Тўғри ёзамиз — мутахассис блоги

2023-05-04 20:02:42 Ўзбекчада нуқул қовун туширишади-ю, лекин шу русча ва инглизчада ҳеч адашишмайди-я булар.

*Расм обуначиларимиздан

@xatoliklar Ochish/sharhlash

2023-05-01 15:11:18 Кейс: салбий тажриба №1

Яқинда менга 20 дона мусҳаф керак бўлиб қолди. Зудлик билан етказиб берадиган дўкон бўлса, мен сабабли камида 1 млн, бўлмаса 2 млн сўмлик савдо қиларди.

Ўзим билган Shams, Qamar ва Munir китоб дўконларига қўнғироқ қилдим ва/ёки Telegram аккаунтлари орқали мурожаат йўлладим. Ҳеч биридан жавоб келмади — гўшакни кўтаришмади, қайта қўнғироқ қилишмади, Telegram'да ҳам жавоб йўллашмади. Билишимча, Hilolnashr дўкони китобларни почта орқали чиқаради ва жўнатма 3 кун ичида келади. Менга эса 1-2 соат ичида етказилиши керак эди.

Хулоса: Китоб дўконлари иши ҳали анча суст экан.

Яхши янгилик: Китоб дўконингиз учун яхши оператор олиб, етказиш хизматини йўлга қўйсангиз, дўконингиз анча ривожланади.

@xatoliklar Ochish/sharhlash

2023-05-01 13:07:44 Кечаги подкастни эшитолмай қолганлар ёки тўлиқ эшитмаганлар бўлса, марҳамат. Биринчи мартасига ёмон эмас. Яхши фикрлар билдирилди, ўзимиз ҳам кўп нарсаларни ўргандик.

1.5 ёки 2 карра тезлаштириб эшитсангиз ҳам бўлади.

@xatoliklar Ochish/sharhlash

2023-04-30 17:59:39 Копирайтерлар чойхонаси (подкасти) бошланяпти. Бир қараб қўйинг (5-10 дақиқа микрофонлар созланса керак):

https://t.me/copirayt?livestream Ochish/sharhlash

2023-04-28 19:14:30 Ochish/sharhlash

2023-04-27 16:46:48 Копирайтер бўламан десангиз Сўнгги пайтлар "Тўғри копирайтинг" курсининг фақатгина "Ҳамёнбоп" тарифига гуруҳлар йиғилди. Бу тариф ҳақиқатан ҳам ҳамёнбоп-ку, лекин шунга кўра озгина камчилиги бор, унда: — уйга вазифалар текширилмайди; — устоз назорати бўлмайди;… Ochish/sharhlash

2023-04-27 16:33:22 Метро бекатларидаги хатолар ҳақида олдин ҳам гапирганмиз. Узр сўраб, тўғрилаб қўйишни айтишган. Аммо фойдаси бўлмаяпти. Яп-янги 8-бекатда уялмай шундай пешлавҳа илиб қўйишибди.

Сирғали
Сергели

Ер усти
Ерусти

Халқа
Ҳалқа

Yo‘ldan-yo‘lga
Yo‘ldan yo‘lga

Лойха
Лойиҳа

Халқа йўл
Ҳалқа йўли

*Расм обуначиларимиздан

@xatoliklar Ochish/sharhlash

2023-04-26 13:50:35 Копирайтер бўламан десангиз

Сўнгги пайтлар "Тўғри копирайтинг" курсининг фақатгина "Ҳамёнбоп" тарифига гуруҳлар йиғилди. Бу тариф ҳақиқатан ҳам ҳамёнбоп-ку, лекин шунга кўра озгина камчилиги бор, унда:
— уйга вазифалар текширилмайди;
— устоз назорати бўлмайди;
— муҳокамаларда устоз деярли қатнашмайди.

"Вазифа текширилмаса, дарсларни қанчалик ўзлаштираётганимизни қаердан биламиз", деган фикрлар бўлди. Шу боис кўпчилик вазифалар текшириладиган тарифга қабул очишимизни сўради.

Илтимосларга кўра, ниҳоят "Стандарт" тарифига қабул бошланди!

Уйга вазифаларни филолог, педагог, ижодкор ва малакали копирайтер — шогирдим Нилуфар Обидова текшириб боради.

Стандарт тарифида ўқиш нархи 900 минг сўм. Аммо сизда чегирма билан ўқиш имконияти бор

Бугун* тўлов қилсангиз: 700 000 сўм
Эртага тўлов қилсангиз: 720 000 сўм
Индинга тўлов қилсангиз: 750 000 сўм

Шу тариқа кейинги кунлари чегирма 50 минг сўмдан камайиб боради. Душанба куни чегирма муддати тўлиқ тугайди.

Курсга чегирма билан ёзилинг: @Copywriting_Support

*Бугун деганда 26 апрель назарда тутилган.

@xatoliklar Ochish/sharhlash

2023-04-25 19:48:44 Талаффузда баъзи ундошлар иккиланадиган сўзлар бор. Масалан: эшшак, теппасида, бошшига, шаббода, жуддаям, мазза.

Тоза сўзи ҳам шулар жумласидан — топ-тозза дейилади кўпинча.

Оҳанги оғзаки нутқ услубини назарда тутадиган бренд шу шаклда ёзса, бу имловий хато саналмайди, чунки айни сўзлашув услуби брендни бошқалардан ажратиб турадиган жиҳати бўлади. Аммо расмдаги бренд сўзлашув услубини ишлатмайди, бу ҳолатда сўз имловий хато билан ёзилган деб саналади.

*Расм обуначиларимиздан

@xatoliklar Ochish/sharhlash

2023-04-23 20:27:03 Синонимлар луғати

Бирор ҳолат ёки ҳодисани сабр-бардош билан кутиш маъносини ифодаловчи синоним сўзлар (бирикмалар) луғати:
- сабр,
- бардош,
- қаноат,
- матонат,
- тоқат,
- тўзим,
- чидам,
- таҳаммул,
- тоб (бермоқ).

Рўйхатни давом эттиринг...

#синонимлар
@xatoliklar Ochish/sharhlash