UzA | Tezkor xabarlar

2024-02-03 08:13:44 ДХХ Тошкент вилоятида бош мутахассисни, Бухорода эса архитекторни ушлади

Тошкент вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси бош мутахассиси маҳаллий тадбиркор томонидан Ўртачирчиқ туманида қурилган 3 қаватли савдо мажмуаси биносини фойдаланишга қабул қилиб бериш ва бошқа ҳужжатларини тегишли ташкилотларда ишловчи танишлари орқали ҳал қилиб бериш эвазига 12 минг АҚШ доллари талаб қилади. У сўралган пул маблағидан 10 минг АҚШ долларини олдиндан олган вақтида ушланди.

“Ўзбекистон шаҳарсозлик бўйича лойиҳалаш илмий-тадқиқот институти” архитектори ўз хизмат мавқеидан фойдаланиб ҳамда Бухоро вилояти Қурилиш ва уй-жой коммунал хўжалиги бош бошқармасидаги танишлари орқали, Бухоро шаҳрида қурилиш фаолияти билан шуғулланувчи МЧЖга тегишли 8 сотих ер майдонида бино-иншоотлар қурилиши учун лойиҳа-смета ҳужжатларини тайёрлашга ёрдам беришга 5 минг АҚШ доллари талаб қилади ва сўралган пул маблағини олган вақтида ушланди.

Каналга уланиш
— @uzauz Ochish/sharhlash

2024-02-03 07:30:39 2024 йил 100 минг нафар ўзбекистонлик ишчилар Кореяга бориш имкониятига эга бўлишади

Ташқи меҳнат миграцияси агентлигининг хабар беришича,
Корея Республикаси E-9 визаси асосида, қуйидаги соҳаларда 8-14 февраль кунлари ўтказиладиган танловга Ўзбекистон фуқароларини жалб қилади.
- Ишлаб чиқариш соҳасида, 22248 та;
- Қишлоқ хўжалиги соҳасида 6858 та;
- Хизмат кўрсатиш соҳасида 5403 та;
- Қурилиш соҳасида 2898 та;

Мамлакатимиздаги ушбу соҳалар мутахассислари Кореяда ишлаш истагида бўлсалар, Республикамизнинг барча ҳудудларидаги “Ишга марҳамат” мономарказларида ташкил этилган корейс тили курсларида ўқишлари мумкин.

Каналга уланиш
— @uzauz Ochish/sharhlash

2024-02-02 19:49:21 Андижонда кўпқаватли уйдаги хонадонда ёнғин содир бўлди

Бугун, соат 18:13 да Андижон шаҳар “Иқбол” МФЙ, 39-кўпқаватли уйнинг 61- хонадонида газ ҳаво аралашмасининг чақнаши сабабли ёнғин юзага келганлиги тўғрисида Андижон вилояти фавқулодда вазиятлар бошқармасига хабар келиб тушган.

Воқеа жойига 3 та Ёнғин қутқарув экипажи етиб бориб, ёнғин ўчирилган.

Ёнғин натижасида 1 нафар фуқаро жароҳат олган 1 нафар фуқаро вафот этган.

Каналга уланиш
— @uzauz Ochish/sharhlash

2024-02-02 18:15:13 #TAYINLOV

Минҳожиддин Ҳожиматов (Минҳожиддин Мирзо) Ёзувчилар уюшмасининг ижодий масалалар бўйича биринчи ўринбосари лавозимига тайинланди.

Каналга уланиш
— @uzauz Ochish/sharhlash

2024-02-02 15:30:23 #TAYINLOV

Республика Маънавият ва маърифат марказига янги раҳбар тайинланди

Отабек Абдурашидович Ҳасанов Маънавият ва маърифат маркази директори этиб тайинланди.

У тайинловга қадар Президенти ҳузуридаги Давлат хизматини ривожлантириш агентлиги директори биринчи ўринбосари сифатида ишлаб келаётган эди.

