Shokirjonov kanali 🇺🇿

2022-08-21 07:07:19 #Ботга_ёзишмоқда

«Сангардакдан Самарқанд вилоятига янги автомобил йўли қурилаётгани тўғрисида эшитдим. Бу гапни менга Омонхонада айтишди. Агар шу гап рост бўлса, йўл Самарқанд вилоятига қаердан келиб қўшилади. Шу йўл қурилишига қизиқиб қолдим. Маълумот бўлса, ўртоқлашсангиз. Олдиндан раҳмат»

Бу йўл ростдан ҳам қурилмоқда. Айтишларича, Сангардакдан 10 км кейин жойлашган Боғча қишлоғидан ҳам нарида қурилиш ишлари бугун ҳам кетмоқда.

Бу икки полосали довон йўли бўлади, яъни тоғ ошасиз. Йўл фақат Самарқандга эмас, Қашқадарёнинг Яккабоғ туманига чиқади.

@shokirjonov Ochish/sharhlash

2021-02-12 11:45:19 Банк кассасига тўлов иловалари орқали тўлашнинг имкони бўлмагани учун тўлов ўтказгани келдим.

Навбатда кўпдан кўп холалар. Ҳаммаси пенсияни олиб, свет, газ ва сувни пулини тўлашга келишган.

"Соткадан ё терминалдан тўласа бўладию свет, сув, газни?" десам, "қўлимизда банкнинг печати урилган квитанция бўлмаса доказать қилолмаймиз, шунинг учун пулни банкка тўлаб, битталаб тикиб юрамиз", дейишяпти.

Светчилар!Газчилар! Сувчилар! (Мусорчиларам бўлса керак, ҳойнаҳой)

Сизлар билан 3021 йилдаям рақамли иқтисодиёт қура олмаймиз-ку бу туришда?

Одамлар сизга эмас, бир парча қоғозга ишонади. Бу не ҳол?

@shokirjonov Ochish/sharhlash

2021-02-12 07:14:20 ҲЭТ ўз вазифасини бажара олмаётганидан шикоят қилиб, #ботга_ёзишмоқда

Assalomu alaykum.

Menda bir muammo bōlmoqda. Ōtgan xafta DXM orqali xonadonimni uch fazalik tarmoqqa ulash uchun ariza tashlagan edim. 8-fevral kuni DXMdan texnik shart oldim va 3 fazalik hisoblagich ōrnatishga ariza qildim. Elektr tarmoqlari korxonasi xodimi men bilan boğlandi va hisoblagich sotib olishim kerakligini aytdi. Bunga asos sōraganimda asoslab bera olmadi.

Shundan song Hududiy elektr tarmoqlari AJ ning telegram sahifasi - @HET_admin'ga 3 fazalik hisoblagich ōrnatish tartibi bōyicha murojaat yōlladim.

Murojaatimga javoban hisoblagichni HETK hisobidan ōrnatilishini, lekin hozirda yetkazib beruvchiga buyurtma qilganiga qaramay, hisoblagichlarni yetkazib bermagani, yetkazib berganida ōrnatib berilishini aytmoqda. Lekin bozordan bemalol topsa bōlar emish, 700 mingdan 950 ming sōmgacha emish.

Kōrib turganingizdek, HETK fuqarolarni ortiqcha chiqim qilishga majburlamoqda. Yani erkin savdoda bor, ular bizda hozir yōq, deb bahona qiladi va kuta-kuta fuqaro hisoblagichni ōzi oladi.

Buyogda Vazirlar Mahkamasining 2018-yilgi 22-son qarori oğzini ochib qolaveradi.

Buni nazorat qiladigan odam bormi ōzi? Hatto Hududiy elektr tarmoqlari AJ raisi ham xal qila olmasa?

Iloji bosa kanalingizda e'lon qilsangiz. Elektr tarmoqlari korxonasi odamlarni aldab korxona hisobidan qōyilishi kerek bōlgan hisoblagichlarni aholiga oldiryapti. Bozorda bor ekan, sotib olishsa bōlmaydimi? - deb yozmoqda Farhod Egamov.

Нима ҳам дердик. Монополист-да. Истаган куйини чалади. Хоҳласа қилади, хоҳламаса йўқ. Истеъмолчи анёғда қийналаётгандир, унга зарурдир, бизнинг вазифамиз, тезроқ ишини битириб берайлик, дейиш йўқ. Қўйиб қўйгани бор истеъмолчига. Зарур бўлса харажат қилади, деб фикр юритишади.

@shokirjonov Ochish/sharhlash

2021-02-11 22:49:13 Ушбу хат юзасидан Ички ишлар вазирлиги матбуот хизмати раҳбари Шоҳрух Ғиёсов изоҳ берди.

