Shokirjonov kanali 🇺🇿

2022-09-01 15:01:30 Кечадан бери байрамда айтилган “Гўзал Туркистон” қўшиғини мендан кўпчилик сўради. Марҳамат, мана у!

Чўлпон шеърда Туркистоннинг ўша пайтдаги абгор аҳволини айтиб, “бирлаш эй халқим келгандир чоғи” дейди, бирлашиб Туркистонда янги фаровон давлат қуришга чақиради.

Шеърни бир қанча ижодкорлар куйга солишган. Интернетда изласангиз чиқади. Бироқ турк хонандаси Япрак Саяр ижросидагиси гиря-марш охирги йиллар жуда кенг тарқалди ва севимли бўлди. Хонанда ижтимоий-сиёсий мазмундаги шеърни маҳзун лирик қўшиққа айлантиргани учунми, уни юрак билан тинглайсиз ва қулоғингизда айланаверади, қайта эшитгингиз келаверади. Ютубга бу қўшиқ 9 йил аввал юкланган экан!

Қуллик, асорат – барчаси ёнсин.
Қур янги давлат, ёвлар ўртансин.
Ўсиб Туркистон, қаддин кўтарсин,
Яйраб, яшнаб ўз Ватанинг гул боғларингда!

Мустақиллик байрами муборак бўлсин!

@shahnozxon Ochish/sharhlash

2022-09-01 13:16:55 Ўқитувчилардан ташаккурнома

«Ассалому алайкум, ҳурматли журналистлар, ҳуқуқшунос ва блогерлар.

Ўзбекистон Республикасининг «Норматив-ҳуқуқий ҳужжатлар тўғрисида»ги қонунига асосан «норматив-ҳуқуқий ҳужжатлар орқага қайтиш кучига эга эмас»лиги яна бир бор ўз натижасини кўрсатди.

2017 йилда олий тоифа олиб, 2022 йилда аттестация жараёнида 15 йилдан ортиқ узлуксиз иш стажига эга педагогларнинг 2022 йил 2 августдаги қарорга асосан, келиб чиққан муаммоларига тегишли ХТВ томонидан тушунтириш-муносабат берилди.

Бу муносабатни Халқ таълими вазирлигидан олгунча мамлакатимиздаги аксарият интернет-сайтларга ва кучли блогерга мурожаат қилишга ва уни чиқаришга ҳаракат қилдим. Ким билади дейсиз, агар журналистлар, ҳуқуқшунос ва блогерлар кўпчилик педагоглар номидан билдирган мурожаатимни ижтимоий тармоқдаги ўз платформалари орқали бонг уришмаганда халқ таълими вазирлиги бу муаммо ҳақида лом-мим демай ўтиб кетармиди.

Зеро, ҳуқуқий томондан кўп эмас, бироз бўлса-да хабари бўлган одам қарордаги ноаниқликни дарров фаҳмлаб оларди. Шунинг учун қўрқмай ҳаракат қилдик. Айримлар «вазирлик шу муносабатини эртароқ берса бўлмасмиди, шунда ижтимоий тармоқларда муҳокамалар кўпайиб кетмасди» деб ўйлаши ҳам мумкин. Бу тўғри. Шу билан бирга тизим ўзининг қуйи поғонасига шу масалани эртароқ етказса, ижтимоий тармоқларда чиқаришга ҳам ҳожат қолмасди.

Сабаби, чиқаётган аланганинг учқуни айнан халқ таълимининг энг қуйи поғоналаридан чақнашни бошлади. Яъни мактаб, туман ХТБ, вилоят ХТБ ва ҳоказо. Майли, масала ечилди. Муҳами, муаммога аниқлик киритилиб, эътирозлар ижобий ечимини топди.

Фурсатдан фойдаланиб Ўзбекистондаги кўп минг сонли 2022 йил май ойида навбати келиб бироқ, қарорга асосан 15 йилдан ортиқ узлуксиз иш стажига эга ва олий тоифада бўлган устозлар номидан мурожаатимни ўз тармоқларида ёритган журналист ва блогерларга ўз миннатдорчилигимни билдираман.

Аллоҳ сизлардан рози бўлсин!

Ҳурмат ва эҳтиром билан, педагоглар жамоаси номидан М.Б.Абдуллаев».

@shokirjonov Ochish/sharhlash

2022-09-01 13:01:21 Энг яқин танишларингиздан ҳам Телеграмда шунақа хабар келиб қолса — оча кўрманглар. Вирус экан.

@shokirjonov Ochish/sharhlash

2022-08-31 21:26:49 Биз бу мустақилликка 31 йил аввал Россиянинг чангалидан халос бўлиб эришган эдик. Истиқлолга Аллоҳнинг инояти билан қон тўкмасдан эришдик. Унинг қадрига ҳар биримиз етишимиз керак, албатта.

