ТОШКЕНТ ВИЛОЯТ АДЛИЯ БОШҚАРМАСИ АХБОРОТ ХИЗМАТИ/TOSHKENT VILOYAT ADLIYA BOSHQARMASI AXBOROT XIZMATI

2021-12-11 13:16:01 #Қонунчиликдаги_янгиликлар

Ипотека кредити бўйича субсидияларни тўлашда квартира майдонининг энг кўп меъёрини белгилаш амалиёти бекор қилинади

“Бозор тамойилларига асосланган ипотека кредитлари орқали аҳолини уй-жой билан таъминлашга оид қўшимча чора-тадбирлар тўғрисида”ги Президент фармони (ПФ–33-сон, 09.12.2021 й.) қабул қилинди.

Фармонга мувофиқ, 2021 йил 10 декабрдан:

даромади юқори бўлмаган ва уй-жой шароитларини яхшилашга муҳтож фуқароларга ипотека кредити бўйича субсидияларни тўлашда квартира майдонининг энг кўп меъёрини белгилаш амалиёти бекор қилинади;

дастлабки бадалнинг бир қисмини қоплаш учун субсидиялар – қатъий белгиланган 32 миллион сўм миқдорида, фоиз тўловларининг бир қисмини қоплаш учун субсидиялар – биринчи 5 йил давомида 10 фоиздан ошган қисмига тўланади;

субсидиялар сотиб олинаётган квартиранинг нархи ипотека кредитининг энг кўп миқдоридан ошган тақдирда ҳам тўланади. Бунда, квартиранинг нархи ипотека кредитининг энг кўп миқдоридан ошган тақдирда, қийматнинг қолган қисми қарз олувчи томонидан ўз маблағлари ҳисобидан тўланади;

фуқароларга ипотека кредитини олишда, биргаликда қарз олувчи сифатида улар билан бирга яшамаётган ва яқин қариндоши бўлмаган бошқа шахсларни ҳам жалб қилиш ҳуқуқи берилади.

Шунингдек, фармонга кўра, электрон онлайн-аукцион ғолибларига ер участкаси қийматининг 30 фоизини аукцион якунланган кундан бошлаб 5 иш кунидан кечиктирмай, қолган қисмини 12 ой давомида тенг миқдорда фоизсиз бўлиб-бўлиб тўлаш ҳуқуқи берилади.

2022 йил 1 январдан пудрат ташкилотлари давлат рўйхатидан ўтказилган қурилиши тугалланмаган, том ёпиш ишлари бажарилган кўп квартирали уй-жойларни кредит таъминоти сифатида гаровга тақдим этиши мумкин.

2023 йил 1 январгача цемент маҳсулоти (ТИФ ТН коди 2523) ва энергия тежамкор базальт қопламалари (ТИФ ТН коди 6806 1000 08) импортида божхона божининг ноль ставкаси қўлланилади.

Бундан ташқари, 2022 йилда хотин-қизлар, ногиронлиги бўлган шахслар, етим болалар ва ота-она қарамоғидан маҳрум бўлган болаларга 1 000 та квартира сотиб олиш чоралари кўрилади.

Фармонга кўра, 2022 йилда квартиралар сотиб олиш ва якка тартибдаги уй-жойлар қуриш ҳамда реконструкция қилиш учун жами 43 мингта ипотека кредитлари ажратилади.

Каналга уланиш
https://t.me/toshkentviladliya Ochish/sharhlash

2021-12-10 14:30:36 #Қонунчиликдаги_янгиликлар

Тазйиқ ва зўравонликдан жабрланувчилар бепул даволанади

“Оғир ижтимоий аҳволда қолган хотин-қизлар ҳуқуқлари кафолатларини таъминлаш бўйича қўшимча чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида”ги Қонун (ЎРҚ–736, 09.12.2021 й.) Президент томонидан имзоланди.

