqa guruhdagi 5-6 nafar bolachalar bizni koridorda ko'rib, qiyqirishdi:

- Kamil, Kamil!

Monstrcha ham ularni tanirmikan deb qiziqdim.

- Do you know their names?
- Yeah.
- What are their names?
- Childyen - bilmaysanmi shuni degandek javob qaytardi.

Zoti oliylari barcha zamonlarda shunday bo'lgan: xalq uchun u buyuk falonchi, xalq esa u uchun "qora xalqim" yoki "children", ismi qiziqmas Ochish/sharhlash

2023-04-09 15:40:25 #baby_language

Bilingualism, ya'ni bolalikdan ikki tilni birdek o'zlashtirish haqida qiziq video uchradi. Kichkinalikdan ko'p tillarni o'rganish mavzusida turli video va maqolalarni o'qib turaman. Hammasida ko'p tillilik bolaning miyasiga ijobiy ta'sir ko'rsatishi aytiladi.

Bu videoda bolalar turli tillarda gapirayotganini boshidanoq farqlay oladi, deydi. Unda nega tillarni aralashtirib gapirishlari qiziq. Videodagi tadqiqotchi jiyani u bilan ingliz va ispan tillarini aralashtirib gapirishini, lekin ispan tilini bilmaydigan odamga bunday aralash-quralash gapirmasligini aytibdi.

Komil ham hozir ingliz va o'zbek tilini aralashtirishni boshlagan. O'zbekcha fellarga -ing qo'shib ham gapiradi

- I'm soling the toys into the box (O'yinchoqlarni qutiga solyapman).
- I'm buzing the minoya (Minorani buzyapman).

Menimcha, ikkalamiz ham har ikkala tilni tushunishimizni bilgani uchun ham aralash gapiradi. Chunki bog'chada nemischa gaplashsa ham uyda nemischa so'zlarni ishlatmay qo'ydi. Bizni umuman nemischa gapirganimizni ko'rmagani uchun baribir tushunmaydi, deb o'ylasa kerak. Ochish/sharhlash

2023-04-06 18:50:57 #mood

Keyingi besh yillikda bir "shirin" kitob yozaman. Ertalab mo'jaz qahvaxonada qahva va kruassan bilan o'qishli kitob

Orzular qanday ushalishi haqida bo'ladi u. Yana qizchani har qanday orzulari ushalishiga ishontirgan bir fidokor ayol matonati haqida ham. Ozgina muhabbat va monstrchaning dahshatlari ham bo'ladi ichida.

Bir zamonlar uzoq qishloqqa ko'chib borib, moychiroq yorug'ida "Shahar va qishloq sichqonlari" haqidagi hikoyani ingliz tilida qanday yozilgan bo'lsa, shundayligicha o'qib, o'zini ingliz tilini bilib qolgandek his qilgan qizchaning Yevropa sarguzashtlari ham bo'ladi unda.

Juda "mazali" kitob bo'ladi.. Ochish/sharhlash

2023-04-05 23:25:04 Hech podkast eshitmayman. Bugun ikki yoqimli ayol qatnashgani hamda mavzusi qiziqligi uchun ko'ryapman mana bu videoni: Ayollar bilan uy ishlarini bo'lishish kerakmi?

Qiziq tajribalar bilan bo'lishishibdi. Ayniqsa Aziza opaning uyida onasi idishlarni barcha farzandlariga teng yuvdirganiga qoyil qoldim. Opasi bo'lsa ham kirni ukasi yuvganiga yanada qoyil. Shu to'g'ri fikr. Erkaklar bolaligidagi oilasida o'rgangan munosabatni o'z oilasida ham kutadi keyin.

Masalan, Dilroz Abrayeva aytishicha turmush o'rtog'i (Muhrim A'zamxo'jayev) unga ota-onasining uyida ham oshxonada qarashishga uyalmaskan. (Ikkalasini ham faqat intervyu va maqolalaridan taniyman, bir-biriga ideal mos juftlikdek tuyuladi ).

Bizda esa aynan shu "uyat" bor. Hubbyjon o'zimiz yashagan paytimizda yordam beradi (idish yumaydi-yu, lekin ovqatga qarashib turadi). Ammo O'zbekistonga - kelinlik uyimga borishimiz bilan hatto o'ziga tayyor ovqatni suzib olishga uyaladi.

Chunki u uyda uy ishlari butunlay ayollar zimmasida. Uch mahal hamma ovqat-u salat va choylarni dasturxonga ayollar keltirib qo'yadi. Erkaklar o'tirib yeydi. Ayollar yana yig'ishtirib oladi. Erkaklar tomorqa ishi, ro'zg'ordagi og'irroq ishlarni va pul topish vazifasini bajaradi. Shuning uchun hubbyjon uchun uyida o'zi ovqat suzib yeyish erish tuyulsa kerak.

Haligacha men shu narsadan shokka tushaman. Bizning oilada erkak bo'lmagani uchundir, pul topish ham, yer chopish ham, kir yuvish ham o'zimning qo'limdan kelganidek, erkak ham bu narsalarni birdek qilishi tabiiy narsadek tuyulardi. Lekin o'zbekcha oila modelida bu tasavvurim nega normal qabul qilinmasligini tushunishga juda qiynalaman. Ochish/sharhlash

2023-04-04 23:56:05 #mood

Dars qilayotganda YouTube yaxshi qo'shiqlarni tavsiya qilib qoladi bir-bir. Bugungisi juda yoqdi. Qayta-qayta eshitdim.