Бу айниқса, Украинада рўй бераётган воқеалар фонида янада аҳамиятли. Жасур украин халқи қўлида қурол билан ўз мустақиллигини ҳимоя қилишга мажбур бўлмоқда.

Мустақиллик — буюк неъмат. Уни қўлда қурол билан ҳимоя қилишга мажбур бўлмайлик, токи дунё тургунча абадий бўлсин истиқлолимиз. Доимо юртимиз тинч, осмонимиз мусаффо бўлсин!

Айём муборак барчага, азиз Ватандошлар!

@shokirjonov Ochish/sharhlash

2022-08-31 16:53:08 #МУНОСАБАТ

Ижтимоий тармоқлар орқали 15 йилдан ортиқ меҳнат стажига эга олий тоифали педагогларнинг жорий йил ўтказилган аттестация жараёнларида иштирок этмаганлиги натижасида мавжуд малака тоифасини йўқотганлигига доир тарқалган хабарларга МУНОСАБАТ

Маълумки, Ўзбекистон Республикаси Вазирлар Маҳкамасининг 2022 йил 2 августдаги 425-сонли қарори билан Ҳукуматнинг 2021 йил 17 сентябрдаги 572-сонли қарорига киритилган тегишли ўзгартиришга кўра, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслиги белгиланган.

Жорий йил март-май ойларида малака тоифаси олиш учун ўтказилган аттестация даврида амалда бўлган тартибга асосан, 15 йиллик узлуксиз иш стажига эга бўлган олий малака тоифага эга педагогларнинг аттестациядан ўтиши мажбурий бўлмаган ва уларнинг олий тоифа малакаси умрбод сақлаб қолиниши белгиланган.

Ўзбекистон Республикасининг “Норматив-ҳуқуқий ҳужжатлар тўғрисида”ги қонунига асосан, норматив-ҳуқуқий ҳужжатлар орқага қайтиш кучига эга эмаслиги белгиланганлиги муносабати билан, 2022 йил март-май ойларида ўтказилган аттестация даврида 15 йиллик узлуксиз иш стажига эга бўлган олий малака тоифали ўқитувчиларнинг мавжуд тоифалари умрбод сақланиб қолинишини маълум қиламиз.

Қўшимча маълумот: Вазирлар Маҳкамасининг 2022 йил 2 августдаги 425-сон қарори билан белгиланган, олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар навбатдаги мажбурий аттестацияга жалб этилмаслик тартиби 2022 йил 2 августдан бошлаб амалиётга жорий этилади.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram Ochish/sharhlash

2022-08-31 13:05:57 15-20 йиллик стажга эга олий тоифали ўқитувчилар оддий мутахассис бўлиб қолишди. Айб кимда?

Вазирлар Маҳкамасининг 17.09.2021 йилдаги 572-сонли қарори 1-иловаси 6-бандига кўра таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар мажбурий аттестациядан ўтмаслиги белгиланган эди.

Шунга асосан, 2017 йилда олий тоифа олган ва 15 йилдан ортиқ стажга эга педагоглар 2022 йил май–июн ойларида аттестацияга жалб этилмади.

Бироқ, орадан 3 ой ўтиб — Вазирлар Маҳкамасининг 02.08.2022 йил кунги 425-сонли қарори 2-иловаси 11-бандига асосан ушбу тартиб бекор бўлди.

2022 йилдаги аттестация жараёнида 572-сонли қарор амалда бўлган. Муаммо шундаки, эндиликда минглаб олий тоифага 2017 йилда ўтган ва стажи 15 йилдан ортиқ педагоглар сентябр ойидан оддий мутахассис тоифасига тушириб қўйилди. Шу тоифа асосида ҳақ тўланадиган бўлди.

Бу ўринда педагогнинг айби нимада? Ахир улар май-июн ойларида ВМнинг ҳали амалда бўлган қарори асосида аттестациядан ўтишмаган-ку?!

Ўша пайтда Халқ таълими вазирлиги: «Биз билмай қарор чиқартириб қўйдик, шунақа, айтамиз ҳам, қайтамиз ҳам, мақсадимиз — педагогларни ўз касбидан бездириш, пировардида Ўзбекистонда таълими тизимини емириш», дея мард бўлиб рўй-ростини айтишганда, бу каби аросатда қолганлар ёзда тоифадан ўтиб олармиди...

Ҳар қалай Вазирлар Маҳкамасига 425-сонли қарорни имзолатиш учун «Ўзтрансгаз» ёки Коммунал хизмат агентлиги ёхуд қишлоқ хўжалиги вазирлиги олиб кирмагандир?

Бу ерда гап тоифаларга кўра тўланадиган маблағ ёки аттестациядан қочишда ҳам эмас. Шунчаки, ўқитувчиларни калака қилиб, олий тоифали ўқитувчиларни бира тўла мутахассис тоифасига тушириб қўйилгани ва ноябр ойида бўладиган аттестациягача 572-сонли қарорнинг бандига ишониб, аттестациядан ўтмаган педагогларга имконият берган ҳолда тоифалари сақланиб турилишида.

