bakiroo

2024-04-19 14:03:00 Минглик марралардан фақат сакраб ўтилган

2017 йил 2 сентябрдан кейинги даврда долларнинг сўмга нисбатан расмий қиймати психологик марралар ҳисобланган янги мингликларни баланд сакраб ўтган.

9 минглик марра:
2019 йил 16 август. 8 882 сўмдан 9 061 сўмга.

10 минглик марра:
2020 йил 16 апрель. 9 693,36 сўмдан 10 121 сўмга.

11 минглик марра:
2022 йил 15 март. 10 998,06 сўмдан 11 033,03 сўмга.

12 минглик марра:
2023 йил 11 август. 11 667 сўмдан 12 075,03 сўмгача.

Мутлақо тасодифга кўра, охирги 7 йилдаги тўртта жиддий тўғирланишлар нисоб мингликларга яқинлашган вақтда рўй берган. Ochish/sharhlash

2024-04-19 07:00:03 Газ ва электр энергияси таннархи 2024 йилда қанчага пасаяди?

Давлат раҳбари йил бошидаги йиғилишда 2024 йилни "таннархни қисқартириш ва самарадорлик йили" деб эълон қилганди.

Масъулларга 2024 йилда таннархни 15 фоизга камайтириш, хусусан йирик тармоқларда таннархни 20 трлн сўмга қисқартиш вазифаси қўйилган.

Мазкур вазифа газ ва электр энергияси масаласида қандай бажарилади? Таннарх ниҳоят шишишдан тўхтайдими?

Ўтаётган ҳафтада электрнинг таннархи қарийб 1 000 сўм, табиий газники эса қарийб 2 000 сўм экани эълон қилинди. Бу рақамлар бўйича шаффоф ва чуқур ҳисоблар мавжудми, таҳлиллар учун маълумотлар кимдан олинган, мустақиллик ва холислик таъминланганми, номаълум.

Қайд этиш керакки, 7 ой аввалги Энергетика вазирлигининг баёнотида 1 куб метр газнинг таннархи 1 890 сўм, 1 кВт.соат электр энергияси таннархи 970 сўм экани айтилганди.

Худди шу вазирлик бир ойи кам 2 йил аввал 1 куб метр газнинг таннархини 1 400 сўм, 1 кВт.соат электр энергияси таннархини 800 сўм деб эълон қилганди.

Демак, бир ойи кам 2 йил ичида газ таннархи 42,9%га, электр энергияси таннархи 25,0%га шиширилган.

Ваҳоланки Давлат раҳбари 2021–2022 йиллар учун вазифаларда ҳам, 2023 йил учун вазифаларда ҳам таннархни камайтириш юзасидан кўрсатма берган.

Энди нима бўлади? Энергетиклар ниҳоят самарадорлик ҳақида ўйлашни бошлашадими? Ким уларни бунга ундайди, мажбур қилади? Бозорми? Администрациями? Камайтириш майли, ҳеч қурса таннархни шишириш методичкасидан воз кечиладими?

Ё таннархни ошириш ва ортидан тарифларни кўтариш пойгаси давом этадими? Ахир ислоҳот бундай пойгани назарда тутмаганку, тўғрими? Ochish/sharhlash

2024-04-18 17:33:44 Ochish/sharhlash

2024-04-18 16:30:01 Олигархия энди лифт монополиясини истайдими?

Ўзбекистонга хориждан лифт олиб кирувчи импортчиларнинг товарлари март ойининг охирги 10 кунлигидан бошлаб божхонадан ўтказилмаган. Ўзбекистонга лифт импорт қилувчи 17та импортёрнинг мувофиқлик сертификати 2024 йил 20 мартдан кейин бирин-кетин вақтинча тўхтатилган.

Кунўзга мурожаат қилган тадбиркорлар эса очиқ рақобатни талаб қилишмоқда. Бақани боссанг ҳам вақ-қ дейди. Исталган вақтда қоидаларини ўзгартирадиган Техник жиҳатдан тартибга солиш агентлиги кимнинг манфаатлари учун ишлаётгани номаълум.

Лекин мутлақо тасодифга кўра, Ўзбекистонда лифт ва эскалаторлар ишлаб чиқариш (йиғиш) билан Artel бренди остида фаолият юритувчи компаниялар гуруҳига ишончли бошқарувга берилган “Texnopark” МЧЖ шуғулланади.

