Зикр аҳлидан сўранг

2024-01-01 14:05:02 АЁЛ ЭРИДАН ЁЛҒОНДАН ОШИҚЧА ПУЛ СЎРАШИ

@Savollar_kanal 14426-савол

Ассалому алайкум! Деярли кўп аёллар эридан ёлғондан ошиқча пул сўрашади. Масалан ўзи у нарса олайлик 150 минг лекин аёллар эридан шуни нархини 300 минг деб ошиқча пул ундиришади. Бу қанчалик тўғри?

ЖАВОБ:

– Ва алайкум ассалом! Нафақасидан ортиқчасини ёлғон гапириб олиши жоиз эмас. Шундай қилмасликлари учун ҳам эрлар вақтида пул бериб туришлари керак. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2024-01-01 10:05:02 САЖДАДАГИ ДУО МАҚБУЛМИ?

@Savollar_kanal 14425-савол

Ассалому алайкум, хазрат! Сиз бир маърузангизда банданинг Аллоҳга энг яқин бўладиган пайти сажда вақтида дегансиз. Сўрайдиган бўлсангиз Аллоҳдан шу вақтда сўраб қолинг дегансиз. Бу билан намоз пайтидаги сажданими ёки алохида намоздан ташқарида сажда қилиб туриб сўрашни тушиниш керакми?

ЖАВОБ:

– Ва алайкум ассалом! Бу менинг гапаим эмас. Бу ҳадис.Абу Ҳурайра розияллоҳу анҳудан ривоят қилинади: «Пайғамбар соллаллоҳу алайҳи васаллам: «Банданинг Роббисига энг яқин бўлиши, у сажда қилганидадир. Бас, дуони кўпайтиринглар», дедилар».Намоз банданинг ўз Роббиси ила яккама-якка муножатидир. Намоз мўмин инсоннинг меърожидир. Намоз мўмин инсоннинг Аллоҳнинг ҳузурида ўзини энг хор ва энг паст тутган ҳолидир. Сажда эса, намознинг энг бандалик равшан зоҳир бўлган, хорлик ва зорлик равшан бўлган жойидир. Банданинг зорлиги қанчалар ошса, Аллоҳнинг унга яқинлиги шунчалик ошади. Шунинг учун ҳам банда саждада турганида Роббисига энг яқин ҳолда бўлади. Роббисига яқин бўлиб турганда эса, сўраган нарсаси қабул бўлиши ҳам энг яқин ҳол бўлади. Шунинг учун ҳам, банда саждада турган ҳолида дуони кўпроқ қилиши керак. Имом Муслим ва Аҳмадлар ривоят қилган ҳадисда Пайғамбаримиз соллаллоҳу алайҳи васаллам: «Огоҳ бўлинким, мен рукуъда ва саждада турган ҳолимда Қуръон қироат қилишдан наҳий қилиндим. Аммо, рукуъда Аллоҳнинг улуғланглар, саждада эса, дуо қилишга ижтиҳод қилинглар, сизга ижобат бўлиши лойиқдир», деганлар.Бу каби дуо нафл намозда бўлади.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2024-01-01 08:05:34 Вафот этган одамни хотирлаб тўпланиш

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | Youtube Ochish/sharhlash

2024-01-01 05:05:02 НАМОЗНИ ЎТИРИБ ЎҚИШ

@Savollar_kanal 14424-савол

Ассалому алайкум! Ёшим 35 да. Мен 1 йилдан буён намозларимни ўтириб ўқияпман, сабаби ўтган йили ёздан бошлаб оёғим совқотиб қақшаб оғрий бошлади, намозда ҳар ўтириб турганимда қисирлаб овоз чиқаради ва бу оғриқ кучайиб кетаверди, лекин ҳали ёшман, соғлом инсондек кўчаларда юраман, ҳудди ҳамма соғлом инсон яшагандек яшайман, яни оғриқ туфайли бир жойда ўтириб қолганим йўқ. Яқинда яна одатдагидек ўқишга ҳаркат қилиб кўрганидим яна намозда оёғим қарсиллаб оғриқ кучайиб кетди. Ўшандан бери ўтириб ўқияпман яна. Саволим шу ҳолатда намозни ўқишим тўғрими? Чунки оёғимдаги бу қарсиллаш йўқолмаяпти. Кейинроқ бу намозларимни қазосини ўқийманми?

