Xalq ta'limi xodimlari | RASMIY KANAL

2023-07-05 17:00:33 ​​ Pedagogik faoliyatga oid ish staji qanday aniqlanadi?

Sirtqi ta’lim shaklidagi quyidagi ta’lim yo‘nalishlariga o‘qishga kirish uchun pedagogik faoliyatga oid kamida 5 yillik ish staji talab etiladi:

boshlang‘ich ta’lim;
tasviriy san’at va muhandislik grafikasi;
musiqa ta’limi;
jismoniy madaniyat;
texnologik ta’lim.

Ushbu ta’lim yo‘nalishlariga xalq ta’limi tizimida kamida 5 yil ish stajiga ega bo‘lib, hozirda ushbu tizimda faoliyat ko‘rsatib kelayotgan pedagog xodimlar abituriyent sifatida ro‘yxatdan o‘tishi mumkin.

Abituriyentlarning mazkur toifaga kirish yoki kirmasligi Maktabgacha va maktab ta’limi vazirligining tegishli axborot tizimi orqali aniqlanadi.

Abituriyent ro‘yxatdan o‘tgan vaqtda vazirlikning axborot tizimiga real vaqt rejimida so‘rov yuborilib, 5 yillik pedagogik stajga ega ekanligi tasdiqlangan abituriyentlarga ushbu yo‘nalishlarni tanlashga ruxsat beriladi.

Agar abituriyent 5 yillik pedagogik stajga ega bo‘lsa-yu, lekin tizimda bu tasdiqlanmasa o‘zi faoliyat yuritayotgan ta’lim muassasasiga (maktabga) murojaat qilishi lozim.

Boshqa ta’lim yo‘nalishlari uchun esa pedagogik faoliyatga oid staj talab etilmaydi va ularga istalgan abituriyent onlayn ro‘yxatdan o‘tishi mumkin.

@uztdi


https://t.me/ustozlar_uchun Ochish/sharhlash

2023-07-04 07:05:48 #Энг_долзарб_саволларга_жавоблар!

Таълим даражаси юқори бўлмаган ("қизил") мактабга ишга кириш учун нима қилиш керак?

Савол: Мен Сурхондарё вилояти Шеробод туманидаги мактабларнинг бирида тарих фанидан дарс бераман. Мен Андижон вилоятидаги таълим даражаси юқори бўлмаган ("қизил") мактаблардан бирига бориб ишламоқчиман. Бу учун кимга мурожаат қилишим керак бўлади? (Т.М.Х)

Жавоб: Низомнинг 13-банди: Бошқа ҳудудлардаги таълим даражаси юқори бўлмаган мактабларда дарс бериш истагини билдирган ўқитувчи-педагоглар электрон платформага киритилган таълим даражаси юқори бўлмаган мактабларнинг бирини танлаб, кўрсатилган вакант соатлар бўйича 15 майдан 25 июлга қадар умумтаълим мактаби директорига тўғридан-тўғри мурожаат қилади.

Низомнинг 14-банди: Ўқитувчи-педагоглар таълим даражаси юқори бўлмаган мактаб директорига қуйидаги ҳужжатларни тақдим этади:
мутахассислиги, дарс берадиган фанини кўрсатган ҳолда директор номига ариза;
доимий яшаш манзили (ҳудуд, туман/шаҳар номи), телефон рақами кўрсатилган маълумотнома — объективка;
олий ёки биринчи малака тоифасига эга эканлигини тасдиқловчи сертификат нусхаси.

Низомнинг 16-банди: Таълим даражаси юқори бўлмаган мактабларда дарс бериш истагини билдирган ўқитувчи-педагогларни саралаш бўйича Ишчи гуруҳ (кейинги ўринларда — Ишчи гуруҳ) тузилади.
Ишчи гуруҳ таркибига мактаб директори, директорнинг ўқув ишлари бўйича ўринбосари, кадрлар бўйича менежер (инспектор), психолог, мактаб касаба уюшмаси вакили киритилади.

Низомнинг 17-банди: Ишчи гуруҳ мурожаат этган ўқитувчи-педагоглар томонидан тақдим этилган ҳужжатларни ўрганиб чиқади.
Белгиланган талабларга мос келган ҳамда вакант соатлар бўйича бир ўринга икки ва ундан ортиқ номзодлар бўлган тақдирда, улар касбий билим ва кўникмалар, педагогик маҳорат ҳамда психологик қобилият йўналишида Ишчи гуруҳ томонидан суҳбатдан ўтказилади.
Саралаш онлайн тарзда ҳам амалга оширилиши мумкин.
Таълим даражаси юқори бўлмаган мактаб ҳар йили 5 августга қадар Ишчи гуруҳ томонидан ўтказилган ўрганиш ва суҳбат натижаларига кўра сараланган ўқитувчи-педагоглар ҳақидаги маълумотларни электрон платформага киритади.

