2023-04-20 10:19:01
Huquqni muhofaza qilish akademiyasida oliy taʼlimga qabul qilish tartibi belgilandi
“Oʻzbekiston Respublikasi Huquqni muhofaza qilish akademiyasida oliy taʼlim va oliy taʼlimdan keyingi taʼlimga qabul qilish va oʻqitish tartibini belgilash chora-tadbirlari toʻgʻrisida”gi Hukumat qarori (143–son, 06.04.2023-y.) qabul qilindi
Qarorga koʻra, Huquqni muhofaza qilish akademiyasi bakalavriatiga, magistraturasiga va oliy taʼlimdan keyingi taʼlimga qabul qilish va oʻqitishni tashkil etish tartibi toʻgʻrisida nizomlar tasdiqlandi.
Akademiyada oʻqishga qabul “tergov faoliyati” bakalavriat taʼlim yoʻnalishi (taʼlim olish muddati 3 yil) hamda yurisprudensiyaning boshqa bakalavriat taʼlim yoʻnalishlari boʻyicha tashkil etiladi.
Akademiyaga qabul qilishda hujjat topshirgan abituriyentlarning muayyan toifalariga boshqa OTMga kirish uchun nazarda tutilgan imtiyozlar tatbiq etilmaydi.
Oʻqitish davlat
grantlari va
toʻlov-kontrakt asosida tashkil etiladi.
“Tergov faoliyati” boʻyicha bakalavriat bosqichiga nomzodlarni tanlash va oʻqishga qabul qilish uchun tanlov qabul yilining 1-fevraligacha (istisno tariqasida, 2023/2024 oʻquv yili uchun – 2023-yil 15-aprelgacha) eʼlon qilinadi.
Shuningdek, Akademiya magistraturasiga qabul “Tergov faoliyati” mutaxassisligi va boshqa mutaxassisliklar boʻyicha amalga oshiriladi.
Oʻqish muddati, kunduzgi va kechki taʼlim shaklida – 1 yil, sirtqi va masofaviy taʼlim shaklida – 1,5 yildan 2 yilgacha etib belgilanadi.
Oʻqishga kirish uchun hujjatlar har yili:
“tergov faoliyati” mutaxassisligi boʻyicha – 10-maydan 10-iyungacha;
boshqa mutaxassisliklar boʻyicha – 10-iyundan 31-iyulgacha qabul qilinadi.
“Tergov faoliyati” mutaxassisligi boʻyicha magistraturaning kunduzgi shakliga oʻqishga qabul qilingan vakolatli davlat organlari xodimlari, shuningdek boshqa mutaxassisliklar boʻyicha tasdiqlangan qabul parametrlari doirasida magistraturaning kunduzgi shakliga oʻqishga qabul qilingan ichki nomzodlar bepul oʻqitiladi.
Bundan tashqari, Akademiyada oliy taʼlimdan keyingi taʼlim tayanch doktorantura, doktorantura va mustaqil izlanuvchilik shakllarida tashkil etiladi.
Oʻzbekiston fuqarolarini oliy taʼlimdan keyingi taʼlim institutiga qabul qilish quyidagicha amalga oshiriladi:
bepul tayanch doktorantura va doktorantura shaklida oʻqitish;
bepul va toʻlov-kontrakt asosida mustaqil tadqiqotchilik shaklida oʻqitish.
Hujjatlar Akademiya tomonidan 15-sentyabrdan 15-oktyabrgacha qabul qilinadi.
Talaba.uz rasmiy kanali
https://telegram.me/joinchat/AAAAAFKT9qZa_lmXyNXkWg
3.1K views07:19