Hayot davomida o‘qish

2024-03-05 12:56:01 Муваффақиятга эришган ўзбек аёли

Лутфихоним Саримсоқова

Ўзбек театр санъатининг ёрқин юлдузларидан бири, Муқимий номидаги мусиқали драма театри актрисаси Лутфихоним Саримсоқова 1896 йилда Фарғона вилояти Риштон туманидаги Риштон қишлоғида туғилган.

Лутфи Саримсоқованинг ижоди халқ ҳаёти билан боғлиқ. У кўплаб ўзбек аёлларининг тимсолларини гавдалантириб, фарзандининг бахти учун курашувчи чуқур она тимсолларини яратган. Лутфихоним аяни кино санъатида ёрқин, ёдда қоларли образлари билан хотираланади.

“Қасам” фильмида Она, “Шоҳи сўзана”да Холниса, “Фарзандлар”да телба аёл, “Сен етим эмассан” фильмида Фотима опа, “Маҳаллада дув-дув гап”да Меҳринисо, “Ҳадя” фильмида Ҳадя ва бошқа ўнлаб ролларда суратга тушган.

У “Ўзбекистон халқ артисти” унвони ҳамда орден ва медаллар билан тақдирланган. 95 ёшида 1991 йили вафот этган. Ўзбекистон Республикаси истиқлолининг ўн йиллигида унга “Буюк хизматлари учун” ордени берилган. Ochish/sharhlash

2024-03-05 11:34:52 Maktablarda davomat 99,99 foizni tashkil etadi

Bu yaponiya maktablari to‘g‘risidagi statistika.

Yaponiyada maktab o‘quvchilari 10 yoshgacha — 4-sinfga qadar imtihon topshirmaydi, faqat kichik mustaqil ishlar bilan cheklaniladi, xolos. Mamlakatda ta‘limning dastlabki uch yilida akademik bilimlar olish u qadar muhim hisoblanmaydi. Asosiy urg‘u tarbiyaga qaratiladi — bolalar odamlarni va jonivorlarni hurmat qilishga, bag‘rikenglikka, rahmdillikka, haqiqatparvarlikka, o‘zini nazorat qila olishga va tabiatni asrashga o‘rgatiladi.

Yaponiya maktablarida farroshlar yo‘q, ularning ishini o‘quvchilar bajaradi

Har bir sinf kabinetlar, koridorlar va hatto hojatxonalarni navbatma-navbat yig‘ishtiradi. Bu bilan bolalarga erta yoshdan jamoa bo‘lib ishlash va bir-biriga yordam ko‘rsatish o‘rgatiladi. Bundan tashqari, yig‘ishtirishga ko‘p vaqt va kuch sarflagan o‘quvchilar bundan keyin binoning ifloslanishiga imkon qadar yo‘l qo‘ymaslikka urinadi.

Maktablarda davomat 99,99 foizni tashkil etadi

Biror marta maktabdagi mashg‘ulotlarni o‘tkazib yubormagan odamni eslashimiz qiyin kechadi, lekin Yaponiya uchun bu me‘yorga aylangan holat. Bundan tashqari, yapon o‘quvchilari mashg‘ulotlarga deyarli hech qachon kech qolmaydi. Maktab o‘quvchilarining 91 foizi har doim o‘qituvchiga quloq soladi.

Bitta bitiruv imtihonining natijalari hammasini hal qiladi

Yuqori sinflar yakunlanganidan so‘ng o‘quvchilar bitta test topshiradi, uning natijalari kim oliygohga kira olishini hal qiladi. Bitiruvchi faqat bitta oliygohni tanlash huquqiga ega, uning tanlovi kelajakdagi maoshini va hayot darajasini belgilab beradi. Raqobat ancha kuchli — bitiruvchilarning 76 foizi maktabdan so‘ng ta‘limni davom ettiradi.

Internet materiallari asosida tayyorlandi Ochish/sharhlash

2024-02-27 10:28:51 Hurmatli pedagoglar!

Ertaga — 28-fevral kuni soat 11:00 da Maktabgacha va maktab taʼlimi vazirligining rasmiy facebook sahifasida pedagog kadrlarni attestatsiyadan oʻtkazish tartibiga bagʻishlangan jonli muloqot tashkil etiladi.

Muloqot doirasida vazirlik masʼullari tomonidan mavzuga doir savollarga atroflicha javob berib oʻtiladi.

