Tong yulduzi | Rasmiy kanal

2021-01-24 11:03:55 ТУШ

Онамга

Туш кўрдим : қадимий сағанага биз
Дафн этилганмиз; тепада ҳаёт
Ҳамон сершовқин-у ҳамон маънисиз;
Ва сўнгги кун эшик қоқади ҳайҳот.

Маҳшар тонги аста оқара бошлар.
Олисда янграйди сури Исрофил.
Устимизда эса — қирмизи тошлар
Ва чўян мақбара босиб турар зил.

У келар туманли олисдан, келар
Қилич яланғочлаб фаришталар ҳам;
Китоблардан зеркиб, инонмай бизлар
Ўқиганимизга ўхшаб чинакам.

Ўша арк гумбази остида овлоқ
Ётар осойишта менинг рафиқам.
Унга азиз эмас озодлик бироқ,
Тирилиб турмоқни истамас ҳечам...

Ва ёнимда онам пичирлар менга:
«Уғлим, ҳаётда сен эдинг бақувват,
Гумбазни қаттиқроқ итар қўлинг-ла,
Тош қулаб тушади устингдан албат»

«Йўқ, ойи. Табутда димиқдим расо,
Энди қайда менинг аввалги кучим.
Сиғиниб, астойдил қилинг илтижо,
Тошни фаришталар қулатсин учун».

1910 й. 20 июнь.
Aleksand Blok Ochish/sharhlash

2021-01-22 15:50:39 * * *
Ёмғир бўлолмаган булутлар,
Сўзга айланмаган сукутлар.
Қорни оч, кўнгли тўқ ночорнинг
Кафтини куйдирган ёқутлар, --
Барида қандайин тизим бор?!

Юлдуздан тарқалган зангларда,
Ғолибу мағлуб бир жангларда.
Замину фалаклар айланар
Куз билган, мен билган рангларда --
Туғилиш, ўлимдай базм бор.

Ўт қўйманг шу эски дунёга,
Бор буди бир кўчки дунёга.
Кун бўлиб, ой бўлиб термулинг
Баҳоси бир ичги дунёга, --
Барига кўнгилдан изн бор.

Қоп-қора манглайга тер ҳалол,
Дард тутган кўнгилга бахт малол.
Товушлар сиғмаган ҳавога
Туйғуни чизинг-эй, бемалол, --
Кулгу ва йиғидай расм бор.

Ордалар бўлмагин, жонимов,
Ҳар тўлган номозшом -- катта ов!
Ҳаётим -- бир текис -- жангчидай
Умрдай бевафо, тақдирдай асов
Қутурган дарёга дарсим бор.

Наргиза ОДИНАЕВА

Manzilimiz: @Nargiza_Odinayeva_ijodi Ochish/sharhlash

2021-01-22 12:46:29 * * *

Muqaddas tumordek ko‘krakda asrab,
Unga she’r bitmaymiz ko‘tarib qiy-chuv,
Alamli tushlarga bo‘lmas u sabab,
Yo jannat bog‘idek tuyulmaydi u.

Uni ko‘nglimizda qilmaymiz aslo
Oldi-sotdi uchun qimmatbaho mol.
Uni unutamiz eslashni hatto
Bag‘rida goh bemor, goh baxtsiz, behol.

Ha, u kovushdagi loydir biz uchun,
Ha, u tishimizda g‘ichirlagan chang.
Biz ezib-toptaymiz, qilamiz kukun
Hech bir gunohi yo‘q shu xokni, qarang.

Unga aylanamiz, lekin, bir kuni,
Shu sabab meniki deymiz biz uni.

1961
Anna Axmatova Ochish/sharhlash

2021-01-21 13:52:37 #Факт

Сабзи инсон организми ҳужайраларини касалликка чалинишидан ҳимоя қилади.

Ҳужайралар қартайишини секинлаштиради.

«Шифо-инфо» газетасидан

Уланиш: t.me/shifoinfo_official Ochish/sharhlash

2021-01-21 13:17:58 (Наргиза Одинаевага)


Наргиз, баҳор келдими
Сезмаганга ўхшайман.
Соғинчлардан ҳали ҳам
Безмаганга ўхшайман.

Титрар тонгги насимлар,
Совуқ, қуруқ фасллар,
Нурдан бино қасрлар
Кезмаганга ўхшайман.
 
