Хайрулла Ҳамидовдан...

2023-03-01 07:51:53 СЕН БАҲОРНИ СОҒИНМАДИНГМИ?

Уйғонгувчи боғларни кездим,
Топай дедим қирдан изингни.
Ёноғингдан ранг олган дедим —
Лолазорга бурдим юзимни,
Учратмадим аммо ўзингни,
—  Сен баҳорни соғинмадингми?

Узоқларда залворли тоғлар
Хаёлимни келдилар босиб.
Кечди қанча интизор чоғлар,
Васлинг менга бўлмади насиб,
Сенсиз мен ҳам, баҳор ҳам ғариб,
—  Сен баҳорни соғинмадингми?

Ўнгирларда сакрайди оҳу,
Наъматакда саъва миттижон.
Қорликлардан сипқарилган сув,
Дараларда уради жавлон.
Нигоҳимдан фақат сен пинҳон,
—  Сен баҳорни соғинмадингми?

Мана, бугун наврўзи олам,
Дўстларимга гуллар тутарман.
Қайлардасан, севгили эркам...
Қўлимда гул, сени кутарман,
Умрим бўйи чорлаб ўтарман,
—  Сен баҳорни соғинмадингми?

1963

Абдулла Орипов

@xayrulla_xamidov1 Ochish/sharhlash

2023-02-02 22:58:16 Ҳар ерда ҳоким ҳақ, арбоблар ғолиб,
Қонун шуларники, шуларда қолип,
Энг катта айбдор бир ёқда қолиб,
Жазони бошқалар ўташга тушди.

Омон Матжон Ochish/sharhlash

2023-01-19 12:16:58 Илтижо

Аллоҳим,ўзимнинг якка илоҳим.
Биламан, жуда кўп саҳву гуноҳим.
Аммо недан қўрқай- Ўзинг паноҳим,
Ҳар лаҳза шу ҳолда бўлишни ўргат.

Қисматим онига исёним кечир,
Вужудим ёр васли... осмоним кечир,
Ўзингдан ёлворай,Раҳмоним,кечир,
Чин дилдан тавбалар қилишни ўргат.

Лаъин чиқиб қолса узун йўлимдан,
Ушлаб ол,Раббано,икки қўлимдан!
Давралар тўрини суғур дилимдан,
Даргоҳингга шодон келишни ўргат!

Тўйли дамларимда девоналикда,
Ғамли кунларимга шукроналикда,
Қасрлар тўрида,вайроналикда
Кўз ёш тўла туриб,кулишни ўргат.

@xayrulla_xamidov1 Ochish/sharhlash

2022-12-31 09:38:57 Янги Йил

Йилнинг сўнги куни...Беуйқу,
Шодликлар-ла ўтади ҳамма.
Ёшлигимдан мерос шу туйғу-
Янги йилни кутади ҳамма!

Дарахт бўлар бу йилги ниҳол,
Мевага қўл тутади ҳамма.
Эски йилни унутиб дарҳол,
Янги йилни кутади ҳамма!

Эски йилда тугамади ғам,
Бундоқ пайтда нетади ҳамма?
Умид билан шунинг учун ҳам
Янги йилни кутади ҳамма!

Ғам-андуҳлар эскиради деб,
Собиқ йилни отади ҳамма.
Кўп нарсалар ўзгаради деб,
Янги йилни кутади ҳамма.

Туриб бўлмас мангу қадар тек,
Бу дунёдан кетади ҳамма.
Умр тугаб боряптию, лек
Янги йилни кутади ҳамма!

Хайрулла Ҳамидов Ochish/sharhlash

2022-09-15 19:26:42 Бир насроний журналист Исломни қабул қилибди ва ундан дўстлари негалигини сўрашганда, у шундай жавоб берибди:
-Исонинг ерга тушишига ишонасизларми?
-Ҳа албата дейишибди.
-Aгар Исо ерга тушса черковга борадими ёки масжидгами деса -Черковга дейишибди
Ўзига ўзи сиғинганими деган экан

Twitter Ochish/sharhlash

2022-08-29 06:12:17 АВГУСТНИНГ СЎНГГИ КУНЛАРИ

Сусаймоқда Қуёшнинг тафти,
Ястанади чўлга саратон.
Ишқаб оппоқ, совқотган кафтин,
Хув олисдан боқар қаҳратон.

Барглар ҳазин - яшашдан толиб,
Илинж ила мўлтиллаб турар,
Хазонликни бўйнига олиб,
Тўшалишга тараддуд кўрар.

Само кўз ёш тўкишга тайёр -
Йўқотгандек саломатлигин,
Ва ниҳоят ҳис қилар илк бор
Табиат ҳам омонатлигин...

@xayrulla_xamidov1 Ochish/sharhlash

2022-08-10 06:56:49 – Сахийликни кимдан ўргандинг, – деб сўрадилар Хотам Тойидан.
– Ғиштдан ўргандим, – дея жавоб қилди.
– Хеч замонда ғиштдан ҳам бир нарса ўрганиб бўларканми?
– Одамларнинг қатор туриб бир-бирига ғишт узатганларини кўрганмисиз? Бир гал мен шундай ҳашарда қатнашдим. Ажиб бир ҳолдан ўзим учун хулоса чиқардим: қачонки қўлимдаги ғиштни узатсамгина менга ғишт узатишди. Узатмай, қўлда тутиб турсам, ғишт келиши ҳам тўхтади.
Ҳаёл қилдим дейди Хотам тойи: Демак, мол-дунё ҳам шундай. Инфоқ-эҳсон чиқариб турсанг, бирингга ўн келади, бахиллик қилсанг, боридан ҳам барака кетади.

@xayrulla_xamidov1 Ochish/sharhlash

2022-06-18 19:18:09 Кузакда ҳамални излаб чарчадим,
Якунда тамални излаб чарчадим.
Ҳикмату ривоят тошган дунёда
Биргина амални излаб чарчадим.

@Xayrulla_xamidov1 Ochish/sharhlash

2022-05-04 20:00:40 Умр ҳам охирлаб бормоқда секин,
Энди сарғаймоқда мен эккан экин.
Майли, сен ўзингга суянгил, лекин,
Мен кимга суянгум Аллоҳдан бошқа.

1992

Абдулла Орипов Ochish/sharhlash

2022-05-02 06:55:47 Алвидо Рамазон Алвидо Тақво

Ҳайрулла Хамидов

@xayrulla_xamidov1 Ochish/sharhlash