She’riy lahzalar

2021-01-23 09:57:27 Туғилган кун муборак!

BIR KECHINMA TARIXI

Sinfimizda g‘oyatda zebo
qiz bor edi.
Chehrasi gulgun.
Hamma uni sevardi!
Men esa aslo –
hamma uni sevgani uchun!

Yillar o‘tdi.
Men avvalgiday
Oshiqlarga boqaman mahzun.
Gʻashim kelar,
Vatanim, netay
hamma seni sevgani uchun.

Tashlamasman rashkim firqasin,
taroshlaydi tuyg‘ular meni!
Ehtimol, men…
Xudo asrasin –
hech kim sevmay qo‘yganda seni…

Shahriyor Shavkat



Ochish/sharhlash

2021-01-22 23:26:44 Кўрсатувда таниқли шоир Эшқобил Шукур адабиёт, ҳаёт, инсоний туйғулар ҳақида фикр юритган. Шунингдек, давр воқеликларига муносабатини билдириб ўтган.
(Изоҳ: кўрсатув видеоси марҳум шоир ва журналист Баҳром Нормуродовнинг шахсий архивидан олинди)

КЎРИШ УЧУН





Ютуб каналимизга обуна бўлинг!

https://www.youtube.com/c/sirojiddinibrohim

Видеога лайк босинг.

Телеграм манзилимиз
@sheriylahzalar Ochish/sharhlash

2021-01-22 18:30:01 ​​☆ ☆ ☆

Буви, буви! Тушимга бир қуш кирди.
Ҳушдан айру ёдимга ё туш кирди.
Эски ҳовли. Юлдуз, Қуёш, Ой кирди.
Туни билан шовуллаган сой кирди.
“Пайғамбарнинг ўн бир ўғли бор эди.
Ўн биридан Шоҳюсуф гулзор эди”...
Осмон яқин. Эски ҳовли кенг эди.
Ҳар юлдузи бир қуёшга тенг эди.
“Шоҳюсуфни овга олиб чиқдилар”...
Тўхта! Осмон устимизга йиқилар!
Етар! Мурғак дилим тўла зор эди.
Сув зарбидан дийдираган тол эди.
Наҳот, қўрқмай “бўри еди” десалар?
Шафқатсизми ҳамма гўзал қиссалар?
Эски ҳовли қудуқданам тор бўлди.
Карвон келмай, уфқ узун дор бўлди.
Ёйди – тонгнинг кўйлаклари ол бўлди.
Оҳ дей десам, нафасларим шол бўлди...
Мен биламан, буви, ҳануз уйғоқсан.
Сузган булут, дарё, тирик тупроқсан.
Гулчангларни олиб учган шамолсан.
Сувлар узра ҳовурдайин хаёлсан.
Ёғолмайин, маъюс тушган тумансан.
Қизғалдоқсан – қир учинда кулгансан.
Туни билан шовуллайди сой ҳануз.
Сожидадир навқирон ул Ой ҳануз.
Ҳануз қиссанг ичиндаман... Бағрим чўғ.
Энди “қўрқма...” демакка бир Сендек йўқ.
Мен биламан, уйғоқдирсан... Гоҳи дам
Сўз дейсану, овозинг йўқ, шафиқам.
Қачон оҳсиз ерларига етарман?
Якунига етмай оё кетарман?
Қуш эдим-а... Шол айлади ғуссалар.
Қайғулими ҳамма гўзал қиссалар?

Нодира Афоқова

@sheriylahzalar Ochish/sharhlash

2021-01-21 22:05:20 #yoniq_yuraklar_2_son

Katta adabiyot bayrami "Yoniq yuraklar" loyihasining birinchi bosqichini tomosha qilishdan quruq qoldim, deb yurgan ko'ngil egalari diqqatiga!

23-yanvar, shanba soat 09:00 da chorak final yo'llanmasi uchun maydonga chiqadigan to'rt nafar yoniq yurakli ijodkorlar bahsiga sizni taklif etamiz.

Dastlab mehmon ijodkor- Maqsuda Mirzayeva(Majnuna) siz-u bizni so‘zning yuksak qudrati hamda asl she‘r lazzatidan bahramand etadi.