Қизнинг тақдири қизиқ,
Манглайида кўп чизиқ,
Бағримни узиб-узиб
Йиғлаганга ўхшайман.
 
Сайёралар кенг экан,
Тайёралар кенг экан
Оворалар минг экан
Билмаганга ўхшайман.
 
Диллар дилга боғлиқми,
Йўллар йўлга боғлиқми,
Кўриб шунча оғриқни
Ўлмаганга ўхшайман.

Ишқим тушиб рўёга,
Ён бермадим риёга,
Бу ёлғончи дунёга 
Келмаганга ўхшайман.
 
Ортиб тоғлар юкини,
Юрдим бир оз бекиниб.
Ҳамон ўшал севгини
Севмаганга ўхшайман,
Севмаганга ўхшайман..
 
Маҳфуза ИМОМОВА Ochish/sharhlash

2021-01-21 10:01:10 Ko‘rning uyiga kar o‘g‘rilikka tushadi, buni ko‘rning qo‘shnisi soqov ko‘rib qoladi.

Diqqat Savol: U qo‘shnisiga uyiga og‘ri tushganini qanday tushuntiradi?

Muallif: Иктибоз

(Birinchi topgan 15 ta ishtirokchilar kanalimizda e'lon qilinadi.) Ochish/sharhlash

2021-01-21 09:40:43 Ўқиди: Абдукарим Мирзаев

* * *

Мен биламан, вужудинг бўзлар,
Бағринг ёнар саёқ ўғлингга.
Сени ўртар бир оғир сўзлар,
Ахтариб чиқарсан йўлимга.

Кўчаларга қарайсан ҳар зум,
Кечаларни оқлайсан, она.
Гуноҳкорман ёлғиз мен ўзим,
Яна мени оқлайсан, она.

Очиқ ётар токчада китоб,
Очиқ ётар менинг дафтарим,
Унда кезар мангу изтироб.

Тубанликда ёсуман жари.
Шўрлик ўғлинг бир умр бетоб
Синган сози, синган ханжари.

1964

Rauf Parfi Ochish/sharhlash

2021-01-21 09:35:02 Izvolskdagi qishloq kutubxonasi (Kaluga viloyati) Saxalin deputatining bolalarni spirtli ichimliklar bilan tanishtirish bo'yicha ko'rsatmalariga amal qildi va bolalar bo'limi uchun "Alkogolning ko'k kitobi" ni sotib oldi.

2006 yilda nashr etilgan to'plamni Ascent abonenti javondan topdi. Izohda "alkogol - bu voqeaning asosiy belgilaridan biri", deb yozilgan va kitob qahramonlari "spiritus vini tomonidan aldanganlik" dan o'tib, "alkogol nima - so'zsiz yovuzlik yoki insonga berilgan mo''jiza, uning ma'nosi hanuzgacha biz uchun yashiringanmi?" Ochish/sharhlash

2021-01-21 09:33:04 21 январда кундуз куни Ўзбекистонда ёғингарчиликсиз об-ҳаво бўлиши кутилмоқда. Фақат Қорақалпоғистонда, Хоразм вилоятида баъзи жойларда қор ёғади , беқарорлик сақланиб туради ва кечга томон Бухоро, Навоий вилоятларида баъзи жойларда ёмғир ёғиши кутилмоқда, қорга айланиши мумкин. Шамол 17-22 м/с гача кучайиши кутилмоқда, 25-28 м/с гача кучайиши мумкин. Ҳаво ҳарорати 11-16° илиқни, шимолда 0-5° совуқни ташкил этади.

Пойтахтимизда ҳаво ўзгариб туради, кечга томон ёмғир ёғиши мумкин. Шарқий шамол йўналишини ўзгартириб, ғарбдан 5-10 м/с тезликда эсади, 12-17 м/с гача кучайиши мумкин. Ҳарорат 13-15° илиқ бўлади.

Республиканинг тоғ олди ва тоғли ҳудудларида ҳаво булутли бўлади, баъзи жойларда ёғингарчилик (ёмғир, қор), кучли бўлиши мумкин. Қор кўчиши хавфи бор. Шарқий шамол йўналишини ўзгартириб, ғарбдан 7-12 м/с тезликда эсади, баъзи жойларда 18-23 м/с гача кучайиши мумкин. Ҳарорат 5-10° илиқни ташкил этади. Ochish/sharhlash