P.S. Таълим даражаси юқори бўлмаган мактабларда ишламоқчи бўлган ўқитувчи-педагоглар:
тегишли фан йўналиши бўйича олий маълумотга эга бўлиши;
дарс бераётган фани бўйича биринчи ёки олий малака тоифасига эга бўлиши;
бошқа ҳудудда камида бир йил педагогик фаолият юритган бўлиши;
амалда фаолият юритаётган мактаб таълим даражаси юқори бўлмаган мактаблар рўйхатида мавжуд бўлмаслиги талаб этилади.


https://t.me/ustozlar_uchun Ochish/sharhlash

2023-07-02 07:28:31 #Диққат

Бугун, 2-июл куни Ўзбекистон Республикаси Давлат Герби қабул қилинганлигига 31 йил тўлди.


https://t.me/ustozlar_uchun Ochish/sharhlash

2023-07-01 08:08:48 PEDAGOG XODIMLAR USTAMA OLISHLARI UCHUN NIMA ISHLAR QILISHI KERAK VA QANDAY HUJJATLAR TAQDIM ETILADI?

Xalq ta’limi vazirligining 2021-yil 11-iyundagi 02-02/3-1699 sonli xatiga asosan ustama olishga davogar pedagog xodimlardan taqdim etiladigan (asoslovchi) HUJJATLAR RO’YXATI ANIQ belgilab qo’yildi va ortiqcha qog’ozbozlikni oldi olindi.

Yuqorida baholash mezonlari va taqdim etiladigan (asoslovchi) hujjatlar ro‘yxati keltirilgan. Ishchi guruh tomonidan ushbu hujjatlardan boshqa hujjatlarni so‘rash QAT’IYAN MAN QILINADI.

Ishchi guruh chiqargan qarorga hududiy boshqarma, tuman shahar bo‘limlarining aralashuvlari taqiqlanadi.


https://t.me/ustozlar_uchun Ochish/sharhlash

2023-07-01 08:06:41 ​​Magistraturaga qabul boshlanmoqda

2023-yil 1-iyuldan respublika davlat OTMlari magistratura mutaxassisliklariga hujjatlarni onlayn roʻyxatdan oʻtkazish boshlanadi.

2023/2024-oʻquv yili uchun davlat OTMlarining magistratura mutaxassisliklariga oʻqishga kirish uchun hujjatlarni topshirish jarayoni vazirlikning rasmiy http://magistr.edu.uz platformasi orqali 30-iyulga qadar (shu kuni ham) davom etadi.

Shu oʻrinda, magistratura mutaxassisliklariga tanlovlarda belgilangan talab darajasidagi milliy yoki xalqaro sertifikatga ega shaxslar ishtirok etishi mumkin.

Sertifikatlar roʻyxati


https://t.me/ustozlar_uchun Ochish/sharhlash

2023-06-28 04:30:17 #Табрикнома
Ҳурматли юртдошлар, қадрли таълим соҳаси фидойилари!

Аввало, барчангизни шукроналик, меҳр-мурувват, шодлик ва хурсандчилик айёми – муборак Қурбон ҳайити билан чин қалбимдан муборакбод этаман ва сизларга ўзимнинг энг эзгу тилакларимни билдираман.

Барчамизга яхши маълумки, ушбу шукуҳли кунларда ҳар бир ватандошимиз оила аъзолари ва яқинларига ўзининг энг эзгу тилакларини билдириб ўтади. Қалбида эзгулик ҳисси мужассам ҳар бир инсон ўзгаларга яхшилик улашишга ошиқади.

Шу маънода Қурбон ҳайити бугунги тинч ва тотув кунларимиз қадри, оилаларимиз тотувлиги, дастурхонимиз тўкинлиги, турмушимиз фаровонлигини кўпроқ ҳис қилишга ундайдиган файзли ва баракотли айёмдир.

Азиз ватандошлар!

Барчангизни яна бир бор Қурбон ҳайити байрами билан чин қалбимдан қутлаган ҳолда, сизларга сиҳат-саломатлик, оилаларингизга тинчлик-хотиржамлик, бахт-саодат тилайман.

Ҳилола Умарова, Мактабгача ва мактаб таълими вазири


https://t.me/ustozlar_uchun Ochish/sharhlash

2023-06-26 18:28:59 Мактаблардаги таълим сифати: ўқувчиларга малакали муаллим, яхши шароит ва интерактив дарсликлар керак

Мактаб таълими чуқур ислоҳотларга муҳтожлиги аён. Ўзгаришларнинг мевасини кўриш учун ҳали яна 8-10 йил керак бўлади. Хўш, 10 йилдан кейин кўзланган натижага эришиш учун бугун нималар қилиш керак?

https://kun.uz/34569757


https://t.me/ustozlar_uchun Ochish/sharhlash

2023-06-26 05:46:24 ​​ S – science - tabiiy fanlar
T – technology -  texnologiya
E – engineering – muhandislik
A – art  - san’at
M – mathematics – matematika
                                                                                    Maktabgacha ta’limda STEAM texnologiyasining nazariyasi va amaliyoti - maktabgacha yoshdagi bolalarga har tomonlama ham ijodiy, ham texnik bilim berishning maqsadi, maktabgacha yoshda bolaning imkoniyatlaridan kelib chiqib, ularda texnik ijodkorlikni tarbiyalashning roli, bola shaxsining shakllanishida ijodiy muhitning ahamiyatiga asoslanadi.