ЖАВОБ:

– Ва алайкум ассалом! Шифокорга мурожаат қилинг. Муаммо нимада эканлигини аниқланг. Шифокор билан маслаҳат қилиб, даволанинг. Агар туриб ўқиш зарар деса, тузалгунингизча ўтириб намоз ўқисангиз бўлади. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2023-12-31 17:36:41 Қуръони Каримдаги ҳаё ҳақидаги оятлар

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!

Telegram | Facebook | Instagram | Youtube Ochish/sharhlash

2023-12-31 17:05:02 ИШ ЎРГАТИШ

@Savollar_kanal 14423-савол

Ассаламу алайкум! Саволимга жавоб берсангиз илтимос. Бир тадбиркор кишига дўсти ўзининг яшаб турган шахарида бирор киши қила олмаятган ноёб ишни йўлга қўйишни таклиф қилади. Тадбиркор киши ўзининг имкониятларини ишга солиб 1йил давомида изланишлар, сонсиз тажрибалар олиб боради. Тирикчилик учун қилиш керак бўлган ишларнинг бахридан ўтиб, бир қанча харажатлар қилиб ахири ўша ишга керакли бўлган технологияларни четдан сотиб олади. Ва эндигина ишни бошлаганда машаққат чекмаган, югур-югур қилмаган, шу ишни таклиф қилган дўсти келиб мен хам шу ишни қилмоқчиман менга ўргатасан дейди. Шариатимизда илмни яшириб ўргатмаслик мумкин эмас деб тадбиркор нима қилишини билмай савол бермокда: Шу холатда нима қилиш керак? Ўргатиш керакми ёки йўқми? Жавобингиз учун олдиндан рахмат.

ЖАВОБ:

– Ва алайкум ассалом! Бағрикенглик қилиб ўргатсангиз, сизга фазл бўлади. Аммо ўргатганингиз учун ҳақ сўрашга ёки узр айтишга ҳам ҳақингиз бор.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2023-12-31 14:05:02 ИЖТИҲОД ҲАҚИДА

@Savollar_kanal 14422-савол

Ассалому алайкум! Бир куни бир бола билан баҳслашиб қолдик. Ҳанафий мазҳабидагилар бошқа мазхабни ҳам билиб қўйиш керак деди бир танишим. Бизнинг диёрларда кўпчилик асосан ҳанафий дейди ва Мисрда агар адашмияткан бўлсам Ал Азҳар ўқишида дедими, ўзи ижтиҳод қилишни ўргатадиган йўналиш бор экан. Мен буни эшитиб ҳайрон қолдим. Ҳозирги кунда ижтиҳод даражисига еткан инсон йўқ менимча. Қандай қилиб бошқа давлатлардаги ўқишларда бундай нарсани ўргатиши мумкин? 1. Бу қанчалик тўғри? 2. Ёутубда чиқадиган ўша четдаги бизнинг ақидамиз ҳақида гапирадиган домлаларни чиқиб фақат бизни диёрларда чиқиб раддия беришади. Четдагилар ҳеч ким уларга гапирмайди дейди?

ЖАВОБ:

– Ва алайкум ассалом! 1). Бу гапнинг асоси йўқ. У танишингиз тўрт мазҳабни ўрганиб уларнинг орасидан тўғрироғини аниқлашни ўргатадиган деган маънони айтган бўлса керак.
 2). Чет элда юрганлар уларга индамайди дегани тўғри гап эмас. Улар ўзбек тилида гапирганлари учун ва уларга раддия бера оладиганларнинг кўпчилиги бизнинг диёрда бўлганлиги учун шундай кўриняпган бўлиши мумкин. Аслида чет элда ҳам уларга раддия беряпганлар анчагина бор. Ҳатто араб уламоларининг баъзилари ҳам бугунги кунда собиқ иттифоқ мусулмонларининг ақидаси ҳақида гапиряпганларга раддия беришяпти. Бизнинг ақидамиз ҳақида гапиряпганлар саноқли кишилар ва айтяпган гапларига уламолар аллақачон етарли раддияларни бериб хато эканлигини баён қилиб бўлишган. Бизда бу масалалар янгитдан яна фитна қилиб кўтариляпгани учун шундай туюляпди. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash

