Тўғри ёзамиз — мутахассис блоги

2023-03-24 17:56:42 Мурожаат: Рамазонга ҳамма чегирма қиляпти, сиз ҳам копирайтинг курсига чегирма қилинг.

Жавоб:
— Премиум тарифини бошқа очмаймиз деганмиз.
— Стандарт тарифи учун ўқувчиларни назорат қилиш ва вазифаларни текширишга ҳозирча имконим йўқ.
— Ҳамёнбоп тарифида ўқиш истагида бўлганлар ўқияпти.

Қолиб кетганлар ва Рамазондан фойдаланиб ўқиб олмоқчи бўлганлар бўлса, изоҳларда "+" белгисини қолдиринг. Хоҳловчилар кўп бўлса, чегирма берамиз албатта.

Қўшимча маълумот: https://teletype.in/@xatoliklar/kurs-0 Ochish/sharhlash

2023-03-21 14:56:10 Тилшунос сифатида мени қизиқтирган савол: нима учун бу қурилма «уяли телефон», «уяли алоқа воситаси» деб номланган? Уяси борми бунинг ёки бундан бошқа маъно кўзланганми?

Билсангиз, ўртоқлашинг

@xatoliklar Ochish/sharhlash

2023-03-21 11:51:17 Янги Боғ ёки Янгибоғ?

Биринчи қисми сифат, иккинчи қисми турдош отдан ҳосил қилинган жой номлари қўшиб ёзилади.

Янги Боғ кўчаси | Yangi Bog‘ ko‘chasi
Янгибоғ кўчаси | Yangibog‘ ko‘chasi

*Расм обуначиларимиздан

@xatoliklar Ochish/sharhlash

2023-03-20 16:06:21 Маълумот учун, каналимизнинг лотин алифбосида юритиладиган нусхаси ҳам бор. Матнларни лотин алифбосида ўқишни истаганлар обуна бўлиб қўйсалар бўлади.

Бироқ постлар аввал шу асосий каналда, бирмунча вақт ўтиб иккинчисида чиқади.

Марҳамат: @xatoliklar_lotin Ochish/sharhlash

2023-03-20 13:17:02 Bosch'нинг ишини қайси агентлик олган? Сизларда ўзбекча савол берса ҳам русча жавоб бериладими? Ўзбекча биладиган бирор ишчи йўқми?

Кўриниб турибдики, таржимон ҳам таржимани "қойиллатган": жумлалар ғализ, хатолар кўп, сўзма-сўз таржима. Бунинг устига, таржимон қавс ичида жумлалар учун вариантлар берган. Қавсдагини ё олиб ташлаш, ё ўрнини алмаштириш керак эди. Таржимондан ишни қабул қилаётганнинг бунга ақли етмаган ва матнни таргетологга шу ҳолича жўнатиб қўяверган.

Хуллас, Bosch'дек улкан компания ўз фаолиятини Ўзбекистонда тузукроқ юритиши учун масъулиятлироқ агентлик тополмагани ачинарли.

@xatoliklar Ochish/sharhlash

2023-03-18 16:39:12 Янги Ўзбекистоннинг эски муаммолари. Биз ўзи бундай саводхон ва ўта масъулиятли инсонлар билан бирдан саккизинчи Ренессансга сакраб ўтишимиз керак эди.

Ҳар ким ўз ишини қилса эди...

*Расм обуначиларимиздан

@xatoliklar Ochish/sharhlash

2023-03-18 08:25:20 Кўпчилик йўл қўядиган хато:

Хато: Душманни яксон қилди.

Тўғри: Душманни ер билан яксон қилди.

«Яксон» сўзи баробар деган маънони англатади. «Душманни яксон қилди» дегани душманни баробар қилди, деганидир.

@barno_saidrahmon Ochish/sharhlash

2023-03-17 20:14:52 Сайил ёки сайл?

Сайил деб бирор байрам ёки ҳодиса муносабати билан ўтказиладиган сайр-томошаларга ёки шу тадбирларда сайр қилиб юриш жараёнига айтилади.

Луғатларга кўра, сайил шакли тўғрироқ. Унда нега халқ сайли? Тилимизда эгалик қўшимчаси қўшилиши билан товуш тушиб қоладиган сўзлар бор: бурун — бурни, сингил — сингли, ўғил — ўғли, кўнгил — кўнгли, қорин — қорни.

Сайил сўзи ҳам айни шундай сўзлар жумласидан. Демак, унга ҳам эгалик қўшимчаси қўшилганда ўзагида бир товуш тушиб қолади: сайил + и = сай(и)ли. Бу ҳолатда ёзувда фонетик тамойилга риоя қилинади, яъни қандай айтилса, шундай ёзилади.

Сайл | Sayl
Сайил | Sayil

Сайлгоҳ | Saylgoh
Сайилгоҳ | Sayilgoh

Халқ сайили | Xalq sayili
Халқ сайли | Xalq sayli

@xatoliklar Ochish/sharhlash

2023-03-17 08:44:06 Ишингизда ҳаловат, пулингизда барака бўлмаяптими?

Ҳар бир инсон қалбида ҳаловат бўлишини истайди. Қилаётган ишим тўғрими-йўқми деб иккиланяпсизми? Сизга «Баракали молия» курси ёрдам беради.

Курсда ўқиб саволларингизга жавоб оласиз, бизнесдаги муаммоларингизга ечим топасиз.

Курсда нималарни ўрганамиз?
Ахлоқий иқтисод: маркетинг, савдо, ижара ва бошқа молиявий муносабатлар.

Ўзимизнинг ва ўзгаларнинг (раҳбар ва ишчи, харидор ва сотувчи, ҳамкор ва шерик, етказиб берувчилар кабиларнинг) ҳақларини билиш ва адо этиш.

Дастур ҳақида батафсил малумот

Ҳаловатга нима етсин?

Рўйхатдан ўтинг: http://bit.ly/427KaaH
Худо хоҳласа, кетган вақтингизга ачинмайсиз.

Жойларимиз чекланмаган, лекин умримиз чекланган... Ochish/sharhlash

2023-03-14 08:00:44 Яна транскрипция масаласи

Сўнгги пайт инглизча digital (рақамли) ва шу сўздан ясалган бошқа иборалар қулоққа тез-тез чалиняпти: дижитализация (рақамлаштириш), дижитал-муҳит, дижитал-маркетинг...

Хўш, ўзбек тилида бу сўз қандай ёзилади?

Кирил алифбосида:
Диджитал
Дижитал

Лотин алифбосида:
Digital
Dijital

Digital — инглизча сўз, унга биз ҳатто ўзбекча қўшимча қўшиб юборяпмиз. Инглиз тилини ва инглизча талаффузни билмайдиганлар буни дижитал эмас, дигитал деб ўқийди.

Мулоқотда фаол ишлатила бошлаган сўзларни қачон транскрипция қилишни бошлаймиз?

@xatoliklar Ochish/sharhlash