Қонун билан “Фуқароларнинг ўзини ўзи бошқариш органлари тўғрисида”ги Қонунга киритилган қўшимчаларга кўра:

Фуқаролар йиғинига – хотин-қизлар ва болаларга нисбатан тазйиқ ўтказган ва зўравонлик содир этган ёхуд бундай ишларга мойил бўлган шахсларни аниқлашда, ушбу шахслар билан олиб бориладиган профилактика ишларида иштирок этиш ваколати;

Фуқаролар йиғини раисига – тазйиқ ва зўравонликка учраган ҳамда бу ҳақда мурожаат қилган хотин-қизларни ҳимоя қилишга доир чора-тадбирларни белгилаш, мазкур фактлар тўғрисида тегишли аёлларни реабилитация қилиш ва мослаштириш марказларига ҳамда ички ишлар органларига зудлик билан хабар бериш ваколати берилди.

“Хотин-қизларни тазйиқ ва зўравонликдан ҳимоя қилиш тўғрисида”ги Қонунга киртирилган қўшимчаларга кўра:

Меҳнат органлари томонидан оилавий муаммоларга ва зўрлик ишлатилишига дуч келган хотин-қизлар бандлигини таъминлаш ва касбга йўналтиришга кўмаклашиш;

Соғлиқни сақлаш органлари томонидан тазйиқ ва зўравонликдан жабрланувчиларга ва уларнинг болаларига бирламчи тиббий ёрдам кўрсатиш, уларни тиббий кўрикдан ўтказиш, шунингдек тазйиқ ва зўравонликдан жабрланувчиларни бепул даволаш чоралари кўрилади.

Ушбу Қонун расмий эълон қилинган кундан эътиборан кучга киради.

Каналга уланиш
https://t.me/toshkentviladliya Ochish/sharhlash

2021-12-10 09:02:59 #Биласизми

10 декабрь (1948 йил) Инсон ҳуқуқлари умумжаҳон декларацияси қабул қилинган.

Инсон ҳуқуқлари умумжаҳон декларацияси - Бирлашган Миллатлар Ташкилоти Бош Ассамблеясининг 1948 йил 10 декабрдаги учинчи сессиясида қабул қилинган ва барча БМТ аъзолари учун тавсия этилган ҳужжатдир. Декларациянинг матни - бу барча одамлар томонидан қўлланиладиган ҳуқуқларнинг биринчи глобал таърифидир.

Декларация 30 та моддадан иборат.

Каналга уланиш
https://t.me/toshkentviladliya Ochish/sharhlash

2021-12-10 07:49:57 #Kun_tarixi

10 dekabr – O‘zbekiston Respublikasining Davlat madhiyasi qabul qilingan kun.

1992 yil 10 dekabr “O‘zbekiston Respublikasining Davlat madhiyasi to‘g‘risida”gi O‘zbekiston Respublikasi Qonuni qabul qilingan kun.

Qonunda madhiyamiz davlat suverenitetining ramzi, unga katta ehtirom bilan qarash har bir yurtdoshimizning vatanparvarlik burchidir deb belgilab qo‘yilgan. O‘zbekiston fuqarolari, shuningdek, mamlakatimizda yashab turgan boshqa shaxslar ham madhiyamizni hurmat qilishi shartligi alohida ta’kidlangan.

Davlat madhiyasining muallifi O‘zbekiston Qahramoni, O‘zbekiston xalq shoiri Abdulla Oripov bo‘lib, musiqasini O‘zbekiston xalq artisti, atoqli bastakor Mutal Burhonov yaratgan. Madhiyada xalqimizning ezgu orzu-umidlari, kelajakka mustahkam ishonchi teran ifodalangan. Unda mardona va sharaflarga boy o‘tmishimiz, milliy an’ana va qadriyatlarimiz, tinchlik, osoyishtalik, millatlararo totuvlik va birodarlik kabi umuminsoniy tuyg‘ular tarannum etilgan. Ochish/sharhlash

2021-12-10 07:40:56 #Қонунчиликдаги_янгиликлар

13 ёшга тўлган болаларнинг жиноий жавобгарлиги бекор қилинди

“Бола ҳуқуқларининг кафолатларини таъминлаш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун (ЎРҚ–735, 07.12.2021 й.) Президент томонидан имзоланди.

Киритилган ўзгартиришларга кўра, 13 ёшга тўлган шахсларнинг жиноий жавобгарликка тортилиши бекор қилинди.