2023-12-31 10:05:03 ҚОН БЕРИЛГАН ТОВУҚЛАРНИ ЕЙИШ ҲАРОММИ

@Savollar_kanal 14421-савол

Ассаламу алайкум! Ҳурматли Шайх ҳазратлари! Бир биродаримнинг товуқ фермаси рор. У ҳар куни твуқларига қон берар экан. Қон ҳаром ку, ундай бўлса тухумини еса бўладими?

ЖАВОБ:

– Ва алайкум ассалом! Бу саволга жавоб берилган. Савол беришдан олдин унинг жавоби бор ёки йўқлигини аниқлаб олинса, ўзингизнинг ҳам, бизнинг ҳам вақтимизни тежаган бўласиз. 
ҚОНДАН ҲАЙВОНЛАРГА ЕМ ҚИЛИШ
Ҳайъатга жаноб Солиҳдан қуйидаги савол тақдим этилди:Қондан ҳайвонларга ем тайёрласа бўладими?Фатво ҳайъатининг аъзоси доктор Ийсо Закий қуйидаги ифодани берди: Қонни қайнатилганидан кейин протиндан бошқа барча моддалар буғланиб кетади. Сўнгра ажралиб қолган протин моддаси ҳайвонлар учун тайёрланаётган емга қўшилади. Шу билан емдаги протин 90% га етади. Агар турли ичак ва суякларни қўшилса протин 40% га кўпаяди.Шунингдек, у қайнатилгандан кейин қон тамоман бошқа нарсага айланишини таъкидлади ва ҳаъйатга қайта ишланган қондан намуна кўрсатди.Ҳайъат қуйидаги жавобни берди:Ҳайъат нажосат нарсаларнинг ўз табиатидан чиқиши ва асосий хусусиятларини йўқотиши ила нажосат ҳукмидан чиқади деган уламоалрнинг гапини олишни лозим топди. Шунга биноан, қачонки қон қайта ишланиш оқибатида қондан ғизо моддасига (протинга) айланар экан ва қонлик табиати ва хусусиятини йўқотар экан, бу билан у ўзининг асл ҳукми - нажасликдан чиқади. Шунга биноан ундан ҳайвонларга ем сифатида фойдаланса бўлади. 
Мажмуъатул фатавои шаръийя. 9-жуз. 51-бет.


Шайх Муҳаммад Содиқ Муҳаммад Юсуф роҳимаҳуллоҳ

Манба

Каналга уланиш Ochish/sharhlash

2023-12-31 08:05:37 Фарз намозининг вақтида нафл ўқиш

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | Youtube Ochish/sharhlash

2023-12-31 05:05:02 НАМОЗИМ МУКАМАЛ БЎЛАДИМИ

@Savollar_kanal 14420-савол

Ассалому алайкум! Мен бир ҳатога йўл қўйдим шунга юрагим ғаш бўляпти менга ғусл олиш фарз бўлди ва мен ғусл олдуму лекин бир пасдан сўнг оғиз ва бурнимни юмаганлигимга амин бўлдимда сўнгра тахорат олиб пешин намозини ўқидим мени ўйлантираётган савол ғусл менга фарз бўлгандан сўнг мукаммал ғусл олмадим ва сўнгра тахорат олиб намоз ўқидим шу қилган ишим мақулми ёки бошқатан ғусл олиб намоз ўқийми?

ЖАВОБ:

– Ва алайкум ассалом! Ғуслда оғиз бурун қолиб кетган бўлса, кейин таҳоратда оғиз бурунни чайиш билан ғуслдаги камчилик адо бўлади. Қайта ғусл қилишга ҳожат йўқ. Валлоҳу аълам!


«Зикр аҳлидан сўранг» ҳайъати

Манба

Каналга уланиш Ochish/sharhlash