Savollaringizni mazkur havola izohida qoldirishingiz mumkin.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-02-24 20:07:40 #Insta_loyiha2
#Maktab

Яхши тарбия — бу бизнинг бахтли кексалигимиз, ёмон тарбия — ғам-аламларимиз, кўз ёшларимиз ва бутун мамлакат олдидаги айбимиздир.
——————

Видеоролик “Баркамол авлод” болалар мактаби ва Тошкент шаҳридаги 243-мактаб устозлари, ўқувчилари ва мактаб раҳбарияти иштирокида тайёрланди.

Telegram Ochish/sharhlash

2024-02-18 13:49:24 #InstaLoyiha
#Maktab

Biz hammamiz har xilmiz, lekin bizni bir narsa birlashtiradi.
Bu - odamiylik!

Telegram Ochish/sharhlash

2024-02-14 10:28:43 Toshkent xalqaro matematika olimpiadasi respublika bo‘ylab yosh iqtidor egalarini bellashuvga chorlaydi!

Joriy yilning 24-25-fevral kunlari 3-11-sinf o‘quvchilari uchun olimpiadaning birinchi bosqichi onlayn o‘tkaziladi.

Qoraqalpog‘iston Respublikasi, Toshkent shahri va barcha viloyatlar kesimida umumta'lim muassasalari - maktablar, akademik litsey va ixtisoslashgan maktablar o‘quvchilariga o‘z matematik bilimlarini namoyish etish imkoniyati taqdim etiladi.

Barcha ishtirokchilar sertifikatlar bilan taqdirlanadi. Jami 450 mln so‘mlik mukofot jamg‘armasiga ega olimpiadaning g‘olib ishtirokchilarini esa oltin, kumush, bronza medallari, pul mukofotlari, esdalik sovg‘alari, eng muhimi xalqaro universitetda o‘qish uchun 100% lik grantlar kutmoqda!

Olimpiadada ishtirok etish uchun hoziroq ro‘yxatdan o‘ting
@tasimo_bot
@tasimo1_bot
@tasimo2_bot
@tasimo3_bot

Batafsil ma'lumot olish uchun: +998555084400

@tashkent_imo Ochish/sharhlash

2024-02-08 20:03:56 #Сўраган_эдингиз
#Menejerlik_sertifikati

Menejerlik sertifikatiga o'qish davrida ish haqqi saqlab qolinadimi? Ushbu sertifikatga ega nomzodlarga ustama belgilanadimi?

Vazirlar Mahkamasining 2023-yil 25-dekabrdagi 681-son qaroriga muvofiq, endi maktab direktorlarining vakant lavozimlariga faqat menejerlik sertifikati mavjud va rahbar kadrlar zaxirasiga kiritilgan nomzodlar orasidan tanlab olinadi.

Bunda maktab direktorligiga nomzod xodimlar ish jarayonidan ajralgan holda o‘qisa ish haqqi saqlanmasligi nazarda tutilgan.

Reja-taqsimot bo‘yicha o‘qiyotgan amaldagi direktorlar esa bepul o‘qiydi va o’quvlarga ishdan ajralgan holda jalb etiladi. Bunda ish haqqi saqlanadi, xizmat safari xarajatlari asosiy ish joyidan qoplanadi.

2024-yil sentabr oyidan boshlab tegishli menejerlik sertifikatini qo‘lga kiritgan:

maktab direktorlariga — 50 %;
direktor o‘rinbosarlariga — 30 % miqdorida qo‘shimcha ustama berilishi belgilangan. Ochish/sharhlash

2024-02-08 09:15:25 Sertifikat olgan direktorlar 3 yil davomida malaka oshirish kurslaridan ozod etiladi

Bu "Davlat umumiy o‘rta taʼlim muassasalari direktori lavozimiga nomzodlarni menejerlik o‘quv kurslarida o‘qitish va ularga menejerlik sertifikatini berish tartibi to‘g‘risida"gi nizomda belgilandi.

Nizomga muvofiq, maktablarda faoliyat yuritayotgan direktorlar har 5 yilda bir marotaba menejerlik sertifikatini olishi talab etiladi va sertifikat olgan direktorlar 3 yil davomida malaka oshirish kurslaridan ozod etiladi.

Nomzodlar maxsus portal orqali elektron ro‘yxatdan o‘tadi hamda o‘quv kursida o‘qish uchun ariza topshiradi. Arizalar har oyning 5-sanasigacha (iyul-avgust oylari bundan mustasno) qabul qilinadi.

O‘quv kurslari 20−30 nafar tinglovchidan iborat akademik guruhlarda tashkil etiladi. O‘quv kurslarining davomiyligi 144 soatni tashkil etib, 1 oy davomida o‘qitiladi.