Илгари 13 ёшга тўлган шахслар жавобгарликни оғирлаштирадиган ҳолатларда қасддан одам ўлдирганликлари учун жиноий жавобгарликка тортилган.

Шунга кўра, жиноий жавобгарликка тортиш 14 ёшдан бошланади.

16 ёшга тўлмаган шахс билан жинсий алоқа қилиш моддий қимматликлар бериш ёхуд мулкий манфаатдор этиш орқали содир этилганда оғирлаштирувчи ҳолат сифатида белгиланди.

Вояга етмаган гувоҳ ёки жабрланувчини сўроқ қилишда педагог билан бир қаторда психолог ҳам қатнашиши белгиланди.

Каналга уланиш
https://t.me/toshkentviladliya Ochish/sharhlash

2021-12-09 07:07:03 #Kun_tarixi

9 dekabr – Xalqaro korrupsiyaga qarshi kurashish kuni!


2004 yildan e’tiboran 9 dekabr – xalqaro korrupsiyaga qarshi kurashish kuni deb nishonlanadi. BMT Bosh Assambleyasi tomonidan e’lon qilingan (2003 yil 21 noyabr, № A/RES/58/4-sonli rezolyutsiya). Xuddi shu kunda Meksikada imzolash uchun BMT korrupsiyaga qarshi Konvensiyasi ochildi. Bosh Assambleya rezolyutsiyasida aytilishicha, ushbu xalqaro kunni belgilashdan maqsad, korrupsiya muammosini tubdan tushunish va Konvensiyaning korrupsiya bilan kurashish va uni oldini olish borasidagi ahamiyatidir. Rezolyutsiyada ushbu kunni keng nishonlash, ma’lum tadbirlarni o‘tkazishga da’vat qilish holatlari deyarli yo‘q.

Kanalga ulanish
https://t.me/toshkentviladliya Ochish/sharhlash

2021-12-07 22:48:46 BАYRАMINGIZ MUBORАK BOʼLSIN!

Toshkent viloyat adliya boshqarmasi jamoasi Sizlarni Konstitutsiya kuni bayrami bilan samimiy muborakbod etadi. Xayotlaringizda baxt va omad hamisha hamrohingiz boʼlsin, xonadonlaringizdan tinchlik-xotirjamlik va fayzu-baraka arimasin.

Istiqlol yoʼlimiz yorugʼ, xalqimiz omon, yurtimiz tinch, osmonimiz doimo musaffo boʼlsin!


Каналга уланиш
https://t.me/toshkentviladliya Ochish/sharhlash

2021-02-02 08:34:26 #Қонунчиликдаги_янгиликлар

Маҳаллий қишлоқ хўжалиги техникасини ишлаб чиқарувчиларга имтиёзлар берилади

“Қишлоқ хўжалиги машинасозлиги тармоғида соғлом рақобат муҳитини яратишга доир қўшимча чора-тадбирлар тўғрисида”ги Президент қарори (ПҚ–4969-сон, 01.02.2021 й.) қабул қилинди.

Қарорга кўра, қишлоқ хўжалиги машинасозлиги тармоғида фаолият юритувчи маҳаллий қишлоқ хўжалиги техникасини ишлаб чиқарувчилар:

Ўзбекистонда ишлаб чиқарилмайдиган эҳтиёт қисмлари ва бутловчи буюмларни импорт қилишда белгиланган тартибда шакллантириладиган рўйхатлар бўйича 2022 йил 1 январгача божхона тўловларидан (ҚҚС ва божхона йиғимидан ташқари) озод қилинади;

қишлоқ хўжалиги техникасини ишлаб чиқариш ва унга сервис хизматини кўрсатиш учун бутловчи буюмлар, хомашё ва материалларни импорт қилишда товарлар эркин муомалага (импортга) чиқаришнинг божхона режимига жойлаштирилган санадан бошлаб ҚҚСни 270 кун кечиктириб тўлаши мумкин.