«Мазкур хат вилоят ҳокимлигига фуқароларнинг маълум муаммоларини қисқа муддатда ҳал этиш зарурлиги, ечимини топмаётган масалалар фуқароларнинг норозилигини келтириб чиқариши мумкинлиги, бу эса ўз навбатида улар томонидан юқори турувчи идоралар олдида норозилик намойишларини ўтказиш оқибатида жамоат тартиби бузилиши ҳолатларига олиб келиши мумкинлиги ҳақида огоҳлантириш мақсадида юборилган.  

Маълумот тариқасида, Ички ишлар органларининг асосий вазифаларидан бири ҳуқуқбузарликларнинг олдини олиш ва профилактикасидан иборат. Жумладан, аҳолининг маиший муаммолари ҳал этилмаслиги оқибатида келиб чиқиши мумкин бўлган ҳуқуқбузарликларнинг олдини олиш борасида барча давлат органлари ва ҳокимликларга тақдимнома киритиш амалиёти йўлга қўйилган», – дейилган изоҳда. Ochish/sharhlash

2021-02-11 15:37:49 Отабек Сатторий воқеасида ҳамма учун ДАРС бўлган битта муҳим жиҳат бор.

Келгусида журналист, блогер ёки исталган фуқарога ҳужум бўлса, қандайдир зарар етказилса ҳолат тўлиқ ички ишлар томонидан расмийлаштирилиши талаб қилиниши керак. Ўртага ҳоким аралашадими — бошқасими, ҳеч қандай компромисс, ярашув, ваъдаларга учмаслик керак.

Чунки вазиятни бошқа томонга осонгина буриб юбориб, жабрланувчини жиноятчига айлантириб қўйиш ҳам мумкин экан.

@shokirjonov Ochish/sharhlash

2021-02-11 10:40:17 Таъриф учун тил ожиз!

UPD: Барибир саволлар пайдо бўлди ва ёзмасак бўлмади:

https://kun.uz/47646045

@shokirjonov Ochish/sharhlash

2021-02-10 21:03:56 Маҳаллий амалдорларни танқид қилиб келган сурхондарёлик блогер Отабек Сатторий товламачиликда айбланиб, қамоққа олинди.

Блогер Отабек Сатторий билан шахсан гаплашган депутат ва адвокат воқеа аслида бошқача бўлганини айтишмоқда. Бу воқеа - россиялик журналист Иван Голунов билан юз берган ҳолатга ўхшаб кетмоқда.

Блогернинг гапи мантиқли. ИИБнинг даъвоси мантиқли кўринса-да, ишонарсиз. Чунки кўплаб жавоби оғир саволлар юзага чиқмоқда.

Мен бу иш чиндан ҳам уйдирма эканлигига ишонаман. Журналист ҳамкасблар барча блогерларни Термизга бориб ётиб олиб, очиқ суд мажлисида қатнашишга чорлайман.

Чунки бу сўз эркинлигига очиқчасига таҳдид. Бу ҳол эртага ҳар биримизнинг бошимизга тушиши мумкин.

https://kun.uz/77173742 Ochish/sharhlash

2021-02-09 20:05:07 #Ботга_ёзишмоқда

"Йиғилиш камайсин", деб айтилгани билан тунги соат 22:00 да бошланадиган Жамшид Қўчқоровнинг йиғилишини кутиб ўтирибмиз.

Раҳбарларни-ку билмадим, бошқаларнинг оиласи бор. Ўзи ойликнинг ҳам тайини йўқ, ноилож ишлаяпмиз.

Олий маълумотли бўлиб шунга ўқиганмидик, деб ўйланиб қоламан баъзида. Яхши бўлиб қолар, деб давлат ишида 10 йилдан ошиқ қуруқ ойликка ишладим.

Энди ростдан ҳам чарчадим... Ochish/sharhlash

2021-02-09 13:37:45 Бандалик вазифасини адо этгач, жамоат билан суҳбатлашар, ҳол-аҳвол сўрар, бемор ва эҳтиёжмандларнинг кўнглини кўтарар эди. Нимагадир бир куни тарки одат қилиб, қаергадир шошилиб бориб келдилар. Бу ҳолга одатланмаган жамоа қизиқиб сўраганларида ҳазрат шундай изоҳ бердилар:

“Икки елкамга салом берганда кўрдимки устимда бир чумоли турибди. Бу чумоли таҳорат олган жойимдан чиққанини билдим ва бир жонзотни ошиёнидан жудо қилмоқнинг гуноҳини, юкини ўйлаб уни ўз жойига қўйиб келдим”.

Нафақат инсонга, бир чумолига озор етказишга жасорат қилолмаган бу инсон Алишер Навоий эди. Ochish/sharhlash

2021-02-09 07:56:06 Sherali-jorayev-shirindur_Rayhon.me.mp3 Ochish/sharhlash