2022-09-29 06:43:16
#Rasmiy_munosabat
Ijtimoiy tarmoqlarda Termiz davlat universiteti Iqtisodiyot va turizm fakultetiga 46 nafar hokim yordamchilarining sirtqi ta’lim shakliga davlat granti asosida o‘qishga qabul qilinganligi haqida tarqalgan xabar yuzasidan Termiz davlat universiteti quyidagilarni ma’lum qiladi.
Oʻzbekiston Respublikasi Prezidentining 2021-yil 3-dekabrdagi “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida”gi PQ–31-son qaroriga muvofiq 2022/2023-oʻquv yilidan boshlab oliy maʼlumotga ega boʻlmagan hokim yordamchilarini davlat oliy taʼlim muassasalarining iqtisodiy taʼlim yoʻnalishlariga Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining tavsiyasiga koʻra davlat granti asosida sirtqi taʼlim shakliga suhbat asosida oʻqishga qabul qilish amaliyotini joriy etish belgilangan.
Qarorga muvofiq ishlab chiqilib tasdiqlangan Davlat granti asosida sirtqi ta’lim shakliga suhbat asosida o‘qishga qabul qilish tartibi bo‘yicha muvaqqat nizom talablari asosida 17 nafar universitet mas’ullaridan iborat suhbat komissiyasi tuzildi.
Komissiya tomonidan belgilangan talablar asosida Surxondaryo viloyati mahallalarida tadbirkorlikni rivojlantirib, aholi bandligini ta’minlash va kambag‘allikni qisqartirish yo‘lida samarali mehnat qilayotgan hokim yordamchilaridan imtihon (suhbat) o‘tkazildi.
Suhbat jarayoni to‘liq videokuzatuv ostida bo‘lib o‘tdi hamda mamlakatda amalga oshirilayotgan keng qamrovli islohotlarning mohiyati va ahamiyati, belgilangan bakavariat ta’lim yo‘nalishini tanlashdan asosiy maqsad, ta’lim yo‘nalishiga mos mehnat faoliyati davomida erishgan yutuq va natijalari, ta’lim yo‘nalishi sohasida bilim va kasbiy ko‘niklamalarining mavjudligi bo‘yicha 100 ballik tizimda baholandi.
Suhbat jarayonlaridan muvofaqqiyatli o‘tgan 46 nafar hokim yordamchilari Iqtisodiyot va turizm fakultetiga davlat granti asosida sirtqi taʼlim shakliga oʻqishga qabul qilindi.
Bizni kuzatishda davom eting!
Telegram | Instagram | Facebook | You tube | Sayt
2.9K views03:43