2023-07-14 05:00:56
#Mulohaza
Go'zal fikr!Bir ayol doim ko'z yosh to'kardi. Uning katta qizi soyabon sotadigan savdogarga turmushga chiqqan edi, kichkinasi esa lag'mon sotuvchining xotini edi.
Ayol havo ochilib, quyosh charaqlayotganini ko'rganda, yig'lardi va o'ylardi:
- Qanday daxshat, endi qizalog'imni do'konidan hech kim soyabon sotib olmaydi. Endi nima qilamiz?
Havo buzilib, yomg'ir yog'a boshlasa, yana ko'z yosh to'kardi, endi kichkina qizini o'ylardi:
- Lag'monlar quyoshda qurimasa, qizim ularni sotolmaydi. Endi nima qilamiz?
Shunday qilib u har kuni, har qanday ob-havoda hasrat chekardi: hali katta qizi uchun, hali kichkina qizi uchun.
Kunlardan bir kun ayol bir donishmandga duch keldi, donishmandning unga rahmi kelib, nega bunday achchiq ko'z yosh to'kayotgani bilan qiziqdi. Ayol unga bor g'amini so'ylab berdi.
Donishmandning yuziga tabassum yugurdi va u shunday dedi:
- Sen, shunchaki, fikrlash tarzingni o'zgartir, chunki sen, baribir, ob-havoni o'zgartirolmaysan. Quyosh charaqlaganda, sen katta qizingni soyabonlari haqida o'ylama, sen kichkina qizingni lag'monlari haqida o'yla.
- Quyosh nur sochyapti, kichkina qizimni lag'monlari yaxshi quriydi, bugun savdosi barakali bo'ladi.
Yomg'ir yog'sa katta qizingni soyabonlarini esla
- Mana, yomg'ir boshlandi! Qizimni savdosi yaxshi bo'ladiganga o'xshaydi.
Ayolni bu maslahat juda quvontirdi.
U donishmandga minnatdorchilik bildirib, uning tavsiyalariga rioya qila boshladi. Shu kundan boshlab ayol ortiq ko'z yosh to'kmay qo'ydi, har on qizlari uchun xursand bo'lardi, oqibatda bechora onalarini ovutolmayotgan qizlarining ham, o'zining ham hayotida quvonch ortib borardi.
Qissadan hissa: haqiqat dunyo kabi qadimiydir - sen vaziyatni o'zgartira olmasang unga munosabatingni o'zgartir. Narsalarga boshqa nazar bilan qaray boshlashning bilan, hayoting ham boshqa oqim bo'ylab oqa boshlaydi.
Doimgidek xulosani o'zingizga qoldiraman
Doim yaxshilik izlang va buni yaqinlaringizga ilining
Azizaxon Tashxodjaeva
@PSXOLOGIYA
biz bilan albatta yuksalasiz!
18.0K views02:00