3 йил аввал Антимонополия органи кўп квартирали турар жойларда ўрнатилган эскирган лифтларни алмаштириш ҳамда янгидан барпо этилаётган уйларда замонавий лифт ускуналарини ўрнатиш ишларида “Texnopark” МЧЖга берилаётган имтиёз ва преференцияларга қарши чиққанди. Ўшанда кўп квартирали уй-жой фондидаги лифт ускуналарини мониторинг қилиш, замонавий диспетчерлик хизматини кўрсатиш вазифаси “Texnopark” МЧЖ мутлақ ўзиники қилмоқчи бўлганди. Лекин бу приём жамоатчиликнинг фаоллиги анча кучли бўлган ва ҳукумат жамоатчилик фикри билан ҳисоблашадиган давр бўлгани учун ўтмаганди.

Лифт бозорини бир қўлли қилмоқчи бўлганлар энди эшикларни тамбалаб ёпиш орқали ўз мақсадларига эришмоқчига ўхшайди.

Доимгидек, Савдо саноат палатаси ҳам жим, Адлия вазирлиги ҳам жим. Ochish/sharhlash

2024-04-18 13:46:18 Ўзсаноатқурилишбанк хорижий валютада юқори даромадли «САРМОЯ» омонатини таклиф этмоқда

Йиллик фоиз ставкаси – 7 фоиз;
Минимал бадал – 500 АҚШ доллари;
Муддати – 18 ой.

Омонатга кунлик ҳисобланган фоизларни йўқотмасдан, ҳисобдан исталган кунда, ой тўлмасдан ҳам ечиб олиш мумкин!

Омонатни JOYDA иловаси орқали ёки Ўзсаноатқурилишбанк офисида расмийлаштириш мумкин.

Батафсил маълумот sqb.uz ёки 1180 рақами орқали.

Реклама Ochish/sharhlash

2024-04-18 09:02:35 Энергосамарадорлик учун бож ва нотариф чекловлар бекор қилиниши керак

Энергетика соҳасида бозорга ўтиш чора-тадбирлари белгиланган ҳукумат қарорида энергия тежовчи технологиялар кенг жорий этилишини рағбатлантириш мақсадлари алоҳида таъкидланган.

Лекин бу мақсадга эришиш ҳозирги Ўзбекистонда имконсиз ёки эшагидан тушови қимматга тушади, агарда ҳукуматнинг ўзи электр ва газ ишлатиладиган техникаларга ўрнатилган аждарҳо божлар ва нотариф чекловларни бекор қилмаса.

Мисол учун, 2019 йилдан бошлаб:
Кондицинерларга 30% (камида 50 доллар);
Алюмин радиаторлар учун 10% (камида килоси 0,5 доллар);
Буғ ва сув иситиш Қозонлари учун 10%;
Сув иситгичлар учун 5% (камида 15 доллар);
Насослар учун 5%лик божлар ўрнатилган.

Лекин бу ҳали ҳаммаси эмас. Ушбу маҳсулотларни Ўзбекистонга киритиш учун ишлаб чиқарувчининг ваколатли вакиллари ёки расмий дилерлари бўлиши талаби ҳам қўшилган. Қўшимчасига мазкур маҳсулотлар Энергосамарадорлик тестларидан ўтишга мажбур.

Сиз нима деб ўйлайсиз, шундай чекланган шароитда истеъмолчилар энергия тежовчи қозонларга, иситкичларга ўтадими? Радиаторларини самарадорларига алмаштирадими?

Шу маънода ҳукумат қарорлари узвий бўлиши керак. Энергетикада бозорга ўтишга қарор қабул қилиндими истеъмолчиларнинг танловида ҳам эркин бозорга таяниш керак. Олигарх ва монополистларнинг тор манфаатларига эмас.

Айтайлик, энергия самарадорлиги “А” ва ундан юқори тоифадаги маиший ва электр техникалари учун барча бож ва нотариф чекловлар олиб ташланишига ким ёки нима ҳалақит қилади?

Хўш, нима дейсизлар, ҳукуматимиз энергосамарадорликни чин дилдан истайдими ёки амалда унга қаршими? Ochish/sharhlash

2024-04-17 16:30:01 ​Уй-жой нархининг ойлик ўсиши секинлашишда давом этмоқда

Иқтисодий тадқиқотлар ва ислоҳотлар маркази таҳлилларига кўра, Иккиламчи бозорда Уй-жой нархлари март ойида доллардаги индексда атига 0,5%га ўсган (январда 1,6%, февралда 0,8%).

