2023-04-15 10:13:45
Сирдарё вилояти прокурори Савид Иматов томонидан Сайхунобод туманида фуқаролар билан навбатдаги сайёр қабул ўтказилди.
Қабулда 56 нафардан ортиқ фуқаролар иштирок этиб, улардан электр энергияси ва газ масаласи, кўчаларга янги симёғочлар ўрнатиш, даволаниш учун дори-дармон ажратиш, касбга ўқитиш ва шу каби 25 та масалаларда мурожаатлар келиб тушди.
Ушбу мурожаатларнинг 7 таси жойида ижобий ҳал этилган бўлса, 3 тасига асослантирилган ҳуқуқий тушунтириш берилди. Қолган 15 та мурожаат қўшимча ўрганишни талаб қилганлиги сабабли, иш юритувига қабул қилиниб, мутасадди ташкилот раҳбарларига кўрсатмалар берилган ҳолда, ижроси назоратга олинди.
Шунингдек, қабулдан сўнг "Иттифоқ" маҳалласида яшовчи нуроний оқсоқоллар билан учрашиб, аҳоли турмушида учраётган муаммолар ҳамда уларни ечими бўйича таклифлар, фикр-мулоҳазалар тингланди.
Маҳалла ҳудудида яшовчи ишсиз аёллар бандлигини таъминлаган "Сайхун Иттифоқ" тикувчилик цехи фаолияти билан танишилди.
Сўнгра, "Иттифоқ" маҳалласида яшовчи, 1945 йилда туғилган меҳнат фахрийси Р.Хакимов хонадонида бўлиб, ҳолидан хабар олинди.
Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | YouTube | Facebook
3.9K views07:13