Nomzodlarning ixtiyoriy tanlovi asosida o‘quv kurslari ishlab chiqarishdan ajralgan yoki ajralmagan (masofaviy, onlayn) holda tashkil etilishi mumkin.

O‘quv kurslarini muvaffaqiyatli tugatgan nomzodlar sertifikat berish bo‘yicha yakuniy sinovlarga qo‘yiladi.

Direktorlarning o‘qish davrida ularning asosiy ish joyi bo‘yicha lavozimi va amaldagi o‘rtacha ish haqi miqdorlari saqlab qolinadi.

Mazkur tartib quyidagilarga nisbatan tatbiq etilmaydi:

Prezident, ijod va ixtisoslashtirilgan maktablar;

jismoniy, aqliy, sensor yoki ruhiy nuqsonlari bo‘lgan bolalar uchun ixtisoslashtirilgan taʼlim muassasalari;

sanatoriy turidagi ixtisoslashtirilgan davlat taʼlim muassasalari;

ixtisoslashtirilgan maktab-internatlar va ixtisoslashtirilgan maktablar;

alohida sharoitlarda taʼminlash, tarbiyalash va taʼlim berishga muhtoj bolalar uchun ixtisoslashtirilgan maktablar.

Milliy-tadqiqot institutining rasmiy sahifalarini kuzatib boring

Telegram | Facebook | YouTube |  Instagram Ochish/sharhlash

2024-02-01 18:18:37 #qonunchilikda_yangiliklar

PREZIDENTNING NODAVLAT UMUMIY O‘RTA TA’LIM TASHKILOTLARI TARMOG‘INI KENGAYTIRISHGA DOIR QARORI E’LON QILINDI

O‘zbekiston Respublikasi Prezidentining “Nodavlat umumiy o‘rta ta’lim tashkilotlari tarmog‘ini kengaytirish va ushbu jarayonga tadbirkorlik subyektlarini jalb qilish imkoniyatlarini oshirish chora-tadbirlari to‘g‘risida”gi PQ-49-son qarori e’lon qilindi.

Unga ko‘ra, 2025-yil 1-yanvardan boshlab:

Nodavlat umumiy o‘rta ta’lim tashkilotlari faoliyatini yo‘lga qo‘yish uchun tijorat banklarining o‘z mablag‘lari hisobidan bozor foiz stavkalarida milliy valyutada ajratiladigan, qiymati 20 milliard so‘mgacha bo‘lgan kreditlar bo‘yicha, foiz stavkasining Markaziy bankning asosiy stavkasidan oshadigan, lekin uning 1,5 baravaridan ko‘p bo‘lmagan qismini qoplash uchun Davlat budjeti hisobidan kompensatsiya taqdim etiladi;

nodavlat umumiy o‘rta ta’lim tashkilotlari uchun binolarni yangidan qurgan yoki o‘zining bino va inshootlarida umumiy o‘rta ta’lim faoliyatini yo‘lga qo‘ygan tadbirkorlik subyektlariga 5 yil muddatga ushbu ta’lim tashkilotlari faoliyati bilan bog‘liq bo‘lgan kommunal xarajatlarining 50 foizi Davlat budjetidan qoplab beriladi.

2030-yil 1-yanvarga qadar yuridik shaxslarga o‘z mablag‘lari hisobidan nodavlat umumiy o‘rta ta’lim tashkilotlari binolarini qurish bilan bog‘liq bo‘lgan xarajatlarning foyda solig‘ini hisoblashda ikki yil davomida teng ulushlarda chegirib tashlash huquqi beriladi.

Bunda, nodavlat umumiy o‘rta ta’lim tashkiloti tomonidan ijtimoiy himoyaga muhtoj oilalarning farzandlarini bepul o‘qishga qabul qilish bo‘yicha litsenziya talablari bajarilmagan taqdirda, mazkur bandda nazarda tutilgan imtiyoz va kompensatsiyalar summasi ushbu tashkilot tomonidan Davlat budjetiga qaytariladi. Ochish/sharhlash

2024-02-01 18:05:04 #qonunchilikda_yangiliklar

O‘zbekiston Respublikasi Prezidenti Shavkat Mirziyoev bugun, 1-fevral kuni «Pedagogning maqomi toʻgʻrisida»gi Qonunni imzoladi.

Qonun bilan pedagoglarning huquqlari, majburiyatlari, faoliyatining asosiy kafolatlari, mehnatiga yarasha haq toʻlash, ragʻbatlantirish va ijtimoiy himoya qilish tamoyillari belgilandi.

Milliy-tadqiqot institutining rasmiy sahifalarini kuzatib boring

Telegram | Facebook | YouTube |  Instagram Ochish/sharhlash