Хайрулла Ҳамидовдан...

2022-05-02 06:51:06 ҚУТЛОВ

Не бўлғай яшашни сал осон қилсанг,
Қил сиғмаган кўнглинг
Шуълага тўлсин.
Ҳар намоз орасин рамазон билсанг,
Бир кунда беш ҳайит
Муборак бўлсин!

Аъзам ЎКТАМ Ochish/sharhlash

2022-05-02 06:43:52 БИР СОАТ

Бомдод намозига чиқар экансиз, сийраккина жамоатни кўрасиз.

Шом, хуфтон намозига чиқсангиз, жамоатнинг анчайин кўпайганини сезасиз.

Жумага чиқасиз ва жамоат кундалик намозлардан янада ошганини пайқайсиз.

Ҳайит намозига чиқсангиз, ҳаммани кўрасиз.

Кейин ўйлаб қоласиз, бомдод билан ҳайит намози ўртасида бир соатгина вақт бор эдику, наҳотки, шу “бир соат”да жамоат халқ қадар сийраклашиб кетди, деб.

Ўзи шу ҳолатларни кузата туриб, беихтиёр улуғлар нима учун “ҳар кунинг ҳайит ўлсин” дейишганини тушуниб етасиз.

Қачонки бомдод ва ҳайит ўртасидаги “бир соатлик” фарқимиз йўқолар экан, ҳар кунимиз байрамга айланади. Ҳозирча бугун байрам...

Байрам муборак, азизлар!

@xayrulla_xamidov1 Ochish/sharhlash

2022-05-01 20:44:34 Ҳайит кунлари шодликни изҳор этиш диннинг шиорларидандир!

Ҳофиз ибн Ҳажар роҳимаҳуллоҳ Ochish/sharhlash

2022-04-30 10:23:28 ОХИРГИ КУН...

Ўтиб борар ўттизинчи кун ( баъзан 29-кун:)
Эшитилар шом учун азон.
Алвидо, дейишга қўрқаман,
Кўришгунча, дейман, рамазон...

"Елканлари уфққа шўнғиган
Манзарани эслатган каби
Қайларгадир савоб кўтариб
Сузиб борар умр маркаби.

Мен оролда қолаётган ўй --
Ўша эртакдаги Робинзон...
Ўн бир ойлик ёлғизлигим қўй,
Сени кутмоқ -- шараф, Рамазон!

Биттадан ёз, ҳам қишу баҳор
Ўтказамиз, хўп, майли, дегин.
Суюклигим, лекин ваъда бер --
Мен шўрликни соғиниб келгин.

Елканларинг хилпиллат маҳзун,
Ол менданам кўп-кўп хавотир.
Ҳа, рамазон, билмайсан-да сен,
Йўқлигингда не ишлар содир...

Сен келасан, гуллар бу маскан
Воқиф бўлиб азалий сирдан.
Ўн бир ойда дилимни эзган
Гуноҳларим куяди бирдан.

Унутилар ортдаги заҳмат,
Пешонамда раҳмат терлари.
Кўз ёшлардан қолармиканей
Юракнинг ваҳм, мавҳум кирлари?!

Соғинчинг-ла бут бугун юрак --
Такрор-такрор васлингга етиш
Ва қўшимча биргина тилак:
Бу оролдан сен билан кетиш!!!"

Кўнглим энди тамомийла тўқ,
Тугаб қолди шомга ҳам азон --
Луғатимда хайр сўзи йўқ,
Кўришгунча, дейман, рамазон!

Алвидо, дейишга қўрқаман...

@xayrulla_xamidov1 Ochish/sharhlash

2022-04-06 08:17:06 Анови одам...

Анови одамни кўрганмисиз ҳеч,
Ёнинггиздан, ахир, ҳар кун ўтгандир?
Кўзидан билинар илоҳий бир куч-
Юраги ҳавасга тўлиб кетгандир.

Уни атамаслар замона зўри,
Сокинлиги ҳар не сарҳаддан ўтар.
Уники эмасдир минбарлар тўри,
Қандай келган бўлса, шундайин кетар.

Шону шавкат учун тутмайди мотам,
Оқмас шуҳрат учун кўзда ёшлари.
Ғийбат қилмаган у бировни ҳеч ҳам,
Аммо сезмагандир суҳбатдошлари.

Хайҳот, кўзларида бир ҳайрат яшар,
Сезасиз қадардан холийлигини.
У ўзин атайди оддий бир башар,
У билмас ўзининг ВАЛИЙЛИГИНИ!

@xayrulla_xamidov1 Ochish/sharhlash

2022-04-04 02:01:24 "Ўзи йил бўйи тиши сарғайиб юрди. Сўнг Рамазон келиши билан шайхларни безовта қила бошлади:
Рўзадор бўлганим ҳолда тишимни паста билан тозаласам бўладими, ҳазратим?.."

Қахрамон Асланов
@xayrulla_xamidov1 Ochish/sharhlash

2022-04-03 08:35:07 Эй нафсим, қаршингда тиз чўкдим мангу,
Ҳеч-да тўхтатмадинг ҳавас ўйларни:
Рамазон ойида тузалмадингку,
Қандоқ кучи етсин бошқа ойларни?!

@xayrulla_xamidov1 Ochish/sharhlash

2022-03-07 07:40:06 Бобом билан суҳбат...

-Нега эсингиздан у кунлар чиқмас,
Нечун чарчамайсиз ҳикоя айтиб?
-Сўйлаб ўтиришку аслида ёқмас,
Келмасин дейман-да у кунлар қайтиб!

Кўраман - нур эмган ҳаётинг обод,
Шукр, бу дамларнинг қирғин-жанги йўқ.
Болам, нигоҳингга боқсам -дилим шод,
Қувноқ кўзларингда уруш ранги йўқ!

-Не сабаб жуда кам ухлайсиз, бобо,
Тун ичра бу ҳолга ҳайрон боқаман?
-Мени қийнар доим битта муаммо-
Тушимда ҳам уруш кўриб чиқаман!

@xayrulla_xamidov1 Ochish/sharhlash

2022-02-22 11:37:17 Жамиятдаги аёлларнинг ҳаёси ўша жамият эркакларининг номуси билан ўлчанаркан.
Аёлдан ҳаё кўтарилдими, демак аввалрок эркакдан номус кетган.

@xayrulla_xamidov1 Ochish/sharhlash

2022-02-21 07:51:55 Кимдир ўлар севгани учун,
Кимдир севар ўлмаслик учун.

@xayrulla_xamidov1 Ochish/sharhlash