Тошкентдаги нархлар ўсиши янаям камтарроқ, 0,2%ни ташкил этган холос. Самарқанд, Фарғона, Андижон, Қарши ва Жиззах шаҳарларида доллардаги индексда пасайиш кузатилган.

Мазкур ҳолат март ойида доллар курсининг тезроқ ошгани (1,08%га) билан ҳам боғлиқ бўлиши мумкин. Лекин кўчмас мулк олди сотдиси билан боғлиқ битимлар сони февралга нисбатан ҳам, ўтган йилнинг мартига нисбатан ҳам пасайган. Охирги марта бунданда камроқ битимлар фақат 2023 йилнинг январида, энергетик кризиснинг тубида кузатилган (Тошкент шаҳрида эса 2021 йилнинг январидан буён минимум).

Ижара нархларида ҳам пасайиш давом этмоқда (янги минимум 8,2 доллар квадратига).

Аввалроқ ипотека кредитларининг ўсиши секинлашиб қамрови қисқараётгани маълум бўлганди. Ochish/sharhlash

2024-04-17 10:30:02 ​Грамми миллион сўм

Олтин котировкаларининг ошиб бораётгани ва долларнинг сўмга нисоби кўтарилаётгани ортидан бугундан сотувдаги олтин тангалар нархига кўра бир грамм олтининг қиймати 1 млн.сўмдан ошди. Энди бу ҳисоб китобга қулай: грамми миллион!

Хусусан, энг кичик 5 граммлик танганинг нархи 5 012 000 сўм этиб белгиланган. Йил бошидан ҳисоблаганда олтин тангаларнинг нархи 18,2%га қимматлаган. Бу олтинга инвестициялар ҳар қандай кўчмас мулк, автомобиль, омонат ва валютадан ҳам кўпроқ фойдалироқ бўлганини англатади.

Лекин қайд этиш керакки, юқори жорий котировкалар доим сақланиб қолади ва ўсиш тренди давом этади, дегани эмас. Олтинга иложи борича бир неча йиллик узун пуллар билан минимумларда кириб ва максимумларда чиқиш стратегияси афзаликка эга. Бугун олтин олиб, эртага сотиш доим зиёнга ўйнайди, айниқса, тажрибасиз фойдаланувчилар учун. Ochish/sharhlash

2024-04-17 08:49:16 Минимал истеъмол харажатлари оширилади

2024 йил 1 майгача ёқилғи-энергетика ресурслари нархлари ошишини ҳисобга олган ҳолда минимал истеъмол харажатлари қиймати қайта кўриб чиқилиши белгиланган.

Ҳозир камбағаллик минимуми ҳисобланган ушбу миқдор 621 минг сўмни ташкил этади.

Минимал истеъмол харажатларининг оширилиши ортидан қатор пенсия ва нафақалар миқдорлари ҳам камида шу суммага етказилиши керак бўлади.

Булар:
иш стажи тўлиқ бўлмаган чоғдаги пенсияларнинг энг кам миқдори;
боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсиянинг энг кам миқдори;
боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа миқдори.

Яқинда қонунга киритилган ўзгартиришларга кўра, Пенсия миқдори расман белгиланган энг кам истеъмол харажатларидан оз бўлиши мумкин эмас.

Шунингдек, хусусий секторда ишлайдиган аёллар учун "декрет пули" минимал истеъмол харажатларига мос равишда индексация қилиниши керак. Ochish/sharhlash

2024-04-16 16:42:41 ​Помидор ва бодринг ниҳоят арзонлай бошлади

Янги мавсумда биринчи марта помидор нархи 30 минг сўмдан пасайди. Ҳафта давомида помидор 32 минг сўмдан 29 минг сўмгача арзонлаган.

Бодринг нархлари эса бирданига 2 баробарга, 40 минг сўмдан 20 минг сўмгача тушган. Янги сабзавотлардан яна булғор қалампири ҳам арзонлаша бошлаган (46 минг сўмдан 40 минг сўмгача).

3 йилдан буён давом этаётган Энергетик кризис ва баҳорнинг кечикиши помидор ва бодринг нархларини жуда узоқ вақт юқори қийматда қолишини таъминлади. Ochish/sharhlash