Birinchi juftlikda Parfiyona zarvorli baytlar, ruhiyatning eng chuqur jilvalarini aks ettirgan yoziqlar bilan maydonni gurullatishga shay turgan Orzumurod Nurmatov she’riyatga quyunday, shamolday, eng asosiysi o‘ziday(o‘ziga o‘xshab) bostirib kelayotgan, satrlarida ichkin dard va falsafa yo'g'rilgan Asliddin Abdurazzoqov bilan so‘z sinashadi!

Ikkinchi juflik bahslaridagi uchqur ovozlar Samarqand aksiga Jizzaxning sadosi bo'lsa ajab emas! Quddus Asad o‘z yozganlari vositasida "Charxlaydi qalamim olovli nafas..." deb maydonga shayligini aytyotgan bo'lsa, "She'r deb ataganim oddiy dard, xolos..." deya Bahodir Akrom soddalik bilan yuragini siz-u bizga to'kishga tayyorligini yashirmadi. Ko'ramiz kimning "qalam"i o'tkir, kimning "dard"i?!

Kimlar keyingi bosqich yo'llanmasini qo'lga kiritishi sizga ham qiziqmi? Unday bo'lsa, sizni 23-yanvar, soat 09:00 da Guliston shahar 1-son bolalar musiqa va san'at maktabida kutamiz.

Mo‘ljal: "Uchrashuv"(Best cafe) ro‘parasi
Murojaat uchun: 972246474

@rashidxujamov_ijodi Ochish/sharhlash

2021-01-21 20:04:43 Eng ko‘p ko‘rilgan video:




Eng ko‘p layk yig‘gan video:




Tomoshabinlarni eng ko‘p ushlab turgan video:




Eng yaxshi video:





G‘oliblari @sheriylahzalar_matbuot ga yozsin! Ochish/sharhlash

2021-01-21 19:58:05 G‘oliblarni e'lon qilamiz! Ochish/sharhlash

2021-01-21 17:28:56 ОНА БЎРИ ҲАҚИДА ҲИКОЯ

Елкасидан ярадор бўри
Югурарди боласи томон.
Ерни қизил этиб борарди
Панжасига оқиб борган қон.

Овчи унга отиб найзалар,
Орқасидан этарди таъқиб.
Бўрини-чи қизиқтирмасди
На саноқсиз ўқ-у, на рақиб.

Ниҳоят у ваҳший овчини
Жуда ортда қолдириб кетди.
Елкасида минглаб ўқ билан
Боласининг ёнига етди.

Жонни кучган каби эркалаб,
Шарт бағрига босди боласин.
Меҳри тошиб, юз кўзин ялаб,
Унутганди танда ярасин.

Афсус, шу шоғ овчи панадан
Энг охирги найзасин отди.
Бу ўқ унинг елкасигамас,
Юрагига санчилди, ботди.

Чидолмади... балки чидарди
Елкасига текканда бу ўқ.
Бўри йиғлаб жон берди,
афсус,
Боласига текканди бу ўқ...


ВАТАН

Мен Ватан ҳақида куйласам
агар,
Тоғ-у тош жўр бўлиб,
тинглайди осмон.
Титроққа келгайдир бунда
неки бор,
Қуриган хасга ҳам қайта
кирар жон!

Мен Ватан ҳақида ўйласам
агар,
Хаёлим бузолмас мингта
Чингизхон.
Жалолиддин бўлиб мангу
курашар,
Бунда ҳар йигит-қиз ҳар битта
ўғлон.

Мен юртим тарихин сўйласам
агар,
Ғанимлар бир четда йиглайди
қон-қон.
Буюк ўтмишимдан тўйиб
ифтихор,
Кўксига "ватан" деб урар ҳар
инсон.

Мен шундай Ватанни
суймасам агар,
Отам кечирмагай мени ҳеч
қачон.
Шу битта сўзим-чун минг бор
алҳазар,
Нечун жаннат юртни севмай,
отажон!

Мен Ватан деб қалам
тебратсам агар,
Бир ҳовуч тупроғи бўлгайдир
достон.
Аслида шу тупроқ - энг буюк
асар,
Унга тенг келолмас гавҳар-у
маржон.