Hozirgi kunda bu innovasion texnologiyaning STEM, STEAM, STREAM shakllari butun dunyoda xususan rivojlangan mamlakatlarning milliy ta’lim dasturlariga kiritilmoqda.AQSH, Kanada, Buyuk Britaniya, Rossiya, Izroil, Singapur, Xitoy, Avstraliya maktablariga STEAM va STREAM texnologiyasi bosqichma – bosqich o‘qish tizimiga kiritilmoqda.

2012-yildan boshlab STEAM texnologiyasini maktabgacha ta’lim tizimiga tadbiq etish masalasi bilan ko‘plab rivojlangan davlatlar mutaxassislari shug‘ullanishmoqda.  

    STEAM texnologiyasi asosida ta’lim berish kundan kunga asosiy global tendentsiyalardan biri sifatida rivojlanmoqda va faoliyatlarda fanlararo, amaliy yondashuvni qo‘llashga, shuningdek,  texnologiya va tabiiy fanlarni yagona ta’lim yo‘nalishiga birlashtirishga asoslangan. 

Bu kabi zamonaviy ta’lim texnologiyasi uchun esa, zarur shart  - shatoitlar ya’ni STEAM texnologiyasida rivojlantiruvchi muhitni tashkil etish (STEAM laboratoriyasi misolida), STEAM ta’limining uzluksizligini ta’minlash, maktabgacha yoshdagi bolalarni modularda qobiliyatini inobatga olgan holda guruhlarga bo‘lish, amaliy mashg‘ulotlarni tashkil etish,  bolalarning amaliy faoliyat jarayonida esa, mustaqil tarzda tajribalar asosida o‘z g‘oyalarini to‘plashlari va o‘zaro fikr almashishlari talab etiladi.


https://t.me/ustozlar_uchun Ochish/sharhlash

2023-06-25 15:47:45 Бугун президентликка номзодларнинг теледебати ўтказилади

Ўзбекистон Президенти сайлови муносабати билан 25 июнь куни соат 18:00 да президентликка номзодларнинг вакиллари ўртасида теледебат бўлиб ўтади.

— Теледебатни ''Ўзбекистон 24'', ''Ўзбекистон'', ''Маҳалла'', ''УзРепорт'', ''Ренессанс'' ва ''ЗўрТВ'' телеканалларида ўзбек тилида (сурдо таржима билан);— ''Ёшлар'' телеканалида инглиз тилидаги таржимаси билан;— ''Дунё бўйлаб'' ва ''Тошкент'' телеканалларида рус тилидаги таржимаси билан;— ''Қорақалпоғистон'' телеканалида қорақалпоқ тилидаги таржимаси билан томоша қилиш мумкин.


https://t.me/ustozlar_uchun Ochish/sharhlash

2023-06-23 21:34:19 ​​ “Oʻqituvchilarga taʼtil pulidagi farq toʻlab beriladi” — masʼullar

Kambagʻallikni qisqartirish va bandlik vazirligi boshqarma boshligʻi Laziz Qarshiyevning Kun.uz soʻroviga javoban maʼlum qilishicha, taʼtil davomiyligini 48 kalendar kuni (41 ish kuni) deb hisoblash noqonuniy hisoblanadi.

“Kim shunaqa qilayotgan boʻlsa, qonunbuzilish hisoblanadi. Agar shunday holatlar kuzatilsa, tumanlardagi vazirlikning bandlik boʻlimlariga murojaat qilishsa, kam taʼtil puli toʻlanayotganlarga 7 kun farqi, albatta, toʻlab beriladi”, – dedi u.

Qarshiyev oʻqituvchilarning taʼtil davomiyligi borasida normativ hujjat loyihasi Vazirlar Mahkamasiga kiritilganini aytdi.

“Ammo bu hujjat hali qabul qilinmadi degani oʻqituvchilarga 41 ish kuniga taʼtil belgilanishi kerak deganimas. Chunki mehnat shartnomalari oʻz kuchida, shartnoma 48 ish kuni deb berilgan, demak yakshanbalarni ham qoʻshib 56 kalendar kuni deb belgilab berishi kerak”, – dedi u.

Vazirlik masʼuliga koʻra, bunday holat hamma hududda ham kuzatilmayapti. “Qonunlarni tushunmagan adliya boʻlimlari tomonidan bunday xatoga yoʻl qoʻyilayotgan boʻlishi mumkin”, – dedi Qarshiyev.

Maktab va maktabgacha taʼlim vazirligi masʼullarining Kun.uzʻga maʼlum qilishicha, Adliya vazirligi hududiy yuridik xizmat koʻrsatish markazlariga Vazirlar Mahkamasi qarori chiqquncha, eski Mehnat kodeksi boʻyicha taʼtil davomiyligi belgilanishi borasida xulosa berishni tavsiya qilgan. Vazirlar Mahkamasi qarori chiqqanidan keyin, taʼtil 56 kalendar kuni deb hisoblanadimi yoki 48 kalendar kunimi – oʻrtadagi farq toʻlab berilishi aytilmoqda.


https://t.me/ustozlar_uchun Ochish/sharhlash