Каналга уланиш:
@uzauz Ochish/sharhlash

2024-02-02 14:32:38 #TAYINLOV

Конгратбай Шарипов Олий таълим, фан ва инновациялар вазири лавозимига тасдиқланди

Ўзбекистон Республикаси Президентининг фармони билан Конгратбай Авезимбетович Шарипов Ўзбекистон Республикаси олий таълим, фан ва инновациялар вазири лавозимига тасдиқланди.

Бундан илгарироқ К.Шарипов номзоди Олий Мажлис Қонунчилик палатаси депутатлари томонидан маъқулланган эди.

Каналга уланиш
— @uzauz Ochish/sharhlash

2024-02-02 13:30:37 #TAYINLOV

Абдурашид Жўрабоев МТРКнинг янги раиси этиб тайинланди

Ҳозирги кунга қадар, Ўзбекистон миллий телерадиокомпаниясига раҳбарлик қилиб келган Ходжаев Алишер Жўрақулович лавозимидан озод этилди.

Каналга уланиш
— @uzauz Ochish/sharhlash

2024-02-02 12:00:19 Футбол: Чорак финал бугундан бошланади

Осиё кубогининг чорак финал баҳслари бугундан старт олади.

Ўйин жадвали қуйидагича:

2 февраль, яъни бугун соат 16:30 да Тожикистон — Иордания. 20:30 да эса Австралия — Жанубий Корея ўйнайди.

3 февраль куни эса Эрон — Япония. 16:30 да, Қатар — Ўзбекистон. 20:30 да баҳслашади.

Маълумот учун ярим финал баҳслари 6-7 февраль кунлари 20:00 да бўлиб ўтади.

Финал эса 10 февраль, шанба куни. 20:00 да бошланади.

Каналга уланиш:   
@uzauz Ochish/sharhlash

2024-01-31 14:39:05 ЎЗБEКИСТОНДА КАМБАҒАЛЛИК ДАРАЖАСИ 11 ФОИЗГА ҚИСҚАРДИ

Иқтисодий тадқиқотлар ва ислоҳотлар маркази ва Статистика агентлиги томонидан 2023 йил учун Ўзбекистонда камбағаллик даражаси таҳлил қилинди.

Статистика агентлиги томонидан ўтказилган 16 мингта уй хўжаликлари кузатувларига кўра, мамлакатимизда камбағаллик даражаси 2023 йил якунида 11,0 фоизгача пасайди.

Мамлакатимизда ўтган йилга нисбатан 3,1 фоизга камбағаллик қисқарган. 2022 йил натижаларида камбағаллик даражаси 14 фоизни ташкил этган. Жараён Жаҳон банки экспертлари томонидан текширилди.

Камбағалликнинг пасайиши барча вилоятларда қайд этилди: Сирдарё (19,5% дан 13,8% гача), Андижон (17,4% дан 11,9% гача) вилоятлари ва Қорақалпоғистонда (19,9% дан 13,7% гача) сезиларли даражада қисқарган.Минимал ўзгаришлар Тошкент шаҳри (8,5% дан 7,9% гача) ва Бухоро (11.9% дан 11,8% гача), Қашқадарё (12,7% дан 11,5% гача) вилоятларида аниқланган.

Каналга уланиш:
@uzauz Ochish/sharhlash

2024-01-31 13:48:10 Ўзбекистонликлар учун Қозоғистонда рўйхатдан ўтмасдан қолиш муддати узайтирилди

Қозоғистон парламенти бугун ратификация қилган келишувга кўра, Ўзбекистон фуқаролари учун Қозоғистонда рўйхатдан ўтмасдан қолиш муддати 30 кунгача узайтирилди. Эски тартибга кўра, бу муддат 5 кунни ташкил этарди.

Худди шу тартиб қозоғистонликлар учун ҳам амал қилади.

Каналга уланиш:   
@uzauz Ochish/sharhlash