Rost24 | Расмий канал

2024-04-15 13:53:59 ХУШХАБАР: «Ўзавтосаноат» қиммат машиналарини ўтказиш учун ялинишни бошлади

«Ўзавтосаноат» давлат идоралари ходимларига Onix автомобилини имтиёзлар билан сотиб олишни таклиф қилмоқда.

«Ўзавтосаноат» АЖ томонидан давлат ташкилотларига юборилган хатда вазирлик тизимидаги ходимлар автомобил қийматининг 50 фоизини тўлаган тақдирда қолган қисмини 24 ой давомида бўлиб-бўлиб тўлаши мумкинлиги айтилган.

Бундай мазмундаги хат ҳозирча Адлия вазирлиги ва Солиқ қўмитасига юборилгани маълум бўлган.

ROST24.uz | Telegram | Facebook | Instagram | YouTube Ochish/sharhlash

2024-04-15 11:40:58 Ўзбекистон ТИВ Яқин Шарқдаги вазият бўйича мамлакатнинг позициясини маълум қилди

«Ўзбекистон Яқин Шарқдаги вазият кескинлашувининг янги босқичидан чуқур хавотирда», – дейилади Ташқи ишлар вазирлиги баёнотида.

Шунингдек, Ўзбекистон томони барча тарафларни босиқликка, ҳарбий ҳаракатларни давом эттиришдан тийилишга ҳамда можарони энг қисқа фурсатларда сиёсий тартибга солиш учун мумкин бўлган барча чораларни кўришга чақирган.

«Мазкур минтақадаги кескинликнинг авж олиши янада жиддий оқибатларга ва кенг кўламли ҳарбий қарама-қаршиликларга олиб келиши мумкин деб ҳисоблаймиз», – дейилади баёнотда.

ROST24.uz | Telegram | Facebook | Instagram | YouTube Ochish/sharhlash

2024-04-15 08:00:29 Энди “Давлат хизматлари” орқали жарималарга эътироз билдириш мумкин бўлади

Вазирлар Маҳкамаси томонидан муҳокамага қўйилган қарор лойиҳасига кўра, 1 октябрдан бошлаб йўл ҳаракати қоидаларининг бузилиши билан боғлиқ ҳолатлар юзасидан юборилган қарор ва хабарномалар бўйича ЙҲХХга Ягона интерактив давлат хизматлари портали орқали электрон мурожаат қилиш имконияти яратилади.

Мазкур хизмат йўл ҳаракати қоидабузарликлари бўйича ИИВ ЖХД ЙҲХХнинг Ягона автоматлаштирилган ахборот тизимини «Электрон ҳукумат» тизимининг идоралараро интеграллашган платформасига интеграция қилган ҳолда, Ягона интерактив давлат хизматлари портали орқали амалга оширилади.

Бунда ИИВ ЖХД ЙҲХХга йўл ҳаракати қоидаларининг бузилиши бўйича юборилган қарор ва хабарномаларга оғзаки ёки ёзма мурожаат (эътироз билдириш) қилиши мумкинлиги ҳам белгилаб қўйилмоқда.

ROST24.uz | Telegram | Facebook | Instagram | YouTube Ochish/sharhlash

2024-04-15 04:02:45 #Рост_ҳикматлар

Билимга сарфланган сармоя энг катта даромад келтиради.

Бенжамин Франклин

Кунингиз хайрли ўтсин!

ROST24.uz | Telegram | YouTube Ochish/sharhlash

2024-04-14 20:37:10 Ҳасанбой Дўсматов ғалаба қозонди

“IBA чемпионлар оқшоми”нинг асосий жангларидан бири ҳисобланган -51 кг вазн тоифасида Ҳасанбой Дўсматов ва испаниялик Самуэль Кармона жанги тўлиқ 10 раунд давом этди.

Ҳамюртимиз Ҳасанбой Дўсматов очколар ҳисобида ғалаба қозонди.

ROST24.uz | Telegram | Facebook | Instagram | YouTube Ochish/sharhlash

2024-04-14 20:05:51 Кундуз куни чироқларни ёқиб қўйганлар жаримага тортилмоқда

"Ўзэнергоинспекция"нинг хабар беришича, йил бошидан буён электр ва иссиқлик энергиясини беҳуда сарфлаш билан боғлиқ 247 та маъмурий иш расмийлаштирилган.

Маълумот ўрнида, электр ва иссиқлик энергиясини беҳуда сарфлаш (куннинг ёруғ вақтида чироқларни ёқиб қўйиш) ҳолатлари учун жавобгарлик мавжуд. Бунинг учун мансабдор шахсларга БҲМнинг 5 бараваридан 15 бараваригача миқдорда жарима, агар бу 1 йил давомида такрор содир этилган бўлса, БҲМ 15 бараваридан 30 бараваригача миқдорда жарима солишга сабаб бўлади.

ROST24.uz | Telegram | Facebook | Instagram | YouTube Ochish/sharhlash

2024-04-14 16:28:19 "Ислом оламида ўзини хўрлашга йўл қўймайдиган биринчи давлат пайдо бўлди"

Афғонистон ислом партияси раҳбари Гулбиддин Ҳикматёр Эроннинг Исроилга жавобини шундай изоҳлади.

Унинг сўзларига кўра, Эрон “Америка полицияси”га (Исроил) жавоб қайтарган ва камситилгани учун жим турмаган биринчи мусулмон давлатига айланди.

"Содир бўлаётган воқеалар учун жавобгарлик тўлиқ Тел-Авивда. Эрон ўзига хос тарзда ҳаракат қилмоқда", – деди Афғонистон сиёсатчиси Г.Ҳикматёр.

ROST24.uz | Telegram | Facebook | Instagram | YouTube Ochish/sharhlash

2024-04-14 10:32:46 Олдин ҳам судланган туман ҳокими ўринбосари пора билан ушланди

Қашқадарё вилояти Кўкдала тумани ҳокимининг ўринбосари плёнка маҳсулотлари ишлаб чиқарувчи хусусий корхонани «Ҳар бир оила – тадбиркор» дастури доирасида деҳқонларга плёнка етказиб берувчи таъминотчи сифатида тайинлаш эвазига 5 минг АҚШ доллари талаб қилган.

У сўралган пулдан 15 млн сўм олган вақтида ДХХ ва Бош прокуратура ходимлари томонидан ушланди.

Тергов давомида ҳоким ўринбосари "холис ёрдами" эвазига аввал ҳам 10 млн сўм олгани маълум бўлган.

У олдин ҳам ЖК 167-моддаси (ўзлаштириш ёки растрата йўли билан талон-торож қилиш) билан судланган.

ROST24.uz | Telegram | Facebook | Instagram | YouTube Ochish/sharhlash

2024-04-14 09:58:03 Женисбек Пиязов янги лавозимга тайинланди

Таниқли операчи Женисбек Пиязов Олий таълим, фан ва инновациялар вазирининг Маданият ва санъатни ривожлантириш бўйича маслаҳатчиси лавозимига тайинланди.

Ж.Пиязов Ўзбекистон, Қорақалпоғистон, Бошқирдистон ва Татаристон халқ артисти ҳисобланади.

ROST24.uz | Telegram | Facebook | Instagram | YouTube Ochish/sharhlash

2024-04-12 17:58:12 Ochish/sharhlash