Тўғри ёзамиз — мутахассис блоги

2023-04-22 09:49:42 Қайси иш билан шуғулланманг, ўша ишнинг ҳақиқий мутахассиси бўлинг. Ишингизни шундай бажарингки, уни кўрган одам: «Вау, эринмаган одам экан, жуда пухта иш қилибди», деворсин. Шунда одамлар сизни, яъни ўз ишининг устасини ҳурмат қилади.

Такси ҳайдовчисимисиз — одамларни шундай ташингки, улар сиздан мамнун бўлсин. Мижоз «кўча бошигача» деса, эшигининг олдигача ташлаб қўйинг, олдингизда қайтим олиб юринг, шаҳардаги турли манзилларни ўрганинг.

Дўконда сотувчимисиз — ишингизни зўр бажаринг. Бунинг учун кимга нима кераклигини аниқлашни ўрганинг, маҳсулотингиз афзалликларини тушунтиришни билинг, муомалали бўлинг.

Оддийгина эшик очиб-ёпувчимисиз — буни ҳам пухта бажаринг. Бунинг учун диққатли бўлинг, одамларни табассум билан кутиб олинг ва кузатиб қўйинг, қўлида юки борларга ёрдамингизни таклиф қилинг.

Бизнинг ишда — копирайтингда ҳам қўл учида ёки қунт билан ишлаш мумкин. Ё чала-чулпа матн ёзиб, мижознинг қайта сиз билан ишламаслигига сабаб яратинг, ё маҳорат кўрсатиб, ўзингизга ҳурматни оширинг ва доимий мижозга эга бўлинг. Қандай ишлаш албатта ўз қўлингизда.

@xatoliklar Ochish/sharhlash

2023-04-21 22:05:44 Бир обуначимиздан ўринли мулоҳаза келди:

Янги таҳрирдаги Конституциянинг 58-моддасидаги бандда "хотин-қизлар" деган жумла ўрнига "аёллар" деса тўғрироқ бўлар эди. Шунда "эркак-аёл" сўзлари антоним сифатида тўғри келарди.

Агар "йўқ, биз хотин-қизлар дейишимиз керак дейишса, демак, унинг антоними "эр-йигитлар" бўлади. Мана шуниси тўғри бўлади.

Сиз бу фикрга қандай қарайсиз?

@xatoliklar Ochish/sharhlash

2023-04-21 05:39:35 Кун сўзи

Хайит | Xayit
Ҳайит | Hayit

Рамазон ҳайит | Ramazon hayit
Рамазон ҳайити | Ramazon hayiti

Барчамизга байрам муборак!

@xatoliklar Ochish/sharhlash

2023-04-19 13:08:41 Лайлатул қадр кечаси?

Лайлатул қадр — Қуръонда минг ойдан яхши экани баён қилинган Рамазоннинг бир кечаси.

“Лайл” сўзи тун, кеча маъноларини билдирса, “қадр” — қадр-қиммат, баҳо, тақдир, ўлчов маъноларида келади.

Шундай экан, “Лайлатул қадр” деганда “Қадр кечаси” мазмуни ҳосил бўлади. “Лайлатул қадр кечаси” дейиш эса “Қадр кечаси кечаси” дегандек гап.

Нутқимизда бундай услубий хатоликлар кўп учрайди, айни бу ҳолатдаги хато плеоназм дейилади.

• Плеоназм
• Тавтология

@xatoliklar Ochish/sharhlash

2023-04-17 15:11:04 Расмий маълумотга кўра, бу фейк экан. Тезкор реакция учун университет матбуот хизматига раҳмат: https://t.me/namdu309/17578

Лекин буни ясаган одам эринмаган одам экан.

@xatoliklar Ochish/sharhlash

2023-04-17 14:00:01 Коррупция — фаровон ҳаётимиз пойдевори

Конституциянинг ўрнига коррупция деб ёзиб қўйишибди. Ўзлари билмаган ҳолда "ҳақиқатни" айтиб қўйишган кўринади.

Номитахассислик | Nomitaxassislik
Номутахассислик | Nomutaxassislik

*Расм обуначиларимиздан

@xatoliklar Ochish/sharhlash

2023-04-16 14:02:15 Ижтимоий лойиҳалар яхши, одамларни яхшиликка чорлайди. Аммо уларнинг фойдасидан зарари кўп бўлса, жим қараб туриш ярамайди.