Шунингдек, қарорга кўра импорт қилинадиган эҳтиёт қисмлари ва бутловчи буюмлар рўйхатлари ва уларга тузатишлар имтиёз берилган ташкилот томонидан шакллантирилади ҳамда улар юзасидан “Лойиҳалар ва импорт контрактларини комплекс экспертиза қилиш маркази” ДУКнинг ижобий хулосаси олинган тақдирда, импорт қилувчи ҳар қандай ташкилотлар рўйхатда кўрсатилган товарларни белгиланган тартибда импорт қилиш ҳуқуқига эга бўлади.

Каналга уланиш
https://t.me/toshkentviladliya Ochish/sharhlash

2021-02-01 14:39:56 #Сўраган_эдингиз

Тарбия фани бўйича мутахассис сифатида ҳақ тўлаш тўғрими?

Адлияга савол:
Ассалому алайкум! Мен 1993 йил ТошДУ, ҳозирги ЎзМУнинг ижтимоий фанлар факультетини тугатганман, философия ўқитувчиси мутахассислиги берилган, шундан буён ўрта мактабда тарих, ҳуқуқ, миллий ғоя (тарбия) фанларидан дарс бераман, 1-тоифа олдим. Менга тарбия фанидан мутахассис даражасида тўлашмоқда, сабабини сўрасам, Сиз тарихчи эмассиз, философия ўқитувчисисиз дейишмоқда. Шу қонунийми?
ЖАВОБ: Ассалому алайкум! Ҳурматли фуқаро.

Сизга тарбия дарси учун тоифангиз бўйича ҳақ тўлаш керак.
Ўзбекистон Республикаси Вазирлар Маҳкамасининг 275-сонли қарори билан тасдиқланган “Халқ таълими ходимлари меҳнатига ҳақ тўлаш тўғрисида”ги низомнинг 3-бандига мувофиқ халқ таълими ходимларининг лавозим маошлари:
халқ таълими муассасаларининг педагог ходимлари ва раҳбар ходимларининг ҳар бир лавозими ва малака тоифаси учун белгиланган базавий тариф ставкалари асосида шакллантирилади.
Базавий тариф ставкаси Ягона тариф сеткаси бўйича тариф ставкасини ҳамда қонун ҳужжатларида белгиланган тариф ставкасига доимий устамаларни, шунингдек педагог ва раҳбар ходимларнинг айрим тоифалари иш ҳақига қўшилган компенсация тўловларини ўз ичига олади;
ходимларга қонун ҳужжатларида белгиланган устамалар ва қўшимча тўловлар асосида шакллантирилади.
Қоидага кўра, педагог ходимларнинг ойлик маошлари уларнинг лавозими ва малака тоифаси учун бериладиган базавий тариф ставкалари асосида белгиланади.
Халқ таълими педагог ходимларининг базавий тариф ставкалари:
• ходимнинг лавозимига;
• ходимнинг малака тоифасига;
• халқ таълими муассасасининг типига боғлиқ равишда табақалаштирилади.
Шунингдек, Халқ таълими вазирлигининг 2020 йил 27 ноябрдаги №01-698 сонли хатида ўқитувчиларнинг тегишли малака тоифаси “Тарбия” фани учун ҳам татбиқ этилиши белгиланган.
Ҳурматли фуқаро! Юқоридагилардан келиб чиқиб, Сизнинг иш ҳақингизни ҳисоблашда малака тоифангиз албатта ҳисобга олиниши шарт.
Шунинг учун сиз бу вазиятда ҳисобчининг ҳаракатлари устидан туман Адлия бўлимига ёки Аҳоли бандлигига кўмаклашиш марказига мурожаат қилишингиз лозим.
Жавоб берди: Оққўрғон туман адлия бўлими ходими Б.Жўраев

Савол ва мурожаатлар учун
@toshviladliya_bot

Каналга уланиш
https://t.me/toshkentviladliya Ochish/sharhlash

2021-02-01 08:42:15 @huquqiyaxborot – биринчи, расмий!

Ахборот кўп, саралаш қийин(ми?) Бизда фақат сараланган, зарур, аниқ маълумотлар. “Ҳуқуқий ахборот” телеграм каналида энг ишончли маълумотларни ўқинг.

Каналга уланиш @huquqiyaxborot Ochish/sharhlash