Kuşlar içimden düşümden uçmuş
Dostlar kafamdan yaşamdan kaçmış
Aşklar savaşlar şiirden çıkmış
Putlar ikonlar evimde belirmiş
Yani derinden derinden

Kedişler, köpüşler sokakta yaşarmış
Kadınlar, çocuklar hayattan göçermiş
Adamlar, babamlar ölürmüş derinde
İnsan özünden düşermiş bazen
Yani derinden derinden

Küçük bir çocukken içim çok sıcaktı
Allah yukarda ve toprak sıcaktı
Dünya dönerdi ya ben de dönerdim
Annem gülerdi ya ben de gülerdim
Yani derinden derinden

Bugünlerde ruhumda korkunç bir ur var
Derinlerde sinmiş semirmiş bi sansar
Sönmüş tükenmişti bitmişti sancak
Yani derinden derinden Ochish/sharhlash

2023-04-04 16:12:04 #Austria

Monstrcha ovozli alifboga qiziqmasa, nima qilamiz? Eski zamon bo'lganda yaxshilab remen bilan tazirini berib o'qitilardi. U zamonlar o'tib ketgani uchun kitobga qiziqtirish maqsadida qiziqishlari jamlangan kitob olamiz.

Dinozavrlarni yoqtirasanmi? Dinozavrlar haqida "stoyi" (ertak) kerakmi? Kel, kitobdan o'qiymiz Ochish/sharhlash

2023-04-04 01:30:30 Ha, aytgancha, shu filmdan so'ng saylovlarda faol ishtirok etishga qaror qildim. Bitta mening ovozim hech narsani hal qilmaydi yoki hammasi nohaq bo'ladi kabi bahonalar bilan shu paytgacha hech qaysi saylovda ovoz bermaganman.

Endi o'z pozitsiyamni bildirish uchun barcha saylovlarda ovoz beraman. Mayli, ovozim hech narsani o'zgartirmasin, muhimi chetda tomoshabin bo'lib turmaganim. Bu ham fundamental huquq. Ochish/sharhlash

2023-04-04 00:19:49 Mana shu "Sufrajistkalar" filmidagi voqealar 100 yilgina oldin bo'lgan. Aksariyat davlatlarda 50-60 yil oldin, arab davlatlarida esa ayollar saylash huquqini atigi 10-15 yil oldin qo'lga kiritgan.

Hozir siz va men oliy ta'lim olish, ishlash, shifokor, sudya, advokat va boshqa yuqori malakali mansabdor bo'lishimiz uchun shu sufrajist va feministlar qancha qurbonlik keltirgan. Kaltak yegan, o'ldirilgan, qamalgan..Shularning aziyati sizga hozirgi huquqlaringizni olib bergan.

O'zbek segmentida feministlarni fohishadan olib buzuqiga solishadi. Aslida feministlar shunchaki ayollar ham odamdek ko'rilishi, erkaklar qatori ta'lim olish, o'z hayotida o'zi tanlov qilish, kasb tanlash kabi bazaviy huquqlarni talab qilgan, xolos.

Sufrajistlarga oid qiziq faktlarni o'qidim. Ayollarga saylash huquqini bergan 1-davlat Yangi Zelandiya bo'lgan ekan. Yevropada esa Findlandiya. Daniya ham birinchilar qatorida bo'lgan. Shundan naq bir asr o'tgach esa ushbu davlatlarni ayol bosh vazirlar boshqardi. Naq 1 asr ketdi saylov huquqini olishdan to top lavozimga ko'tarilgunicha. Yonimizdagi Afg'onda esa ayollar bor huquqini qo'ldan chiqardi. Qizchalar o'qishdan mahrum.

Ana shunaqa. Feministlarni la'natlashdan oldin sal o'ylab ko'ring. Hech kim sizga imkoniyat va huquqlarni o'z-o'zidan taqdim etmaydi. Kimlardir buning uchun kurashadi. Ayollarga hatto oliy ta'lim olish imkoniyati berilganiga ham 100 yil bo'lgani yo'q.

Bor huquq va erkinliklaringizni qadrlab, ulardan foydalanmasangiz, ularni tortib olishlari hech narsamas. Uzoqqa borish shartmas, yonginangizda bunga tirik misol bor.

O'zini va bolalarini o'ldirgan ayol ham shu fojiaga uchramasligi mumkin edi. Agar o'qish, ishlash, qachon va nechta tug'ish imkoniyati o'ziga berilganida. Bizda ayollar odatda chorasizlikdan o'ldiradi o'zini: borishga joyi yo'q, 3 ta bolani boqishga ko'zi yetmaydi, ishi va doimiy daromad manbayi yo'q. O'lim yagona choradek tuyuladi ularga.

Shuning uchun qizlaringizni o'qiting. Ishlasin. Shaxsiy puli bo'lsin. Mutlaq qaramlikka bermang ularni. O'zingiz ham mutlaq qaramlikka rozi bo'lmang. Ochish/sharhlash