Rost24 | Расмий канал

2024-04-22 08:06:12 Ўзбекистон Республикаси Президенти Шавкат Мирзиёев 2024 йил 22 апрелдан қисқа муддатли меҳнат таътилига чиққани эълон қилинди.


ROST24.uz | Telegram | Facebook | Instagram | YouTube Ochish/sharhlash

2024-04-22 06:17:55 Ўзбекистон аҳолисининг сони расман 37 миллиондан ошди

Статистика агентлигининг маълумотига кўра, бугун 22 апрель куни Ўзбекистон аҳолисининг сони 37 миллионлик маррани босиб ўтди.

Статистика бўйича, Ўзбекистон аҳолиси кунига 2 минг нафарга кўпаймоқда.

Эркаклар ва аёллар сонининг тафовути бўйича эса эркаклар нисбатан салкам 200 минг нафарга кўп туғилган.

ROST24.uz | Telegram | Facebook | Instagram | YouTube Ochish/sharhlash

2024-04-22 04:00:48 #Рост_ҳикматлар

Агар бировни ғийбат қилмоқчи бўлсанглар, ота-оналарингизни ғийбат қилинг. Шунда ажрларингиз бегонага кетмайди.

Абдуллоҳ ибн Муборак раҳимаҳуллоҳ

Кунингиз хайрли ўтсин!

ROST24.uz | Telegram | YouTube Ochish/sharhlash

2024-04-21 08:14:29 Олдиндан тўлаб қўйилса, 2 ой мобайнида эски нархда қабул қилинади — Энергетика вазирлиги

Ҳисоб рақами 1 майгача ортиғи билан тўлдириб қўйилса, электр энергияси ва табиий газ бўйича фақат 2 ой мобайнида эски тариф амал қилади.

Бу ҳақда Энергетика вазирлиги хабар берди.

Вазирлик хабарига кўра, 1 майдан кейин ортиғи билан тўланган маблағ янги оширилган нархда ҳисобланади.

ROST24.uz | Telegram | Facebook | Instagram | YouTube Ochish/sharhlash

2024-04-21 04:01:19 #Рост_ҳикматлар

Мева берма болангга,
Асра меҳмон, холангга.
Маҳкам беркит, яшавор,
Қорайтириб ташлавор!

Эркин Воҳидов

Кунингиз хайрли ўтсин!

ROST24.uz | Telegram | YouTube Ochish/sharhlash

2024-04-20 17:19:10 "Хушхабар": Тошкент вилоятининг экологиясини бузган “жиноятчи” ушланди

Тошкент вилояти Экология бошқармаси Оҳангарон туман бўлими инспекторлари назорат тадбири ўтказиб, экологияга зарар етказган фуқарони ушлаганини энг катта ютуқларидан бири сифатида эълон қилди.

Хабарга кўра, Экология бошқармаси ходимлари томонидан 2 дона лола ўсимлигини узган фуқаро қўлга олинган.

“Рейд давомида Оҳангарон тумани Четсув МФЙ тоғли ҳудудида фуқаро И.Э. томонидан Қизил китобга киритилган 2 дона тоғ лоласини узиб, табиатга зарар етказилганлиги аниқланди. Ушбу ҳолат учун ҳуқуқбузарга нисбатан МЖтКнинг тегишли моддаларига асосан маъмурий баённома расмийлаштирилди ва 1 млн 700 минг сўм табиатга етказилган зарар чораси қўлланилди”, – дейилади “хушхабар”да.

Мазкур хабар сўнгги йилларда дарахтларни бутунлай йўқотиш билан курашаётган амалдорлар изини ёпиш учун қилинган мажбурий ҳисобот тадбирига ўхшаб кетмоқда.

ROST24.uz | Telegram | Facebook | Instagram | YouTube Ochish/sharhlash

2024-04-20 09:06:22 Ochish/sharhlash

2024-04-19 12:53:31 Иккинчи жаҳон уруши қатнашчиларига 20 млн сўмдан бир марталик пул мукофоти берилади

9 май — Хотира ва қадрлаш куни муносабати билан иккинчи жаҳон уруши қатнашчиларига 20 миллион сўмдан бир марталик пул мукофоти берилиши бўйича Президент фармони имзолангани айтилмоқда.

ROST24.uz | Telegram | Facebook | Instagram | YouTube Ochish/sharhlash

2024-04-18 15:00:48 Ўзбекистон Президенти ҳам тожикистонлик 5 нафар маданият ва санъат ходимларини "Ўзбекистон халқ артисти" унвони билан тақдирлади

Бу ҳақида Тожикистон президенти сайтида хабар берилди.

Тожикистон президенти сайтидаги хабарга кўра, Ўзбекистон Республикаси Президентининг Фармони билан Тожикистон Республикасининг бир гуруҳ маданият ва санъат ходимлари қардош халқлар ўртасидаги дўстликни мустаҳкамлашга қўшаётган муносиб ҳиссаси учун тақдирланган.

Ўзбекистон Президентининг Фармони билан Мирали Дўстизода, Исмоил Назриев, Фурқат Саидов, Тўлқин Тожибоев ва Раҳматулло Ҳошимовга “Ўзбекистон Республикаси халқ артисти” унвони берилди.

ROST24.uz | Telegram | Facebook | Instagram | YouTube Ochish/sharhlash

2024-04-17 17:37:23 Яна бир сироп дорихоналардан қайтариб олинмоқда

"Санэпидқўмита"нинг маълум қилишича, «Rinotin kids» дори воситасининг рухсатномаси бекор қилинган.

"Аҳоли орасида овқатдан заҳарланиш ҳолатларини келиб чиқишининг олдини олиш мақсадида сироп маҳсулотларига берилган рухсатнома бекор қилинди", — дейилади қўмита хабарида.

Ҳозирга қадар 28 та дорихонадан маҳсулотлар қайтариб олинган. Профилактик тадбирлар эса давом этаётгани айтилмоқда.

Эслатиб ўтамиз, аввалроқ ижтимоий тармоқларда “Rinotin kids” номли сиропнинг ичида номаълум модда борлиги ва дорининг қопқоғи моғорлагани сабабли харидорлар томонидан қайтариб олиб келинганлиги айтилган хабарлар тарқалган эди.

Шундан сўнг Санэпидқўмита ҳолат юзасидан ўрганиш ишларини бошлаганини маълум қилди.

ROST24.uz | Telegram | Facebook | Instagram | YouTube Ochish/sharhlash