Юртим тупроғидан яралган
жоним,
Демак, юракдадир
Ўзбекистоним!


УЙҒОНИШ

Дилимни чанг босиб кетганди
чоғи,
Баридан кўз юмиб юргандим
чунон.
Тун каби қоронғу эди ҳар
ёғим,
Узоқлардан бир қиз ҳайқирди:
уй-ғон!

Ўқдек нишонига теккан бу
сўздан,
Асал таъмини ва гул ҳидин
сездим.
Қалбинга оловлар кирди
дафъатан,
Мени боғлаб қўйган умидни
кесдим.

Ёруғлик таралди
умримга бу он,
Кўнглимда орзулар кўрсатди
энин:
Бундан буёғига ёнимда ҳар
тонг,
"Уйғонинг" деб шу қиз
уйғотсин мени!


МУНАҚҚИД ВА МЕН

Жўн шеърларим топмасдан
ўрин,
Бенаъф қайтгач бир-икки
марта,
Бир файласуф шоирнинг
шеърин
Меники деб узатдим шартта...

Кўзойнагин олди-да кўздан,
Эски сўзин сўзлади, яъни.
Деди: -"укам бу шеърингиз
ҳам,
Аввалгидай тузсиз, бемаъни".

Ич-ичимдан қувондим роса,
Ўз-ўзимни санаб мукаммал,
Дедим: -"бу ҳам бемаъни
бўлса,
Унда мен ҳам буюк эканман.

Нурмуҳаммад Абдузоир

@Nurmuhammad_Abduzoir
@sheriylahzalar Ochish/sharhlash

2021-01-21 14:21:52 ​​#tavallud_ayyomingiz_muborak

Bugun kanalimiz yaratuvchisi, admini Nurmuhammad Abduzoirning tavallud topgan kuni.
Qalbi ezgulikka oshno, toza so‘zga shaydo Nurmuhammadga uzoq va sermazmun hayot, jamiki ezgu tilaklari ro‘yobini tilaymiz!

===============================

☆ ☆ ☆

senda gunoh yo‘qdir,
sen qorday poksan,
aldagan bo‘lsalar bo‘lsinlar battar.
odamlar o‘zi shu:
sal saxiyroqsan —
topgan bor budingni tortib yutarlar.

mening ham bo‘ynimda sanoqsiz gunoh,
aldab to‘ymaganman aldagan sari.
ularda ayb yo‘qdir, ular qorday pok,
o‘zimniki edi gunohlar bari.

bariga U hoqon, avval-u oxir,
qalbimizni olib nazoratiga,
seni bergan bo‘lsa, ajabmas, axir,
minglab gunohimning kaforatiga.

Nurmuhammad Abduzoir

@sheriylahzalar Ochish/sharhlash

2021-01-21 10:53:41 Bu zamonning alplariga achinaman,
Boqar bo'lsang qulog'idan kun ko'rinar.
Sher kelbatli jussasida mushtimdayin,
Yuragining dukurlari jo'n ko'rinar.
O'n to'rt botmon kamon yerga botib ketgan,
O'z dardini ko'tarolmay elga yoyar.
Alpim deyman, go'ringizdan turib chiqing,
O'z elini talar bugun eliboylar.
Boychiborning tuyoqlari ostidagi,
Tuproq bo'lib qayta-qayta yanchilayin.
O'zligini unutgan huuv alplarimning,
Ko'kragiga gulmix bo'lib sanchilayin.
Xudo desam bo'g'zim kuyib, nolalarim,
Alpomishni uyg'otolsa uyqusidan.
Xabar bersa bu zamonning alplariga,
Elning eri bo'lmoqlikning tuyg'usidan.
Yo Ollo deb yerdan olsa kamonini,
Yer qo'zg'alsa, ochilsaydi alplar ko'zi.
Yo, Xudoyim Alpomishni qaytib bergin,
Marhamat qil, o'z eliga kerak o'zi.
Alpim deyman, go'ringizdan turib chiqing!

Parizoda Ro‘ziboyeva

@sheriylahzalar Ochish/sharhlash