Диний контекстда гумон, ҳасад каби тушунчаларни бош ҳарфда ёзишибди, аммо Аллоҳ лафзини кичик ҳарфда ёзиш учун жуда кўп фаросат керакмас-ку?!

Қуруқ танқид бўлиб қолмаслиги учун матнларни тўғрилаб ёзиб берамиз:

Рўзани ичи
Рўзанинг ичи

Тўхмат
Туҳмат

Фахш
Фаҳш

Номахрам
Номаҳрам

Қурон
Қуръон

оллоҳ
Аллоҳ (ёки Оллоҳ)

Жасадни рўзаси
Жасад(нинг) рўзаси

Таровеҳ
Таровиҳ

Ҳаёл
Хаёл

Муомила
Муомала

Силайи раҳм | Silai rahm
Силаи раҳм | Silayi rahm

*Расм обуначиларимиздан

—————————————

Рўзанинг ичидаги рўза ҳақида
10 та сиз унутган рўза.

1. Тил рўзаси: ғийбат-туҳматдан сақланиш, фаҳш сўзларни айтмаслик, доим зикрда бўлиш.

2. Кўз рўзаси: номаҳрамларга қарамаслик, фаҳшни кўрмаслик, кўпроқ китоб ўқиш.

3. Қулоқ рўзаси: ғийбат ва бекорчи сўзларни эшитмаслик, Қуръон ва маъруза тинглаш.

4. Қалб рўзаси: қалбни Аллоҳнинг ибодатига бўшатиш, бекорчи нарсаларни чиқариб ташлаш.

5. Жасад рўзаси: ибодатни кўпайтириш, таровиҳ намозларини ўқиш.

6. Вақт рўзаси: вақтни бекор ўтказмаслик, ундан унумли фойдаланиб, охират учун тайёргарлик кўриш.

7. Хаёл рўзаси: ёмон хаёл қилмаслик; гумон, ҳасад, иғволардан сақланиш.

8. Эҳсон рўзаси: имкон қадар кўпроқ эҳсон қилиш.

9. Одоб рўзаси: одамлар билан чиройли муомала қилиш.

10. Силаи раҳм рўзаси: қариндошлардан хабар олиш.

@xatoliklar Ochish/sharhlash

2023-04-15 15:57:25 Ҳозирги ёшлар — бало!

Бир жияним бор, болалигида инглиз тили қайнаётган қозонга тушиб кетган. Лекин русчани (яна арабча, татарча, қозоқча, суахилиниям) умуман билмайди.

Шу десангиз, нимадир керак бўлиб, "Ўзбекистон ҳаво йўллари" МАКга қўнғироқ қилибди. Гўшакни русийзабон аёл кўтарибди.

Йигитча ўзбекча гапирса, миллий авиакомпания вакили ўзбекча билмайман, дебди. Буям шунақами, дебди-ю, инглизчага ўтибди. Ходима тушмагур инглизчаниям билмас экан, гўшакни бошқа одамга бериб юборибди.

"У мен биладиган икки тил — биттаси давлат тили, бошқаси халқаро тилнинг унисиниям, бунисиниям билмас экан-у, яна шу ҳолатига аҳоли билан ишлайдиган лавозимга қўйилибди. Мен эса ўша иккала тилни биламан. Энди давлат компаниясига мурожаат қилиш учун у аёл биладиган учинчи тилниям ўрганишим керакми, — деяпти йигитча. — Давлат ташкилотида ишлар экан, ўзи ўзбек тилини ўрганиб олса бўлмайдими?"

"Мендан буни сўрама, жиян, — дедим, — буни мендан сўрама!"

Алоуддин Садриддинов
@xatoliklar Ochish/sharhlash

2023-04-15 13:18:08 Кирилл алифбосидаги Е ҳарфи икки хил товушни ифодалайди:
• сўз бошида — Йэ
• сўз ўртасида — Э.

Бу ҳарфни лотин алифбосига ўтказганда сўз бошида Ye, сўз ўртасида E деб ёзиш керак.

Ечим —> Echim (Эчим)
Ечим —> Yechim

Философ эса русча сўз, ўзбекчаси файласуф бўлади.

*Расм обуначиларимиздан

@xatoliklar Ochish/sharhlash

2023-04-11 18:53:16 — "Сайёр" сўзини тўғри ёзолмаслик ва баннерни шу ҳолича илиб қўйиш учун қанчалик саводсиз бўлиш керак?
— "Банер"?
— Тушунарли...

Саёр | Sayor
Сайёр | Sayyor

*Расм обуначиларимиздан

@xatoliklar Ochish/sharhlash