«Унда нега ўша май-июн ойларида шу каби педагогларни аттестацияга жалб этилмади?» — деган саволга на Саидов, на Тошкенбоев жавоб бера олаяпти. Чунки ўқитувчини, педагогни тажриба қуёни сифатида ўрганиб қолишган.

25 кундан ортиқ вақт мобайнида ушбу муаммо ижтимоий тармоқларда ўта баҳс-мунозара ва эътирозларга сабаб бўлса-да Адлия вазиримиз Русланбек Қуролтаевич ёки унинг ўринбосарлари жим туришганига ҳайронмиз. Бошқа соҳаларда шу каби норозиликлар бўлса 3 соат ичида жуда ўзлари бўлмаса-да, матбуот хизмати раҳбари муносабат беришига гувоҳ бўлганмиз.

Ўзбекистонда қонунлар ва меъёрий-ҳуқуқий ҳужжатларнинг аниқ ва бир хилда ишлашига масъул бўлган яна бир орган бор: Бош прокуратура. Прокуратура доим бу каби ўйинларга муросасиз муносабатда бўлиб келган. Қарор ижросидаги бу номутаносибликка аниқлик киритишда прокуратура тизимидаги бошқарма орқали аниқлик киритиб, ижобий ҳал қилиб беришса, юртимиздаги шу муаммо қаршисида турган, таълим тизимидан кўнгли совиб, ишига сидқидилдан куч сарфламасдан, буёғига эътиборга яраша ишлайдиган мингга яқин педагогларнинг қонуний ҳуқуқ-манфаатларини ҳимоя қилинган бўларди, — дея #ботга_ёзишмоқда

@shokirjonov Ochish/sharhlash

2022-08-29 19:19:09 Самарқанд шаҳри мактабларида дарслар 20 сентябрдан бошланиши мумкин Бу Самарқанд шаҳрида 15–16 сентябр кунлари Шангҳай ҳамкорлик ташкилоти саммити ўтиши билан боғлиқ эмиш. Қизиқ, ШҲТ саммити 16 сентябрда тугаса, нега мактабларда ўқиш 19 сентябр — душанба… Ochish/sharhlash

2022-08-29 18:25:56 Муҳрим август ойида 19 да ЙТҲда 35 киши қурбон бўлганини бирма-бир санаб ёзибди. Бу ижтимоий тармоқларда, Телеграм каналларда ва сайтларда тасвири тарқалиши ортидан кўпчилик хабардор бўлган, ИИВ ЙҲХХ расмий муносабат билдирган воқеалар.

Аслида, инсон ўлими юз берган ЙТҲларнинг реал сони кўпроқ. Бу аниқ. Йил, квартал якунлари бўйича умумий рақамларда бу аксланади.

Матбуот хизматлари огоҳликка даъват ва йўлларда ҳаракат қоидаларига қатъий амал қилишга тарғибот сифатида бундай ҳодисаларнинг ҳар бирини хабар бериб туриши керак бўлса-да, аксарият ҳолларда яширишади.

Чунки ўлим билан боғлиқ авариялар кўпайса, шов-шув келтириб чиқарса улар гап эшитишади — ишламаяпсизлар, деб.

@shokirjonov Ochish/sharhlash

2022-08-28 07:00:00 Қўқоннинг Туркистон кўчасида йўл четига Робиния (сохта акация) манзарали дарахти экилибди. Дарахтлар бир хилда, барваста, чиройли бўлиб ўсган, яшнаб турибди.

Фақат, остига экилган буталар манзарани бузган. Бу тарзда дарахтлар орасига бўйи узаювчи бута экиш ландшафт дизайнига зид.

Сўнгги расмга эътибор беринг. Ўша бута йўқ жойда манзара ажиб кўриниш ҳосил қилган.

@shokirjonov Ochish/sharhlash

2022-08-27 17:58:38 «Горбольница» — Самарқанд шаҳар тиббиёт бирлашмаси марказий шифохонасига маҳаллий бюджетдан 3 млрд сўмга қимматбаҳо компьютер томографияси аппарати харид қилинибди.

Самарқанд шаҳар тиббийт бирлашмаси бошлиғи Аҳмаджон Бобожоновга кўра, замонавий рақамли рентген аппаратлари марказий шифохона ва 4 та поликлиникага, яна иккита поликлиникага маммограф аппаратлари олиб берилган. Маммографлар 35 ёшдан ошган фертил ёшдаги аёлларда кўкрак бези саратони профилактикаси учун жуда катта ёрдам беради.

Видео: Самарқанд виляот ҳокимлиги ахборот хизмати

@shokirjonov Ochish/sharhlash